كـــن كالمــــاء

جمييييييييييييييييييييييييييييييييل جدااااااااااااااااااااااااااا ورائع ومواضيعك اصلا بتخلينى اكتب كل

اللى جوايا ربنا يكرمك يامحمد



واسع الصدر والأفق

ألا ترى أنه لا يميّز حين يتساقط بين قصور الأغنياء
وأكواخ الفقراء ..!
بين حدائق الأغنياء وحقول الفقراء..!


فى بقابلها كتير بتبقى واسعه الصدر بس فى مواقف صعب تكون فيها كده بجد فى حاجات بتخنقك


غصب عنك ومتقدرش تتحكم فى نفسك مهما كانت درجه بساطتها بتحس انها تمس حاجه جواك



ليناً كالماء

يسكب في أوعية مختلفة الأشكال والأحجام والألوان
فيغيّر شكله.. لكن .. دون أن يبدّل تركيبه ..!

لو تقصد المظهر الخاجى فعادى ناس كتير بتغير من شكلها اما بقى التركيب اللى اسمه طبعه

ونفسك فصدقنى فى حاجات بتبقى مش حلوه من جواه لازم تتغير يعنى فى ناس لازم تغير من نفسها

جوه وبره انا مثلا شايفه انى فيا حاجات مش حلوه وبحاول اغيرها


نقيّاً كالماء

ألا ترى أن البحر طاهر مطهر لا يكدّره شيء
لو رميت حجرا.. سيتكدر سطحه لبرهات ..
لكن سرعان ما سيعود إلى ما كان عليه ..!

دى بقى لازم تكون موجوده فى كل الناس وبصراحه بحس ان اعضاء المنتدى جميعا تتوفر فيهم

صفه النقاء يارب ديمها



حكيماً كالماء

ألا ترى أنه إذا اشتد الحر تبخّر وانطلق نحو السماء
وحين يبرد الجو ويلطف يتكاثف و يعود إلى الأرض في قطرات المطر..!

بعض الموقف تجبرك انك تكون حكيم بس انا عن نفسى بتقابلنى ناس حكيمه فى غير وقتها يعنى

مش كل الامور عايزه حكمه فى امور لازمها عفويه وبلاقى ناس بتحسب كلامها كتير بتخنقنى

عيزاهم كده على طبيعتهم ولو وحشه الطبيعه غيرها ايه المشكله


صبوراً كالماء

ألا ترى كيف تندفع الأمواج نحو الصخور تارة تلو الأخرى
يوما تلو اليوم ..أسبوعا تلو أسبوع و قرناً بعد قرن
حتى تترك آثارها في الصخر الأصم..!

الصبر مفتاح الفرج يارب اجعلنا صبورين والله صابره على اخرى ومنتظره وطبعا الحمد لله





ودوداً كالماء

ألا ترى كم هو لطيف ذلك الندى الذي يظهر كل صباح
يداعب أوراق النبات الخضراء ويجري بين نسيم الصباح بخفه ..!

تصدق يامحمد فى ناس تعرفها 5 دقايق وتطبع فى الذاكره ودايما فاكرها وناس سنين ومش عارفه

تفتكرلها حاجه بحس الناس الودوده النقيه دايما قريبه لقلبى حتى لو بعيده عنى

جزاك الله كل خير




ومتواضعاً كالماء

ألا ترى أنه ينزل من أعالي السماء فوق السحاب
ويختبئ في أعماق الأرض..!

من تواضع لله رفعه التواضع اجمل صفه ممكن تميز صاحبها وتقربه من الناس بسرعه


اما اروح اشوف انت جبتلنا مواضيع ايه كمان جميله والحق ارد تسلم ايدك يامحمد

إنت عارف إن أنا طول عمري نفسى أبقى زي المياه بالظبط طول عمرى اكتر حاجة بتعجبنى فى الميه المرونة وكمان انها لما تقايلها صعوبة او عقبة بتتغلب عليها يعنى مثلا لو قابلت صخرة اما انها تدور حول الصخرة و تعدى او انها تتجمع لحد ما تعلى و تعدى من فوقها انا بعشق الميه

ربنا يكرمك على الموضوع الجامد ده

بجد أنا بحب الماء ده جداً .. بحس إنها نعمة مهمة أوي لازم نحافظ عليها مش علشان كتيرة دلوقتي نهدرها .. ربنا يهدينا

كنت لسة بقول لترافلر من كام يوم لما شوفته هو هشام في الجامعة بعد م شربت واستمتعت بطعم الماء اللي كما نعلم ليس له طعم أي أنه لا يمكن تشبيهه بطعم ولكنك تحس أنه له " طعم الماء "

وقولتلهم جملة استغربوها وفيه اللي ضحك كأنها هزار بس أنا بجد لسة مفكر فيها دلوقتي رغم إني بقولها علطول ( المية دي اختراع جامد جداً )

ضحكوا قالولي اختراع !!!

طبعاً ... لأنها من صنع الله وكل شئ حي منها طبعاً

بس فكر فيها كاختراع محدش يقدر يخترع مية مهما وصلت بيه العبقرية بجد
لأن الماء بسيط جداً لدرجة التعقيد اللي تخلي صعب حد يقدر يوصل لتركيبة سائل أو منتج أو مركب يعمل كل حاجة يتشرب لوحده أو يدخل في الصناعات المختلفة أو يروي الزرع المختلف ويطلع فواكه و خضروات بطعوم مختلفة بالطريقة دي وألوان مختلفة بالجمال ده

طبعاً المياه المعدنية أو الجوفية مش اختراع

عملوا المياه الغازية آه ممكن تتشرب لكن متعوضش عن الماء وكمان مضرة ولا تغني عنه ولو قولنا تصلح للشرب فقط لكن منقدرش ندخلها في الصناعة ولا نغسل بيها الملابس و الأهم
منقدرش نروي بيها الزرع لأنه هيموته مش هييحييه بإذن الله

معلش طولت لكن بجد أنا بحب المية جداً بفكر أسمي بنتي ( مايا )

شكراً على الموضوع وجزاك الله خيراً

جمييييل اوى ..بالذات موضوع المرونة

بحس ان المرونة فى التفكير بتبقى صعبة شوية و بتكون هى السبب دايما فى اغلب الاختلافات

لان بيبقى صعب الناس تفكر بمرونه و بان ممكن يبقى فى اكت من راي صح و ان ممكن يكون رايهم و راي الى بيناقشوه الاتنين صح بس كل واحد من وجهة نظر معينه

و بسبب افتقاد المرونة بيصمم كل طرف على رايه و مش بيتعامل بمرونه فبيحصل اختلافات فيها خناقات


بس ملحوظة رخمة شوية ..لازم اقول انى افتكرت ان الموضوع دة مكرر بس كان زمااااان اوى (فطبعا جمييل ان نشوفه تانى عشان الناس الى مشافتوش قبل كدة )

بس اصلى افتكرته لما شفت الجملة دى عشان فاكره انها عجبتنى

اقتباس :

ودوداً كالماء

ألا ترى كم هو لطيف ذلك الندى الذي يظهر كل صباح
يداعب أوراق النبات الخضراء ويجري بين نسيم الصباح بخفه ..!

و ربنا يكرمك بجد موضوع رائع زى كل مرة


سلاااااااام عليييييكم و رحمة الله و بركاته