إلي أخويا وصاحبي محمد ممدوح

بسم الله الرحمن الرحيم

اقتباس :

عموما انا ممكن ارد على كل كلمه انت
قلتها

وارد عليها كويس كمان

والناس الى يعرفونى يعرفوا انى اقدر
اعمل كده

بس عايز انبه ل حاجتين :

1/ بالنسبالى
الموضوع محسوم ومنتهى وكلامى انا قلته قبل كده وكذا مره سواء فى ساحه

المراقبين او فى غير ساحه المراقبين

ده غير انك بتتكلم فى حاجه الى يعرفها وشافها المراقبيين القدام ندى
ياسمين حيحا مها الجوهرى وغيرهم
...... فياريت تستدل بشئ معروف للجميع
وليه ماوجهتنيش برأيك وحجتك ادامهم
ساعتها طالما انت معترض كده
وبفرض ان كلامك صح ماعندك حيحا وندى
والجوهرى وياسمين وغيرهم انتقدوا الاوضاع الى موجوده اشمعنا انا الى علقت فى دماغك

وايه الى يخليك تدخل واحد هدام
بالشكل ده فى فريقك وتصبر عليه
ولو انا كده ايه الى يخليك تتكلم
عليا كويس وتمدح فيا بعد ما رحاب خلصت كلامها فى اخر اجتماع

وبفرض بردو ان كلامك صح اشمعنا الموضع ده الى افتكرته من القديم فى حين انك
بتقول انك مالكش دعوه بالى فات وان الاداره كانت مسئوليه
الجميع
وبعدين انت صدرت حكمك فى موضوع
ماينفعش انك تحكم فيه لانك صاحب بروف مش المفروض بردو يكون فى حياديه

والناس الى خرجت دى والى انت ماتعرفش هما خرجوا ليه وازاى ,مش المفروض ان المنتدى
قايم على الناس , مش كان اولى بيك انك تعرف ليه خرجوا
وايه اسباب ده وتفكر ازاى ممكن
ترجعهم تانى بدل ماتقلهم خلاص الموضوع اتقفل !

مش فاهمك


حاجات كتير تانيه مش فاهمها بس هنفض

2/ اكيد
انت عندك حاجات عايز تهتم وتركز فيها هيا اولى بوقتك وجهدك حتى بدليل انك

قفلت الرد فى الموضوع, واكيد نفس
الشئ بالنسبالى بس طالما انك مش هتقدر تكمل موضوع معين يبقى الافضل انك ما تفتحهوش



عموما يا هشام وبصرف النظر

ربنا يوفقك وتعمل حاجه يكون فيها
خير ليك ولغيرك واتمنى بعد كده انك لما تذكرنى تذكرنى بالخير

سلام عليكم ورحمه الله وبركاته

طبعا انا أحب يا محمد انك ترد علي كل
كلمة انا قولتها ، علشان لو غلطان تنبهني








اولا وقبل كل شئ ، للاسف انت فاكر ان
انا واخد موقف ضدك ، ومش عارف ليه كده








انا من اول لما شوفتك يا محمد وانا
توسمت فيك خير وقولت جوة ونفسي وما زلت بأقول انك حد له شأن كبير في المستقبل








وحد هيكون علامة ان شاء الله








طبعا انت اكيد عندك الثقة في النفس
اللي تكفي انك ما تنتظرش رأيي ولا رأي حد ، لأنك كده ان شاء الله فعلا





بس انت عندك العقل اللي هيخليك تتقبل
رأيي اللي هأقولهولك ده








انت بدأت تخليني أتراجع في فكرتي عنك
في الفترة اللي فاتت ، والتراجع ده مش في انك حد كويس جدا ، ولكن في انك تكون في
يوم من الايام حد له شأن عالي








