حقنا فى جمعتنا

ازيكوا يا جماعه انا فكرت كويس فى الاقتراح وعايزه اعرفكوا انا وصلت ليه فيه انا شايفهاننا دفعه معوماتها دايما متاخره انا وكتير من اللى اعرفهم منعرفش ايه حقوقنا فى الكليه مكناش عارفين حتى المجالات المتاحه لينا منخلال دراستنا فى الكليه
بصوا اول حاجه هى انا عايزه يكون فى زى 3 محاضرات تمهيديه خاصه لسنه اولى لانهم بيكونوا جايين من ثانويه عامه ميعرفوش حاجه عن المحاسبه ولااى حاجه كده ده غير ان كتير من الناس فاكرين ان كل اللىيدخل تجاره لازم يكون محاسب المحاضرات هتكون متقسمه ل3فروع هتكون محاضره للمحاسبه دى هتكون بتوضح بشكل مبسط الفكره العامه عن الموادالمحاسبيه اللى هندرسها فى الكليه والهدف منها والمجالت المتاحه لينا فى الشغل بعد كده بحيث اننا نعرف ازاى نحددونختار التخصص منكنش تايهين وده اكيد هيكون كمان لاداره الاعمال والتامين هيكون لكل منهم محاضره خاصه توضح نفس الحاجات
بعد كده عندنا كمان الخدمات اللى الجامعه بتقدمها وكتير ميعرفش عنها حاجه زى التامين الصحى اللى كتير اوى بيسمعوا عنه متاخر وزى الانشطه والاسر والمسرح زاتحاد الطلبه اللى محدش بيعرف هما امتى بالظبط اختاروا رئيس الاتحاد اللى محدش يعرف عنه حاجه من اغلبيه الكليه ولا حتى بنعرف هما اصلا اهدافهم ايه ولا هما اصلا ايه اللى بيعملوا وازاى ممكن تدخل انتخابات الاتحاد اكيد ليه شروط معينه ليه منخليش الناس الجديده تعرف وتحاول لو عندها الاستعداد لده وده برضه ينطبق على الاسر اللى موجوده ومحدش يعرف دول بيعملوا ايه بالظبط او حتى لو عايز اعمل اسره جديده ايه اللى ممكن امله
والتعمل مع شئون الطلبه اللى فى الغالب فى اوقات كتير بضيع وانت بتخلص ورق عندهم الحقيقه انهم عندهم زحمه كتير وهما يمكن يكون عندهم حق بس يعنى هما لو بيخلصوا بسرعه الناس او لو بيقسموا الشغل بشكل سليم بينهم لان دايما الاحساس اللى بيوصل ان واحد بسمنهم بيشتغل والباقى مش بيعمل حاجه او لو حتى يرضوا على التليفون ويشوفوا استفسارات الناس هيوفروا على روحهم الزحمه والخنقه ويوفروا علينا المشوار والحر والزحمه اللى بنكون فيها والعطله اللبتحصل لو فى ورق ناقص
انا نفسى نساعد الطلبه8 الجدد علشان ميقعوش فى نفس المشكله اللى حصلت مع كتير منا وبرده ممكن نلحق الباقين ويبقى اسمهم خدوا فكره عن الكليه ومجالاتها
ممكن كمان نعرف احنا ممكن نتعامل مع الدكاتره ازاى لو مدنيش حقى او حسيت بظلم منه او اى مشكله تحصل بينا انا الجا لمين هو لو حصلت اى حاجه مش عجباه بيسحب الكارنيه ويبعتنا للامن انا بقى ممكن اعمل ايه
بصوا انا شايفه اننا لو قدرنا نعرف حقنا اللى بتوفروا لينا بلدنا متمثله فى الجامعه ااكيد هحبها اكتر وهحترمها اكتر ولو عرفت اخد حقوقى سعتها هعمل واجباتى لما احس ان تعبى مش هيروح على الفاضى وان بلدى بتقدرنى
اتمنى ان الاقتراحات فعلا تتعرض على العميد ويصدقنا ويحاول يساعدنا
وياريت لو مقدرناش نعمل ده فى الكليه خلينا نعملها حمله على المنتدى هنا وفى شباب تجاره علشان نساعد الناس على قد ما نقدر بس احنا محتاجين ضرورى حد يعرفنا احنا المعلومات بشكل كامل علشان تكون صح
انا تقريبا خلصت عايزه نشوف كل حد ممكن يكون ايه اللى مكناش عرفينونه ونجمع معلومت عنه واى حد يحاول يشوف ممكن ننفذ ده بشكل احسن ازاى
وشكرا جدا لزملائى الاعزاء فى منتدانا الغالى ربنا يكرمنا

ربنا يكرمك يا حبيبتى على الافكار الهايلة دى

بس هو انا عندى فكرة ..ان فعلا حلو اوى اننا نتكلم عن ادارة و محاسبة و تامين بالتفصيل ..بس نوجه دة اكتر لطلبة سنة تالته

و بالنسبة لسنه اولى فهما هيعيشوا 3 سنين من عمرهم الاول قبل التخصص فلو مممكن نكلمهم كلام عام اكتر ..و طبعا هيكون بيشمل الادارة و الماسبة و التامين و كمان المواد الاضافيه اللى بناخدها من كليات تانية


