عايزة اعرف ايه؟

يا جماعة التنسيق بكره
عايزة اعرف شروط الالتحاق بكلية اداب اعلام حلوان او عين شمس
لو حد عارف جاجة عن كده يقولى
ان شاء الله هروح بكره حلوان عشان اسال فيها وفى تجارة وادارة اعمال
فيها اقسام تجارة خارجية وبريد ولغات
ومجموعها84.8 تقريبا
عايزة اعرف فى شروط تانى للكليات دى ولا ايه

ارجو الرد


اسفة للكتابة بالعربية

بصي يا مي انا مقدرش افيدك بصراحة فى حكاية اداب اعلام

بس ما اعتقدش ان ليها شروط معينه ..انتى فعلا احسن حاجة تروحى هناك و تسسالى


اما تجارة و ادارة اعمال بتاعت حلوان مانصحكيش بيها

بصى انا كنت ناوية ادخلها ان شاء الله


بس ماما لانها متخرجة منها نصحتنى مدخلهاش

اولا بعيدة و المشوار مقرف بجد و هيهلكك


ثانيا الاقسام التانية اللى فيها مالهاش اهمية ..ماما اتخرجت من قسم تجارة خارجيه جالها تتعين مدرسة ثانوى تجارى .
و حسب ما اسمع ان بتوع كلية اقتصاد مش بيلاقوا شغل و دى كلية قمة ..فغالبا القسم دة مش بيلاقوا حاجة خالص فى مجالهم

طبعا الارزاق بيد الله و ماما خريجة سنه 84 باين فاكيد الدنيا اتغيرت ..بس برضه مسمعش ان الكلية دى ليها اهمية اوى

هى بس اسمها مختلف

و زمان كانت حلوة عشان كانت فى الزمالك على النيل و مكانها حلو اوى

لكن دلوقتى بيقولوا حلوان اصلا الجو فيها لا يطاق و ملوث جدااااااا



و الاقسام زى احصاء و الحاجات دى ما سمعتش ان ليها لازمة برضه بصراحة



كمان جامعه القاهرة اشهر جامعه و افضل جامعه فى مصر فشهادتها احسن ليكي و حتى هتلاقى تجارة القاهرة مجموعها اكبر

بجد لو ناويه تجارة ادخلى تجارة القاهرة حلوة اوى و بعدين هتلاقى خبرات قد كدة معاكى ..كفايه اخوكى


و طبعا استخيري قبل كل شىء يا قمر

و ربنا يوفقك لاحسسسن حاجة ليكي

بس لو ناوية على تجارة القاهرة قولى بس و هنظبططططك

اه صح فكرتينى يا نونا

هى عموما عين شمس بجميع كلياتهاااا معروفه انها اصعب من القاهرة و مع ذلك القاهرة افضل

هى بجد افضل جامعه فى مصر و سمعتها احسن لما تقولى ان معاكى بكالوريوس من القاهرة احسن من اى جامعه تانية مصرية

بالظبط زي ما قالت ندي و نونا

بس في النهاية المجموع هو الي هايحدد

و كمان قسم تجارة خارجية انا بحس انه اسم عالفاضي و يكاد يكون مافيش فرق بينهم

و ربنا يوفقك و يرشدك للقرار الصح ان شاء الله ....

لو تجارة يبقي القاهرة


ربنا يوفقك ان شاء الله

شكرا ليكى يا ندى ونونا ومحمد وهشام
انا لسه راجعة من حلوان
وسالت عن اعلام فى اداب
لقيت انها بتاخد300 بس اعلى درجات المتقدمين
وبعدين عدينا على عين شمس ولقيت اعلام فى اداب ليها شروط تانية وهى انه لازم يكون مجموع اللغات 141 بس انا جبت137
وقابلت واحد فى عين شمس بس هو طالب فى 2تجارة حلوان
بيقول انها كويسة وفيها اقسام حلوة اوى خصوصا تكنولوجيا ومعلومات واقسام تانية غريبة اوى
وانا لسه مش عارفة لحد دلوقتى اعمل ايه
فى ناس فى حلوان لما قلتلهم مجموعى قالولى ان شاء الله احتمال كبير تدخليها
وقالولى ان فى قسم اثار فيها جميل اوى وبيقبلوا عد محدود جدا 130 او 30 مش فاكرة بس لو معاك لغات تلاقى شغل فى السياحة
يلا ربنا يسهل ان شاء الله
الى فيه الخير ربنا هيقدمه باذن الله

المهم يا جميل متنسيش الاستخارة

و شوفى ايه متوافق مع ميولك اكتر

هل حاسة انك هتحبى مجالات اداب اثار اكتر و لا اعلام اكتر و لا بتحبى المحاسبة و الادارة و الكلام بتاع تجارة اكتر و طبعا اسالى محمد اخوكى فيها

و ربنا معامى و يوفقك و حاولى تختارى الحاجة اللى تحبيها يا جميل

و لو بتحبى مجال السياحة نفسك تشتغلى فيه انتى برضه مجموعك يجيب سياحة و فنادق

و برضه عندك تربية و اداب باقسامها المختلفة التانية

و لو كنتى داخله فنون و نجحتى فيها ممكن تلاقى حاجات فنيه مجموعك يجيبها

اصلى كنت جايبة مموع قريب منك و فاكرة انى كنت جايبة فنون جميلة اسكندرية


الحمد له يا جميل ان شاء الله قصاك فرص كتير ..فكرى كويس و شوفى بتحبى ايه و استشيرى اهلك و اصحابك و استخيري ربنا و اكيد هتروحى احلى مكان ..و ربنا معاااكى

