أنا مرتبطة

موضوع جميل


تسلم ايدك

ربنا يكرمك ,, نورت الموضوع..

اقتباس :

ممكن كمان كل شاب مسلم يبقى شعاره أنا مرتبط ..

طب ازاى

هو الموضوع جميل

بس انا مفهمتش هى اللى مستنياة دة

هى عرفاة يعنى؟؟

ولا اية انا مش فاهم

ولا حد هى متخيلاة بس

وهتعرف منين اللى هيتقدملها دة هيكون هو ولا لا؟

يعني انتي تقصدي ان كل واحد يحط في دماغه انه مرتبط ببنت مسيره يوم يبقى زوج ليها وبناء عليه يعمل زي ما البنت دي عملت ويحتفظ بمشاعره ليها وكل الكلام ده؟
طيب ما هو لو عمل كده مع كل الناس واتعامل بالمنطق ده مش هيكلم البنت اللي هييجي اليوم ويتجوزها لإنه هيظن إن كلامه معاها هو خيانة للأمانة اللي هي نفسها هتأتمنوا عليها لو اتجوزها

الحكم على الناس في المواقف اللي زي دي بييجي من مواقف حصلت وأراء في مواضيع بيفهم بيها الإنسان طريقة تفكير البنت اللي قدامه وشخصيتها وكمان بيتأكد من أخلاقها ودينها من مواقف مماثله او من اراء ناس يعرفوها
بس هو جميل الفكرة اللي عرضها الموضوع عموما ولو اني ليا تحفظ بسيط عليها

هى المواقف اللى زى دى تقصد بيها ايه ؟؟
=============
معلش اعذرنى اصلى نسيت المناقشه على المنتدى وما تخيلتش اصلا انه حد هيرد على الموضوع

لا مفيش مشكلة

انا شدني الموضوع وقريته ورديت برأيي

انا رأى من رأى صبرى

والفكرة فعلا جميلة

خصوصا لو كل البنات عملتها

بس دة طبعا مستحيل

تسلم ايدك على الموضوع الجميل

ربنا يكرمكوا انتوا الاتنين والمشكلة برضه انى مش فاهمه انتوا قصدكم ايه ؟

ياريت تفهمونى خاصه انه محمد دايما يقول كلمة ويسكت وتساله زى ما تسأله خلاص زى ما يكون مش مسموح غير بسؤال واحد ولا ايه معرفش

ياريت تفهمنى انت يا فريندس هو راى محمد ايه اللى انت موافق عليه بقى ؟؟

اللى هو الطريقة دى تنفع مع البنات

لكن مع الراجل متنفعش

لان هو مينفعش يفضل عايش من غير ما يكلم بنت

على اساس انة يبقى كدة بيخون اللى هيتجوزها

طب مهو ممكن اللى هيكلمها دى تبقى هى اللى هيتجوزها

لكن لو هعمل زى ما قلتى و مكلمهاش

يبقى ازاى هيتجوزها

مهو محاولش يكلمها عشان ميخونش اللى هيتجوزها اللى ممكن تكون هيا

دايرة مفرغة يعنى

ومينفعش طبعا يقول هى دى ويروح يطلبها على طول

مش بالشكل يعنى

لازم يكلمها عشان يعرف طباعها و تفكيرها و تدينها طبعا

لان احنا مش زى زمان

مينفعش نقول دى بنت ناس ونروح نطلبها

الزمن اختلف تماما

وممكن هى تبان بنت ناس

قدامنا وقدام اهلها كمان

لكن هى فى الاساس مش كويسة

اتفرجى على فيلم على جنب ياسطى

المهم ان النظرية مفرغة

يعنى لو هى متنفعش مع الولد

يبقى مش هتنفع مع البنت

لان لو البنت مكلمتش الولد يبقى الولد مش هيكلم البنت

يبقى محدش هيتجوز

وعشان كدة عملنا فترة الخطوبة

والف مبروك للجميع

الله يبارك فيك يا كبير عقبالك كده ونخلص منك عن قريب

هو ده يا فداء بالظبط اللي اقصده ، شكرا يا مصطفى ع التوضيح

ومعلش لعدم توضيحي للأمر من الأول بقى

يا سلام

الله يبارك فيك وعقبال عندكم

بص والله هو لو كانت البنت دى معاه فى الشغل يعنى حاجه تخليه يكلمها

كلام عادى وعن طريقه يعرف يبقى ماشى

لكن لو هيروح بقى ويكلمها وهما مفيش اى حاجه تخليه يكلمها

وسببه انه عايز يعرف اخلاقها والجو ده فيبقى غلط وحرام

وهى لو متدينه ومؤدبه اصلا مش هتكلمه

البنت المتربية بجد ما تكلمش واحد كده بدون سبب من ورا اهلها حت لو هيتقدم

عايز يعرف اخلاقها هيسال عليها وعلى اهلها وعيلتها ويروح يتقدم

وعنده الخطوبه والله عجبته اهلا وسهلا ما عجبتهوش يبقى مالهمش نصيب



ولا ايه ؟

اية

طب مهى كدة هتبقى كسرت القاعدة

لانها ممكن تكلمة وبعدين ميطلعش هو

قوم اية بقى

تبقى خانت اللى هتتجوز عشان كلمت واحد غيرة

لا واية كمان

كانت مخطوبالة

لا والله
انا بتكلم جد بجد هى كده ما خانتش حد هى كلمت اللى جه البيت واستريحتله وحست انه كويس

مش اى حد

مريب انت خاالص

هو موضوع شائك يا جماعه

كل شىء جايز يا جماعه

هو عموما لو الموضوع ان البنت متكلمش اى راجل لحد ميتقدملها واحد

و ان الراجل ميكلمش اى بنت الا اللى ناوى يتجوزها

ودى يأما من الشغل يأما من سمعة عيلتها يأما جواز صالونات

هتبقى اكيد حاجة كويسة

بس صعبة جدا

لان من الشغل اكيد صعبة و الختيارات بتبقى قليلة جدا

ولو من عيلتها فزى ما قلت مش معنى ان عيلتها محترمة يبقى لازم تكون هى كمان محترمة

و جواز الصالونات طبعا معروف

فهو عموما الموضوع صعب خصوصا فى الزمن دة

وياريت فعلا لو ينفع يتعمل

بس معتقدش

بس معتقدش:D

والله انا اللى معتقدش اعتقادادتكم دى ,,بس المؤكد بقى

انه اختلاف المحافظات والاجواء والبيئة ليه عامل كبير اوى فى الموضوع ده

اه فعلا اختلاف المحافظات والاجواء والبيئة صح جدا


بس اعتقد يا زهرة ان احنا مجتمعنا او بيئتنا اكبر ، فنظرتنا بتبقي بأسلوب معين


فعلشان كده طلع رأينا اننا مانعتقدش

ما احنا قولنا انتوا هتقولوا رايكم حسب بيئتكم وانا رأى حسب بيئتى

وكل واحد شايف انه صح واهم حاجه بجد اننا نتحرى الحلال وخلاص

أيَّا كان الاختلاف بينا

كلامك تمام

ما انا قولتلك فعلا علشان البيئة وكده

يعني انا ما اعترضتش علي كلامك