هل الدموع علامه ضعف ام تعبر عن احساس عميق بالنسبه ليك

قد نتعرض لمواقف كثيره في هذه الحياه

قد تثير حساسيه العين فتذرف بالدموووع

سواء اكانت هذه الدموع من اجل الفرح او من اجل الحزن


فعندما يبكي الشخص،

فإنه يخرج كل ما تراكم في نفسه من غضب وأسى وحزن،

ويعبر عن كل شعوور يجتاحه في تلك اللحظه

وعندما يكبت بكاءه فيصبح عرضه للامراض النفسيه

من ضيق البال وضيقة في النفس والكئابه وغيرها


وفي بعض الاحيان عندما يبكي شخص ما فانه يتعرض للسخرية او النقد

فيخشى ان يعبر عن مشاعره بالبكاء امام الناااس


فالبعض يقول ان البكاء علامة ضعف

والبعض الاخر يقول انه تنفيس عن النفس من الهموم التي تغمرها


وهنا يكون السؤال:

هل الدموع علامة ضعف ام انها تعبر عن احساس عميق في داخل هذا الشخص؟؟؟


في بعض الاحيان

وفي اوقات العزلة غالبا


نبكي لشيء بسيط ولكن نبكي من كثرة الكتمان في النفس

او من كثرة الهموم والاحزان المتراكمه على كاهل هذا الانسان الضعيف

تاتي لحظات نريد ان نفرغ كل ما بداخلنا من الهموم

ولكن في العزلة ....


لماذا في العزله ؟؟


واخيرا يبقى السؤال


و هل الدموع علامة ضعف ام انها تعبر عن احساس عميق في داخل هذا الشخص؟؟؟

همنقول للامانه

لا الدموع احساس عميق


والدموع دي بتفيض بعد ما يكون العمق ده كله اتملأ


علشان كده بيقولوا الواحد بيخرج الكبت وبيفك لما بيعيط


لأن الزيادة اللي بتخرج من احساس في صورة دموع دي ، بتبقي كابسة علي نفس الواحد



والدموع اللي بتبقي مكبوتة جوة دي عبارة عن البكاء الداخلي


وده اصعب بكاء



وده دايما بيبقي وسط الناس


وللاسف دايما ببكي من جوايا وجوايا قدام الناس ، في حين ان ممكن ساعتها الابتسامة تبقي عريضة علي وشي


وزي ما قولت قبل كده علي صفحات المنتدي ، نادرا ما حد بيحس بيا في الحالة دي

واللي بيحس بيا وبيقولي ، بجد ببقي نفسي اشيله من عالارض كده واحطه في عيني



شوفتي بقي ، الموضوع بتاعك جامد خلاني اتكلم وافضفض ازاي


ربنا يستر وما تعيطيناش بقي بموضوعك ده هههههههههههههههههههههههههه

لا طبعا الدموع عمرها ما كانت علامه ضعف

اه فى ناس كتير بيقولوا كده

بيقولوا الانسان لما يكون قوى عمره ما يبكى ولا حاجه تخليه يبكى اصلا

بس ان الانسان يبكى دى بتبقى حاجه كويسه علشان يخرج كل الكبت اللى جواه

و ناس تانيا مش بيعرفوا يبكوا لما بيبقوا زعلانين يعنى مش بيعرفوا يخرجوا اللى جواهم

و ده اوقات بيتقلب ضدهم تماما

بس انا الحمد لله لما ببقى مدايقه من حاجه او زعلانه اوى بعيط و بخرج كل اللى

جوايا

وانا بعتبر ان موضوع انى لما ببقى زعلانه بعيط و مش بكبت جوايا

ده نعمه من عند ربنا

موضوع جميل يا سنو

انا قليل جدااا لما تلاقينى دخلت موضوع ومشاركتى طلعت كبيره كده فيه

و ده بيدل انه موضوع عجبنى و جميل اووووى كده

ميرسى ليكى عليه

موضوع جمييييييييييييل

والله بالنسبه ليا الموضوع معقد اوى فى شرحه
عشان اقول الدموع دى ضعف ولا لأ لأن ده بيختلف من موقف لأخر
اصل ممكن تكون الدموع دى من زن جواك
ممكن تكون برده عشان ظلم اتظلمته
وممكن تكون احساس بالأخرين زى ما تقعد كده تشوف الحياه اليوم وتدمع


وبعيدا عن التعقيد

انا عن نفسى دموعى قريبه بس مش ممكن اعملها قدام حد
صعب اوى بصراحه عليا
مش معنى كده ان الدموع ضعف
بس من صغرنا فى البلد بيقولولنا الراااااااااجل ميعيطش
بس الراجل بيحس برده
عموما محبش دموعى تبان قدام حد خصوصا لو بسبب حاجه خاصه بيا هى السبب

