تجربة القرود الخمسة

طريقة عرض الفكرة رائعة .. ربنا يكرمك

بالفعل اكبر خطأ ان هناك اشياء نقوم بها دون ان نفكر ما اصلها و فقط لمجرد اننا وجدنا اباءنا كذلك يفعلون

و هذه الجملة قد كانت سببا فى وصول البعض الى الكفر (اعوذ بالله ) فى الماضى
فهم يعبدون اصناما و يقولون وجدنا اباءنا كذلك يفعلون

علينا ان نتعظ من هذه المواقف و نعلم ان التقليد الاعمى قد يجعلنا نصل الى اشياء خاطئة كثيرة

فالله سبحانه و تعالى وهبنا عقلنا نفكر به ..يجب علينا استخداممه و التفكير فى كل شىء ..لماذا نفعله ..و هل يجب ان نستمر فى فعله ام علينا التوقف

بجد يامحمد القصه بافكارها واللى بترمز ليه رائعه

وعلى فكره النظام ده مطبق بالفعل حاليا ومحدش يقدر يغير

بس بصراحه بحس الحاجه الوحيده اللى ممكن تغيره هى اننا نساعد عقولنا ع التفتح

كل حاجه لها سبب بس فى ناس مش بتهتم تعلرف الاسباب والجمله المشهوره اوى

ابعد عن الشر وغنيله بالرغم انهم ميعرفوش اذاكانشر ولا لا


هى فكرتنى بحاجه كمان نفسى احكيها قريت مره فى كتاب عن الجدل والشعوذه

باختصار شديد 2 اصحاب متعلمين قرروا يخلوا الناس تبطل شعوذه ويبطكلوا جهل

فواحد منهم قرر انه

هايورح البلد ويقول انا المكان ده مكان معين بتاع ولى من اولياء الله ونسميه مبروك

اخترعواا لاسم هما الاتنين وبعدين الناس عرفت منهم ان ده مكان ولى وبدات فعلا

تروح وشيلاه ياسيدى وحاجات من دى

فجه اول واحد لصاحبه وقاله لازم نقول للناس الحقيه دا بيزيدوا يوم بعد يوم

هاتستغرب يامحمد من الرد اللى ازهلنى فوجئت انه صاحبه مصدق الحاكيه اللى هما الاتنين

اخترعوها لا وبيروح ام الاولانى قاله انت ناسى اننا اخترعنا الموضوع ده

قال اسكت متقولش كده على سيدك المبروك حرام عليك متفتريش عليه

وبقى مصدق جداااااااااااااااااااااااااااااااااااااااااااااااااااااااااااااااااااا

ومقتنع وكمان بيزوره وبيحاول يقنع صاحبه مع انهم مخترعين الحكايه ههههههههه

تسلم ايدك يامحمد بجد لها افكار من جميه الجهات اجتماعيه سياسيه ودينيه

بجد فوق الراااااااااااائعه ومش غريبه عليك جزاك الله خير عليها

رااااااااااااااااااااائعة بجد



موضوعك ده من المواضيع اللي بتستهويني جدااااااااااااا


كأغلب مواضيعك يا جميل

عظيم جداً أن الواحد يستكشف الأمور و يبحث عن الحقيقه حتى على الأقل عشان لما يعمل حاجه يعملها عن إقتناع وتَفَهُم

وكمان ذى ديننا الإسلام قال إن-أولو الألباب- أصحاب العقول هما اللى بيتفكروا وبيتدبدروا أمور الكون وحقيقته

بس المستفز جداً أن حكايه البيرواقراطيه و الروتين ده بيكون فى أحوتل كتير خارج عن ايد الواحد يعنى المشكله بتكون فى (المنظور والمفهوم) بالنسبه للمسؤولين عن أى حاجه

المنظور: انا بتحكم فيك وأنت لازم ترجع تانى وبالتلى بعمل اللى أنا عايزه -أعوذُ بالله -

المفهوم: وهو غلط جداً أن السلطه تحكم و العكس كلياً صحيح أن السلطه مسؤوليه وحمل على عاتق المسؤول

يعنى الأمور دى بتكون out of our hands ومحتاجه حملات توعيه

وعموماً شكراً على الإلتفاته المهمه دى بهذا الأسلوب الجميل
وجزاك الله خير

ميرسي اوى على (شكرا ) ربنا يكرمك ...

