الأصدقاء الستة في حياتك

السلام عليكم ورحمة الله وبركاته
بسم الله الرحمن الرحيم

حتى ننتقى أصدقاؤنا الذين مروا بحياتنا و سيمرّون ونتمنى معرفتهم أو تمنوا هم معرفتنا

الاصدقاء السته في حياتك
لكل ملكٍ أو أميرٍ مستشارون دائماً حوله ، ونحن أمراء أنفسنا..
فلنحيطها بهولاء الاصدقاء

الصديق المُنعش

صديقٌ أصغر منك سناً ، سيشعرك كم أنت محظوظ ٌ أنك وصلت لهذة المرحلة ، ستأخذ من نشاطه وحماسه وتتعلم منه كل ما هو حديث وجديد.

الصديق المُماثل

صديقٌ له نفس تخصصك أو نفس اهتماماتك أو يسكن في نفس شارعك ، هذا الصديق الذي يعيش حياة مماثلة لحياتك هو الوحيد القادر على أن يفهم
وجهة نظرك أو أفكارك عندما تحتاج إلى من تشكي له همومك.

الصديق الحكيم
صديقٌ تشعر أن لديه خبرة في أمور كثيرة ، ووجوده في حياتك يشعرك
بالأمان ، فعند أي مشكله ستجد من يمد لك يد العون بالمشورة.

الصديق المَرِح

صديقٌ يُنسيك مشاكلك وقلقك عندما تتحدث إليه فهو قادرة على تخفيف الحزن عنك بل قادر على أن يحملك على الأبتسامة و ربما الضحك بأعلى صوتك.

الصديق المُخالف
هو صديق ٌ يختلفُ في كل شيء عنك ، فإذا كنت في القسم العلمي فهو في
القسم الأدبي وإذا كنت ميسور الحال فهو أقل منك ، سيعطيك وجهة النظر
الأخرى من الحياة بل ويجعلك تشعر أنه ليس بالضرورة أن ما عند الآخرين
الذين يختلفون عنك في كل شيء أفضل مما عندك ، بل يدفعك للشعور
بالسعادة بما لديك.

الصديق التاريخ

صديقٌ شاهدُ عيانٍ على تقلباتِ حياتك مدّها وجزرها ، هذا الصديق قابلته ربما على مقاعد الدراسة في المرحلة الابتدائية أو حتى الجامعية فهو من الأصدقاء الأثمان ، فاحرص عليه و إن بَعُدَتْ بينكم المسافات.

و الآن هل تستطيع أن تحدد أياً من أصدقاءك الذين حولك ينتمي لأي نوع من هؤلاء الأصدقاء ؟

منقول

اقتباس :: الصديق المُنعش

اختى ريهام حبيبتى

اقتباس :: الصديق المُماثل

بوسى بسمه صاحبتى

اقتباس :: الصديق الحكيم

محمد كوتاميه

اقتباس :: الصديق المَرِح

اميره مصرى صحبتى ام دم خفيف

اقتباس :: الصديق المُخالف

ايمو حبيبتى محسسانى انى عايشه فى الجنه

اقتباس :: الصديق التاريخ

مش فاكره بصراحه

تسلم ايدك موضوع جميل يلحنظله

حلو اوى ربنا يكرمك

ربنا يكرمك ...

و دايماً تردي كدة أول واحدة وده إن شاء الله معناه إنك مش متضايقة من موضوع " تسريحة الشعر " ده Very Happy

مش تسريحة شعر هي اليل هتعمل كدة يعني ؟
على العموم أديني حالق شعري خالص علشان متزعليش Very Happy

انا ازعل منك لا طبعا

وبعدين انت اعترضت ع الناس اللى مالفين

مش اللى ناقلين

انا بحب الناس اللى تحلق شعرها خاااااااااااااالص مش عارفه ليه بيقولولى انتى عجيبه

وبعدين انا مابصدق الاقيك كاتب حاجه واجرى ارد

الوا ربنا يكرمك على الموووضوع

و بجد الاصدقاء من احلى نعم ربنا علينا

ولما يكون الصديق كويس فدة كنز لازم على راى عمرو خالد لما تلاقى صديق كويس تمسك فيه باديه و سنانك Very Happy

[quote="hanzala"]

اقتباس :

الصديق المُنعش [/size]

صديقٌ أصغر منك سناً ، سيشعرك كم أنت محظوظ ٌ أنك وصلت لهذة المرحلة ، ستأخذ من نشاطه وحماسه وتتعلم منه كل ما هو حديث وجديد.