قبل ما تتعصب كالعادة وتسرع في
الرد ، هي دي المشكلة





ليه بقيت عصبي كده؟ ، ليه دايما
بتتعصب بسرعة في الفترة اللي فاتت؟





ليه بتحسسني انك بتتقبل الكلام بسوء
نية من المتحدث؟ ، يا رب يكون احساسي غلط ، ويكون كلامي غلط في انك عصبي وان ده
هيأثر علي مستقبلك








بص ، انت اخويا وصاحبي ، وأكلنا مع
بعض عيش وملح ، وطبعا غير الاخوة اللي بينا ، ده احنا لسه يوم ما كنا بنفطر سوا
كنا بنتكلم علي اللي ناوي عليه





وبتقولي انك مسافر ان شاء الله لو
حصل نصيب ، حصل ولا لأ؟





ازاي ممكن تتصور اني واخد منك موقف ، بجد ازاي؟








انا هأبدأ أرد علي كلامك كلمة كلمة





*************************





1/ بالنسبالى الموضوع محسوم ومنتهى وكلامى انا قلته قبل كده وكذا
مره سواء فى ساحه
المراقبين او فى
غير ساحه المراقبين





كلام ايه؟








ده غير انك بتتكلم فى حاجه الى يعرفها وشافها
المراقبيين القدام ندى ياسمين
حيحا مها الجوهرى وغيرهم ...... فياريت
تستدل بشئ معروف للجميع


انا مش فاهم
بتتكلم علي ايه ، واستدل عليه اصلا؟











وليه ماوجهتنيش برأيك وحجتك ادامهم ساعتها طالما انت معترض كده








انت فاكر اني معترض علي رأيك في الاجتماع اياه ده اللي انت
كنت بتنقد فيه؟





لا طبعا مش معترض ، ده رأيك واكيد يحمل جزء من الصحة ، ايا
كان كبير ولا صغير الجزء ده





وعلي فكرة ، حتي لو لا يحمل اي جزء من الصحة ، فلو بجد تعرفني
، هتعرف اني هأسمعك برضه





انا عندي مبدأ بيقولي ( ان اي حد فتح بؤقه واتكلم ، هيفيدني
بحاجة )





معلش تفسيرا للمبدأ ده ، واكيد المثال اللي هأقوله مش عليك





عارف لو واحد فتح بؤقه واتكلم وقال حاجات مالهاش اي افادة ،
فالافادة اللي واقعة عليا زي ما مبدأي بيقولي ، الافادة في اني هتعلم اني ما
اسمعلهوش تاني عالاقل








طبعا المثال ده توضيحي ولا يخصك ابدا








وعايز افكرك بحاجة يا محمد ، انا اكتر واحد ساعتها في
الاجتماع كنت بأقول عايزين نسمع رأي ترافيلر يا جماعة واسكتوا ، ان لم أكن الوحيد
ساعتها اللي كنت بأطلب منك رايك





يا رب تكون فاكر





ازاي بقي تتخيل اني واخد منك موقف كده؟






يتبع

وبفرض ان كلامك صح ماعندك حيحا وندى والجوهرى وياسمين وغيرهم
انتقدوا الاوضاع الى موجوده اشمعنا انا الى علقت فى دماغك








شوف قبل اي رد علي الجملة دي ، اديك بتقول بفرض ان كلامي صح ،
اديك اتسرعت وخليته كلامي بناءا علي وجهة نظرك انت ، انا مش هأعلق لأني عارف انك
حد يقدر يراجع نفسه كويس في كلامه ده





علشان رأيي فيك اللي قولته فوق








وعارف ان ناس كتير انتقدت ، وناس كتير هتفضل تنتقد ، ده ما
فيش حد في الدنيا بيعجب الناس كلها ، ولا حاجة في الدنيا بتعجب الناس كلها





وانا باحترم انتقاد الناس





صدقني يا محمد لو تعرفني كويس ، تعرف ان الناس دايما بتقولي
حرام عليك نفسك ، انت دايما تدي ناس اكتر من حقهم ، وبتسمعلهم وهما ما يستاهلوش
كده





