عن الاجتماع الشهرى

بسم الله الرحمن الرحيم

أولا بحب أشكر كل الناس اللي كانوا موجودين كل الشباب الحلوين وقبلهم كلهم أشكر هشام على العزومه الجميله دي ووالدته على الأكل الرائع الجميل

ثانيا انا إتأخرت في المعاد بتاع الساعه 12 عشان كان عندي مشوار قبلها للسجل المدني وكالعاده إتأخرت هناك بس عرفت إن الشباب مقعدوش كتير في الدار

بعد لف ودوران لحد مصطفى محمود قررنا إننا نروح لبيت هشام وهناك نبدأ نشتغل الشغل بتاع البلح اللي كنا متفقين عليه
ولما وصلنا كان العصر بدا يأذن وصليناه سوا وقعدنا في الجامع نكيس التمر كل ثلاث تمرات في كيس صغير وندبسه وبعد فتره خلصنا الحمد لله نزلنا لبيت هشام عشان نستنى المغرب ونوزع التمر

وقبل المغرب بشوية بدأ الشباب في توزيع التمر على المارين في الشوارع وعلى الناس الغلابه اللي لسه موجودين في الشارع او الناس اللي كانت في الجامع في هذا الوقت

في نفس ذات الوقت كان في ناس بتشوي الفراخ عشان الفطار

ورغم الضغط بتاع الوقت عشان كنا متأخرين إلا إننا بفضل ربنا سبحانه وتعالى ثم عبقريتي الغير عادية في شوي الفراخ ومساعدة أشرف ليا (رغم إنه كان بيحاول يحرق الفراخ)

أنجزنا في جزء منهم والجزء الاخر تم بس متأخر شوية يعني ع العشاء كده

وخرجنا بعدها سوا وكالعادة اتفقنا بسرعه جدا على اللي احنا هنعمله في الخروجه لدرجة إننا رحنا كل الاماكن اللي كنا عايزين نروحها

===========================
الإستفادة امتزجت بالإستمتاع وعمل الخير لتنتج هذا اليوم الرائع في تاريخ إجتماعات كوميرس

يالا ياعم سمير عشان متقولش انى حارمك من حاجه

اصل انا الى وزعت الفرخه الاولانيه [ندعوك للتسجيل في المنتدى أو التعريف بنفسك لمعاينة هذه الصورة]

بس ما كلتش منها للاسف كنت عامل حسابى على الفرختين التانيين الى ماكنوش راضيين يستوا مش عارف ليه [ندعوك للتسجيل في المنتدى أو التعريف بنفسك لمعاينة هذه الصورة]