ممممممم مش عارفه مين مش مصاحبة ناس اصغر منى
او فى اصغر منى بس مبحسش بكدة
زى فداااء طبعا

خلاص ممكن اقول مصطفى اخويا هو اللى اصغر
لكن مش بيحسسنى انى محظوظة و لا حاجة

لكن بتعلم منه كتيير

ممكن فداء منعشة بقى

ممكن اللى اكبر منى بشوية بس بحس انها الصغنتته ..ماريمور

و ولاء لوليتا كمان هى بقى اصغر و بحس انها صغنتوته
و لولا القمورة اديبتى الصغننتة

بمووت فيهم كلهم

[size=21]

اقتباس :: الصديق المُماثل

صديقٌ له نفس تخصصك أو نفس اهتماماتك أو يسكن في نفس شارعك ، هذا الصديق الذي يعيش حياة مماثلة لحياتك هو الوحيد القادر على أن يفهم
وجهة نظرك أو أفكارك عندما تحتاج إلى من تشكي له همومك.

ياسمييينة انتيكتى
ميزة فعلا انها معايا دايما انها بتقدر تفهمنى كويس

زى بيتين اللى مش شعر اللى كنت كاتباهم عنها Very Happy

بس هى مش مماثله بقى و لا حاجة

انا و ياسمين سبحان الله مختلفين فى حااجات كتير

بس اللى مقربننا اوى الحمد لله هو ان احنا بنحب بعض و بنساااامح بعض و عارفين بعض كويس فبنفهم بعض

سر صداقتنا التسامح Smile

و منمن كمان تشبهنى بس فى مجالات و مجالات يعنى Very Happy

كتير بنكون مختلفين و ندخل فى بعض Smile

بس الحمد لله قلوبنا بيضا برضه فبنفضل حلوين مع بعض

وحشووونى اوى اوى اوى

اقتباس :: الصديق الحكيم
صديقٌ تشعر أن لديه خبرة في أمور كثيرة ، ووجوده في حياتك يشعرك
بالأمان ، فعند أي مشكله ستجد من يمد لك يد العون بالمشورة.

مامتى حبيبتتتتتى طبعا

و كمان محموووود اخويا اللى واحشنى اوى

احب اسالهم اوى اوى و اخد رايهم حتى فى الحاجات اللى مالهمش فيها يعنى ممكن اسال محمود فى الادارة Very Happy

اقتباس :: الصديق المَرِح

اقتباس :: صديقٌ يُنسيك مشاكلك وقلقك عندما تتحدث إليه فهو قادرة على تخفيف الحزن عنك بل قادر على أن يحملك على الأبتسامة و ربما الضحك بأعلى صوتك.

كلللهم تقريبا
طبعا فداااء حبيبتى اسالى ابعتلها رساله اقلها انا زهقانه و هى تحاول تضحكنى و تخفف عنى دايمااا ربنا يخليهااالى و يكرمهاااا..يا رب

و محمود استاذ فى انه يضحكنى و انا زعلانه و يقولى فى الاخر انتى كدة تيجي بكلمتين حلوين Very Happy

اقتباس :

الصديق المُخالف
هو صديق ٌ يختلفُ في كل شيء عنك ، فإذا كنت في القسم العلمي فهو في
القسم الأدبي وإذا كنت ميسور الحال فهو أقل منك ، سيعطيك وجهة النظر
الأخرى من الحياة بل ويجعلك تشعر أنه ليس بالضرورة أن ما عند الآخرين
الذين يختلفون عنك في كل شيء أفضل مما عندك ، بل يدفعك للشعور
بالسعادة بما لديك.

مممممممممم مش عارفة

ممكن بوبة

هى ساعات كتير بتختلف معايا بس فى اراء بس يعني و كتير بستفيد انى ابص لوجهة النظر التانيه و اعرف طرق التفكير التانيه

برضه منى ممكن شوية

اقتباس :: الصديق التاريخ

صديقٌ شاهدُ عيانٍ على تقلباتِ حياتك مدّها وجزرها ، هذا الصديق قابلته ربما على مقاعد الدراسة في المرحلة الابتدائية أو حتى الجامعية فهو من الأصدقاء الأثمان ، فاحرص عليه و إن بَعُدَتْ بينكم المسافات.

كدة يبقى اكيد اسرررررتى Very Happy

بس كمان صديقة ليا بحبها اوى و لو اننا بعدنا كتير و اختلفنا كتير عن بعض لكن هى فعلا شاهدة على تاريخي و عارفين اخبار بعض دايما الحمد لله و بجد بحبها اوى

هنوووود

صاحبتى هى دخلت حقوق و كنا بعدنا عن بعض شوية فى تالته ثانوى الشيطان دخل ما بيننا شوية اعوذ بالله منه
و بعدين لما دخلنا الجامعه كليات مختلفة و هى شخصيتها اختلفت شوية وانا مش باخد على التغيير فبقت العلاقة بعيدة شوية

لكن دايما فى اتصال ما بيننا الحمد لله يمكن طبعاا اقل من زمان بمرااااحل دة كنا مش بنسيب بعض
لكن برضه فى اتصال حتى ولو مكالمه كل فترة طويلة لكن عارفين اخبار بعض دايما و متواصلين سوا

