تنبيه هام على اعضائنا وخاصه رواد القسم الاسلامى

السلام عليكم ورحمه الله وبركاته

ازيكم يا اجمل اعضااء ..كل سنه وانتوا طيبين وكل الامه الاسلاميه طيبه

وربنا يجعلها سنه سعيده عليكم وعلينا وعلى كل مسلم فى الكره الارضيه يااارب

يا جماعه عايزين ننبه على اعضائنا الكرام اللى بيبحبوا دينهم ويهمهم امر الدعوه

يا جماعه من فضلكم بعد اذنكم بلاش ننزل مواضيع كتييره كده مره واحده خاصه فى قسم اسلامنا

يعنى امبارح او اول دخل عضو او عضوه ونزل اربع مواضيع ورا بعض؟؟؟

طيب بالله عليكم الاعضاء تلحق تقرأهم أمتى ؟؟؟

المشرفين اللى لازم يقرأوا المواضيع علشان لو فيها حاجه غلط يلحقوا يقرأوها كلها أمتى ؟؟؟

يا جماعه انها يهمنا ان الاعضاء يقرأوا المواضيع ويسفيدوا منها ويتفاعلوا معاها

مش الاسم ان الساحه ينزل فيها يوميا خمس او ست مواضيع ومفيش ولا مومضوع منهم يتفعل

رجاء يا جماعه كل عضو ينزل موضوع واحد كل يومين على الاقل

علشان ييسر على نفسه وعلى الاعضاء وعلى المشرفين

وبعد اذنكم العضو اللى هينزل اكتر من موضوع فى يوم واحد الموضوع

هيتشال على ما الساحه تفضى شويه وهنرجعه تانى

والكلام ده يا اعضائنا الحلوين ماشى على كل الساحات بس تركيز كلامنا على ساحه اسلامنا

لان كل الاعضاء بيعملوا كده فيها ودى من اهم الساحات

واحنا كل اللى يهمنا الفايده العامه لينا

والف شكر انكم هتخلوا بالكم ان شاء الله

تمااااام

كلامك صحيح

المواضيع اللي بينزلوها شكل مواضيعها مفيد جدا

لكن انا لم أقرأ اي موضوع في صفحة واحد وده بسبب كترتها مضيقاني فبتخليني اخرج مش قاري حاجة

فلو المواضيع قليلة فعلا الواحد هيخش يقرأ الموضوع لكن بشكل اللي موجود ده الواحد بيزهق ويخرج

بالضبط يا مصطفى علشان كده بقى ان شاء الله مش عايزين يبقى

فيه مواضيع كتيره فى وقت واحد علشان كل موضوع ياخد حقه ونلحق نستفيد

تمام و الكلام ده اظن اتقال قبل كده كتير

شكرا علي التنبيه

علم وينفذ ان شاء الله

شطوره يا ميمى طول عمرك طيبه ومطيعه والله

مستر محمد

فعلا احنا نبهنا على النقطة دى كتييير وكان الاعضاء بيحطوا مواضيع كتيير برضه

بس لما يلاقوا المواضيع الكتيره فى وقت واحد بتتشال اكيد ان شاء الله هيبقى فيه تغيير
وكل سنة وانتم طيبين