بحبها وبموت فيها (اللى بيحبها يخش يقول )

يااااااااااااااااااااااه يا مها
مهما اتكلمت مش هقدر اقول اللى بحسه
بمووت فيها بحبها بعشقها بجد بجد احلى حاجة فى حياتى
مقدرش اعيش فى مكان غيرها
بحبها بحبهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا


و الله العظيم بحبها

و كل كللامك تحفه بجد
مصر هى احنا
يعنى اللى مش عاجبنا فيها دة شىء فينا احنا او فى ناس قريبه مننا
لازم نغير نفسنا و نغيرهم و نبص بنظرة تفاؤل و نكون احنا اللى نغير الوحش فيها

بلدنا ملياااااااااانه مليانه مميزات كتير اوى
تاريخها \ نيلها \ جوها \ ناااااسها
اول ميزة عندنا (ناس \ عندهم اخلاق \ عندهم دين \ وقت الجد رجاله بجد ) و دى ميزة مش عند اى حد تانى
و محدش يقدر تكلم كلام فوق كلام سيد الخلق سيدنا محمد عليه الصلاة و السلام
قال علينا خير اجناد الارض و اننا فى رباط الى يوم القيامة
الى يوم القييياااااامه اوكى
يعنى محدش يقول دة كان زمان

دة احنا ليوم القيامه هنفضل خير اجناد الارض

و بجد الناس مش بتحمد ربنا او مش واخده بالها من النعمه دى
مهما كان الناس فى رايك بقوا وحشين فهما احسن من بلاد تانيه كتييير

انا مش عايزة اقلل من شان شعوب تانيه
بس بجد احنا الحمد لله شعبنا يعتبر احسن شعب و انا مسمعتش عن ناس احسن مننا

يعنى اولا كل البلاد اللى مش اسلاميه هنطلعها من المنافسه
فلو قارنا نفسنا بباقى البلاد هنلاقى فينا مميزات اكتر

انا روحت السعوديه و بجد شفت فى المصريين حاجات كتيرة حلوة مش موجودة هناك

احنا صح مش زيهم كلهم محجبات
بس شوف هنا احنا بارداتنا و اغلب البنات متحجبين (حتى لو حجاب اى كلام ..بس بالتدريج بتبقى كويسه )
لكن هناك منهم كتير بتنزل مصر عندنا تشيل الحجاب (فهل دى متحجبه كعبادة و لا كعادة ؟؟)

هناك كلهم وقت الصلاة بيروحوا يصلوا .. بس مفيش الاحساس الجميل اللى عندنا

انا بدخل جامع كلية تجارة بتاع البنات كلنا نصلى جماعه
هما عندهم الستات كل واحد تدخل تصلى لوحدها
احنا بعد الصلاة نسلم على بعض و نبتسم لبعض و احنا دالين المسجد نقول سلام عليكم

الحاجات دى مش عندهم
انا كنت ساعات اقول سلام عليكم ميردوش عليا و لو مرة واحد ابتسمتلى فى وشى

بجد حاجات بسيطه بس احنا مش بناخد بالنا منها

غير الاخلاق اللى عند مصريين كتير الحمد لله

اه فى كتير وحشين مش هننكر وجودهم

لكن الحلوين اكيد اكتر

و بيكتروا و هيكتروا ان شاء الله

بس دة كله بينا احنا


دى اول نقطه ناس مصر احسن ناس

و اللى طبا مدتهاش حقها


تانى حاجة
تاريخها ..متهيالى كل العالم عارفه و كل مصرى بيفخر بيه
و يا ريت منعتبرهوش حاجة عبيطه
لا دة مهم جدا

عارفين لما يكون واحد مثلا معهوش فلوس كتير لكن معروف ان دة من عيله كويسه
بيبقى مش مشى شحات و متبهدل بقى
لا ماشى محترم و عنده عزة نفس حتى لو مش لاقى ياكل


شىء جميل انك تبقى فخور بنفسك ..مش ملاكش تاريخ و دة هيديك دافع قوى انك ترجع مجد اجدادك
و كمان تستفيد منهم


نيجى ىللنقطه التالته

مصر من حيث الجغرافيا تقع فى وسط العالم و من الشمال البحر المتوسط و الشرق البحر الاحمر و يمر بها نهر النيل اطول انهار العالم و شمسها ساطعه و دافئه و سماءها صافيه اغلب الاوقات و و وو و

مش هتكلم بقى بصوا بنفسكوا و الناس بتجيلنا من اخر الدنيا عشان الحاجات دى

من حيث الحاجات الحديثة شويه
عندنا خطوط مترو الانفاق و خطوط سكك حديد و طرق ما بين كل محافظات مصر

و حتى لو الحاجات دى فيها مشاكل ..فهى فى الاخر برضه موجودة ..تخيلوا كدة ان مفيش طرق و ان كل مدينة لوحدها و الدنيا حواليكوا ذى الصحرا كدة

مش هتعرفوا تعيشوا خالص

عندنا خطوط تليفون لكل الناس و الانترنت رخيص جداا و لكل الناس
تخيول ان دى مش موجودة

طب عندنا النور و الميا و الكهربا و و و لناس كتير واصل

اه فى ناس عندهم لميه بتقطع و ناس معندهمش نور و الكلام دة
بس فى كتير عندهم الحمد لله
و اللى معندهمش يوم ما مش هيلاقى ميه حتى لو يروح النيل يملى
مش لاقى نور يروح يذاكر على عمود النور اللى فى الشارع اللى وراهم

