فوائد الزبادي

بسم الله الرحمن الرحيم

السلام عليكم ورحمة الله وبركاته

يقول خبراء التغذية أنه يوجد 5 أسباب على الأقل لتتناول طبق من اللبن (الزبادي):
طريقة سهلة لتخسر الوزن: اكتشف الباحث " ميشيل زمل "، وهو باحث في جامعة تينسي، أن اللذين يعانون من السمنة فقدوا 22 % من وزنهم بتناولهم 3 حصص من اللبن الزبادي قليل الدسم في وجباتهم بشكل يومي، أكثر من هؤلاء اللذين لا يتناولون اللبن في وجباتهم اليومية، وأنهم فقدوا 61% أكثر من الدهون المخزنة في الجسم. "زمل" يعزوا ذلك لاحتواء اللبن على نسبة عالية من الكالسيوم والتي تساعد على تذويب الدهون في نفس الوقت الذي تحافظ فيه على أنسجة الجسم الأخرى.
يخفف من آلام الروماتزم ووجع المفاصل: اللبن قد يكون علاجاً للروماتزم ومخفف لآلامه ومطفأ للحرقة والوجع المصاحبة لألم المفاصل كما وجد الباحثون. عند إطعام بعض فئران التجارب اللبن، ثم حقنهم بمواد كيماوية مسببة للروماتزم، لم تتأثر الفئران ولم تصاب بالروماتزم، وتلك التي أصيبت، أصيبت بعوارض خفيفة فقط. أما الفئران المصابة سابقاً بالروماتزم، فقد خفف تناولها اللبن من أعراض الروماتزم لديها بشكل واضح وعلاجي كما يقول الباحثون.
يقلل خطر الإصابة بسرطان القولون: في دراسة فرنسية، وجد الباحثون أن عدد الأشخاص اللذين تحتوي وجباتهم على أكبر كمية من اللبن كانت لديهم نصف عدد الإصابات بسرطان القولون مقارنة بهولاء اللذين لا تحتوي وجباتهم على اللبن (الزبادي). في بحث أجري على الحيوانات وجد أن اللبن (الزبادي) يوقف نمو سرطان القولون، كما يوقف الضرر الناتج عن المواد الكيماوية الموجودة في بعض اللحوم والتي تسبب الإصابة بسرطان القولون.
يحارب الباكتيريا: اللبن يقلل التهابات المعدة، والتي تسبب الإصابة بقرحة المعدة، التهاب المعدة المزمن واحتمال الإصابة بسرطان المعدة، طبقاً لدراسة حديثة أجريت في تايوان.
يساعد الأمعاء: يعيد الزبادي البيئة البكتيريه الموجودة في الأمعاء إلى طبيعتها، مما يجعله مفيداً خاصة في حال تناول الأنتيبيوتك الذي يخل بهذا التوازن. كما أن الزبادي يعتبر سهل الهضم مقارنة بالحليب بالنسبة للذين لا يستطيعون تحمل اللاكتوز(سكر الحليب)، وهو مفيد لهؤلاء اللذين يعانون من الإمساك، أو الإسهال، وأمراض القولون والقولون العصبي وحتى الحساسية لبعض أنواع الأطعمة بناء على النتائج المستخلصة من عشرات الدراسات السابقة. مثال: إعطاء الأطفال اللبن (الزبادي) قد يقلل فترة الإصابة بالإسهال لديهم.

منقول للفائدة

مش بحب الزبادى Sad

بس تسلم ايدك طبعاً على الموضوع فى معلومات كتييره

وبيتهيالى ان مصر كلها بتتسحر زبادى ماعدا الناس اللى مش بيحبوه Smile

اه طبعا ده جميل جدا خصوصا الى احنا بنعمله فى البيت

شكرا يا سمير

وطبعا معروف الزبادي والفول على السحور ( ههههههه مش بكلهم خالص )

