عن الاجتماع الشهرى

[ندعوك للتسجيل في المنتدى أو التعريف بنفسك لمعاينة هذا الرابط]

ملحوظة عشان لو حد مخدش باله .. رقم التليفون غلط Smile

بس اصلهم مصممين يبقى فى رقم Very Happy

السلام عليكم جميعا وحشتونى جدا ومبروك على التخرج للجميع وان شاء الله يبدوا حياتهم العمليه بشكل كويس والاجتماع ان شاء الله يكون احسن من الاجتماع اللى فات ونستفاد اكتر حقيقى كان نفسى المعاد يتغير بس مش مهم ان شاء الله اكون موجوده اشوفكم على خير ان شاء الله

ماتنسوش يا جماعه Smile

موعدنا غدا ان شاء الله السبت الساعه 11 فى المكان المعتاد وان شاء الله يبقى يوم جامد

المشكله فى ورق الجيش اللى دوخنى ده انا هطلع بكره الساعه 5 الفجر عشان اخلصه
ويارب الحق اخلص بدرى عشان اجيلكم ع الجامعه

انا فهمت انه هيكون فى الممر الى بين المسجد وتجاره انجليش اللى فيه القعدات الخشب
كده صح ولا ايه وادعولى انجز ورقى بقه عشان قربت اتخنق

ربنا يوفقك ان شاء الله وتخلص ورقك بسرعه والمكان زى ما انت قلت بالظبط

ربنا معااااااااااكم Smile

الأجتماع كان كويس والعدد بتاع الحضور مكنش بطال بس هي المشكلة في الإتلزام بالوقت
إحنا بدأنا متأخر ساعه تقريبا كان ممكن نعمل فيها حاجات أكتر بس الحمد لله في العموم هو كويس ومفيد
شكرا خليفه وممدوح وكل بالنبات والولاد اللي حضروا

طب ما تحكوا التفاصيل شوية

و كويس انكم عرفتوا ايه النقطة اللى كانت مش حلوة

ممكن نقول ان دة وراه مشكله ان الناس بتصحى متاخر فمعتبره 11 بدرى ..فممكن نعالجها و نخلى المعاد المة الجاية متاخر شوية ..فممكن يبقى المعاد مناسب اكتر للناس فيقدروا يلتزموا

بس قولولى بقى عملتوا ايه و افيدونا زى ما استفدتوا Smile

بصى يا ستى انا احكيلك كان اجتماع زى العسل كان بس ناقصك و الله بس عموما نشوفك قريب ان شاء الله احنا عملنا زى تعريف لكل واحد يطلع يقدم نفسة و يقولنا هو عمل ايه الفترة اللى فاتت و ناوى يعمل ايه الفترة الجاية فى دقيقتين و بعدين بقت دقيقة عشان نعمل ضغط شوية و بعد ما يخلص نديلة نص دقيقة يحضر فيها موضوع يشرحهولنا و يقنعنا بيه و بعد كده يقدمهولنا فى 60 ثانية و بكده اتعلمنا النهاردة مهارت التقديم الاقناع و ادارة الوقت و الابداع و التفكير عير التقليدى كانت الموضوعات بصراحة رخمة شوية يعنى مثلا محمد مجدى كان من نصيبة انه يشرحلنا لية النخلة ما بتطلعش برتقال و يسرا كان بتقنع لنا البنات ان لابد من تعدد الزوجات و كده الموضوع كان حلو اوى و ان شاء الله المرات الجاية هيكون البرنامج اجمد

افكار لذيذة اوى ما شاء الله

كان نفسي ابقى موجودة بس يلا بقى ..ان شاء الله اللى بعد الجاى اكون معاكم

و بجد مبسوطة انكم اتبسطتوا و استفدتوا الحمد لله

يا رب كل مرة تبقى اجمد من اللى قبلها

سلااااااااااااام عليييكم و رحمة الله و بركاته

الاجتماع مش بطال بس كان اجمل حاجة اني شوفت ناس كان نفسي اشوفهم اوووي يا كوتوماية ومحمد رجب