وبيقولولي انت دايما بتدي حاجات أكتر من حقها ، وبتهتم بيها
اوي وهي ما تستحقش ده








ما بالك بيك وبكل الناس الجميلة اللي قولت اسمها ، واللي
بأحترمهم وبأحترم عقلياتهم ، وناس كتير فيهم انا اللي بأطلب نقدهم لأمور كتير





مش عارف بجد ليه انت واخد عني الفكرة دي








علي فكرة يا محمد انا مش زعلان منك ولا عمري هأزعل منك ، لأني
كتيييييييير مريت بالمواقف دي ، والحمد لله الناس لما بتعرفني بجد بتغير رأيها عني
دايما وبيقولوا انهم ما كانوش يعرفوني








طبعا انا مش بأقولك انت بس الكلام ده ، انا بأقول لكل الناس
اللي هتقرأ الموضوع ده مين انا ، وانا دي علشان الادمين ، مش علشان حاجة تانية








علشان لو فعلا الناس متقبلاني كرئيس ليهم ، تبقي عارفاني ، ومش
اكتر





وانا مش بأنفخ في نفسي الحمد لله ، اسأل ناس كتير هنا انا
سيرتي ازاي بينهم من ورايا ، وايه اللي بيتقال عليا من ورايا








وعايز اقولك مش انت اللي علقت في دماغي ولا كلامك ، مجرد بس
ان موقف شبه موقف فقولت بس انك عملت كده قبل كده





وبعدين انت لو حد مش كويس بالنسبة لي ، لا كنت سمعتلك ولا
رديت عليك ولا افتكرت كلامك الاخوي ولا النقدي ، زي موضوع السفر مثلا وموضوع
الانتقاد بتاع الاجتماع ، ده بالاضافة الي اني بأقولك مش انا اللي اعامل الناس كده
زي ما انت متخيل








وايه الى يخليك تدخل واحد هدام بالشكل ده فى فريقك وتصبر عليه








طبعا انا اتكلمت فوق وقولت ان محمد ممدوح مش حد هدام ، وقولت
انه حد انا متوقعله شأن عظيم ، بس لو اخد بنصيحتي








ولو انا كده ايه الى يخليك تتكلم عليا كويس وتمدح فيا بعد ما
رحاب خلصت كلامها فى اخر اجتماع








اديك قولت ، انا قولت في حقك ايه قصاد الناس كلها ، زي ما انا
بعمل قصاد الناس دلوقتي





ولو اني لو مش باحترمك وبأقدرك زي ما انت متخيل ، أو شايف حد
هدام برضه زي تخيلك





ساعتها بس عايزك تسأل نفسك سؤال





انا محتاج اني أمدحك قصاد الناس؟ او ايه اللي يجبرني اني اعمل
كده اصلا؟





او ايه اللي يخليني أعمل كده طالما انا شايفك حد هدام ؟


عارف بجد ، احلي حاجة كلامك ده واسئلتك ، لأنها بتخليك تجاوب
علي نفسك دلوقتي ، وبتوضح حسن نيتي





الحمد لله يا رب





طبعا انا كلامي ده مش معناه ان فيه اي نوع من الخلاف بيني
وبينك دلوقتي





بس انا بجد فرحان ان كلامك هو اللي بيثبتلك ان ده غلط ومش حاصل
وان فكرتك عني غلط





حقي أفرح

وبفرض بردو ان كلامك صح اشمعنا الموضع ده الى افتكرته من
القديم فى حين انك بتقول انك مالكش دعوه بالى فات وان الاداره كانت
مسئوليه الجميع








فعلا انا قولت ماليش دعوة باللي فات ، وفعلا الادارة كانت
مسئولية الجميع





بس انا قولت الكلام ده لكذا سبب





اولا ان الموضوع اللي قائم ده اصلا موضوع عن مشكلة قديمة
ماليش علاقة بيها زي ما قولت





