غلط غلط غلط

سلااااام عليييكم و رحمة الله و بركاته

يا جماعه انا ملاحظه حاجة بتحصل كل شهر ما عدا رمضان تقريبا

و هى ان النتيجه بيبقى مكتوب فيها ايام الشهور العربيه غلط

انا مصرة انها غلط

بصوا كدة على القمر هتلاقوا النتيجه كلامها غير اللى بيشير اليه شكل القمر

يعنى امبارح انا شفت القمر و قلت
الله
شكله جميل اوى

بس لسه ناقص شويه
و قلت شكله كدة ليلة 12

ااجى ابص فى النتيجه الاقى كاتبين ان النهاردة 13

المفروض ان ليلة 13 و ليلة 14 و ليلة 15 بيكون القمر كامل الاستدارة


لكن حسب اللى فى النتيجه هنلاقى مش كدة


فبجد انا متغاظه من النتيجه و الحساب الغريب اللى بيحسبوه دة

انا مصرة انهم غلط غلط غلط غللللط

تفتكروا ايه الحل فى الموضوع دة

مفيش حل والموضوع ده بيضايقنى جداااااااا
وبالذات فى رمضان وده بيحصل تقريبا كل سنة

وانا السنة دى كنت بتكلم مع ظابط قبل رمضان على طول
وكان بيقولى ان رمضان هيكون يوم الخميس فقلتله ازاى يعنى فقالى الريس عايز كده
فقلتله طيب افرض انهم شافو الهلال (يعنى ان رمضان المفروض يبقى كده الأربع ) فرد عليا بمنتهى البساطة وقالى هيتغاضو عنه

طريقته كانت فيها شويه هزار بس انا حاسة ان هى دى الحقيقة
ربنا يرحمنا برحمته

هههههههه لا لا ده هزار يا مها

الناس بتحب تالف بس

حسب احصائيتى بيبقى غالبا فى رمضان الى حد ما بيشوفوه صح

بالذات فاكرة السنه اللى قبل اللى فاتت كنا مختلفين عن السعوديه و راحوا الناس اعدت تالف كدة
و بعدين انا لاحظتها كويس و لقيت ان احنا كننا صح الحمد لله

و كامن فى السنه دى سمعت الشيخ على جمعه قال ان لو واحد بس شاف القمر (بس موثوق فيه يعنى الشخص دة و موثوق فى سلامة نظره ) و اقسم انه شافه مصر كلها تصوم

لكن الفكرة بتيجى ساعات معانا غلط فى رمضان بسبب ان يكون فى سحاب
و اللى اعرفه تقريبا ان القاعدة فى الدين ان لو فى سحاب و مشفوهوش طبعا بسببه بيعتبر انه كدة مشافوهوش

بس مش فاكرة الموضوع بالظبط

بس بالنسبه للشهور غير رمضان عشان مبيعلوشرؤيه فبتبقى كتير غلط

اصل انا دايما اعمل لماما عالمة فى الفلك و ابصلها على القمر و اقولها النهاردة كذا حتى لو فى يوم من اللى فيهم هلال او نص و كانت بتطلع صح

لكن جت بقالى كام شهر الاحظ ان الدنيا متلخبطه و ياكدلى اكتر الليالى التلاته البيض اللى المفروض يكون فيهم بدر

لدرجة ان ماما شكت فى قدراتى الفلكية ههههه

فانا اتضايقت و قلت اعمل الموضوع ده

اشوف فى حد شايف ذىى و لا لا


سلااااااااااااام عليييييكم و رحمة الله و بركاته

خلاص انا هبقى ابص واقولك

بس على فكرة بالنسبة لرمضان
فالمفروض ان طالما احنا والسعودية بنشترك فى ليل واحد
يبقى لو هما شافو الهلال المفروض ان احنا كمان نصوم معاهم
حتى لو رؤيته موضحتش عندنا
وده اللى انا عرفاه واللى اعرف ان الرسول علية افضل الصلاة والسلام كان بيعمله زمان