انا بقيت اتسحر حاجات خفيفة في رمضان ده زي قمر الدين جبنه بسبوسة كنافة

يلا اهو احسن من الفول

انت بتفهم والله

انا برضه مش باكل الفول خالص

بس بضطر اعمله كل يوم لبابا 234

وببقى مضايقه اوى كان نفسى يبقى اى حاجه الا الفول

بس البسبوسه والكنافه بحس انهم بيعطشوا كده

انا فداء اصل الاء بترغى مع صحبتها والمنتدى شكله مغرى بصراحه Very Happy

تسلم ايدك ياحنظله والله انا كنت خايفه علشان اللبن الحليب كامل الدسم وكده

بس الزبادى بكله عادى

اللى استحاله اشربه عمرى استحاله اللبن صافى كده

بس بعشق الكاكاو موووووووووووووووووووووووووووت

ولما بشرب شاى على لبن معدتى بتوجعنى مش عارفه ليه

شكلها قرحه ولا شكلى مش بفهم باين

بس انت مقلتش امتى بالظبط نكله قبل الاكل ولا بعده ولا ايه ضرورى اعرف

لو تعرف قولى

جزاك الله خير بجد معلومات محتاجينها فى رمضان

انا بصراحة بكله بعد الاكل
هو اكيد مفيد فى كل الحالات

ليه كدة يا فداء ؟ مش بتاكلي زبادي ؟
ده حلو والله .. أنا زمان كنت بحط عليه سكر لأني مكنتش بطيق حاجة حادقة غير المخلل Very Happy

لكن ظبطت نفسي و بقيت بحبه جداً

ليا واحد صاحبي برضه مش بياكل فول خااااااااااااااالص
مش فاهم إزاي؟
يجيلكوا أنيميا الفول كدة Smile

يلا بالهنا والشفا كل واحد ياكل اللي يحبه

شكراً لردك

------------------

شكراً لردك يا آلاء ولا هي آلاء مردتش ؟ مش عارف !

------------

شكراً يا مصطفى .. بس إزاي يا ابني بتاكل الحاجات دي في السحور
تعطش زي م فداء قالت

المهم بالهنا والشفا برضه Very Happy

------------------------------

و شكراً يا مي لردك برضه .. هو فعلاً بعد الأكل علشان يجري الريق حسب م ماما بتقولي !!
لكن ولا بيجري ولا حاجة ... ده أنا ريقي بطيييييييئ أوي .. بعطش أول م الفجر بيأذن ! Smile

--------------

شكراً يا سنو ... بس دخلتك علي ّ حسستني إني بياع لبن أو عندي سوبر ماركت و جاية تشتري 4 زبادي Very Happy

المهم فعلاً هو غالباً بعد الأكل ده المعتاد .. معرفش الناس اللي بتاكله قبلها الصراحة !
و هو أكيد مفيد فعلاً .. لأن ده الموضوع متكلمش بقى بعده ولا قبله
أقولك
علشان تبقي في السليم كليه في النص Cool

متشكر يا جماعة لردودكم و نورتوا الموضوع

كل واحد ياخدله كوباية زبادي و هو خارج بقى Razz

اقتباس :: ... بس دخلتك علي ّ حسستني إني بياع لبن أو عندي سوبر ماركت و جاية تشتري 4 زبادي

حد يطول ماله السوبر ماركت
مش عارفه ليه افتكرت فيروز فى الفيلم بتاع معايا ريال وهى بتاكل جبنه
وبتحاول تظبط النحيتين وتقول برده مفيش فايده الحته دى زايده

المهم فعلاً هو غالباً بعد الأكل ده المعتاد .. معرفش الناس اللي بتاكله قبلها الصراحة !
و هو أكيد مفيد فعلاً .. لأن ده الموضوع متكلمش بقى بعده ولا قبله
أقولك
علشان تبقي في السليم كليه في النص

ههههههههههههههههههههههههههههههه
ازاى اكل لقمه ووراها معلقه

متشكر يا جماعة لردودكم و نورتوا الموضوع

كل واحد ياخدله كوباية زبادي و هو خارج بقى

طب يلا هات

موضوع فيه معلو مات حلوه يا سمير

وانا بقه كييف زبادى
يعنى ممكن بابا يجيب لأخواتى شيبسى او دوريتوس
انا بقه يجيبلى زبادى