و عندك حق يا سمسمة الناس ساعات حتى اللى عامل حاجة و مالفها ممكن يفضل متعود عليها ..و القصه دى بيقولوا انها اصل كلمة (احنا دافنينه سوا )

احمد .. كلامك تمام بس برضه احنا ممكن لو فى حاجة فيها روتين غلط و ملوش سبب نحاول نغير فيه
يعنى احنا للاسف كتير بنزهق من الروتين اللى بيقابلنا مثلا لما نروح نعمل اى ورق و لا اى حاجة ..مع ان لما درسنا المحاسبة الحكومية انا حسيت باهمية الخطوات الكتيرة دى لانها بتعمل نظام رقابة داخليه قوى عشان ميحصلش غش

بس المشكله مش فى الروتين المشكلة فى التطبيق و ان اللى بيطبقوا كسلانين و مش بيقوموا بواجبهم صح ..زى ما تلاقى بتوع شئون الطلبة واحد بس اللى شغال و يفتحوا متاخرين عن معادهم


دة بالنسبة للروتين اللى مشهور انه بنتعرضله غصب عننا

لكن متهيالى اى حاجة تانيه مش هتبقى غصب عننا ..و نقدر نحاول انننا نتخلص منها ..سواء باننا نحاول نتفاهم مع اللى بيحط قيود عادات غلط علينا او انها لو حاجة مننا نفهمها صح و نحاول نغيرها

و هو عموما التغيير صعب شوية و بياخد وقت لكن ان شاء الله لما الانسان بيحاول بيوصل للى عايزه بفضل ربنا

بس المهم نتاكد الحاجة فعلا عايزة و محتاجه للتغيير و لا لا ..عشان ساعات بنبقى مش قادرين نتاكد العادة دى صح اوى و لا لأ ..زى كدة موضوع اللى تعرفه و تاعبك و لا اللى ماتعرفوش

بس ان شاء الله برضه لو بصينا بموضوعيه و حاولنا ربنا هيكرمنا و نعرف الصح فين

ربنا يهدينا جميعا للصراط الكستقيم و يرينا الحق حقا و يرزقنا اتباعه و الباطل باطلا و يرزقنا اجتنابه


و سلاااااااااام عليييكم و رحمة الله و بركاته

إيه يا عم المواضيع الجامدة دي؟

بجد رهييييييييب ... بس من أول جملة و أنا بقرأؤه كنت متأكد إنه إسقاط على حاجة مهمة ... بس أنا خدتها على محمل تاني وهو أحوال العرب عامة ً

يعني بالنظر للمثال

زمان حصلت حكاية 48 ودخلنا الحرب وعبد الناصر شارك بالنصيب الأكبر وخد معاه الملك حسين و حاول مع كذا رئيس تاني .. لكن لما مصر اتلسعت في 56 و 67 ... كلهم رجعوا ورا ومحدش وقف جنبنا تاني .. رغم إننا حتى لو كنا في منتهى القوة محتاجين الدعم و العرب كلهم يكونوا مع بعض علشان نكون أقوى ويكون ورانا ضهر نتسند عليه .. بس اللي حصل

إن جه بعد كدة السادات فهم اللي فيها وعرف إنه مش هيتقدم غير لو لوحده بس من غير م يعلن ده .. كان بيستخدم مصر بس علشان عارف إن اللي حواليه بيحذروه ويخوفوه من التقدم و الدخول في الحرب ... لكن برضه كان شئ مهم لما السعودية منعت البترول ومعاها كام دولة

ولأن حرب سيناء 73 كانت شئ مصغر جداً من القضية القومية العربية الكبيرة وهي فلسطين أو الجولان أو العراق دلوقتي وغيرهم