وشكرااااااااااا يا اسماء موضوع جميل

اكييد هى تعبير عن الاحساس ..و تعبير صادق و جميل



كان نفسي اقرا كل الردود و ارغى كتير بس مش عايزة افتكر الموضوع دة دلوقتى

ربنا يبعد عننا دموع الحزن كلها و مندمعش الا لفرحة كبيييييييييييرة اوى

دموع الرجل قد تكون ضعف او احساس

لكن انا اراها غباء

واحترم جدا الانسان اللى بيقدر يتحكم فى نفسه ويفصل عن حزنه وفرحه

لكن مش بحب الانسان اللى بيعمل حلجة علشان يغطى شعوره

لكن فى الاخر الدموع احاسيس راقيه لا يعرفها الا الانسان

موضوع جميل وتسلم ايدك

اولا تسلم ايدك يا سنو على الموضوع لانه بجد جميل

وموضوع مهم من زمان وانا عايزه اتكم فيه بس ممكن اعلق على الردود

اكتر ما اعلق على الموضوع نفسه

اقتباس :

ممكن تكون برده عشان ظلم اتظلمته

اى دموع حزن فى الدنيا بتوجع وهى نازله على قد ما بتريح الانسان

وهو بيبكى لانه بيفرغ طاقه بكبوته جواه

الا دمووع المظلوم ,,دموع بتحرق بتبقى الدمعه ماشيه على خده نار

بتحرق قلبه قبل اى حاجه انه مظلوم وحقه مسلوب منه

بس مش قادر يرجعه ,,لانه تعب وحد ضيع تعبه بظلم ظلم صعب

بيبقى بيبكى علشان احساسه بالظلم واحساسه بضعفه عن استرداد حقه

لان الظالم اقوى (طالما ربنا امهله )

اقتباس :

بس من صغرنا فى البلد بيقولولنا الراااااااااجل ميعيطش

الجمله اللى كل ولد عربى اتربى عليها

ماتعيطش عيب لما الراجل يعيط

مع ان افضل الخلق صلى الله عليه وسلم بكى وكتيير كمان !!

قريت قبل كده ان البكاء حاجه صحيه جدا والمفروض ان الانسان اول لما يتعب يبكى

لان ده بساعد على تنشطي الغده الدمعيه وانه فى صالح صحته

لانه بيفرغ قدر كبير من الحزن او الغضب او الطاقه الكامنه

وان الانسان لو كتم كتيير جواه غلط جدا وانه هياثر على نفسيته واداءه فى الحياه و

اقتباس :

بس الراجل بيحس برده

دى حاجه من كتر ما جمله ماتعيطش انت راجل بحس ان الناس عايزه تخفيها

كان الراجل مش انسان والمراه هى اللى انسان مع انها مخلوقه منه

سبحان الله على البشر !!!

اقتباس :

دموع الرجل قد تكون ضعف او احساس

لكن انا اراها غباء

اقتباس :

لكن فى الاخر الدموع احاسيس راقيه لا يعرفها الا الانسان

تناقض غريب منين دموع الرجل شايف انها غباء

ومنين الدموع احساس راقى ولا يعرفها الا الانسان ؟؟؟؟

يا فداء انا حددت هنا دموع الراجل انها فى نظرى غباء ولا يجب ان يراها احد الا ثلاث

اهله وزوجته ودموعه فى خشية الله

لكن الدموع فى عموما احاسيس قد تكون ظلم او فرح او طاعة او رقى فى المشاعر او احساس بالضيق

هو ده قصدى

بجد الموضوع تحفه تسلم ايديك بس الراجل بطبيعته قويه وناددر لما يكون فى موقف ويدمع فيه بس فى راى ان الدموع ضعف لانى من الناس اللى دموعها قريبه جدا وكزا مره نفسي اعود نفسي على القوة فى مواجهه اى موقف

يبقى كلامى صح عن الراجل وده بالاجماع

ونفسنا تشاركى يا هبه معانا فى كل المواضيع وانتى بتبقى اون لاين كتير

ربنا يوفقك

Professor كتب:

يا فداء انا حددت هنا دموع الراجل انها فى نظرى غباء ولا يجب ان يراها احد الا ثلاث

اهله وزوجته ودموعه فى خشية الله

لكن الدموع فى عموما احاسيس قد تكون ظلم او فرح او طاعة او رقى فى المشاعر او احساس بالضيق

هو ده قصدى

دايما كده كلامك فيه غموض لحد ما توضحه ومهمه اوى الاسمايل دى

كتر منها يارب يفرحك بالنتيجه

وكده ابقى متفقه معاك فى الرأى شويه لانى معترضه على كلمه غباء شويه

انا شايفه انهم الاتنين انسان ونفس المشاعر الفرق ان المراه زياده شويه

يعنى لو راجل شاف موقف مؤثر او اتحط فى موقف صعب وتلاقائيا بكى وده مش بيحصل كتير طبعا

انا احترم ده مش هعتبره غباء

بس الحمد لله وجهات النظر تقاربت عن الاول

طيب الحمد لله

الدموع بالنسبالي باااااااااااااااااااااااااااب كبيررررررررررررررررر اوي للفرج