هى صاحبتى من تالته اعدادى و رغم اننا بعدنا شوية لكن بنحب بعض اوى اوى الحمد لله
و دة اللى مخلينا لسه متواصلين Very Happy

لان اللى بيحب حد بجد مش بيفارقه ابدا مهما كان لكن بيفضل دايما فاكرله الخير و بيحبه و بيحاول يتواصل معاه بقدر المستطاع

و كمان ولاء وحيد ..عرفتها فى اول يوم كليه ..و بموووووووووووووووووووت فيها
بجد من احلى الشخصيات
يمكن احنا مختلفين شوية لانها اعقل منى Very Happy

لكن انا بقدرها اوى و بحبها اوى و ساعدتنى كتييييييير اوى

لا يمكن انسى ايام الامتحانات و تليفوناتى انا وولاء

بجد كنا على طول مع بعض فى المذاكرة و عودتها تكتب زيي و بقينا نكمل محاضراتنا من بعض و من سنة اولى و احنا كنا نحل حاجات و نراجع مع بعض و نشجع بعض و نصحصح بعض لما نكون عايزين مننامش و نذاكر

ربنا يبارك فيهااا و يحميها و يكتب لها كللل خير

فاكرة فى سنة رابعه كنا مفتقدين بعض اوى و مش عارفين نكلم مين ايام الامتحانات بدل بعض Very Happy

ممكن اى حد يفتكر كدة دى صداقة مصلحة و لا حاجة بس بجد لا ولاء دى اختى بجد انا يوم فرحهها بقيت بعيط مش عارفة من ايه بس مبسوطة عشانها اوى و بجد حاسة ان هى اختى

ربنا يخلينا لبعض Very Happy

معلش رغيت كتيير بس اصلى مفتقداها اوى عشان معندهاش نت فمش بشوفها خالص ووحشانى اوى

يلا كفاية كدة و يا رب ما اكونش نسيت حد

انا بحب اصحااابى اوى اوى كلهم

و صلا ميتعدوووش هما كتير اوى Very Happy

الحمد لله كما ينبغي لجلال وجهه و عظيم سلطانه

ربنا يخليهم ليا

و سلاااااااااااااام عليييييكم و رحمة الله و بركاته

السلام عليكم ورحمة الله وبركاتة

اولآ:
موضوع بجد تحفة تسلم ايدك وربنا يكرمك
انا بحب الصداقه اوى واصحابى ليهم عندى مكانه خاصة جدآآآآآآآآ

ثانيآ:
اجابات بقى الموضوع

الصديق المنعش

مش عارفه اصلى مش ليا اصحاب اكبر منى

الصديق المماثل

آيات طبعآ

انااعرفتها من اول اسبوع فى الجامعه بس لاقيتها شبهى فى حاجات كتير

قربنا من بعض بسرعه قوىانا وهى كنا بدور ع معنى الصداقه الحقيقى ولاقينها فى بعض الحمد لله

بجد اكتر حاجة فرحتنى انى دخلت تجارة انى قابلتها

الصديق الحكيم

صحبتى وحببتى واختى الكبيرة فاطمة

الصيق المرح

سمر وآيات

بجد مهما اكون مضايقة او زعلانه مجرد ما اشوفهم برتاح

الصديق المخالف

اسماء احنا اصحاب من ثانوى بس مختلفين فى حاجات كتير

الصديق التاريخ

سمر ومروة

دول اصحابى من زمان مروة معايا من 4 ابتدائى وسمر من 3 اعدادى

ربنا يخلى اصحابى ليا

snow white كتب:: انا ازعل منك لا طبعا

وبعدين انت اعترضت ع الناس اللى مالفين

مش اللى ناقلين

انا بحب الناس اللى تحلق شعرها خاااااااااااااالص مش عارفه ليه بيقولولى انتى عجيبه

وبعدين انا مابصدق الاقيك كاتب حاجه واجرى ارد

ربنا يخليكي . ده العشم برضه

و كويس إن خلاص سوء التفاهم راح

و على فكرة أنا مش حالق شعري خالص أوي يعني ... على درجة 4 كدة قصير آه بس كان شكله حلو قبل م أحلق دقني كمان Very Happy

أنا مكنتش بحب الحكاية دي علشان كنت فاكر إن شكلي هيكون وحش لكن طلع كويس عادي يعني

و ربنا يكرمك على حكاية الرد دي ... مستنيين باقي المواضيع كدة Very Happy

ندى كتب:: ياسمييينة انتيكتى

:hhhhhhhhhhhh:

شكراً على الرد الموسوعي ده Very Happy

لأن عجبني إنك خدتي راحتك أوي ... ده كويس على فكرة على الأقل تبقي فاكرة مين اللي مفروض تشوفيهم أول م تيجي بالسلامة إن شاء الله