مع احترامي لكل هؤلاء لا أقصد الإهانة إنهم زي القرود دول ولا حاجة

* ملهوش لازمة الجزء ده خلاص ... مع الإعتذار لسعدان

اعتذار لسعدان واعتذرا للحمار انت بتعتذر لحاجات عجيبه

وكمان ندى قالتلك من اول ما دخلت المنتدى ليه بتقلل من نفسك ؟؟

ورق الجيش ده علشان يطلعوا عينكم بس مش اكتر يعنى بسيطه خالص

كان نفسى اخواتى يطلع عينهم زيكوا كده يلا سبحان الله

الموضوع جامد جداااااااااا والدليل المشاركات

الامل حاجة حلوة ..عايزنى ابطله ليه

بس صح لازم يبقى فى واقعيه مع الامل

بس انا بحب انى احاول احلى الحاجة فى عنيا عشان ما اعيشش فى كئابه و دة ليه تاثير كويس و بيخلى النسان يبقى احسن


بصى الحمد لله فعلا انا مجربتش حكاية المستشفيات ربنا يشفينا كلنا فمش عارفه فعلا

انا كنت اللى اقصده حاجات ورق كليتنا و كدة

المفروض اننا مثلا عشان ندفع المصاريف ..أروح شئون الطلبة اجيب اذن دفع بعدين اروح الخزنه ادفع بعدين ارجع تانى لئون الطلبه اديهم الوصل و صورتى و بعدين اجيلهم بعد فترة اخد الكارنيه


فكرة اننا بنلف من الشئون للخزنه ثم الشئون تانى دة عشان يا ستى يعم لنوع من الرقابه الداخليه

يعني لو موظف واحد كان ممكن يسرق ..لكن دلوقتى 3 فالمفروووض بيبقوا بيراقبوا على بعض و المستند الواحد ليه اكتر من نسخه عند كذا حد

فحاجة زى دى بسبب اهمال العاملين احنا بنتبهدل فيها بس فى الصح لو انا هاخد الورقه بسرعه و اروح هنا بسرعه و ارجع اديها لده بسرعه مش هتاخد وقت ..لأكن الطوابير بتخلينا مش طايقين نفسنا


بس برضه نقطة تانيه هو النظام فى حد ذاتته مش غلط الغلط و دة مش بس من العاملين ان مفيش عدد كافى من مكاتب الخدمة متوافقه مع عدد الجمهور اللى جاى قدامهم

يعني مثلا شئون الطلبة بيكون شباك لكل سنه انتظام و شباك لكل سنه انتساب يعني نقدر نقول كل شباك المفروض بيخدم حوالى 5000 شخص ..طبعا مش كلهم بييجوا فى يوم واحد و لا وقت واحد
بس لو افترضنا ان كلهم ملتزمين و هيدفعوا المصاريف فى اول اسبوع و الاسبوع يومين اجازة يعنى فى خمس ايام كل يوم الف واحد ..كتير اوى على شباك واحد


اما المستشفيات و الحاجات الطارئه فانا للاسف مش عارفه نظامها اصلا ايه و هل هما اللى بيستعبطوا و بيطبقوا غلط و لا دة فعلا صح





و حكاية تحاليل السفر انا صح زهقت انهم عملولنا 3 تحاليل ..بس دى طلبات السعوديه مش مصر و فى الاخر مفكروش فى المطار يكشفوا يشوفوا حد عنده انفلونزا خنازير و لا لا

فالسعودية هنا اللى السبب

بس برضه ممكن نحسن الظن و نشوف السبب ايه
هى الفكرة انننا بنعمل تحاليل فى المعامل المركزيه دى جهة حكومية بنعمل فيها تحليل دم بس و تقريبا هو بيكون للتاكد من خلو الشخص من الامراض المعديه
اما بقى التانى بيكون فى مستشفى خاصه بيعملوا كشف طبى شامل على الواحد و تلف على المستشفى كلها تعمل فى كل حته كشف على حتى العنين ..

