لا اله الا الله هو ايه اللى بيحصل ده ؟؟
بجد امسكوا الموضوع من الاول واقرأوه على ما توصلوا لاخر مشاركه
هتحسوا انكم مخنوقين ومش طايقين تكملوا فى المنتدى
هما قالوا هنبدأ بداية جديدة وكل الناس هتتساوى وحصل ان الناس اتساوت
فى عضو وهو الاستاذ بروفيسور (مش تريقه طبعا)
كان بيضايقك يا حنظله انت وندى ماشى وكان بيشد معاكم فى الكلام اوك
وكانت فى مشكله كل ده ماااشى
جه هو اعتذرلكم قدامنا كلنا زى ما زعلكم قدامنا كلنا
يبقى دى حاجه تبع نفسياتكم اللى عايز يتقبل الاعتذار يبقى شكرا وهيسامح وده هيريحه هو اولا
اللى مش عايز يتقبل الاعتذار دى حاجه تبعه برضه ومش هنقدر نقوله لا لازم تسامح
بس الفكره دلوقتى
ان بروف غلط فيكوا واعتذرلكم واحنا عايزين نعمل نظام جديد وعايزين نشتغل
وقولنا ان مفيش مشاكل هتحصل تانى بالهيئه دى ان شاء الله
ولو حصلت احنا عندنا القدره على حلها والتصرف معاها
يبقى انتوا بس كنتوا تصبروا شويه لحد ما الشهر يبدأ ولو حد فيكم كان لاقى اى عضو
سواء كان بروف او عضو تانى عمل مشكله مع اى عضو برضه تانى والاداره كانت سلبيه
ساعتها يبقى ليكم الكلام !!
بص يا حنظله هقولك على حاجه ماتعرفهاش بس ندى تعرفها كويس والكلام ده ليها برضه
انت زعلت علشان الاختلافات او علشان بروف قالك كلام يضايقك
انا نزلت موضوع ندى شالته وحصلت مشكله عليه
وانا قولت انى عايزه موضوعى يرجع وكان واقف معايا بروف ومحمد مجدى وشايفين
ان الموضوع ما فيهوش حاجه
ومحمد مجدى رجعه راحت ندى مسحته تماما من على المنتدى
وقالت ده راى والموضوع غلط مع انه كان مجرد لينك منقول من موقع اخبار مصر كلها بتشوفه
وطبعا الموضوع ده ضايقنى جداااااااااااااااااااااااااااااااااااااااااااااااااااااااااااااااااااااا
وكان معاه كلام واراء ليها خلتنى اعيط كتييييييييييييييييييييييييييييييير جدا وكنت تعبانه بجد
ومع ذلك انا ماعملتش شكوى فى ندى و لاقولت هى عملت كده ليه ودى ديكتاتوريه وعايزه حقى
(مع انى لو كنت عملت كده مكنش حد هيقولى انتى بتعملى ايه بس انا عملت حساب للاخوه فى الله اللى بينا )
مع انى حتى الان الحكايه دى عدت ولا اكنها حصلت
ولا حقى اللى تقال عليه رجع ولا اى حاجه
حتى ندى لما بعتلها مسج فيها راى وكل حاجه ما ردتش لظروف عندها ساعتها
وعايزه اقولك كمان انى قررت ما ادخلش المنتدى تانى ابداااااا بسبب الموضوع ده
المهم انى بحكى ده كله علشان اقولك ان مش انت لوحدك اللى ليك حق
او مش انتى لوحدك يا ندى
وعلى فكره برضه يا حنظله المشكله دى رغم ان كل المشرفين عارفينها
وقدامهم والاعضاء كمان عارفينها فادمين مايعرفش عنها حاجه
زى مشكلتك برضه
يعنى نفس الحكايه بس انا محدش اعتذرلى ومع ذلك مشيت الاموور علشان مش عايزه
المنتدى ده يقف اكتر من كده
(انا كتبت المشكله بتاعه الموضوع كتوضيح ياريت محدش يخرج
من المشكله الاساسيه للفرعيه الا لو ندى عندها كلام عايزه تقوله تبعتهولى بقى
فى مسج علشان المنتدى مش ناقص
)
بس انا لما لاقيت ناس راجعه علشان تبنى وبس وعندها نيه جديده وهمه عاليه
قولت بلاش اكسر همتهم واقللها من اولها
ورجعت علشان اقف معاهم ولسبب واحد بس ومش هقوله
كل الرغى ده علشان اقول
يا حنظله ساااامح ويا ندى ساااامحى ولو مكنش بروف اعتذرلكم كنت قولت عندكم حق ومحدش يقدر يقولكم حاجه بس بروف عداه العيب لاما قالكم انا اسف !!!!
مش عارفه اقول ايه اكتر من كده
انا زى زيكم عايزه اصلح الامور كلها قبل اى بدايه جديده
بس مش عايزه البدايه تكون كده ابدااا
كلها خناقات تانى وعقاب وامثله فى قمه الغرابه
ايه اللى جاب السرقه ونطبق الحد وما قبل الاسلام ورؤساء الدول وايه كل ده ؟؟؟
لو هى دى امثلتكم التوضيحيه
يبقى عندكم حادثه الافك بقى
لما واحد يخوض فى عرض السيده عائشه رضى الله عنها وربنا يقول لابو بكر الصديق
سامحه ورجعله الصدقه اللى كنت بتديهاله يبقى انتوا الاتنين اولى ان انتوا تسامحوا فى
موضوع صغيييييييييييييييييييييييييييييييييييييييييييييييييييييييييييييييييييييييييييير اوى جمب حادثه الافك
وافتكروا دااايما
((ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَنْ يَغْفِرَ اللَّهُ لَكُمْ ۗ وَاللَّهُ غَفُورٌ رَحِيمٌ)) النور (22)انتى مش قولتى انك بتسامحى يا ندى اللى بيسامح مش بيطلب عقاب
حنظله بلييييز انا مش بقولك اتنازل على حق ولا اى حاجه
انا بقولك هو زعلك واعتذرلك اقبل اعتذراه علشان المركب الواقفه تمشى
وفى ادمين جديد قدامك كتب بصوابعه على الكيبورد انه مســــــــــــــــــــــــــــــؤل
عن اى حاجه هتحصل من دلوقتى .....................
finish