فعلاً الأصدقاء دول حاجة جميلة أوي ... و تنوعهم أجمل
لازم الواحد يكون عارف ناس مش شبه بعضها لأن كل واحد منهم بيكسبه خبرة و تجارب حتى لو من يغر م يقصد
الواحد بيستفيد من كل اللي حواليه من غير م يعرف و طبعاً يُستحسن إنهم يكونوا كويسين فعلاً
و لو إني في النص فيه ناس كدة بتيجي في حياة الواحد مش بيكونوا مرغوب فيهم
بس أكيد بنستفيد منهم برضه علشان نتعلم منقعش في الاختيارات السيئة دي تاني

ربنا يوفقك في حياتك انتي و صاحباتك كلهم وتفضلوا متجمعين علطول إن شاء الله لحد م تدخلوا الجنة مع بعض

نونا كتب:: السلام عليكم ورحمة الله وبركاتة

اولآ:
موضوع بجد تحفة تسلم ايدك وربنا يكرمك
انا بحب الصداقه اوى واصحابى ليهم عندى مكانه خاصة جدآآآآآآآآ

ثانيآ:
اجابات بقى الموضوع
الصديق المنعش
مش عارفه اصلى مش ليا اصحاب اكبر منى
الصديق المماثل
آيات طبعآ
انااعرفتها من اول اسبوع فى الجامعه بس لاقيتها شبهى فى حاجات كتير
قربنا من بعض بسرعه قوىانا وهى كنا بدور ع معنى الصداقه الحقيقى ولاقينها فى بعض الحمد لله
بجد اكتر حاجة فرحتنى انى دخلت تجارة انى قابلتها
الصديق الحكيم
صحبتى وحببتى واختى الكبيرة فاطمة
الصيق المرح
سمر وآيات
بجد مهما اكون مضايقة او زعلانه مجرد ما اشوفهم برتاح
الصديق المخالف
اسماء احنا اصحاب من ثانوى بس مختلفين فى حاجات كتير
الصديق التاريخ
سمر ومروة
دول اصحابى من زمان مروة معايا من 4 ابتدائى وسمر من 3 اعدادى
ربنا يخلى اصحابى ليا

طب كويس والله .. هو المُنعش بيكون الأصغر منك مش أكبر

و بعيداً فعلاً عن التسميات دي أو إنهم 6 بس أكيد في تسميات تانية

بس الفكرة كلها عجبني إن الناس ترد و تقول و تفكر وتفتكر أصدقاءنا من غير م يعروفوا ... نوع من حسن الأخلاق كدة

ربنا يعلي أخلاقكوا كمان و كمان إن شاء الله

و شكراً لردك .. ربنا يوفقك ويكرمك

جزاكم الله خيراً جميعاً

السلام عليكم ورحمة الله وبركاته
بسم الله الرحمن الرحيم
وعليكم السلام ورحمه الله وبركاته

وطبعا انا رديت علي اصدقائي بس اسرتي دي طبعا كل دول بجد الحمد الله كل واحد موضوج في نوع منهم

وتانيا موضوع جميييل جدااااجدااااااااااااااااا

وتسلم ايديك عليك

الصديق المُنعش

اصغر مني في كتيييييييييييييييير
في يمني وفيه فداء طبعا وايه ووسام وايمان محمد

الصديق المُماثل
فيه ايمان خالد ومروة فنون بجد
اروع اتنين اعرفهم ربنا يخليهم ليا بجد

الصديق الحكيم
رانياااا وايمان فنون وريهام فنون وجروب الفيس بوك

الصديق المَرِح

فداء ربنا يكرمها يارب
ومروة فنون اكيد وايمان الاتنين
وساعات ندي

الصديق المُخالف
ندي برده Smile

دايما معترضه معايا
بس بتعلم كتير من اختلاف ده Very Happy

وفيه كمان فداء شويه بس خلاف بسيط قوي
ويمني

الصديق التاريخ
مروة فنون اكييييد وايمان دول صحبة عمري
ربنا يخليهم ليا ويجعلنا صحبة الخير يارب
وفيه سمر وفيه

جزاك الله خيرا علي موضوع
موضوع حلو قوي

انا جاي يعني جاي للموضوع ده

ربنا يكرمك يا زمزم على الرد

والحمد لله إن في عيلتك أصدقاء ينطبق عليهم ده

ما شاء الله كل صاحباتك ربهام فنون و مروة فنون و إيمان فنون ... إخوات دول ؟ Very Happy