واتعرفت علي ناس شخصيات جميلة ومحترمة

زي خليفة و سمير وهيثم بجد شباب جامد ربنا يكرمهم ويكرمنا
ونكون حاجة بجد
في وقت صعب تحقيق الاحلام الا بالجهد والتعب

ويا رب الاجتماع القادم يكون اكثر ايجابية Very Happy

يا جماعة معلش لو نسيت حد Smile

مبروك الاجتماع

الله يبارك فيك يا بروف

انا كنت نازل ومش محضر حاجه Very Happy

بس اعدنا نفتكس انا وخليفه شويه حاجات كده فاظبطنا العمليه شويه نوعا ما

وللحديث بقيه ان شاء الله بس ادعولى قعد فى البيت شويه smillle

there are some ideas like fatma's idea .... can she explain it?

السلام عليكم ازيكوا يا جماعه اسفه انى تعليقى على الاجتماع جه متاخر بس المهم انا رايى ان الاجتماع كان كويس ما شاء الله بس يمكن الاجتماع الاول كان وضعه مختلف ومميزلانه الاول والافكار كانت هايله وتنظيمه كان كويس والاجتماع التانى برده كان كويس ما شاء اله خليفه كان قايم بدور كويس اوى فى الاجتماعين افكاره مميزهحقيقى انتوا خلتونى اشوف حاجات مختلفه مكنتش افتكر انها موجوده عندنا فى الكليه حقيقى انا فخوره جدا بانى عرفت المجموعه الهايله دى وفى نفس الوقت انا فخوره لان زميلى محمد مجدى فى محاسبه معايا وفى نفس الوقت مميز جدا وردوده هاديه ومقنعه ويسرا برده شخصيتها مميزه ومن الناس المتفاعلين جدا مع الفكره من الاجتماع الاول على عكس بعض الناس انا حسيت انهم فقدوا حمسهم يمكن شويه عامه المره الجايه ان شاء الله تكون احسن بس من فضلوكوا عايزين نتفق على برنامج الاجتماع بدرى ونكون مجهزين افكار ومواضيع مفيده نطور بيها نفسنا منسبش الموضوع يجى كدا لان لو سبنا ه مع الوقت هنفقد كلنا حمسنا للفكره وهدفها الاساسى اسفه لانى طولت بس ياريت حد يقولى على المشاركه الخاصه بالاقتراحات بتاعت الكليه فى انى منتدى بالضبط شكرا للجميع واشوفكوا على خير اجتماع الجاى

هوا يمكن كانت المشكله يا فاطمه ان ماكنتش فى حاجه متحضره كل الى انتى شفتيه ده كان وليد اللحظه وعشان كده كنت عايز اخلى الاجتماع 8/1 عشان نكسب وقت شويه نحضر فيه حاجه كده زى المره الى فاتت بس مانفعش Smile

وعشان كده مش عايزين الاجتماع يبقى معتمد فى الاساس على شخص او اتنين لازم نكون كلنا عايزين نشارك وعايزين نفيد زى ما عايزين نستفيد

وبجد ما شاء الله زى ما انت قلتى الناس عملت شغل حلو اوى سواء خليفه صبرى (خصوصا انه اتعرض لضغط Very Happy

)و يسرا وغيرهم ما شاء الله كانوا متميزين جدا وده الى انا بقوله يا جماعه ان اذا كان الاجتماع جامد فا هوا جامد بالناس الى فيه

هوا في كده كذا فكره اتقالت :
يسرا كانت عايزه تعمل حاجه كده زى تدريب على مهارات الانترفيو من خلال ان يكون فى محاكاه للموضوع فى الاجتماع واكتر ناس فينا عنده خبره شويه بموضوع الانترفيو تقيم وتشوف الاخطاء وتدى معلومات مرتده