و حاجة كمان

هو انا كان عندى فكرة اننا نعمل بالباور بوينت برزنتيشن فيه تلخيص لكل الحاجات دى


ايه المواد و طبيعتها و اساليب المذاكرة الصح و ايه مدرجات الكلية و الاماكن اللى فيها و نظامها و المصاريف و الكارنيه و النتايج و التظلم والمحاضرات و الجداول و المجموعات و و و

كل حاجة

يعنى نمشى معاهم خطوة بخطوة

بحيث اى حد حابب يدخل تجارة يبقى عنده معلومات كتير تفيده

و ننشره على النت و نحاول و تبقى جامدة اوى ساعتها اننا نخليه فى الكلية و يدوها لاى طالب داخل تجارة

او نعرضهلهم فى بداية السنة و هما داخلين و لو بطريقة وديه مع الدكاترة (زى مثلا احنا السنه دى سنة رابعه ادارة 2008 اتفقوا مع دكتور اشرف عبد الرحمن و دخلوا معاه محاضرة و عرفونا بادارة و استقبلونا و شجعونا و كدة )
فاحنا ممكن نعملها لكل المجموعات اللى فى حاجة جديدة (اللى داخلين اولى و داخلين رابعه )

فايه رايك ؟؟

و الموضوع عموما هيبقى سهل ..لو قسمنا نفسنا ناس هتجيب المعلومات اللى احنا مش عارفينها كويس زى اللى انتى قلتى عليها و ناس تكتب المعلومات اللى احنا عندنا خبرة اكيد فيها زى طبيعة المواد و طرق مذاكرتها الصح و كدة و ناس فى الاخر تكتبهم بطريقة حلوةو تعملهم عرض حلو و ناس تنشرهم و كدة يعني نقسم الشغل و كله هيبقى تمام ان شاء الله

و ربنا يكرمك يا قمممر

افكار حلوة قوي
فعلاا
وانا كان عندي فكرة بس دي خاصه بالمتخرجين بس

وناويه اقدمها للعميد ان شاء الله بس هقترحها لد /حنفي ذكي
انه يعمل لينا محاضرة تجميعيه للمنهج كله عشان نفتكر كل اللي فاتنا
ده بالنسبه لمحاسبه
بس ان شاء الله هشوف د/حنفي وبعديه اشوف العميد ان شاء الله وياااااااااااااارب يوافقو يارب

وساعتها تبقي لكل انواع محاسبه
وتبقي لحاجات ادارة باذن الله
بس يارب تتم

انا كنت فى العسكرية وروحت قابلت د/عادل مبروك

واللى فرحنى انه افتكرنى وبقى الواسطة بتاعتى لحد ما خلصت الورق بتاع الجيش من الجامعة

وكمان قابلت د/حنفى وافتكرنى برده علشان كنت انا وزمزم شغالين على حاجات كده واتكلمنا معاه

فربنا يكرم فى الفكرة الجميلة ديه

واكيد احنا محتاجينها

انا هنزل الموضوع قريب يا فاطمه وهنحط فيه الإقتراحات بتاعتك إنتني وهبه وكل الأعضاء عشان نقدمها إن شاء الله
استنوا عليا شويتين بس وهعمله إن شاء الله

منتظراه يا محمد

وايه اخبار د\حنفي ذكي يا مصطفي
لم يذكر اي شيئ عن شغل اللي كنا مفروض نعمله

السلام عليكم ازيكوا ياجماعه ندى الافكار هايله بس على اد علمى انه مش هينفع نتحرك فى الجامعه من غير ما ناخد شكل رسمى وانا اقترحت عليهم فى الاجتماع فى الاول اننا نعملها كحمله على المنتدى وعلى شباب تجاره بحيث انها تكون اسرع الحقيقه خليفه قال ان الموضوع سهل اننا نعمل اسره فى الكليه وممكن ناخد موافقه العميد بس نشوففريق وناس متحمسحه للموضوععامه اتمنى ان الموضوع يحصل باى شكل بس يحصل علشان نلحق الناس /وانتى يا زمزم الفكره مهمه جدا لينا وياريت تتحقق لان فى كتير محتاجنها انا اولهم
بس يا جماعه مفيش مانع اننا نساعد سنه تالته بس كمان سنه اولى هما محتاجين ده كمان علشان يبتدوا دراسه فى الكليه وهماعندهم خلفيه كويسه عن التخصصات فيها وبالتالى دراستهم خلال ال3 سنوات الاولنيه تكون احسن ويكونوا محددين هما عايزين ايه بالظبط وكمان ده هيفيدهم فى ان اللى عايز يبدا فى مجل ويتخصص فيه يقدر يشتغل على نفسه من سنه اولى فى الكورسات والتدريب ةكل حاجه تفيده ان شاء الله علشان ميخلصش رابعه ويبقى قاعد زى كتير ممنا مش عارف يبدا منين بالظبط
اما انته يا محمد يا مجدى انا متاكده من كلامكوواثقه فيك متقلقش
ان شاء الله ربنايكرمنا ونعمل اى حاجه منها حتى لو صغيره ويا سيدى لو الموضوع مش ماشى احنا هنعمله على المنتدى وبرضه يبقى اسمنا عملنا حاجه
سلام

والله يا زمزم هو كلمنى قالى كنت فين

وبصراحة انا معرفتش ارد عليه اقوله ايه

قولتله نوجود بس حضرتك عارف الامتحانات والوقت كان ضيق

عموما اعتقد ان الوقت بقى مناسب لاى حاجة تتطلب منه

خيرا ان شاء الله

ان شاء الله

ربنا معاكى

أفكار أكتر من هايلة


تستحق التحية والانحناء امامها