ثانيا انا كنت عايز اوضح للناس كلها ان ما فيش مشكلة اصلا
معاك وان اللي حصل ده لا يستحق انه يبقي مشكلة وياخد الدرجة دي ، ومش علشان حاجة ،
علشان بس بأقارن واقعتين حصلوا فعلا شبه بعض





ثالثا انا قولت الكلام ده في بداية المشكلة لناس بيني وبينهم
، وحبيت اقوله تاني ليك بما انك ما بتدخلش كتير وما حاولتش تقولي مثلا بما انك
الادمين ايه رأيك في اللي بيحصل ده





رابعا انا قولت الكلام ده احقاقا للحق





خامسا عايزك تعرف ان انت المفروض حد واثق من نفسه ، ويقدر
يقيم نفسه ، ويقدر يميز الكلام اللي جايله ده او الانتقاد الموجه له ده ، هدام أم
بناء





وتقدر بناءا علي قدراتك دي انك تحدد موقفك ، بالتجاهل ، او
بالعمل علي تصحيح الخطأ ده اللي الانتقاد وضحهولك





لكن انت ساعتها اتعصبت جدااااااااااااااا





وبعدين ده الاجتماع قايلك عليه قصاد الناس كلها اننا بنيجي
نحضر فرح محمد ممدوح يا جماعة ، الراجل عامل اللي عليه وزيادة ، وما حدش بيساعده





طيب عايز اكتر من كده ايه ، انا آمل بجد اني اكون قدرت اوفيك
حقك ساعتها قصاد الناس ، وخد بالك ، ده برضه احقاقا للحق





يعني انا مش مع حد ضد حد ، ولا علشان حد صاحبي وحد مش علي نفس
الدرجة من الصحوبية ، انا اكتر حاجة أكرها الظلم ، واسأل في الجزئية دي الناس اللي
ما تعرفنيش قبل اللي تعرفني








وبعدين انت صدرت حكمك فى موضوع ماينفعش انك تحكم فيه لانك صاحب
بروف مش المفروض بردو يكون فى حياديه





شوف بقي انت بتقولي ايه ، لأنك صاحب بروف ، طبعا دي اساءة
جامدة ليا ، بس انا مسامحك علشان زي ما قولتلك انت بقيت عصبي عكس زمان خاااااااالص





انا لو حكمي ده اللي حكمته مش منطقي ، فانا اديت لكل الناس 3
خيارات ، ويقدروا يختاروا خيار في الـ3 دايما في اي وقت





وهو طلب بتنحيتي عن الآدمين ، طالما شايفين ان ضميري ممكن
أبيعه علشان واحد صاحبي ، صدقني اساءة جامدة ، يللا ربنا يسامحنا كلنا








انا بس عايزكم كلكم تفتكروا حاجة حصلت بيني وبين بروفيسور لسه
قريب ، مش هتكلم من اول ما كوميرس اتعمل ومدي اختلافي عليه ، علشان مش كل الناس
عارفة ولا كل الناس موجودة من اول ما كوميرس اتوجد





الحاجة اللي حصلت بيني وبينه ، انه استفزني جامد ، وانا فعلا
لقيت نفسي مستفز ، وهو صديق عمري ، والمفروض ساعتها كان ادمينستريتور معايا





انا بعد اول رد ليا ، لقيت نفسي رادد بشكل استفزازي انا كمان
، قولت ليه يحصل كده؟





تداركت الامر واتعاملت عادي ، لو تفتكر ان ساعتها بروفيسور
قال انه هيسيب الاشراف وكده ، وفعلا سابه








بص ، انا ساعات بأغلط اكيد ، لأني بشر ، بس عارف لو غلطت ،
بتقبل عقاب اللي قصادي ليا ، ولو ما عاقبنيش ، كتير انا بأعاقب نفسي ، او افضل
اعتذر ، انا لحد دلوقتي ما حدش قالي اني غلطت وقالي بموضوعية








والخيار التالت برضه موجود وهيفضل موجود علي طول








والناس
الى خرجت دى والى انت ماتعرفش هما
خرجوا ليه وازاى ,مش المفروض ان المنتدى
قايم على الناس , مش كان اولى بيك انك
تعرف ليه خرجوا وايه اسباب ده وتفكر
ازاى ممكن ترجعهم تانى بدل ماتقلهم
خلاص الموضوع اتقفل !








