نفسي اعرف فى ايه

سلام عليكم و رحمة الله و بركاته

بجد انا زعلانة اوى و متضايقة جدا و مش عارفة فيه ايه

ايه السببب اللى ممكن يخلى ناس يعاندوا مع حد و يبقوا كارهينه

ناس بجد كنت و لازلت بعتبرهم اكتر من اخواتى ..فجاه حاسة انهم كلهم قالبين عليا وواقفين ضدي

مش عارفة السبب

هو فى بعضهم كانوا من زمان و هما بحس انهم دايما ضدي لاسباب معرفهاش

بس كنت بقول مفيش فى الدنيا حد كل الناس بتتفق معاه و برضه دول اخواتى بس بنختلف فى الراى

لكن فجاة حسيت انه كله بقى ضدي ..منغير ما مرة حد يقولى انتى عملتى كذا غلط و بطليه

ودة فى حين ان الحمد لله ناس كتير جدا غير الناس دى بيحبونى الحمد لله و بيقولوا انى معاملتى كويسة

معرفش هما بقوا يقفولى ليه على الكلمة و على اى غلطة


بجد مش عارفة انا زعلانه منهم و لا عايزة اصالحههم

حاسة انى بجد زعلانه اوى من شعورهم دة ناحيتى

و فى نفس الوقت زعلانه اكتر انهم يبقوا زعلانين منى و هما بجد احسن ناس عندى


نفسي اعرف في ايه و هى الناس بتتغير ليه و ليه بينسوا كل حاجة كويسة و يفتكروا العيوب بس


هو فى ايه انا عايزة افهم بجد حاسة انى مش عارفة حاجة







يا رب الحاجات دى تتحل بقى

اسألي الناس دي عن الاسباب



وحاول تحللي الموقف


شوفي ايه صفة الناس اللي زعلانة منك ، وايه صفة الناس اللي بتحبك


وشوفي ليه دول زعلانين وليه دول بيحبوكي


وشوفي هل الناس دول في نفس ظروف ومكان الناس اللي بيحبوكي ولا لأ؟

ولما تقدري تحللي الموقف وتعرفي اذا كان دول في نفس ظروف دول


ساعتها لو فعلا نفس ظروفهم ، يبقي سيبوهم يتحرقوا ، ما فيش مشاكل طالما انتي متأكدة انك صح


لكن لو دول في ظروف غير ظروف اللي بيحبوكي ، يبقي تراجعي نفسك مليون مرة


طبعا اقصد بالظروف


مثلا اخواتك واصدقائك ، او مثلا اصدقاء الدراسة واصدقاء النت

او مثلا الاقارب والاصدقاء

او زملاء العمل والاصدقاء العاديين



كده يعني


يا رب مشكلتك تتحل

دي مشكلتي يا سنو


مش ندي



يعني اللي داخل بمشكلتي مش محدد هو مين

مش محتاجة تحديد

الواحد لما يحس ان ناس ضده فى حاجات كتير وناس اللى حد ما كتير يبقى هو غلط

والناس اللى هى بتحبه وبتضحك فى وشه يدور كويس هى بتحبه فعلا ولا لا

على فكرة ممكن نكون بنزعل مع ناس كتير وده من حبهم فى انهم يشوفونا كويسين

وممكن هما يزهقو اننا مش بنتغير او بنفهمهم

لازم الواحد يدور كويس هو صح ولا لا من جواه مش من معاملة الناس

الزم ادور على نفسى كويس ومهما كان الانسان خطاء ولازم يتعلم علشان يصحح اخطائه

يا مشكلتي لازم تفصلي بين الشغل وبين تعاملك مع صديقاتك
تعاملك مع صديقاتك كويس ما شاء الله وعلاقتاكوا ببعض كويسه لكن هما مش جربوا يشتغلوا معاكي ممكن ساعتها يلاقوا نفس اللي لاقيينه الناس اللي شغاله معاكي
دي أول نقطه

السؤال اللي بيطرح نفسه هو ايه اللي لاقيينه الناس اللي شغاله معاكي عشان يعملوا كده
انا كنت لسه في موضوع هل ستشرب من الكأس في ساحة التنمية البشرية : لما تكون في موقف محدد وتلاقي الناس كلها بتعارضك هتصمم على موقفك ولا هتوافق على رأيهم وكده
انا شايف إنك تراجعي نفسك وتشوفي ايه اللي ممكن يكون حصل وضايق الناس دول
عشان انا عارف إنهم مش أشرار دول ناس طيبين
ونسيت أوقلك إنه ده شيء طبيعي في الشغل وإحنا في شغل فتوقعي إن ممكن الناس كلها تعارضك في حاجه وأشياء من هذا القبيل
لكن أهم حاجه إن الواحد ياخد الأمور ببساطه بعيدا عن مسميات الإضطهاد وانهم واقفينلي على اي حاجه والحاجات دي وإن تشوفي ايه اللي اتغير فيكي وخلى موقفهم يتغير تجاهك
يارب أكون وصلتلك وجهة نظري ومعلش عشان طولت في الكلام

ندى مين بس يا جماعه

مشكلتى دى لازقه فيا و لا ايه و الله ساعات مبكونش انا

بالذات فى مرة كنت متغاظة اوى كان حد بيقلدنى و كنت هموت و اقول دى مش انا


عموما خلاص

هى كانت فضفضة كدة و خلصت

و الناس دول فعلا طيبين و مشكلتى كمان طيبة

هما بس كانوا متلخبطين عشان مشغولين و كل اجة بقت تمام ان شاء الله الحمد لله

و لو حد لسة الامور عنده بعد التوضيح مش تمام .. يبقى شرير بقى

و ميرسي لردودكم

لا بس الموضوع كان نازل باسمك الاول

بسم الله الرحمن الرحيم

اين هذا ؟؟