ربنا يوفقك ... و أشوفك خريجة فنون أد الدنيا Very Happy

بهزر طبعاً ياريت متزعليش

وشكراً لردك .. ربنا يخليكي لصاحباتك

مستنيييك يا إتش Very Happy

hanzala كتب:: ربنا يكرمك يا زمزم على الرد

والحمد لله إن في عيلتك أصدقاء ينطبق عليهم ده

ما شاء الله كل صاحباتك ربهام فنون و مروة فنون و إيمان فنون ... إخوات دول ؟
ربنا يوفقك ... و أشوفك خريجة فنون أد الدنيا

بهزر طبعاً ياريت متزعليش

وشكراً لردك .. ربنا يخليكي لصاحباتك

ههههههههههههههههههههههههههههههههههههههه

ماشي يا حنظله
لا انا بقول فنون عشان انا مسميه كل جروب بصفه معينه
يعني هتلاقي في مروة تجارة ومروة فنون
ودينا السن وسمر ثناوي
وهبه اعدادي
كده يعني
عشان متلخبطش بينهم

وتصدق بقي نسيت جروب درييييييييم
ههههههههههههههههههههه

فهضيف ياسمن دريم و وجروبها برده من اصدقاء المرحين عندي

دريم دول اللى هما مها و ولاء و مها و نادية و ياسمين ؟؟ Smile

ازييهم عاملين ايه

صحيح يا بوبه و انا بتفرقينى عن ندى التانيه صاحبة مروة ازاى

ممكن هى اسمها ندا على فكرة و انا ندى بس مش عارفه النطق هتفرق ازاى Smile

-------------

و ميرسي اوى على ال(شكرا ) ..متخيلتهاش خالص دى على الرد الرغى بتاعى Smile

ربنا يكرممممممممممممممك

هو فعلا احلى حاجة فى الموضوع انه فيه وفاء لاصحابنا كدة

هعمل زى ما انت بتعمل لفداء و اقولك بيفكرنى بموضوع كنت ناوية انزله اسمعه دعوة للوفاء Very Happy

بس بجد موضوع حلو و فكرنى بكل اصحابى

ربنا يكرمممممممك عليه

السلام عليكم ورحمة الله وبركاته

هو المُنعش بيكون الأصغر منك مش أكبر

معلش انا كنت كاتبها ع المعنى دا بس كنت مهنجة خالص
كمان المشاركة اتمسحت اكتر من الاول

.:•زمزم•:. كتب:: ههههههههههههههههههههههههههههههههههههههه

ماشي يا حنظله
لا انا بقول فنون عشان انا مسميه كل جروب بصفه معينه
يعني هتلاقي في مروة تجارة ومروة فنون
ودينا السن وسمر ثناوي
وهبه اعدادي
كده يعني
عشان متلخبطش بينهم

وتصدق بقي نسيت جروب درييييييييم
ههههههههههههههههههههه

فهضيف ياسمن دريم و وجروبها برده من اصدقاء المرحين عندي

ولا يهمك ضيفي براحتك .. أنا أخويا بيعمل كدة لما يكون ليه ناس اسمهم متشابه برضه Very Happy

ربنا يزيد صاحباتك كمان وكمان و تكونوا كلكوا متجمعين دايماً في الخير إن شاء الله

ندى كتب:: و ميرسي اوى على ال(شكرا ) ..متخيلتهاش خالص دى على الرد الرغى بتاعى

ربنا يكرممممممممممممممك

هو فعلا احلى حاجة فى الموضوع انه فيه وفاء لاصحابنا كدة

هعمل زى ما انت بتعمل لفداء و اقولك بيفكرنى بموضوع كنت ناوية انزله اسمعه دعوة للوفاء

بس بجد موضوع حلو و فكرنى بكل اصحابى

ربنا يكرمممممممك عليه

م هو الشكر كان على كدة إنك كتبتي براحتك و افتكرتي أصدقائك و ده فعلاً معنى الوفاء .. ربنا يزوده عند كل الناس

أحياناً الرغي بيكون مفيد خصوصاً في محاضرات دكتور حسين عطا .. بيخلي الواحد ينجح في المادة ويفهمها برضه Very Happy

و شئ كويس إن الواحد يفتكر أصدقاؤه في غيبتهم بالخير أفضل من حاجة تانية

و طبعاً أنا استقدت لما انتوا كتبتوا كلام .. لأني بكره المواضيع المنقولة ... فكمان مش هيبقى موضوع منقول و في الآخر كل واحد يدخل يقولي موضوع حلو و شكراً ويمشي
لازم ناخد و ندي كدة زي موضوع عمل المرأة :lol:

ربنا يكرمك و يوفقك انتي و صاحباتك إن شاء الله

اولا الموضوع رووووووووووووووووعه

انا اى حاجه عن الصداقه لازم اكوووووووووون موجوده (لولا موضوع المناقشه الى اخرنى )

ثانيا بجد ربنا يكرمك يارب على الموضوع بيدا عن انه حلو اووووى وجميل وعاجبنى

بس ربنا يكرمك لانه الموضوع خلى ندى وهبه يتبونى وكمان كتبوا انى مهمه اووى عندهم وطلعت بفرح ندى cheers

اجاوب بقى

انا كل دول طبعا عندى يبوا ماما كل الاصدقاء دول ماما حبيبتى

اقتباس :: الصديق المُنعش

صديقٌ أصغر منك سناً ، سيشعرك كم أنت محظوظ ٌ أنك وصلت لهذة المرحلة ، ستأخذ من نشاطه وحماسه وتتعلم منه كل ما هو حديث وجديد.