ومهما اتريقوا اخواتى عليا انا بحبه جدا يمكن عشان كده مش بتخن خالص Very Happy

وشكرا ع الموضوع يا حنظله

ههههههه

لأ جديدة دي أوي
كييف زبادي و ممكن لما اخواتك ياكلوا شيبسي انت تاكل زبادي ؟؟
لأ مش للدرجة دي .. بس تصدق ممكن
هو ليه فايدة آه .. لكن برضه دسم و حاجات كدة
أول مرة أعرف إنه ممكن يساعد إن الواحد ميتخنش لو واظب عليه فعلاً ...
بس تمام .. روح بقى قولهم دخلوني في العينة اللي اختبروها Very Happy

4 زبادي و2 كيلو لبن من فضلك Razz

الحلو في الموضوع انه من المواضيع الرمضانيه ،الزبداي معروف طول السنه بس في رمضان بيبقى مفيد أوي في السحور عشان بيقلل الشعور بالعطش باقي اليوم
بس مش اي حد تجيب منه الزبادي الصح عشان في محلات بقت تبيعه خفيف بشكل مبالغ فيه

هههههههه
ياعيني ع الخبرة .. هو ده الكلام .. ده احنا اللي نقولك 4 زبادي و كيلو لبن بقى Very Happy

بنجيب يوم بيوم .. أنا اللي بجيب بالأصح

شكراً لردك يا كبير

ههههههههههههههههههههه

حلوه يا مجدى يا خبراتك

بس انا مش بشترى البلدى عشان زى مانت قلت
انا بجيب لبنيتا او جهينه او دانون
ولاكتيل ده جااااااااااااااااااااامد

اوعى تجيب نستله

وبعدين يا سمير مش انت كاتب فوق بيخفف الوزن

وبعدين يبنى ده مزاج عندى بالليل فى الروقان اضربلى اتنين زبادى
وممكن لو فى الشارع بقه
وهفنى الشوق اجيب زبادو اهو من ريحه الحبايب (الزبادى يعنى) لاحسن تفكر فى حاجه تانيه

Kotamya2009 كتب:: ههههههههههههههههههههه

حلوه يا مجدى يا خبراتك

بس انا مش بشترى البلدى عشان زى مانت قلت
انا بجيب لبنيتا او جهينه او دانون
ولاكتيل ده جااااااااااااااااااااامد

اوعى تجيب نستله

يا راجل ؟ نستله مش حلو ؟ د احنا روحناها أنا و بروف !!

أنا الصراحة بحب أكتيفيا أوي بيظبط جداً ...
حلو الفاصل الإعلاني ده ... ده احنا ممكن نطلع بفلوس حلوة لو شافوا الموضوع ده

وبعدين يا سمير مش انت كاتب فوق بيخفف الوزن
تصدق إني مقرأتش الموضوع بتأني أوي ؟؟؟؟ مخدتش بالي غير لما انت قولت رغم إنه أول سطر
أصلي كدة كدة باكله .. لكن لو حاجة معرفهاش أو مش مقتنع بيها بركز في الكلام

وبعدين يبنى ده مزاج عندى بالليل فى الروقان اضربلى اتنين زبادى
اتنين يا مفتري ؟

وممكن لو فى الشارع بقه
في الشارع دي صعبة أوي عليا !!! أنا آخري أجيب لبان أو أشرب مانجو طبيعي
لكن زبادي !
وهفنى الشوق اجيب زبادو اهو من ريحه الحبايب (الزبادى يعنى) لاحسن تفكر فى حاجه تانيه
هفني الشوق بجد رهيبة أوي دي
فطستني من الضحك ... بتفكرني بـ " يا آه يا آه .. و يا صفايح الزبدة السايحة "
و فاهمك يا معلم ... أي حاجة تيجي من ريحة الزبادي