فممكن دة حاجة و دة حاجة بس انا عقدتى من تحليل الدم عشان بيدوخني

يلا ناخدها بوجهة نظر نعذرهم فيها عشان ما نحسش اننا زعلانين برضه


مش قصدى سلبية او اننا نكون راضيين باستمرار الحاجات اللى مش عاجبانا

لكن قصدى ان فى حاجات احيانا ممكن تكون بسيطة و يكون ليها اسباب احنا مش عارفينها ممكن لو عرفناها نقول عندهم حق ..فليه نزعل نفسنا و نكتئب

اما لو حاجة نقدر نغير فيها و فعلا حاجة غللللط و سالنا و اتاكدنا انها غلط (مش مجرد حكم شخصى لينا ) لازم نحاول نغيرها بكل وسية نقدر عليها و لو حتى نستنكرها بقلوبنا و ذلك اضعف الايمان


و عشان كدة لو حاجة فعلا انا حسيت انها غلط اكيد مش هدافع عنها بس انا فى حاجات بحس ان لازم نفكر الاول ..
اصل ليه حد هيأذى حد و خلاصالا لو كان ليه مصلحة ممكن فعلا ساعتها نشوف ناس بتاذى

عموما بقى انا كدة ..و مبسوطة كدة و بحس انى لما بنجح فى شىء بيكون بسبب شوية التفاؤل دة و لما بسيبه مش بقدر اتحرك من مكانى اصلا

ايه رايكم بقى ؟؟؟؟؟؟؟؟


ربنا يكرمكم و يكرمنا كلنا و يرزقنا التفاؤل مع الايجابييييه ..يا رب

و سلااااااااااام عليييييييكم و رحمة الله و بركاته

كنت هأقول كلام كتير من اللي ندي قالته


بس هي سبقت بقي

ندود اصلا عنوان التفائل

لا رمز التفائل

لا محور التفائل

لالالالالالالالالالالالالالالا هى اصلا التفائل والتفائل اتعمل عشانها

ربنا يزيدها كمان وكمان ويجعلها دااااااااااايما متفائله ومبسوطه

انتي اللي جبتيه لنفسك بقى هرد على كل حاجة وهجيبلك عكس حاجات كتير ... أنا مش بهاجم التفاؤل .. ولا بدافع برضه عن الكآبة .. لكن بحب أمسك الأمور بطريقة متزنة

ندى كتب:

الامل حاجة حلوة ..عايزنى ابطله ليه

طبعاً .. بس مش عايزينك تبطليه على فكرة لأنك بتدي المنتدى والدفعة الأمل فعلاً و زي م قالت سنو

بس صح لازم يبقى فى واقعيه مع الامل

بس انا بحب انى احاول احلى الحاجة فى عنيا عشان ما اعيشش فى كئابه و دة ليه تاثير كويس و بيخلى النسان يبقى احسن
تمام ... و أنا بعمل كدة برضه علشان كدة عايش لحد دلوقتي بمعجزة الحمد لله ... بس برضه احنا اللي بنشوفه مش قليل

بصى الحمد لله فعلا انا مجربتش حكاية المستشفيات ربنا يشفينا كلنا فمش عارفه فعلا
كويس برضه لأن النهاردة أنا اللي روحت صورت ورق المستشفى علشان أعمل فصيلة الدم .. رغم إن ده مينفعش أصلاً لأنها مش مهمتي !

انا كنت اللى اقصده حاجات ورق كليتنا و كدة

المفروض اننا مثلا عشان ندفع المصاريف ..أروح شئون الطلبة اجيب اذن دفع بعدين اروح الخزنه ادفع بعدين ارجع تانى لئون الطلبه اديهم الوصل و صورتى و بعدين اجيلهم بعد فترة اخد الكارنيه


فكرة اننا بنلف من الشئون للخزنه ثم الشئون تانى دة عشان يا ستى يعم لنوع من الرقابه الداخليه

لأ مع احترامي ده نوع من الروتين أكتر منه رقابة .. لأن لو الضمير موجود كل حاجة هتكون تمام ... طبعاً مش كل الناس وحشة .. وأكيد مش كلو الناس حلوة ... لكن الرقابة لو بتتطبق صح وعارفين إن الرقيب الأكبر شايفهم وبيشتغلوا بأمانة كان زمانا من دول الاتحاد الأوروبي دلوقتي ! مش عارف إزاي بس حاجة زي كدة يعني

