نوبل

يا بختكم


أمتى أبقى في تجارة أنا كمان


يارب وفقني وخليني زيهم

ربنا معاك
شد حيلك انت بس وانت هاتحصلنا ان شاء الله
بس يعنى خلى طموحك اكبر من كدة شوية

بجد جميل جدا


ربنا يكرمك


ويا تري البحث ده فردي ولا جماعى ولا ايه النظام اكتر


احنا عايزين كل تفصيل لو سمحتي


وربنا يكرمك

لا يا جماعة هو للاسف فردى بس دى مش مشكلة خالص لان السيشن اللى هاتخدوها هاتسهلكوا الموضوع يعنى هاتحطكوا على الطريق اللى بية تقدروا تعملوا البحث وانتوا ما عليكوا الا فكرة البحث والتطبيق على المحاضرات اللى هاتخدوها
اما بالنسبة لروح التعاون انا شايفة ان كل فريق العمل على الموديل دة كلهم زى الاسرة الواحدة متعاونين مع بعض جدا وبمجرد التعاون معاهم اكيد هاتكون واحد منهم
ويا جماعة على فكرة الموضوع كبير واتمنى ان ماحدش يضيعة سواء بانة يعمل بحث او يكون فى التنظيم وفى لجان كتير لفريق التنظيم دة لو تحبوا تعرفوها انا هاجيبهالكوا
وبالنسبة للتنظيم هو مش هايضيع وقتك خالص لانك هاتحددلنا الوقت المناسب ليك وكمان فى لجان مش بتحتاج وقتك خالص
لو اى استفسار انا فى الخدمة
والسلام عليكم ورحمة الله

اوك
اللجان دى بتتكون من الاتى
1) reciption- cordination : ودى اما انت تكون فى الريسيبشن يعنى تكون واقف فى البوث وتفهم الناس طبيعة الموديل يعنى تشرحة زى ما انا شرحتهولكوا كدة وتكون مستعد لاى سؤال ممكن يتسالك وبالنسبة للجنة دى بيكون كل واحد بيقف حسب الوقت الناسب لية بس طبعا بتكون محددهولنا قبلها علشان مايحصلش لخبطة وبيكون طبعا معاك ناس تانية
والحالة التانية اللى هى الكوردينيشن دى بتقوم بالتنسيق بين جميع اللجان الموجودة يعنى هى الصلة بينهم يعنى مثلا لما يجى حد فى معاد المقابلة بتاعتوا انت عليك انك توصلة والاستمارة بتاعتة الى اللجنة المختصة بعمل المقابلات وبرضة بيكون مكان التواجد بتاعك فى البوث مع الرسيبشن وبرضة بيكون بالتناوب مع المنسقين التانين حسب وقت كل واحد , ودى كمان ليها وظايف تانية منها انك بتكون معاك ارقام الناس اللى عندهم انترفيوهات علشان تتصل بيهم تفكرهم بميعاد المقابلة وطبعا مصاريف المكالمات بتكون على الموديل مش عليك .
2) public relation :
ودى العلاقات العامة وبتكون وظيفتها هى التنسيق مع الجهات الحكومية, على سبيل المثال .التصريح اللى واخدينة من المجلس القومى للشباب . مين اللى راح واتفق معاهم واخد التصريح دة هما لجنة العلاقات العامة
3)publication :
ودى حاجة زى دعاية واعلان يعنى اللى يقدر يصمم حاجة نعلن بيها عن الموديل بتاعنا يعنى مثلا اللى عندة هواية الرسم او اللى خطة حلو مثلا ممكن يعمل حاجة تتعلق فى البوث وبرضة الخامات بتكون على الموديل .
3) I.T :
ودى للى بيحبوا برامج التصميم زى الفوتوشوب او اللى بيفهم فى تصميم المواقع .00 الخ
4) fundraision :
ودى للى يقدر يجيب sponser
5) newsletter :
ودى لو عندك موهبة الكتابة هاتكتب فى المجلة بتاعت نوبل
6) marketing :
ودى طبعا تسويق ودى بتكون اللى يقدر يجيب اعلان فى المجلة بتاعتنا مقابل مبلغ لتمويل الموديل
7)academy-HR :
ودى اللجنة المتخصصة لعمل المقابلات للمتقدمين ودى لو انت واخد قبل كدة كورسات تنمية بشرية او لو انت تجيد لغة الحوار

ودى كانت اللجان او الـ comites الموجودة

اما بقى بالنسبة للكورسات هى مش هاتكون مجرد خبرة وبس كمان فى شهادة موثقة من الجهات اللى انا قولتلكوا عليها قبل كدة .

