- اقتباس :
- [quote="Kotamya2009"]فى البدايه
اختى او اخويا
انا حاسس بمدى اللى انت فيه وعارف قد ايه انت مخنوق وصعبان عليك نفسك
وان الاحساس ده مش سهل
لكن
سيدنا رسول الله محمد عليه افضل الصلاه والسلام يقول
((يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ
طبعا لا تعليق بعد كلام خير الانام والرساله وصلت
عليه الصلاة و السلام
بجد ربنا يكرمك انا الحديث دة لما بسمعه بتطمن جدااااااا
الحمد لله ربنا كريم و اكيد كاتبلنا الخير كله
بس المشكلة انى بخاف اكون بقصر او بشوف الامور غلط او بتصرف غلط فدة اللى بيبقى قالقني
- اقتباس :
- وبالتالى
ليه مش تفكر ان ده ممكن يكون ابتلاء صغنن على قدك
كده وعلى قد خبرتك فى الحياه
ولازم تقابله بصدر رحب وتكون اكبر من مشكلتك
يا رب
هو و الله نص المشاكل انا فعلا بعتبرها كدة و بقول اكي بتعلم منها
بس هى المشكلة فى النص التانى ..مبقدرش استحمل زعل الناس مني ..بس فى نفس الوقت هما مش قادرين يقتنعوا بحاجة بقولهالهم
هما يمكن شايفينها مش غلط و انا اعتبرتها غلط ...لكن ليه ما دام حاجة فيها شبهة غلط ليه يعملوها ما دام مش هتفيدهم حتى لو عملوها ..يبقى يبعدوا احسن
حاسة ان الموضوع قالب بعند و ناس كتير ضدي ..فشعورى ان فى كثرة و عندي خوف لا تغلب الشجاعة ..بس ربنا يسهل
المشكلة انى مش بحب ابقى ضدهم ..الناس اللى فى اختلاف بيننا دول مهمين جدا عندى ..بس نفسى اعرف ليه هما معاندين اوى معايا كدة و مفيش بساطة فى التعامل و بيعاملونى كأنى الاعداء
و اقول هسيبهم بس بحس انى هضيع تعب سنين لو سبتهم
و كمان اقول هسيبهم طب لو مشوا اللى فى دماغههم و كان غلط هبقى انا شفت غلط و كان ممكن اقف ضده و ما قومتش بدوري
و افتكر ان اللى يزعل الناس عشان يرضى ربنا ربنا بيرضى عنه و يرضى الناس عنه
لكن اللى بيرضى الناس و يزعل ربنا ربنا بيغضب عليه و يخلى الناس تغضب منه
بس المشكلة انى من كتر مهاجمتهم بقوا محسسنى انى انا اللى غلط و هما اللى صح
مع انى عندى تاكد تام ان اللى انا عملته صح
- اقتباس :
-
حد مش عارف تتفاهم معاه ياااااااااه انت لسه شفت حاجه
فاكر لما سيدنا محمد كان واحد يهودى كل يوم يرميله قازورات ويؤذى الرسول
فاكر لما الراجل بطل
والرسول زاره يطمن عليه لقاه تعبان والراجل اسلم
أدفع باللتى هى احسن
و الله بحاول
- اقتباس :
- بعد ما تهدى واللى على خلاف معاه يهدى
هيبتدى التفكير فى التصرفات اللى حصلت
يبقى حاول تكون انت الافضل عشان تلاقى اللى ضددك
زعل هو من نفسه ومن تصرفه
وكفايه انك تكون راضى عن نفسك وسيبه لنفسه
مش هقدر ارضى عن نفسي و عندى شعور ان حد زعلان مني اصل برض انا مش ملاك و اكيد فى النص بغلط فدة مخليني معنديش رضا تام فيرتاح بالى - اقتباس :
- بعد كده
الحيره
طيب ازاى تحتار بس
هو مش فى صلاه استخاره
صلى استخاره وادعى ربنا
هيهديك
والله هيهديك وهتعمل الصح وهتحكم صح وهتبقى تمام