يعني لو موظف واحد كان ممكن يسرق ..لكن دلوقتى 3 فالمفروووض بيبقوا بيراقبوا على بعض و المستند الواحد ليه اكتر من نسخه عند كذا حد
أيوة صح كدة .. يعني بدل م موظف واحد بس اللي يسرق ... الـ 3 يسرقوا !!
لو شوفتي ورق الجيش كنتي هتعرفي إن كل إمضاء و ختم واحد بيتحكم فيهم و اللي بعده بيتحكم في اللي قبله وكل واحد يقولك " شوفنا بحاجة يا كابتن "
بس طبعاً علشان انتي ملكيش جيش علشان عندك اخوات ولاد وكدة .. أكيد هتاخدي إعفاء

فحاجة زى دى بسبب اهمال العاملين احنا بنتبهدل فيها بس فى الصح لو انا هاخد الورقه بسرعه و اروح هنا بسرعه و ارجع اديها لده بسرعه مش هتاخد وقت ..لأكن الطوابير بتخلينا مش طايقين نفسنا
الله أكبر ... شكراً لأن دي نقطة واقعية

بس برضه نقطة تانيه هو النظام فى حد ذاتته مش غلط الغلط و دة مش بس من العاملين ان مفيش عدد كافى من مكاتب الخدمة متوافقه مع عدد الجمهور اللى جاى قدامهم
ويرجعوا يقولوا مفيش شغل ؟ طب م هو لو الحكومة عينت ناس تنجر أكتر كنا هنخلص وكان زمانا دلوقتي لينا كلمتنا في مجلس الأمن !

يعني مثلا شئون الطلبة بيكون شباك لكل سنه انتظام و شباك لكل سنه انتساب يعني نقدر نقول كل شباك المفروض بيخدم حوالى 5000 شخص ..طبعا مش كلهم بييجوا فى يوم واحد و لا وقت واحد
بس لو افترضنا ان كلهم ملتزمين و هيدفعوا المصاريف فى اول اسبوع و الاسبوع يومين اجازة يعنى فى خمس ايام كل يوم الف واحد ..كتير اوى على شباك واحد
على فكرة هما عارفين كدة .. لكن لو خلصوا وظبطوا الكلام ده كمبيوتر وتبقى سجلات موجودة وقواعد بيانات ونطور نفسنا بقى هننجز كتييييييير أوي

اما المستشفيات و الحاجات الطارئه فانا للاسف مش عارفه نظامها اصلا ايه و هل هما اللى بيستعبطوا و بيطبقوا غلط و لا دة فعلا صح

لأ إطمني .. بيستعبطوا



و حكاية تحاليل السفر انا صح زهقت انهم عملولنا 3 تحاليل ..بس دى طلبات السعوديه مش مصر و فى الاخر مفكروش فى المطار يكشفوا يشوفوا حد عنده انفلونزا خنازير و لا لا

فالسعودية هنا اللى السبب
وفي الآخر بيزيد عندهم حالات الإصابة ... ربنا يحميكي ويبعد عنك الحكاية دي خلي بالك هناك وترجعي بالسلامة

بس برضه ممكن نحسن الظن و نشوف السبب ايه
هى الفكرة انننا بنعمل تحاليل فى المعامل المركزيه دى جهة حكومية بنعمل فيها تحليل دم بس و تقريبا هو بيكون للتاكد من خلو الشخص من الامراض المعديه
صح .. زي الراجل اللي عمل عينة أول مرة طلعت سلبية تاني مرة طلعت إيجابية !

اما بقى التانى بيكون فى مستشفى خاصه بيعملوا كشف طبى شامل على الواحد و تلف على المستشفى كلها تعمل فى كل حته كشف على حتى العنين ..

فممكن دة حاجة و دة حاجة بس انا عقدتى من تحليل الدم عشان بيدوخني

يلا ناخدها بوجهة نظر نعذرهم فيها عشان ما نحسش اننا زعلانين برضه
برضه ! أهو كدة بتحاولي وتضحكي على نفسك وتقنعيها إن الموضوع مش كبير أوي .. لكنه كبير فعلاً

مش قصدى سلبية او اننا نكون راضيين باستمرار الحاجات اللى مش عاجبانا

لكن قصدى ان فى حاجات احيانا ممكن تكون بسيطة و يكون ليها اسباب احنا مش عارفينها ممكن لو عرفناها نقول عندهم حق ..فليه نزعل نفسنا و نكتئب
هو من حقنا نزعل .. لكن أنا مع كل ده متفائل ... زي م بقول دايماً إني بتبسط بالمشاكل لأني الحمد لله بحاول ألاقيلها حل و لقيت كتير الحمد لله .. بس مش وقتها دلوقتي