كان فى فكره زمزم وهيا تنظيم زياره لدار ايتام

فى فكره برده انا فكرت فيها وهيا اننا ممكن مثلا عشان ندرب على الانجليزى شويه وناخد الناحيه العمليه فى اللغه ممكن نعمل مناقشات مفتوحه كام موضوع كده بس بالانجليزى وممكن ان شاء الله اجيب ناس زمايلنا فى اداب انجليزى يقيمونا فى اخر المناقشه مثلا ويقولونا ايه الغلطات الى وقعنا فيها او ممكن نخليهم يديروا المناقشه او يديروا الحوار من اساسه

عايزين افكار اكتر ومستنين افكارك يا فاطمه وشوفوا ايه الافكار الى تحبوا نبدأ بيها

وطبعا صاحب الفكره هوا الى هيبقى مسئول عن تنفيذها Very Happy

بس كلنا مع بعض وبنساعد بعض فى الاخر

ياريت نلتزم بالمواعيد شويه يا جماعه مش الاجتماع يبقى الساعه 11 والناس تبتدى تتجمع على الساعه 12, لو المعاد مش مناسب نغيره مش مشكله

ما شاء الله عليكم

بجد من كلامكم حاجه تفرح بجد ربنا يعزكم ويكرمكم يااارب

ويوفقكم فى حياتكم ان شاء الله

وافكاركم حـــــــــــلوه اوى ربنا يبارك فيكم ياارب

بس بالنسبه للنقطه دى

اقتباس :: يسرا كان بتقنع لنا البنات ان لابد من تعدد الزوجات

انا عايزه اعرف بقى يسرا قات ايه وهل فعلا البنات اقتنعوا ؟؟

هى يسرا مش مشتركه على المنتدى هنا ؟؟ Very Happy

اولا شكرا على اهتمامك يا محمد بس بجد انا فعلا استفدت كتير من ساعه ما حضرت الاجتماع الاول وعرفتكوا انتوا كلكم بلا استثناء هايلين جدا ما شاء الله وبتخلونى اندم انى مدخلتش اداره وانا بحبها بس الحمدلله
المهم انا بشجع فعلا فكرت اننا نعمل مناقشه فى الاجتماع بالانجليزى بالعكس انا نفسى نكررها على طول ينى مثلا كل 3 اجتماعات نعمل اجتماع عن موضوع بالانجليزى لما نثبتها افتكر ده هيفيدنا كتير فى تقويه اللغه خاصه بالناس المهتمين وهيشجع الباقى حتى لو مش حابب مع الوقت هيجرب ويحاول يتعلم وان شاء الله مستوانا كلنا هيتحسن بس عايزين ناكد الفكره حتى لو الناس مرحبتش بيها فى الاول مش مهم لان ده شىء اساسى فى تعلم اللغه هو الممارسه ومش هنلاقى فرصه احسن من كدا
انا اعرف موقع كويس جدا على النت بيعلم انجليزى وكمبيوتر وبيقدم كورسات مختلفه ده ممكن يساعدنا كتير خاصه الناس اللى مش هتقدر تنزل تدرب عليهم فى مكان وهو[ندعوك للتسجيل في المنتدى أو التعريف بنفسك لمعاينة هذا الرابط] اتمنى انكوا تدخلوا تشوفوه يمكن يفدكوا زى ما افدنى الحقيقه ربنا يكرمها شاديه هى اللى عرفتنى عليه
اما يا فداء بخصوص يسرا هى شايفه وانا مقتنعه بالراى ده جدا انى مثلا زوجى او اخويا يتزوج اكتر من واحده ده احسن علشان يعف نفسه وهو مش بيعمل شىء حرام ببالعكس ده ربنا حلله انا لو حريصه على دينهم يبقىاتقبل الموضوع بدل ما يعمل حاجه حرام يغضب بيها ربنا
الظاه انى كل ما هكتب مشاركه لازم اقول اد ايه انا ربنا بيحبنى لانى عرفت ناس زيكوا جميعا بلا استثناء ربنا يحبب فيكوا خلقه كمان وكمان يارب وانا معاكوا

