الروابط الذهنيه!!!!

الروابط الذهنية !!! أيه الكلام المعقد ده
طيب نبوصلها واحدة واحدة كده هنلاقيها مش معقدة
الموضوع كله كلمتين
روابط : بمعنى حاجات بتتربط بحاجات
ذهن : عقلنا اللى ربنا أنعم علينا بيه …
طيب الموضوع بقى سهل أهوه نيجى بقى نشوف أيه حكاية الروابط الذهنية ديه …
الرابط الذهنى هو ببساطة أى حاجة بتفكرنا بحاجة تانية … طيب ندى أمثلة علشان محدش يتوه بس …
أغنية معينة لما بتسمعها بتفكرك بموقف معين .. الأغنية ديه رابط ذهنى
موقف معين لما بيتكرر بيفكرك بحادث معين … الموقف ده رابط ذهنى
مادة معينة بتحبها علشان مدرس معين حببك فيها … المدرس هنا رابط
رائحة معطر معين بتفكرك بشخص معين …. المعطر ده رابط ذهنى
وكل ديه وحاجات كتير .. هى ديه الروابط الذهنية
وهنلاحظ أننا بنستخدم الروابط الذهنية دون أن نشعر .. طيب أيه فايدة أننا نعرفها بدل أننا بنستخدمها لاوعيين؟؟؟
طيب لما نفكر شوية صغيريين هنلاقى فى فايدة كبيرة جداً أننا نعرفها ونعرف نستخدمها أزاى صح … وأزاى ممكن نتحكم فى الروابط الذهنية
لأن الرابط ده بيرتبط بحاجة من الأتنين … الألم …. أو السعادة …
يعنى أنت ممكن تربط حاجة كويسة بالألم أو حاجة وحشة بالسعادة ..
رجعنا تانى للكلام اللى مبيتفهمش !!!!!
طيب نبوصلها واحدة واحدة بالأمثلة علشان مخنا ميروحش بعيد
ممكن واحد يربط أنه لما يكون متضايق ويشرب سجارة بتريحه
هنا هو ربط السيجارة (الحاجة الوحشة) بالراحة (السعادة)
وممكن واحد يربط أنه ينزل يصلى الفجر فى الشتاء أنه هيسقع ويجيله برد و…
هما هو ربط صلاة الفجر (حاجة كويسة) التعب (الألم)
فمن هنا لازم كل واحد مننا يبدء يفكر ويلاحظ هو رابط أيه بالسعادة وهو رابط أيه بالألم
ويبدء يعدل روابطه أو يعمل روابط جديدة
هقولكوا على رابط للسعادة جميل جداً أتمنى أن تجربوه وأكيد هيحقق معاكوا نتايج كويسة..
ممكن تقعد فى حجرة لوحدك لمدة 10 أو 15 دقيقة وفى خلال المدة ديه تتنفس بطريقة سليمة وتتذكر أحلى ذكريات مرت فى حياتك ومتفكرش فى أى حاجة غير كده …. وفى خلال المدة ديه أعمل أى علامة بأيدك مثلاً .. القبضة أو أمسك صوباع معين أو أى علامة …
وكرر الموضوع ده لمدة 15 يوم … وبعد كده جرب أنك تعمل العلامة ديه لوحده ….. هتلاقيها شدتك لوحدها للسعادة … وبكده يبقى أنت عملت رابط سعادة تقدر تستخدمه فى أى موقف ….
تحياتى لكم جميعاً ومنتظر أستفسارتكم وأرائكم



مـــــع تحيـــات
فريـــق أنســان
للتنمية البشرية



منقووووووووووووووووووووووووووووووووووووووووووول

جميلة جدا .. ربنا يكرمك

واسلوبها بسيط جدا .. وياريت لو عندك حاجات زي كدة تاني تبعتيهالنا