كباية اليوم

تسلم ايييييييدك يا قمر على احلى كوباية

انا بمووووووووووت فيه

بس انا كنت بحطه فى اللبن و هو ساقع فبيقعد كتير اوى على ما اللبن يبقى فيه طعم البلح


كدة اتعلمت منك طريقة اسهل تسلم اييدك يا جمييييييييييل


و انا برضه بحب اكل 7 تمرات فى لبن مع السحور .


كل سنة و انتى طيبة يا قمر و بخير دايمااااااااا ..

مرسى ليكى يا عسل
و7 زى5 زى3
اى عدد فردى
ربنا يكرمك

لأ إزاي تقولي كدة

والله موضوعه مفيد لأن فعلاً فكرة إن يكون اللبن سخن بتخلي طعم البلح يبان فيه

و لو إني مش من هواة إني أكل البلح في اللبن

لكن أكيد بيكون طعمه أحلى لما يكون لوحده في مية لأنه بيكون مسكر أوي بالنسبة لي

وكمان أنا بحب أحط سكر على اللبن شوية فالسكر الطبيعي بتاع البلح يكون أفضل

و أفضل حاجة البلح في اللبن بس لأن الإضافات التانية سكرياتها زيادة وده غلط ... القدر المعقول كويس للصيام آه لكن الزيادة مضرة برضه

و أظن إن النبي نهى عن " الخشاف " ده إن الناس تحط كله على بعضه

لكن بلح في لبن يا سلام قمة الإفادة

جزاكِ الله كل خير على الموضوع وصياغة الجميلة اللي خلتني أكتب بالعربي دلوقتي و ابقى قولي لمحمد معلش بقى

ربنا يكرمك و صوم مقبول إن شاء الله

جميل اوى يا ميوى

احنا على طول على الفطار فى رمضان بنفطر

لبن و فيه بلح بيبقى طعمه جمييييييييل

بس الميه مع البلح بيبقى طعمها مش اوى باللبن احلى بكتير

تسلم ايدك يا جميل

حنظلة : هو انا مبحبش الخشاف ...بس ماله ؟؟

و ميويا تسلم ايدك يا قمر اكيد هيعجب الناس طبعا يا جمييل
و اكيد اى عدد فردى حلو ..بس السبعه احلى حاجة

اصل فى حديث عن التصبح بسبع تمرات ..



قال رسول الله صلى الله عليه وسلم : ( من تصبح بسبع تمرات عجوة لم يضره ذلك اليوم سم ولا سحر ) وقال غيره " سبع تمرات " ( متفق عليه ) ،
وفي رواية لمسلم : ( من أكل سبع تمرات مما بين لابتيها حين يصبح لم يضره سم حتى يمسي ) ( أخرجه الإمام مسلم في صحيحه - كتاب الأشربة ( 154 ) - برقم 2047 ) .

ربنا يكرمكوا يارب
انا مش عارفة سمير قصده ايه على الخشاف
انا كمان مش بحبه اوى بفضل قمر الدين
والبلح باللبن بحبه اكتر من الميه
ده لان اللبن بنسخنه فلما بنحط فيه البلح بيبوش وبيدى لون وطعم جميل للبن


شكرا ليكى يا ندى وسمير والاء
كل عام وانتم بخير

وانتى طيبه يا ميوى

وطبعا تسلم ايدك على الموضوع والله ما شوفتوش علشان كده اتاخرت فى الرد

بس كل اللى كنت هقوله الاء قالته اصلنا بنفطر زى بعض

انا برضه يا ميوي بخليه لغايت ما اللبن ياخد طعمه و يبقى لونه بيج كدة

اصلي اصلا مش بحب اللبن اوى

بس كنت بقعد 30 سنة

مش 30 يعني بس كذا ساعة و على حسب نوع التمر ...الناشف بتاع رمضان بيبقى صعب شوية (بس انا بحبه و هو ناشف كدة بيبقى جامد بس طعمه لذيذ )..غير اللى هو بيبقى طري شوية و بيتباع فى علب دة بيتعمل بسرعه



دعاء امبارح فى الدين و الحياة كانت بتتكلم عن التمر باللبن و افتكرت موضوعك يا يويو

ندى كتب:

حنظلة : هو انا مبحبش الخشاف ...بس ماله ؟؟

.

الرد بالأسفل

Mai magdy كتب:

انا مش عارفة سمير قصده ايه على الخشاف
شكرا ليكى يا ندى وسمير والاء
كل عام وانتم بخير

والله مش عارف .. احنا علطول بنحط كل حاجة مع البلح في مية
أنا مش بحب الخليط ده
لكن فهمت مؤخراً إن إسمه خشاف ؟! والله أعلم فهمت صح ولا لأ ؟
ثم الدكتور في برنامج " الدين و الحياة " كان برضه قال إن ده غلط صحياً
علشان الناس فاكرة إن السكريات الكتير الموجودة في الخشاف دي حلوة علشان الصيام
لكن بيكون بالذات الزبيب سكره كتيييييير أوي و ده فيه سعرات كتير و صعب في الحرق
و ذكر في النص كدة إنه منهي عنه ؟؟؟؟؟؟؟؟؟؟؟؟؟؟؟؟

والله أعل مبقى دي ه صح ولا لأ ؟
لكني دلوقتي دورت ملقتش كلام في الحكاية دي ... لكن هدور تاني برضه
لأن السنة البلح في اللبن .. دي أبسط صورة على الفطار
مش عارف بقى الزيادات دي إيه نظامها ؟
المشمش والحاجات التانية دي
أنا الصراحة مش بحبها لكن كنت بضطر أكله لأني بحب المشمش

شكراً ليكي يا مي و يا ندى و كل سنة وانتم طيبين

ندى كتب:

دعاء امبارح فى الدين و الحياة كانت بتتكلم عن التمر باللبن و افتكرت موضوعك يا يويو

آه انتي شوفتيها ؟ أنا برضه جه في دماغي الموضوع
أصلهم بيجيبوا الحياة هنا علطول و بحكم إن الكمبيوتر في الصالة مع التليفزيون فدايماً الحاجات دي بتتعرض للجميع هنا
ربنا يكرمها بجد و يكرمك

اه فهمت صح
اسمه خشاف مش بحبه
بس زبيب بيتحط فى الخشاف ازاى؟
هو بيعمل بالبلح والتين والمشمش وحاجة اسمها قراصية
اى حاجة تقابلك حطها
بس اول مرة اسمع زببيب فى الخشاف
اعرف انه بيتحط فى الكنافة والقطايف

مش عارف .. بس أظن القراصية دي برقوق ناشف
أنا عامة مش بحب التين ده ولا و هو عادي كدة
بحب التين الشوكي اكتر

لكن أكيد مش هينفع يتحط ؟؟

المهم .. صوماً مقبولاً و افطاراً شهياً

الواحد جاع فعلاً .. يلا خلاص رمضان قرب أوي الحمد لله

ايه الجمال ده يا مى ههههههههههههههههههههههههههههه لآ اختراع فظيع بجد ربنا يكرمك