اقتباس :: اما يا فداء بخصوص يسرا هى شايفه وانا مقتنعه بالراى ده جدا انى مثلا زوجى او اخويا يتزوج اكتر من واحده ده احسن علشان يعف نفسه وهو مش بيعمل شىء حرام ببالعكس ده ربنا حلله انا لو حريصه على دينهم يبقىاتقبل الموضوع بدل ما يعمل حاجه حرام يغضب بيها ربنا

ماشى انا معاكى فى الموضوع وانه حلال وكل حاجه

بس هى اتكلمت عامه كده ولا تعمقت ولا ايه ؟؟

يعنى حاليا بقى كتييربينادوا بالتعدد بسبه ارتفاع نسبه تاخر سن الزواج عند البنات

هل هى اتكلمت فى مواضيع شبه دى ولا ازاى فاهمانى ؟؟

واحب اقولك انك هتفضلى تحمدى ربنا انك عرفتى الناس الى

هنا كتيير لانك كل يوم هتكتشفى فيهم حاجه احلى من اليوم اللى قبله

اصلى مجربه Very Happy

اولا انا متاكده انى هفضل احمد ربنا لان ده حقيقه وبصراحه هى حاجه ملموسه الناس هنا فعلا مختلفين ومميزين وطيبين جدا وحاجات كتير اوى ده شىء ملموس اوى وواضح
اما بخصوص يسرا انا مش هقدر اقولك الكلام بالضبط لانى مش هعرف بس هى غالبا قالت نفس الكلام يمكن بطريقه وكلام مختلف بس هو نفس العنى انا اتمنىان حد تانى يدخل يقولك التفاصيل لانى بصراحه مش عارفه
بس انا مبسوطه انى ده كمان رايك يالا ربنا يكرمك واتمنى اشوفك قريب معانا ان شاء الله

انا مبسوط بجد انى جتنى الفرصه وحضرت الاجتماع واستفدت منه كتير
ويارب اكون كنت ضيف خفيف وان شاء الله استمر فى الحضور

i donnot think soooo

اتمنى تشوفى اى حد الا انا ,,مش علشان حاجه بس علشان

انا مش ساكنه فى القاهره ولا الجيزه وكمان مكنتش معاكم فى الكليه Very Happy

مش مهم انك لازم تكونى معانا فى الكليه المهم اننا بنحبك فعلا من غير ما نعرفك ودى مش محتاجه انك تكونى ساكنه قريب اوبعيد
يا حيتى دى حاجه من عند ربنا يرزق بيها عباده اللى بيحبهم افكر بالحديث القدسى اللى يقول ان الله اذا احب عبدا قال يا جبريل انى احب فلان فاحبه فينادى جبريل فى اهل السماء ان الله يحب فلان فاحبوه فتنزل محبته فى اهل الارض
من عارف يمكن تكونى كده ربنا يحبب فيكى خلقه
وحتى لو كنتى مش فى مصر خالص ياستى يمكن يجى يوم وتزوريها وبرده نشوفك ان شاء الله

عايزه تعرضي اقتراح يا فاطمه ممكن تقوليه في ساحة الإقتراحات او لو متعلق بالكليه اوي واللي انتي قلتي عليه في الأجتماع ممكن تقوليه في الساحه دي

بجد و الله اسعدتووونى جدااااااااا ..انا كنت عماله قلقانه اوى قبل الاجتماع بس فرحت اوى لما شفت ردودكم دى و حسيت انه كان الحمد لله فعلا كويس

و يا ريت بقى تقولوا مقترحاتكم كلها ..ممكن مثلا لو نننزل موضوع فى ساحة المقترحاات حد يقول دى اقتراحات الاجتماع و نفكر و نطبقهم واحدة واحدة باذن الله

سلاااااااااام عليكم و رحمة الله و بركاته

» الاجتماع الاول لدفعتنا ..السبت الساعه 11 ان شاء الله
» الاجتماع الرمضانى السنوى...لصلاة التهجد جماعى
» الاجتماع ليلة رأس السنة للذِّكر والدعاء وقراءة القرآن!