معرض الكتاب/ ارجو المشاركة

السلام عليكم ورحمة الله وبركاته

كل اصحابى فى المنتدى
يارب تكونوا بخير وبألف صحة وسعادة
يارب تكونوا متجمعين فى الخير والطاعة دايما
المهم فيه موضوع كويس عايز أقول لكم عليه
"معرض الكتاب"
طبعا كلنا عارفين اهمية الكتب وقيمتها ومهما كان التقدم التكنولوجى -فمن وجهة نظرى المتواضعة-ان هذا التقدم يستحيل ان يحل محل الكتاب فى القراءة لان القراءة ليس لها متعة الا عندما تقرأها من الكتاب وعلشان كده فالكتب ممتعة
اما تقراها as ahard copy" لكن بصراحة انا لا استمتع اطلاقا من قرائتها as asoft copy
والمهم فى الموضوع:
ايه رأيكم نروح كلنا كده معرض الكتاب ،الدفعة كلها ،بمعنى
اننا أول حاجة ها نناقش الموضوع فى المنتدى من حيث مبدا القبول والرفض ونأخد برأى المشورة والاغلبية
فاذا تمت الموافقة"ان شاء الله" سنقوم بعمل قائمة بأهم الكتب التى من الممكن ان نستفيد منها
بمعنى ان القائمة دى مش واحد بس هو اللى هايحددها بنفسه
ولكن احنا هانقول ان كل واحد فينا قرأ كتاب وعجبه قوى -مش اى كتاب وخلاص لحشو القائمة-يقوم بوضعة فى القائمة
وهنا أكيد كلنا قرانا كتب كتير منها الحلو والسىء والمفيد والجذاب و....وبكده نكون جمعنا قائمة بالكتب المفيدة واللى ان شاء الله ممكن نستفيد منها
طبعا الكتب فى كل المجالات"الدينى/التاريخى/الادبى/القصصى/الفكاهى/التراجم/السير/العلمى/الادارى/المحاسبى/......
فى كل حاجه بس أهم حاجة ان الكتاب يكون فعلا مفيد علشان الميزانيم ما يظهرش فيها بند للديون المعدومة لا قدر الله
وبعد كده نتفق على ميعاد محدد يوم كذا مثلا الساعه كذا نتقابل فى المكان الكذا وطبعا لازم يكون فيه منسق للموضوع ده
علشان يحاول ان يوفق ما بين المواعيد ويجمع اكبر عدد ممكن من الاشخاص "طبعا يكون عند خبره فى الموضوع ده"
وهنا ممكن اننا نستفيد من اليوم كالتالى:
منها هانكون قضينا وقت جميل ومفيد وممتع يوم ترفيهى تعليمى زى ما بيقولوا
ومنها اننا هانشوف بعض ونرجع ايام الذكريات الجميلة
ومنها اننا ممكن نعتبر ان ده هو الاجتماع الشهرى بتاع المنتدى ونناقش فيه كل حاجة خاصة بالمنتدى
ونلعب ونقرأ ونفرح ونطمن على بعض وكده
فأرجو المشاركة من الجميع اما بالموافقة او الرفض وابداء اقتراحات جديده اذا كانت مفيده
المصرى

هى حصلت قبل كده والله
مش اول مرة
تقريبا السنة الى قبل الى فاتت
كانت رحلة جميلة
يا ريت تتكرر

اه على فكره ممكن اتطفل عليكوا واقول على الكتب الممتعة اللى اعجبت بيها

طبعا كتاب لا تحزن د.عائض القرنى ويتناول الكتاب محاولا لبث التفاؤل والامل فى النفوس
كتاب التاريخ الاسلامى"جزأين"د.راغب السرجانى"يحكى التاريخ الاسلامى بداية من مولد النبى "صلى الله عليه وسلم حتى الان باسلوب ممتع وسلس وسهل جدا
كتاب"ليلى بين الجنة والنارد.خالد ابو شادى"من اجمل ما قرأت" ويتناول وصف الجنة والنار
والله العظيم كأنى لأول مرة أقرأ فيها كتاب وطبعا كتب الدكتور خالد معروفة طبعا
وان شاء الله هأحاول أستطلع أراء البعض حول أهم كتب قراوها وهاقولها لكم

ربنا يجزيك كل خيير على فكرتك

واحنا الحمد لله فكرنا فى نفس الفكره

حتى هتلاقى في ساحه كليتنا موضوع عن تنظيم رحله لمعرض الكتاب

فياريت لو انت هتطلع تقول هناك انك ان شاء الله رايح

وفكره حلوه بتاعه الكتب الجميلة دى

وطبعا لا تجزن ده من ارووووووووووع الكتب

وكمان كتاب اسعد امرأه برضه د/ عائض وفى كتاب كمان

اسمه محمد كأنك تراه لد/ عائض برضه روعه جدااااااااااا

وفيه بأى قلب نلقاه وسباق الايمان حتى يكون قلبك اسرع القلوب

واول مره اصلى وكان للصلاه طعم آخر وكلهم لد/خالد ابو شادى

و لو افتكرت حاجه تانيه هاجى اقولها ان شاء الله

يبقى القائمة فيها الاتى:

