بسم الله الرحمن الرحيم
مش عارفة اشمعنى الاسم دة بس يمكن اتاثرت باحمد الشقيري
المهم
سلام عليكم و رحمة الله و بركاته
ازيكم يا ......ممممممممم ..اخواتى برضه هعمل ايه يعني ما اقدرش اهرب
بصوا يا جماعه ...
انا الحاجات اللى بتخليني اتضايق و اكتئب فى الدنيا هي ما يلى :
- انى ما كنش عارفة اخد قرار فى حاجة
- انى اكون تعبت فى حاجة و احس انها بتضيع مني
- انى اكون بحب مكان و اسيبه
- انى اكون بحب الناس و احس انهم زعلانين منى و لو 1%
- ان حد يتخانق معايا (دايما اقول لماما لو انا اتاخرت و لا حاجة و المفروض نخرج اقولها اخروجوا و سيبونى احسن من ما تستعجلوني ..عشان مبحبش حد يكلمني و هو مخنوق مني و لو على خفيف ) هو انا كدة ما بقدرش استحمل ان حد يكلمني و هو متضايق مني
ايه تانى بيضايقنى ممممممم
طبعا اكتر حاجة تضايقنى
اكون حاطة امل كبييييير اوى .و املى دة يتحطم
الخلاصة
الحاجات دى كلها حصلالى حاليا مع كوميرس
مشكلتي انى حبيت دفعتى اوى ..
و كنت بحس انى نفسي افضل طول عمرى فى الكلية عشان احضر المحاضرات و ابقى مع اصحابى و مع كل دفعتى حتى اللى معرفش هما مين ..بس خدت على الناس و حاسة انهم قرايبي
و كان نفسي نفضل متجمعين
و طبعا كان نفسي نبقى متجمعين مش نتجمع و بس لا ينتج عن تجمعنا عمل مفيد و نتايج ايجابية ..
يعني مش مجرد نتجمع و بس
و المنتدى دة
حبيته بصورة محدش يقدر يتخيلها
بس زمان
دلوقتى بقيت احس انه مش هو ..دة منتدى تاني ..بس برضه بحبه
لكن مش زى زمان
زمان كنت بحب اوى انى كنت بحس ان فعلا انا داخله منتدى اخواتى
لكن دلوقتى بقيت احس ان فى ناس مبتحبنيش
مش عارفة يمكن يكون دة غرور ..بس انا مبحبش حد ما يحبنيش ..بزعل اوى لما احس ان فى ناس مش بتحبني
كمان مبقتش بحس انى بقدر اقول اللى عايزة اقوله بتلقائية زى زمان
و كمان بقيت احس انى عشان اقدر اتعايش مع النظام دة بضطر اعمل مخططات عشان اوصللهم وجهة نظرى
فبيت حاسة انى مش انا
انا بحب اكون تلقائية
و مبحبش المشاكل
-----
اديني مسحت كلام بعد ما كتبته
و اصلا كنت كاتبة موضوع تانى و مسحته
و الله كل ما اكتب حاجة و افتكر انى كتبت شبهها و اتمسكت ضدي بد ما كنت اقصد اشتكي مثلا ...احس انى خايفة اكرر الكلمة و اسمع الردود الصعبة دى تانى
المهم عشان مش عارفة اقول ايه
انا دخلت المنتدى دة و كنت حاباه اوى و بحب الناس اللى فيه اوى ..كنت بحس انى مع دفعتى و اهلى هنا
كنت بقول للناس عايزين تحسوا انكوا جوة المدرج ادخلوا المنتدى
لكن دلوقتى ....
مين اللى بيدخلوا !!!!!!!!!!!!!!!!
ايه اللى بيحصل !!!!!!!!!!