الحمد لله
إحنا شبه إستقرينا خلاص
وإن شاء الله خير

الحمد لله


ومبروك مقدما

الله يبارك فيك

الحمد لله نويت تجارة القاهرة
بيقولوا فيها مجموعة متميزة بيكون فيها الى جايبين اكتر من مجموع الكلية
ان شاء الله اكون فيها لان مجموعى89فى المية
وتجارة بتقبل 85.6
ربنا يسهل

الله ينور



مبروك مرة كمان



يللا احملي الراية من اخوكي ، وورينا الشغل


اخوكي كان بطل من ابطال الكلية ، عالاقل بالندوات اللي بينظمها

ربنا يكرمك يا هشام
احنا عيلة تجارية

هنحتل الكلية ونرفع علم جدو صبرى فيها
ههههههههههههه
ال صبرى تجارييين
الحمد لله على كده
الواحد المفروض يحسبها صح
مش مهم كلية ايه المهم انت فى الكلية ايه
المهم انك تثبت نفسك فى الكلية

Mai magdy كتب:

الحمد لله نويت تجارة القاهرة
بيقولوا فيها مجموعة متميزة بيكون فيها الى جايبين اكتر من مجموع الكلية

hhhhh...7elwa bi2olo di ya mai


ان شاء الله اكون فيها لان مجموعى89فى المية
وتجارة بتقبل 85.6
ربنا يسهل

Admin كتب:

الله ينور



مبروك مرة كمان



يللا احملي الراية من اخوكي ، وورينا الشغل


اخوكي كان بطل من ابطال الكلية ، عالاقل بالندوات اللي بينظمها

batal eh bas yabni

Mai magdy كتب:

ربنا يكرمك يا هشام
احنا عيلة تجارية

هنحتل الكلية ونرفع علم جدو صبرى فيها
ههههههههههههه
ال صبرى تجارييين
الحمد لله على كده
الواحد المفروض يحسبها صح
مش مهم كلية ايه المهم انت فى الكلية ايه
المهم انك تثبت نفسك فى الكلية

ya sidi ya sidi eih el kalam el gamed dah
3aizien sho3'l 3ali ba2a in saha2 Allah

عقبالي

بالطبع انت بطل يا صبري


وكلامك جميل يا مي


ان شاء الله تكملي احلام اخوكي وتحققي ما لم يصل اليه

مبرووووووووووووووووووووووووك القرار الجااامد دة

ان شاء الله هيكون احلى قرار خدتيه

و الله يا مي بجد شوفى كليه تجارة دى ماهياش قمة و لا حاجة
بس متتخيليش انا فخوووورة ازاى بانى معايا بكالوريوس ادارة اعمال من تجارة القاهرة

و حاسة انه احسن عندى من لو كنت دخلت اى كليه تانيه

و ان شاء الله تحسي الاحساس دة قريب اوى

فعلا


هو احساس بيجي لوحده كده مع ان الواحد عقليا ممكن ما يبقاش مقتنع بيه


بس عاطفيا مبهووووووووور بيه

السلام عليكم

انا جالي اداب انتساب موجه القاهرة

مبرووووووووووووووووووووووووووووووووووووووووووووووووووووك

بجد انا فرحاااانه ليييك اوى اوى اوى اوى اوى اوى

الف الف لاف الف مبرووووووووووووووووووووووووووووك


شفت بقى ان كلامك المتشائم بتاع زمان و الاحلام الضائعه دى كانت من الشيطان بيضحك عليك و اديك دخلت جامعه القاهرة و اداب قدام القبة بتاعتها مباشرةً اهه يا سيدي

الف مبروووووووووووووووووووووووووووك و يا رب يجيلك قسم يعجبك



و لولا عملت ايييييييييه ؟؟؟؟؟؟؟؟؟؟؟

يا رب يكون جالها هى كمان حاجة تفرح بيها

و مي خلاص تجاارة ؟؟

يا رب يوفقكم كللللكم و نفرح بييكوا دايييماااااااااااااااااااااااااااااااااا

مبروووووووووووووووووووك مبروووووووووووووووووووووووك يا مصطفي
ربنا يوفقك يارب
وماشاء الله جامعه القاهرة جميييله
ربنا يكرمك يارب

ألف مبروك يا مصطفى ... و حاول تدرس صيني أو أسباني أو أي لغة نادرة إن شاء الله عِبري
لأن الحاجات النادرة دي في أداب بتكون مطلوبة علشان جامدة أوي
وبتدرس لغة على أصولها

أعرف اتنين في أداب صيني الاتنين شغالين وهما في الكلية بس كانوا شاطرين ما شاء الله
منهم بنت سافرت الصين
حتى تقدر تقرأ أفكار "فومانشي" لأنه على رأي الشخص اللي كان بيتكلم بيقول "يا عم ده سيني "

ربنا يكرمك وأشوفك في الصين ..
وعلى رأي الفيلسوف الكبير جد محمد هنيدي في فول الصين العظيم
" الصين حلوة "
--------------------

و ألف مبروك يا مي .. هتبقي زميلة تبع الزمالة التجارية إن شاء الله ؟
ربنا يوفقك ويكون ده أفضل قرار ليكي إن شاء الله

موصكيش على إدارة بقى .. إسمعي كلامي هشغلك ؟ ( مش لما ألاقي أنا شغل الأول ؟! )
سيبك بقى مش شغل المحاسبة والحاجات دي وأخوكي يحاول يستقطبك علشان يعمل فيها محاسبجي وياخد منك فلوس بدل الدروس .. ( لأ بس محمد مش مادي أنا عارفه )

على فكرة المجموعة المميزة اللي بيقولوا عليها هي إدارة أعمال طبعاً
بس مش هيكون عندكوا ندى تصوروا منها المحاضرات بقى

انتي ادخلي وربنا يسهل المواد هي اللي هتقرر ..

ربنا يوفقكوا كلكوا إن شاء الله