اه المفروض ان المنتدي قايم عالناس ، والفكرة كلها بتاعت
كوميرس ، ولو ان نادر جدا الناس اللي شغالة فيه ، وده الطبيعي اصلا بتاع العرب
دلوقتي ، ما علينا مش موضوعنا





لكن الناس اللي بتسيب المنتدي ، قليل جدا قالوا ايه السبب ،
ولما قالوا ، كان بناءا علي شكوي سمير ، وقولت يا جماعة اللي عايز يؤيد كلامهم
ويقدم في بروفيسور شكوي ، يتفضل يقول معاهم





ما حدش قال ، طيب بذمتك اعمل ايه؟ ، وبعدين انا بتكلم في 5
اشخاص من اكتر من 700 عضو ، هتقولي ان ناس قليلة اللي بتدخل





طيب ما انت بتقولي ان المنتدي قايم عالاعضاء دي ، هل الاعضاء
دول 2 بس ، اللي هما حنظلة وندي؟ ، فين بقي الناس اللي متضايقة وعايزة تشتكي؟؟





واشترطت ان الناس تقول في مهلة يوم ، علشان سبب ، وهو ان فعلا
الناس دي من الاعضاء اليومين ، او شبه اليومين حتي ، شوفت حد دخل اتكلم في 3 ايام
مش يوم حتي؟








المفروض اني امسك كل واحد واقوله روح اشتكي؟؟





لا تعليق








انا أتحاسب علي حاجتين ، الحاجة الاولي ان انا اقول حكمي ،
وهو ان لو 5 قالوا اه احنا متضايقين من بروفيسور وعايزينه يتوقف ، وفعلا يدخل الـ5
ويعترضوا وما يلاقونيش نفذت حكمي





ساعتها حقهم يحاسبوني








والحاجة التانية ، ان حكمي اصلا من البداية ما يكونش منطقي ،
وساعتها برضه الخيار التالت قائم زي ما قولت











انا عايز اعرف حاجة ، هو ليه انتم عايزين الحكم يبقي علي مزاج
المشتكي؟ خصوصا ان القضية اصلا ما فيهاش غلط صريح ، ده مجرد شعوي بالاستفزاز








محسسني ان اللي بتشتكوه ده دخل شتم حد صراحة كده وانا متخاذل
، ده انا بأحاسب حد بناءا علي احساس اشخاص ، والاشخاص دول ما طلعوش أكتر من 2





حكموا نفسكم وعقولكم والمنطق يا جماعة لو سمحتوا








مش فاهمك








يا رب تكون فهمتني واقتنعت بكل كلمة من اولها لآخرها ، وتكون
فاكر كل كلمة قولتها ، وما تنساش الكلام الاول بعد كل الرغي ده








حاجات كتير تانيه مش فاهمها بس هنفض







اللي عايز تفهمه انا تحت أمرك ،واوعي تنفض معايا علشان انا ما احبش حد يكون
شايل مني ، زي ما انت طالب في آخر الكلام اني أذكرك بالخير دايما

2/ اكيد انت عندك حاجات عايز تهتم وتركز فيها هيا اولى بوقتك وجهدك
حتى بدليل انك
قفلت الرد فى الموضوع, واكيد نفس الشئ
بالنسبالى بس طالما انك مش هتقدر تكمل موضوع معين يبقى الافضل انك ما تفتحهوش