كتب دزعائض القرنى:
لا تحزن
اسعد امراة
محمد كأنك تراه
أما د.خالد ابو شادى:
ليلى بين الجنة والنار
باى قلب تلقاه
سباق الايمان
أم د.اراغب
التاريخ الاسلامى
وعايزين الكتب تكون منوعة
وجزاك الله خيرا على الاهتمام والرد
وان شاء الله هانقل على "كليتنا"

جزانا الله واياك وانا كل الكتب اللى قرأتها دينية الا الادب الانجليزى معرض الكتاب/ ارجو المشاركة 855451

لو حد حابب يقرأ مسرحيات او رويات بالانجليزى ممكن اقوله على اسامى حاجات معينة

بجد ربنا يكرمك

انا هأدور علي كتاب تاريخ الاسلام ده

اه فى 3كتب كمان بس هما كبار شويه

يعنى يعتبروا مجلد

1/رجال حول الرسول لخالد محمد خالد

الكتب ده معرووف جدااااااااااااااااااااا بيتكلم عن الصحابه فى

عدد كبير جدااا من الصحاابه يمكن كلهم واسلوبه جميل جداا

2/ علو الهمه لمحمد اسماعيل المقدم الكتاب ده جامد جدااا بيديك دفعه دايما

ويشجعك ويكلمك عن الصحابه والناس اصحاب الهمم علشان

تقدر تنجز ويبقى عندك علو همه فى حياتك

3/ تراجم سيدات بيت النبوة لد/عائشه عبد الرحمن

ده اكبر واحد فيهم لانه بيتكلم عن كل النساء فى بيت النبى بالتفصيل

بداية من السيدة آمنه ام النبى صلى الله عليه وسلم لحد حفيدات النبى صلى الله عليه وسلم

بس بجد كتاب رااااااااااااااااااااااااائع جدا واسلوبه ادبى الدكتوره عائشه بنت الشاطىء بقى معرض الكتاب/ ارجو المشاركة Icon_biggrin

سلام عليكم جميعا

زي ماالناس قالت يا مصري كده إن في موضوع معمول في ساحة كليتنا عن موضوع رحلة المعرض واخر الأخبار هتتقال فيه إن شاء الله وانا بعد ما اخلص مشاركتي هنا هكتبلكم الجديد في الموضوع اللي هناك

اما بالنسبه للكتب فما شاء الله الكتب اللي انتوا قايلين عليها جميله جدا
واستأذنك يا زهره لو تقوليلي الأسامي بتاعت روايات إنجليزي كويسة

هقولك على اسامى بس خلى بالك وانت بتشترى تطلب الروايه متكونش النص الاصلى

لانها بتبقى صعبه جدااا وانجليزى قديم خاصه المسرحيات وافتح الكتاب

وشوف كده علشان تلاقى الانجليزى اللى فيه اسلوبه كويس تقدر تفهمه

شوف اللى درسناهم وكانوا حلوين فى الروايات

sense and sensibility written by Jane Austen

JANE Eyre witten by Charlotte bronte

Pride and Prejudice also jane Austen

بس الاونيه والتانيه اسهل علشان التالته فيها شخصيات كتير اوى تلخبط

وبيتهيالى برضه ان التلاته رومانسى

فيه مسرحيات بقى وبرضه حلوين جداااااااااااا ويمكن احلى من الروايات

The Merchant of Venice witten by shakespear

pygmalion witten by George Bernard Show

The Pot of Gold witten by Titus Maccius Plautus

الاونيه دى جامده جدااا رومانسى كوميدى

والتانيه كوميدى والتالته كوميدى ساخر

تمام جداا

فيه كتاب بقى جامد جداااااااااااا اسمه

60عاما من الفشل وماذا بعد ؟؟

العلمانيون وفلسطين

تأليف د/عبد العزيز مصطفى كامل (ابن فريندس معرض الكتاب/ ارجو المشاركة Icon_biggrin

)

بيتكلم عن الصراع العربى الاسرائيلى من البدايه والاوهام والصراعات والانتصارات الوهميه

بس بجد اسلوبه حلو اووووى

طويب جزاكي الله خيرا للتنبيه

ربنا يسهل والموارد المالية تكفي بقى معرض الكتاب/ ارجو المشاركة Icon_biggrin

وبما انك مش جاية يا فداء مكنش في حاجه نفسك تجيبيها من هناك ؟

اممم سؤال غريب بس هو اكتر حاجه كان نفسى فيا انى اروح

وكنت هروح بس بعد كده محصلش نصيب

بس انا كان نفسى اشوف قصص انجليزى تكون صغيره ولذيذه كده

والكتاب اللى قولت عليه ده ,, بس وصيت حد رايح يشوفهملى

بس كان نفسى اروح اكتر يعنى !!

طويب

» رحلة معرض الكتاب 2010
» رحله إلى معرض الكتاب 2008
» حملة : [ معا نستطيع ] ... رجاء الدخول و المشاركة
» ارجو المساعده بجد
» معرض للفن الشخابيطى