مفيش الا الاء اه عندى اتنين اصحابى او تلاته

نهى وايمان وحفصه اخواتى من المسجد دول صداقه بقى لا اخوه المسجد بنات عرفتهم فى المسجد وحبيتهم فى المسجد وعيشنا اجمل اوقاتنا فى المسجد ولما بنتقابل بنتقابل فى المسجد يارب مااتحرم منهم ابداااااااااا حبهم ليه حلاوه تانيه فى قلبى بس للاسف مش بنشوف بعض الا فى الاجازه لما التحفيظ بيبدا فى اجمل مسجد دخلته لانه ذكريات اجمل اوقات

الصديق المُماثل

صديقٌ له نفس تخصصك أو نفس اهتماماتك أو يسكن في نفس شارعك ، هذا الصديق الذي يعيش حياة مماثلة لحياتك هو الوحيد القادر على أن يفهم
وجهة نظرك أو أفكارك عندما تحتاج إلى من تشكي له همومك.

طبعا امنيه انتمتى حبيبتى بتفهمنى وتحسى بيا وكانت ساكنه جمبنا كمان لمده 5سنين بس نقولوا وكمان دى وصلت صداقتنا انها بتعرف اذا كنت تعبانه ولا لا من احساسها حتى لو ماكلمتنيش خالص تتصل تقولى انتى كنتى تعبانه فى اليوم الفلانى لوحدها كده

وكمان انا ربنا رزقنى أصدقاء مماثلين كتير

زى مريم وندى ومها وهبه (بس سعات قليله بنختلف زى ماهى قالت )

الصديق الحكيم
صديقٌ تشعر أن لديه خبرة في أمور كثيرة ، ووجوده في حياتك يشعرك
بالأمان ، فعند أي مشكله ستجد من يمد لك يد العون بالمشورة.
امنيه بجد عاقله جدا هى الحكيمه بتاعتى

وطبعا لازم ابعت لندى مسج ده اساسى لا مفر منه وكمان لو معايا رصيد بكلم مها وهبه على طول

الصديق المَرِح

صديقٌ يُنسيك مشاكلك وقلقك عندما تتحدث إليه فهو قادرة على تخفيف الحزن عنك بل قادر على أن يحملك على الأبتسامة و ربما الضحك بأعلى صوتك.

الاء بتحاول بس الاغلب بتبعد و تسيبنى

وندى بتضحكنى جداااااااا وبرضه مها وهبه وطبعا فتحيه حبيبتى (ومحدش يالس على الاسم لانى بزعل )
وتسنيم بنت خالى ايام لما كانت هنا فى مصر

الصديق المُخالف
هو صديق ٌ يختلفُ في كل شيء عنك ، فإذا كنت في القسم العلمي فهو في
القسم الأدبي وإذا كنت ميسور الحال فهو أقل منك ، سيعطيك وجهة النظر
الأخرى من الحياة بل ويجعلك تشعر أنه ليس بالضرورة أن ما عند الآخرين
الذين يختلفون عنك في كل شيء أفضل مما عندك ، بل يدفعك للشعور
بالسعادة بما لديك.

معرفش دى ما امنيه علمى وانا ادبى وهى طب بيطرى وانا لغات بس مفيش خلاف ولا حاجه

بس بتدينى دايما المشاعر دى ايه حاجه ليهاعلاقه بالتفكير بعقل تبقى امنيه اكتر بنت شوفتها تقدر تفكر بعقلها اكتر من قلبها اموت واعرف ازاى Very Happy

الصديق التاريخ

صديقٌ شاهدُ عيانٍ على تقلباتِ حياتك مدّها وجزرها ، هذا الصديق قابلته ربما على مقاعد الدراسة في المرحلة الابتدائية أو حتى الجامعية فهو من الأصدقاء الأثمان ، فاحرص عليه و إن بَعُدَتْ بينكم المسافات.