اما لو حاجة نقدر نغير فيها و فعلا حاجة غللللط و سالنا و اتاكدنا انها غلط (مش مجرد حكم شخصى لينا ) لازم نحاول نغيرها بكل وسية نقدر عليها و لو حتى نستنكرها بقلوبنا و ذلك اضعف الايمان
يا صباح الاستنكار ! ده احنا شعب بيستنكر كل حاجة تقريباً حتى لو كويسة ! وندين ونندد والشلة المتخاذلة دي كلها بس الحكم الشخصي مهم علشان ده أكبر دليل علشان منكونش بنفتري على حد

و عشان كدة لو حاجة فعلا انا حسيت انها غلط اكيد مش هدافع عنها بس انا فى حاجات بحس ان لازم نفكر الاول ..
اصل ليه حد هيأذى حد و خلاصالا لو كان ليه مصلحة ممكن فعلا ساعتها نشوف ناس بتاذى
لأ فيه و شوفت ناس كدة النهاردة ظابط كمان

عموما بقى انا كدة ..و مبسوطة كدة و بحس انى لما بنجح فى شىء بيكون بسبب شوية التفاؤل دة و لما بسيبه مش بقدر اتحرك من مكانى اصلا

ايه رايكم بقى ؟؟؟؟؟؟؟؟
ده كويس ... بغض النظر .. كويس إنك تكوني نفسك ... بس تكوني متأكدة إنك ماشية صح .. مش شرط تمشي مع القطيع اللي يبدو عليه إنه صح أو فاكر نفسه إنه صح لكن ممكن تختصري الطريق وتوصلي أسرع وتطلعي انتي اللي صح
وفعلاً تفاؤلك بيساعد ناس كتير أوي ... يكفي إنك مش بتيأسي تكتبي المحاضرة في 30 صفحة علشان الناس تحس إنها كانت حاضراها .. ده انتي خيرك مغرك مكتبات بين السرايات .. جزاكِ الله به كل خير

ربنا يكرمكم و يكرمنا كلنا و يرزقنا التفاؤل مع الايجابييييه ..يا رب
يارب إن شاء الله .. أهم حاجة الإيجابية دي

و سلااااااااااام عليييييييكم و رحمة الله و بركاته

وعليكم السلام ورحمة الله وبركاته

اه صحيح انا شفت مره ع النت ان التجربه دى قام بيها اينيشتين


فى تجربته ضد الغباء لانه كان اكتر واحد بيكرهه


ياترى صحيح الكلام ده يامحمد

بصى يا ندى انا مش متفقه معاكى خالص

snow white كتب:

اه صحيح انا شفت مره ع النت ان التجربه دى قام بيها اينيشتين


فى تجربته ضد الغباء لانه كان اكتر واحد بيكرهه


ياترى صحيح الكلام ده يامحمد

اسمحلي يا محمد بالرد

أيوة صح .. على فكرة أنا دورت دلوقتي .. و أظن كنت قرأتها زمان بس مش فاكر .. إن أصلها كان على نظرية في الغباء كان بيتكلم عنها أينستين بالتجربة دي

لكن أكيد كل واحد بيعمل موضوع من وجهة نظره .. يعني سواء محمد اللي كتب الجزء الأخير أو الموضوع كله منقول .. فده عادي إن حد ياخد حاجة معروفة عند الناس ويغير فيها بطريقة تانية وتدي معنى تاني كويس

زي كدة الموضوع اللي نقلته فداء بتاع القصة دي نهايتها مش زي م احنا عارفينها .. بتاعت الأرنب والسلحفاة ده استخدام تاني لنفس القصة .. وده ذكاء على فكرة

فالحكاية عادي يعني .. وطبعاً محمد هو صاحب الموضوع يقدر يقول وجهة نظره .. أنا بس حبيت أوضح علشان لما المعلومة توصل للناس تكون صح وكلنا نستفيد من بعض بأكبر قدر

ربنا يكرمك على حالة النقاش دي