سلام عليكم و رحمة الله و بركاته
متهيألى لو انت بلا مشاعر ..ما كنتش هتكتب بالاسلوب دة ..و لا كنت هتشعر انك بلا مشاعر
الحكاية و ما فيها على ما حسيت من كلامك ..انك كنت انسان على طبيعته و فطرته اوى ..بس شوية شوية و مع الاحتكاك بالحياة ..ابتديت تتغير
بس متهيالى انك ترجع للحاجة الجميييييييلة اوى اوى دي اللى كانت عندك ..مش مستحيل
لان ببساطة انت الشخص بتاع دلوقتي و انت الشخص بتاع زمان ..
يمكن الظروف تكون اتغيرت و طبيعة الحياة اتغيرت
بس لو حاجة جميلة كانت فيك ..اكيد مش عيب انها تكون موجودة تحت اى ظرف و فى اى وقت
فانت اول حاجة حاول تقنع نفسك انها حاجة جميلة ..مش عيب ان الانسان يبقى بيتأثر و بيحس باللى حواليه و يفرح و يزعل و يبتسم و و يضحك و برضه يبكي
اصل ممكن تكون المشكلة جت من ان الناس اللى بقت عندها مفاهيم عجيبة بان دة عيب و الراجل لازم يبقى جد و ما يتأثرش و الكلام اللى بيقولوه دة ..ممكن يكون شوية شوية أثر عليك ..فخلاك تتغير
فانت محتاج ترجع تقنع نفسك من تانى ان الصفه اللى كانت فيك دي كانت صفة جميلة فعلا ..و تستاهل انك تحاول ترجع لها ..اكن واحد كان شكله جميل و قدر الله ان حصل له حادثة ..اكيد بيبقى بيتمنى انه يرجع لشكله الجميل من تانى
بجد لو رجعت عندك اقتناعك بجمال صفتك بتاعت زمان ..هتقدر ترجعلها ان شاء الله
و متهيالى دة واضح اوى اوى من كلامك ..لانك اشتكيت ..فاكيد دة دليل انك كنت حاببها و لسة حاسسها حلوة و جميلة
فحاول تزود الشعور دة اكتر ..هتلاقى نفسك بتتقدم ان شاء الله
و ابدأ اعمل لنفسك تمارين
و احسن حاجة تمارس التمارين مع فريق قوي ................ كله اطفال
لان الاطفال ما شاء الله اكتر ناس عندها الصفة الجميلة دى و مشاعرهم صافية و جميلة و بريئة و مفيش احلى منها
بجد حاول تلاعب اطفال و اضحك معاهم و هزر معاهم و انسسسسسسسسسى نفسك معاهم ..و لما تلايهم متضايقين ازعل و اتاثر بيهم ..
و انزل مثلا زور مرضى ..و حس بيهم و اتاثر بيهم و افتكر نعمة ربنا عليك و فكر فى موقفهم و اتاثر بيه
و اللى اهم من دة كله ..اسمع و اقرا قران ..ما فييييييييييييييييييييييييش حاجة هتحيي قلبك تانى قده ..كلام ربنا اللى مافيش اجمل منه ..اسمعه و حس بيه و اتاثر بيه و ركز فيه
عيش مع الايات و مع كلام ربنا ..صدقنى قلبك هيفوووووق اوى اوى و هيبدأ يحس من جديد و مشاعره تصحصح من تانى
و حاول تبعد عن اى ذنب حاسس انك بتعمله ... دة ترك الذنوب حياة للقلوب
و صلي و ادعي ربنا كتييييير
بجد صعب اوى اوى انك تحس انك مشاعرك بقت قليلة ..لازم تلحق نفسك و تخليها تصحصح تانى
احنا بشر و لازم يبقى عندنا مشاعر و احاسيس عشان نقدر نعيش
و انت واضح انك كنت انسان فيك من الصفات الجميلة دى كتير .و هى بس الحياة و همومها خلوك وصلت لكدة
بس ما دام انت افتكرت يبقى اكيييييييد نفسكك تتغير و دي اول و اهــــــــــــــم خطوة
فاحمد ربنا انك الحمد لله وصلتلها
و توكل على ربنا و حاول تكمل مشوارك تانى و ترجع لشخصيتك الجميلة بتاعت زمان تانى
و ربنا يوفقك و يكرمك و يعينك و توصل لها
و فرصه احنا داخلين على ايام جميلة العمل الصالح فيها ربنا بيحبه اوى ..قرب فيهم من ربنا و من اهلك و من الناااااااااااس كلهم ..اختلط بالناس و افرح معاهم يوم العيد و ازعل لو شوفت حد مش سعيد و حاول تخليه يبقى سعيد ..و ربنا يكرمك و يوفقك و ترجع لشخصيتك تانى من جديد
و سلااااااااااااااااام عليييييييكم و رحمة الله و بركاته