انا مش فاهم تقصد ايه ، بس انا عايز اقولك اني فعلا عندي
حاجات مهمة في حياتي تكفي اني ما اديش الاهتمام ده ابدا لكوميرس خصوصا في الاوضاع
اللي شايفها دي





بس دي فكرة انا مؤمن بيها من الاول ، ولازم اضحي علشانها ،
وانا الحمد لله ضحيت كتييييييييير اوي ، وربنا اللي يعلم ، واد ايه انا قاسيت في
الحلم ده ، وعملت ايه علشان اجمع الناس





واد ايه انا شوفت ايام تحرق الدم ، واد ايه انا ممكن يضيع مني
حلم حياتي ، مش حلم حياتي بس ، دي حياتي اللي جاية كلها بسبب اللي بيحصل في كوميرس
دلوقتي








بص، الرسائل الخاصة اللي عندي في الفترة الآخيرة بس كفيلة
بالكلام








بص يا محمد ، احلي حاجة لما تشتغل وتتعامل مع الناس وتخلي
أجرك عند ربنا





انت ممكن بس بالاجتماع الناجح اللي بتعمله كل شهر ده ، ممكن
بسببه تدخل الجنة علي نيتك بس ، ما بالك تنظيمك





ليه احنا ما بنضحيش بالحاجات التافهة في سبيل الحاجات اللي ما
تتقدرش؟





رغم اني زي ما بقولك انا ممكن بسبب مشاكل كوميرس ده اسيبه
علشان اشتري حياتي اللي جاية كلها ، علشان بسبب كوميرس والخلافات التافهة دي ممكن
اضيع علي حاجة ما تستاهلش





وللاسف احنا اللي خليناها ما تستاهلش ، وساعتها كمان ألاقي
نفسي كل اللي بأستني أجره من عند ربنا ، هو اصلا عند ربنا حاجة لا تستحق الثواب








ليه ما نخلصش بقي مع نفسنا ونرجع اخوات تاني؟








ليه ما نحاولش كلنا نبقي سيدنا يوسف ، زي ما اتعامل مع اخواته





ولو ان اللي بيحصل معانا ، غير اللي حصل مع سيدنا يوسف خالص








انا مش شيخ ولا واعظ ديني ، انا بس بحب الخير وبحب المنطق
والكلام بيه









عموما يا هشام
وبصرف النظر

ربنا يوفقك وتعمل حاجه يكون فيها خير
ليك ولغيرك واتمنى بعد كده انك لما تذكرنى تذكرنى بالخير









ويوفقك يا رب ، ويا رب كلنا نبقي سوا في فالخير لينا ولغيرنا
، ونكون ايد واحدة بجد








وانا هأرد علي حكاية اني أذكرك بالخير دي بحاجة واحدة








انا لو كان فيه بيني وبينك حاجة ، ما كنتش قعدت من يومين
اكتبلك في رد علي الكلام ده أكتر من ساعة الا ربع ، وفي الاخر النور يقطع ويضيع
الكلام كله





ولا كنت أجلت دخولي عالمنتدي كل ده علشان أرد عليك وعلي كلامك
، علشان اوضحلك اني مش بالفكرة اللي متخيلها





ولا كنت تعبت نفسي وكتبت الكلام ده كله في حوالي ساعة دلوقتي
تاني ،علشان أرد عليك





ولا كنت ضيعت من وقتي دقيقة في قراءة المشاركة دي اصلا لو انت
بالنسبة لي حد انا مش بأقدره زي ما انت متخيل





عموما حصل خير ، صفحة واتقفلت








انا بس فيه كلمة عايز اقولهالك علشان انا مش بأحب اشيل جوايا
من ناحية حد ، ومهما الزمن راح ولا جه انا بأقول اللي جوايا للقصادي طالما بأحترمه