حاسة انى فى وسط خناقات دايما
بقالى زمن مش بنزل موضوعات بسبب اني برد على خناقات
و حتى لما انزل موضوع
مش بعرف اتابعه
عشان بتابع المشاكل
و كنت حاسة ان عليا مسئولية المنتدى كله و بحاول انى اتابعه رد رد
و فى نفس الوقت
جيت على الاخر و بقيت حاجات كتييييييييييير جدااااااا متعجبنيش
و للاسف حاجات كتير قد اكون مش متاكدة انها غلط اوى ..فممسحههاش ..فيبقى ضميري مانبنى
بس فى رمضان راجعت نفسي
و قلت يا اما المنتدى دة يبقى م سبب لتانيب ضميري و احس انه مصدر للخير و مش العكس
يا اما ما اتحملش مسئوليته
فتقريبا بفكر بقالى فترة طويلة اتخلى عن مسئوليته
بس اللى دايما بيحيرنى
طب مين هيمسكه
بصراحة مش حاسة ان فى اى حد مهتم بيه اوووووووي
يعني مشوفتش حد فيكم بيدخل كل يوم من يوم ما اشترك و حتى الان و بيقرا كل حاجة و يحاول يتابع دايما و لما يلاقى غلط يشيله و يلاقى صح يشجعه و يلاقى خناقه حتى لو ملوش دخل فيها يحاول يصلحهها
لو بظلمكم قولوا ..لكن بصراحة انا حاسة ان محدش خايف عليه ادي
و مع ذلك انا مش قادرة اتحملله
و حقيقى مش عارفة اعمل ايه
بس انا فكرت النهاردة و استخرت ربنا انى اسيب المنتدى زى ما كل الناس بتشيرني من اول اللى معايا فى البيت لاصحابى للناس اللى فى المنتدى نفسهم
فيعني
بما ان ربنا وفقنى و كتبت الموضوع دة
فشكلها ماشية كويس ان شاء الله
و شكلها هى الخير ان شاء الله
رغم انى بحب هنا اوى ..و دة احب مكان فى النت لقلبي ...لكن ..........الحمد لله
مش هقطع خالص يعني
بس كان هشام بعتلى قالى عايزنى ابقى مشرفة تانى و ووافقت فدلوقتى بسجل انى معلش سحبت الموافقه
و مش عارفة ممكن ادخل كعضوة عادية كل فترة او ممكن ما ادخلش ..مش عارفة بجد هعمل ايه
مبحبش امشى من غير هدف
لكن حاسة انى عايزة اهر ب من هنا علشان ابعد شوية و اقعد لوحدي و افكر هروح فين و هحقق احلامى ازاى
و بجد اللي ممشيني سبب واحد و هو اهم حاجة و اللى خلانى اخد القرار فعليا
اني تخيلت لو مت النهاردة
هموت و يبقى فى ناس زعلانه مني مع انى بعتبرهم اخواتى
و شكلى بتخانق و بعمل مشاكل مع انى و الله مش قصدي كدة لكن ما دام فهمتونى كدة
فانا عندي امشى و ابعد و الناس فاكريننى بخير احسن ما اقعد واعمل مشاكل
يا ريت تفتكروا المنتدى زمان
هاتوا الموضوعات القديمة و اقروها
هتلاقوا ان كان فى حاجة حلوة اوى .مش عارفة هى ايه .بس هى تتحس يعني
و الحاجة دى اختفت
يلا اشوفكم بخير
و لو فى اجتماع للدفعه ان شاء الله هبقى ااجي
و لو احتجتونى ف اى حاجة هتلاقونى ان شاء الله
و احتمال ابقى اعدي عليكم بعد ما اروق شوية اشوف ايه الاحوال ..و اتمنى الاقى المشاكل اتحلت
يمكن كلامى دة سلبي ..بس انا فعلا عندي حاجات مهمة حاليا جداااااااااااا محتاجة اركز فيها اوى فمش قادرة بجد اتحمل مشاكل معاها
ادعولى كتير
و عشان ميبقاش مشيي سلبي ..فانا بفكركم ان العضو صاحب اكتر مشاركات مشي هو كمان
يا ترى مستنيين ايه
لو الدنيا اتصلحت ابقوا اندهولى
و ان شاء الله مش هبقى سلبيه و هروح على ارض صغيورة اكمل فيها ان شا ء الله
و بس خلاويص كفاية كدة كلام
و السلاااااااااااااام علييييييكم و رحمة الله و بركاته
(اسمه خواطر علشان حاولت ابداه بابتسامه زى برنامج خواطر ما كان فيه ابتسامه مع انها بتحمل حزن كبييييير على امال ضايعة ........ بس برضه فيها امل ترجع ..
و سلاااااام عليييييكم و رحمة الله و بركاته
3
2
1
0
لو الموضوع اتبعت يبقى كان قرار صح ان شاء الله
يلا ..توكلت على الله
سلاااااااااااااااااااااااااااااااااااااااااااااااااااااااااااااااااااااااااااااااااااااااااااام عليكم و رحمة الله و بركاته