صح تمااام ما دة نص المشاكل البسيطة [ندعوك للتسجيل في المنتدى أو التعريف بنفسك لمعاينة هذه الصورة] هى مش بسيطة دى حاجات كبيرة جدا اصلا .. لكن مشكلتها انها مخلية تفكيري مش صافى اوى عشان اعرف اتفرغ للمشاكل التانيه الصغيرة و طبعا الناس بتوع المشاكل اتانيه مش مقدرين ان الواحد ممكن تبقى دماغه فيها مليون حاجة و مش فاضى اصلا مع ان حصل مواقف قصادهم تبين لهم ان ورايا حاجات مهمه بس شكلهم ماخدوش بالهم - اقتباس :
- وفى النهايه
كل اللى بتمر بيه ده هتضحك عليه بعد ما تعديه
دى خبرتك فى الحياه بتتكون دلوقتى من المواقف دى
حاول تكون هاااااااااااااااااااادى وحكيم وقوى على غضبك
يا رب يخلص على خير جايلى حالة غريبة بجد مضايقانى جدا بسبب المشاكل دى - اقتباس :
- وفى النهايه
لا املك الا انى ادعيلك
الللهم يا على يا عظيم
يا حى يا قيوم
اسألك بأسمك الطيب الطاهر الذى اذا دعيت به اجبت
واذا سؤلت به اعطيت واذا استفرجت به فرجت
ان تفك كربه
وتفرج همه
وتشرح له صدره
وتيسر له أمره
وأحسن عاقبته
وتولى أمره
انك انت السميع العليم
اميييييييين بجد هى الدعوات دى اكتر حاجة انا نفسي فيها و انى احس ان الحمد لله لسه فى ناس معايا بعد ما حسيت انى بقيت و لا اكنى العدو كدة [ندعوك للتسجيل في المنتدى أو التعريف بنفسك لمعاينة هذه الصورة] الحمد لله لعله خير [ندعوك للتسجيل في المنتدى أو التعريف بنفسك لمعاينة هذه الصورة] ادعولى بس ربنا يصلح بينى و بين الناس و محدش يبقى زعلان مني و يفهموا قصدى ..انا مش عندي شر و بضايقهم و خلاص انا بحبهم و نفسي نبقى حاجة كويسة كلنا سوا - اقتباس :
-
وأسف على تقصيرى ولو كان بأيدى اكتر من كده والله ما بخلت
ربنا يكرمك بجد مش هلاقى كلمة اشكرك بيها
ربنا يجازيك كللللللللللللللللللل خير - soso525 كتب:
- مفيش كلام بعد كلام حبيبنا محمد صلي الله عليه وسلم منسناش في اي حاجه
وربنا معاك اومعاكي وكلنا بيجينا وقت بنقع فيه وبنرجع نقوم وكل ماتوقع اعرف انك ماشي في الطريق الصح وان دي اختبارات صغيره من ربنا ومهما كبرة بص لمشاكل وهموم الحواليك هتعرف انك في نعمه
في مقوله بتقول اليشوف بلاوي الناس تهون عليه بلوته
اللهم اميييييييييييييييييييييييييييييييييين
ربنا يكرمك و يجازيكى كل خير انا بشكرك جداااااا
فعلا اللى يشوف بلاوى الناس تهون عليه بلوته عندك حق بجد
انا عشان كدة و الله بقول الحمد لله انا فى نعم كتير
بس هو كان نفسي افضفض شوية كدة
[ندعوك للتسجيل في المنتدى أو التعريف بنفسك لمعاينة هذه الصورة] و اخد من الناس الكويسين اللى زيكم كدة دعوات حلوة ربنا يكرمنى بيها و يطمننى بيها
ربنا يكرمكم بجد و يبارك فيكم
---------------------------------
بس هو معلش بعد كل الرغى دة عندى شوية اسئلة ...
لو اخ ليكم بيهمل فى عمل اللى عليه .. و حاولتوا تقولولا كذا مرة بشويش ..هتتتصرفوا معاه ازاى بعد كدة .؟؟
و لو حد من اعز اخواتكم عمل حاجة منغير ما يتاكد هى صح و لا لا و انت قلتله دى غلط فزعل منك و مش راضى يكلمك تعمل ايه ؟؟
و لو حد بيزعل ناس كتير منه بما فيهم انت و انت عايز توقفه عن اللى بيعمله دة و تخليه يبطل يضايق الناس ..هتتصرف ازاى معاه ؟؟
معلش تاعبينكم معانا
ربنا يخليكوا بقى الواحد لازم يستغللكوا
[ندعوك للتسجيل في المنتدى أو التعريف بنفسك لمعاينة هذه الصورة] ..ربنا يكرمكم بجد و يجازيكم كللللل خير