انا اتضايقت لما قولت انك مش هتنظم الاجتماع تاني تحت راية
كوميرس





مع احترامي ليك ، احنا ليه بنحسس بعض ان فضلنا احنا اللي علي
كوميرس؟ ليه ما يكونش كلنا فعلا بنشتغل علشان كوميرس والثواب اللي من وراه اللي
جاي من عند ربنا





كوميرس مش هيقف علي هشام ولا علي محمد ممدوح ولا علي فلان ولا
فلانة ، طالما ان فيه فعلا ناس بتشتغل والمقابل من عند ربنا





بص يا محمد لو كان بروفيسور ضايقك بالتعبير عن رايه عن
الاجتماع اللي فات ، فصدقني وما تستغربش من الكلمة اللي هأقولك عليها دي





يا بختك





انت حد عمل كذا اجتماع ، كل مرة كان الناس كلها تقريبا بتحييك
علي الاجتماع ده وبتشكرك عليه ، ويادوب بس في الاجتماع الرابع لما ظهرلك حد
ينتقدلك في الاجتماع








بصراحة يا بختك ان النقد ظهرلك متأخر كده ، وان كل الناس بتحب
تروح الاجتماع ده ، وانها بتحب تسمعك وبتقولك في الاجتماع قول يا ممدوح احنا
سامعينك





وكمان بتقولك شكرا عالاجتماع ده ، والدليل زيادة العدد كل مرة








بجد انا عايز اعرف ازاي تتعصب كده





بأكررلك نصيحتي





بلاش تتعصب علشان فعلا تبقي حد ذو شأن زي ما الكل متوقعلك ان
شاء الله





وما تنساش انك اخويا وصاحبي ، زي كل الناس اللي هنا





وما تنساش حتي لو واخد موقف من فلان هنا عالمنتدي ، ما يأثرش
ده علي موقفك معاه برة المنتدي








يللا الحمد لله






سلام عليكم ورحمه الله وبركاته


وعليكم السلام ورحمة الله وبركاته

مش هسافر لأ عايز استقر فى مصر ان شاء الله


ياسيدى الله يكرمك ويخليك على ردك ويارب اكون زى مانت بتقول كده
كلامك وارائك على راسى من فوق وليك منى كل احترام وتقدير
انا مافيش بينى وبينك اى خصومه شخصيه وانت قلتها ووضحت ده انا بكلمك كأدمن للمنتدى
كل الحكايه انى تعليقا على ردك سألتك شويه اسأله بشكل مباشر لكن ما اصدرتش احكام عليك او قلت كلام يمس شخصك فى شئ

وده يمكن اول تعليق ليا على مساهمه ليك من اول ما سلسله المشاكل دى ابتديت فا متفتكرش انى متربصلك او مترصدلك فى التعليق

وانت الحمد لله ما قصرتش ورديت ووضحت وجهه نظرك بشكل رائع احيك عليه

يا سيدى هدعيلك وقولك ربنا يوفقك ويعنيك وتقدر تعمل شئ تفيد بيه نفسك وتفيد بيه زمايلك

انت رديت واحسنت الرد ,وانا مش هرد على ردك مش استهتارا بكلامك لكن انا مش عايز ادخلك وادخل نفسى فى متاهات ومناقشات العائد منها هيبقى قليل ,مين صح مين غلط مين كويس مين وحش مين عصبى مين هادى مين اتوفق فى قراراته مين ما اتوفقش فى الاخر كل نفس بما كسبت رهينه وربنا ادى لكل واحد منا العقل والحكمه الى تخليه يقدر يميز بين الصح والغلط, انا عارف ان انت عندك حاجات محتاجه تركيزك واهتمامك منها المنتدى على سبيل المثال واكيد نفس الشئ بالنسبالى

انا تانى بدعيلك وبقولك ربنا يوفقك وان شاء الله تحقق اهدافك وطموحاتك من ورا كوميرس 2009

سلام عليكم ورحمه الله وبركاته