دى بقى تلاته مفيش غيرهم وطبعا اولهم امنيه

وبعد كده مريم وفتحيه

والاء ده اساسى عايشه معايا لازقه يعنى (يارب تبقى لازقه طول العمر )

كنت اتمنى اكتب واحده معينه هنا بس الاسف فى ناس بتطلع اختيار خاطىء فى الحياه وبتبقى صدمه خاصه لو اكتشف الموضوع ده بعد 11سنه صداقه

مأساه كبرى

بس انا عندى اصحاب كتييير بحبهم اوووووووووى وعرفت بنات فى الكليه حلووين جدا

وقربت من واحده انا مكنتش بطيقها وبقت صديقه مقربه ليه

يعنى اميره وداليا ومروه اصحابى من الكليه اللى بجد يتقال عليهم انى طلعت من الكليه بيهم

وايام الكليه لو حاجه مضايقانى لازم بروحلهم وهما برضه

اللى بيقوموا بكل الحاجات دى معايا ساعتها

اجمل نعمه فى الدنيا الصحبه الصالحه

انا مكانما بروح بلاقى صحبه صالحه وو لاقيت ناس مش كويسين بعفرفهم واقرب منهم واحاول اغيرهم من غير ما اتاثرسلبى ودى من اكبر نعم ربنا عليا

ده غيران اللى ربنا يرزقه بصديق واحد صالح يبقى من اكبــــــــــــــــــــــــــــــــــــر النعم

فما بالكم باللى يرزقه باصحاااااب كتييييييير

الحمد لله انا عارف واحده كل يوم خناقه مع اهلها بسبب اصحابها الوحشين

وانا الحمد لله اهلى مطمنين جدا عليا وبيفرحوا باصحابى وبيثقوا فيهم كويس اوى

بجد شكرااااااااااااااااااا على الموضوع ده

انا اهم اشخاص فى حياتنى كلها بعد اهلى اصحابى

جزاك الله خيرااااااااااااااا

الصديق المُنعش

صديقٌ أصغر منك سناً ، سيشعرك كم أنت محظوظ ٌ أنك وصلت لهذة المرحلة ، ستأخذ من نشاطه وحماسه وتتعلم منه كل ما هو حديث وجديد.

مافيش علي ما اعتقد

بس ممكن اخويا وابن خالتي

الصديق المُماثل

صديقٌ له نفس تخصصك أو نفس اهتماماتك أو يسكن في نفس شارعك ، هذا الصديق الذي يعيش حياة مماثلة لحياتك هو الوحيد القادر على أن يفهم
وجهة نظرك أو أفكارك عندما تحتاج إلى من تشكي له همومك.

توأمي

الصديق الحكيم
صديقٌ تشعر أن لديه خبرة في أمور كثيرة ، ووجوده في حياتك يشعرك
بالأمان ، فعند أي مشكله ستجد من يمد لك يد العون بالمشورة. اي حد من قرايبي الكبار المقربين ليا

الصديق المَرِح

صديقٌ يُنسيك مشاكلك وقلقك عندما تتحدث إليه فهو قادرة على تخفيف الحزن عنك بل قادر على أن يحملك على الأبتسامة و ربما الضحك بأعلى صوتك.
توأمي

الصديق المُخالف
هو صديق ٌ يختلفُ في كل شيء عنك ، فإذا كنت في القسم العلمي فهو في
القسم الأدبي وإذا كنت ميسور الحال فهو أقل منك ، سيعطيك وجهة النظر
الأخرى من الحياة بل ويجعلك تشعر أنه ليس بالضرورة أن ما عند الآخرين
الذين يختلفون عنك في كل شيء أفضل مما عندك ، بل يدفعك للشعور
بالسعادة بما لديك.
بروفيسور ، دايما يقولي اني مختلف عن حاجات كتير ، ويقولي انت صح

الصديق التاريخ

صديقٌ شاهدُ عيانٍ على تقلباتِ حياتك مدّها وجزرها ، هذا الصديق قابلته ربما على مقاعد الدراسة في المرحلة الابتدائية أو حتى الجامعية فهو من الأصدقاء الأثمان ، فاحرص عليه و إن بَعُدَتْ بينكم المسافات.

بروفيسور

ياااااااااه

ردك موسوعي فعلاً يا فداء

ربنا يكرمك عليه ... و بالمناسبة فيه إسم كنت عايز أتكلم عنه Very Happy

لأ مخك ميروحش لبعيد :lol:

( حفصة ) إسم حلو أوي متخيلتش إن حد عنده الجرأة يسميه دلوقتي

ما شاء الله ربنا يكرمك و يوفقك و يجمعك بصاحباتك على الخير دايماً إن شاء الله

و ربنا يديم عليكي نعمة أصدقائك و يخليكي لأهلك و يرزقك من حيث لا تحتسبي

شكراً لردك ... و أكيد لو كان فيه ( شكر ) تاني كنت شكرتك .. انتي وكل الناس

إيه يا هشام ؟

انت عايز تعميني ؟

كاتبلي إجابات بالحبر السري ؟! Very Happy

و بعدين ده انت كدة متاخدش الدرجة كاملة يا ابني ! .. ده ندى و فداء و معظم اللي ردو مألفين كتب في صاحباتهم Very Happy

و بعدين فداء مش حاملة هم الطباعة بقى smillle

ولا زمزم كاتبة بالتفصيل كمان Very Happy

... و انت أول حاجة تقولي معنديش ؟ استلف ولا حاجة !