والسلام عليكم ورحمة اللة وبركاتة

بجد ربنا يكرمك

شكرا يا ياسو ربنا يكرمنا ويكرومكوا
بس المهم تكونوا استفدتوا
ولو عايزين تسالوا على اى حاجة انا موجودة برضة
والسلام عليكم ورحمة اللة وبركاتة

شكرا لتعبك معانا
الموضوع ده في وقته عشان إحنا محتاجين نعرف إزاي نعمل بحث
3/ج دكتور التمويل د\خيري الجزيري طلب نعمل بحث عن أي شركة والبحث ده يكون زي بحث موجود في الكتاب وكل واحد يعمل بحث مختلف عن زميله
عشان كده كان المهم في الاول إن إحنا نعرف غزاي نعمل بحث
ومرة تانية
متشكريييييييييييييييييييييين

الشكر لله يا محمد انا ماعملتش اكتر من الفروض انى اعملة
وبالنسبة للسؤال بتوع اللجان هايخوا الكورسات وهاياخدوا الشهادة

طيب يللا نقول بقي


مين ناوي يروح علشان اتحفز واروح معاه؟؟

لا هو لسة ماخلصش هو لسة لغاية يوم الخميس الجاى
ولازم تروحوا بكرة وتسالوا وتشتركوا علشان تستفيدوا بالكورسات

يا حبيبتى الشكر للة لا تعب ولا حاجة بس يارب تكونوا استفدتوا فعلا

طيب يا ريت اعرف مين ناوي علشان مش هأروح لوحدي

عموما انا هاكون موجودة هناك اصلا وبعدين انت هاتستفاد اية يا ياسو لما تعرف مين اللى هايروح انت طبيعى هاتلاقى ناس كتير بتروح تسال يعنى انت مش هاتكون لواحدك
ويا جماعة الموديل لسة فاضلة يومين بس ويخلص
والسلام عليكم ورحمة الله وبركاتة

شكرا وربنا يكرمك


وانا بحب انى ابقي مع حد في الحاجات دي ، سواء محاضرات او كورسات او اي شئ شبه ذلك



وربنا يكرمك ويكرمنا جميعا

اية هو ماحدش راح واشترك والا اية يا جماعة ؟
من فضلكوا اللى راح واشترك او بس ساْل يقولنا علشان نشجع بعض
وانا مبسوطة جدا من اهتمامكوا
ربنا يكرمنا ويوفقنا جميعا
والسلام عليكم ورحمة الله

على فكرة يا جماعة فى مع الكورسات اللى هاتخدوها كورس I.T من مايكروسوفت الكورس دة يا جماعة مهم جدا وطبعا الشهادة هاتكون من مايكرسوفت دة بالاضافة للشهادات اللى قولتلكوا عليها فى الاول
والموديل دة لسة موجود بس هو لسة ماجهزش فى الجامعة بعد العيد بس هو موجود فى جامعة حلوان وهايكون عندنا ان شاء الله الاسبوع الجاى او اللى بعدة
ياريت يا جماعة ماحدش يضيعة انا فاجاة حسيت ان الموضوع اكبر ماكنت متخيلة
والسلام عليكم ورحمة الله وبركاتة

الـ it مادة غلسة جدا


في كورس الـ icdl بسببها انا وقفت الكورس وما كملتهوش لحد دلوقتى

مع انى المفروض اكون مخلصه من شهرين تقريبا

وفعلا خلصته كشرح وخلصت 5 امتحانات من الـ7 اللى فيه

بس قريب ان شاء الله هأروح امتحنهم هما الاتنين


بس هي المادة دي تقريبا زى معلومات عامة كده


وربنا يكرمك