أومال بس أنا جاي أنا جاي ... محسسني إنك جاي على حصان
مش قولتلك لايق عليك تشتغل خيـّال Very Happy

ماشي يا عم ... على العموم متشكرين لردك ونورت الموضوع

نورتوا الموضوع كلكلوا والله يا جماعة و ربنا يخليكوا ويخليلكوا لأصحابكوا وميفرقوش أبداً إن شاء الله ويجمعكم كلكلم بيهم في الجنة

و ربنا يخليلي أصحابي برضه .. لأني بحس إني مش عارف أتنفس من غيرهم رغم إني بقالي كتير مشوفتش حد منهم منعزل تماماً ولا اللي عنده حصبة ! Very Happy

ارد عليك بقي وازنقك ، واقولك كش ملك

ما فيش كلام يوصف الناس اللي اللي كتبت عنهم

علشان كده ما كتبتش

لأن فيهم ناس لو وقفت علي رأسي لا يمكن اوصفهم واديهم ابسط جزء من اللي يستحقوه llllll

أنا مالي .. براحتك ياعم

ربنا يجمعك بتوأمك ده تاني إن شاء الله

اقتباس :: ردك موسوعي فعلاً يا فداء

انا اسفه على التطويل بس انا عند الاصدقاء وبنسى كل حاجه ما عدا هما !!

اقتباس :: حفصة ) إسم حلو أوي متخيلتش إن حد عنده الجرأة يسميه دلوقتي

كنت عارفه انه هيبقى اكييد فى تعليق عليه

وعلى فكره هى رايحه 2ثانوى يعنى اتسمت من زمااان Very Happy

وسالتها مره هى بتتكسف من اسمها (مره من سنين ) قالتى لا فى الاول كنت بستغربه

بس ماما كانت بتحكيلى عن ام المؤمنين حفصه وانها كمان بنت عمر بن الخطاب

وخلتنى احبها اوى وافتخر ان اسمى على اسمها

ويتهيالى ان دلوقتى الاسامى اللى على اسم الصحابه والصحابيات انتشرت اكتر من قبل كده

بدليل وجود اسم حنظله على المنتدى والاسم مش متدارج وانت مش بتتكسف منه Very Happy

فداءً لتراب القدس كتب:: انا اسفه على التطويل بس انا عند الاصدقاء وبنسى كل حاجه ما عدا هما !!

لأ عادي على فكرة .. أنا معنديش مشكلة إني أقرأ طالما كلام من القلب بيدل على الصدق
مش كلام جرايد و مجاملة وحشو ... و بعدين أنا مستمتع إن الموضوع خلاكوا تتكلموا عن حد غايب بطريقة كويسة

أنا الفكرة دي بتستهويني جداً " مين بعد م أموت بإذن شاء الله هيتكلم عني كويس ومين هيتكلم وحش ؟! "

كنت عارفه انه هيبقى اكييد فى تعليق عليه
أومال ليه م اتكلمتيش عليه ؟ و مقولتيش تأليس ؟ زي التاني ؟!

وعلى فكره هى رايحه 2ثانوى يعنى اتسمت من زمااان
يا سلام ؟ ... محسساني إن من زمان دي يعني كانت في إعدادية يثرب المشتركة !
و بعدين أنا قصدي على كلمة دلوقتي العصر اللي احنا فيه ده يعني . أكيد مش هكون فهمت إنها لسة مولودة ؟

وسالتها مره هى بتتكسف من اسمها (مره من سنين ) قالتى لا فى الاول كنت بستغربه

بس ماما كانت بتحكيلى عن ام المؤمنين حفصه وانها كمان بنت عمر بن الخطاب

وخلتنى احبها اوى وافتخر ان اسمى على اسمها

ويتهيالى ان دلوقتى الاسامى اللى على اسم الصحابه والصحابيات انتشرت اكتر من قبل كده

بدليل وجود اسم حنظله على المنتدى والاسم مش متدارج وانت مش بتتكسف منه
م هو ده مش إسمي الحقيقي .. ده نيك نيم ولو إني يشرفني طبعاً و لا أخجل لو ليا الإسم ده ...
ده غير إني لما اخترته كان على أساس الشخصية الرئيسية في رسومات ناجي العلي ...
مكنتش أعرف للأسف لجهلي إن فيه صحابي إسمه سيدنا حنظلة .. لكن الحمد لله عرفت . وصادفت إسم حنظلة كام مرة بس هو فعلاً مش " دارج " ...

» حياتك في كلمه
» فنجان القهوة وأولويات حياتك
» صور حياتك مقلوبة!!
» اصعب 12دقيقه فى حياتك ......
» المثل الاعلي في حياتك