و ربنا يسهل يعنى

و عندنا ملايين المدارس و جا معات و نوادى و مكتبات و حاجات كتير
و عندنا مدن كتير و عمارات مبنيه
تخيول اننا معندناش دة و قاعدين فى خيام

اه فى ناس مش لاقيه تسكن ..بس فى كتير لاقيين الحمد لله

و حتى لو بصينا بنظرة انانيه شويه

اللى قاعد يقرا الكلام دة اكيد عنده كل الحاجات دى

و لو ى غيره مش لاقى .. و هو عارفه
فالمفروض يكون هو اول واحد يساعده

و لو كل مصرى تعاون مع غيره مش هيبقى فى واحد مش لاقى

احنا عندنا خير كتير
بس فى سوء توزيع

لو مشينا صح ..هنعيش كويس

لو اللى معاه ادى للى معهوش هنمشى حلو اوى

لو كل واحد طلع ذكاته
مش هيبقى فى واحد مش لاقى ياكل و لا واحد مش لاقى يسكن

بس المشكله اننا لما نلاقى حاجة غلط او شخص غلط مش بنحاول ننصحه و نخليه يمشى صح
لا احنا بنشتمه و نحقد عليه و نكرهه نخليه لا يمكن يفكر صح

يعنى فرضا واحد غنى بس مش بيطلع الذكاه
ليه مننصحوش و ندعيله و نكلمه بشويش

لكن دة ممكن يقولوا عليه حرامى و هو مش حرامى و لا حاجة و يحقدوا عليه و كدة

فلو احنا حبينا بعض
حاولنا نعدل الحاجات الوحشه اللى فينا
حاولنا ناخد اللى مش كويس و نحبه عشان هو انسان و نخليه يبقى معانا و نصلحه
لو حاولنا نتغير و نغير بلدنا

بجد بجد
هتبقى احلى بلد مش بس فى عنينا لا و فى عنين كل انسان




و بجد لازم نحبها و لو هى مطلعه عنينا
و نبص للحلو فيها ونكتره و نتباهى بيه
و نشوف الوحش و نشوف اذاى نغيره و مش بس نتكلم لا فعلا نغيره


و نبدا بنفسنا نشوف احنا ادينا ايه لمصر ؟؟

ها ..هتجيب كام السنه دى عشان مصر ؟؟
هترمى ورق فى الشارع و لا لا عشان مصر تبقى نضيفه ؟
هتربى ابنك كويس فى المستقبل ان شاء الله و لا هتسيبه كدة ؟؟
هتشوف لابنك ام او هتشوفى اب كويس ليه عشان يساعدك تخليه مواطن مصرى كويس و لا مش هتهتم بالموضوع و تاخد بالاشكال و المظاهر ؟
هتشتغل بجد و تطلع كل طاقتك و تفكيرك فى شغلك عشان يبقى شغل تمام تقدمه لمصر و لا لا ؟
هتدخل الجيش عشان لو اى حاجة حصلت نبقى جاهزين و لا هتتمنى من كل قلبك تاخد اعفاء ؟
هتحاول تنمى نفسك و تتغير بجد عشان تبقى كويس و تبقى مصرى بجد و لا لا ؟


لو انا بقيت كويسه و انتوا بقيتوا كل واحد كويس و كل مصرى بقى كويس

هيبقى كل المصريين كويسين و هتبقى مصر بكدة احسن بلد فى الدنيا

فكل واحد يبص لنفسه
و لما هيغيرها ..هيغير اخواته و هيغير اصحابه واصحابه هيغيروا غيرهم و غيرهم يغير غيرهم و هكذا

لغايت ما تبقى مصر كلها متغيرة للاحسن




و يا ريت ميبقاش مجرد كلام و كل واحد دلوقتى يحاسب نفسه






يا رب اشرف مصر و كلنا نشرفهها


سلاااااااااااااااااام عليييييييييكم و رحمة الله و بركاته

ميرسي يا سمايل علي الموضوع الجميل ده هو يعتبر رد مش موضوع

و فعلا مصر احلي بلد في الدنيا بس العيب مش فيها العيب فينا احنا
ميرسي يا سمايل

ميرسى على ردك يا موها
و بالنسبه لاختلافك انا مش قصدى نفخر بال10 من 20 يعنى هههه
لا انا قصدى نحمد ربنا عليهم و نطمح نجيب ال10 التانيه و نسعى ليها

ذى اكتر جملة عجبتنى من دكتور خيرى طول السنه (ربنا يكرمه )

ارضى بما انت فيه و لكن لا ترغب فى استمرار ما انت عليه

بفكر اعملها توقيعى

جميل اوى نبقى راضيين باللى ربنا رزقنا بيه و اللى اتولدنا لقينا نفسنا جواه
احنا مش السبب فيه
احنا يا دوب لسه بنبدا يكون لينا تاثير
لسه خارجين من مرحلة الطفوله اللى مكانش لينا فيها اهمية بنعملها او نقدر نغير شىء
و بنبدا مرحلة الشباب اللى بيغير و يطور

فلازم نرضى فى الوضع اللى طلعنا فيه

بس نبقى عندنا طموح نغيره و فعلا نغيره



و برضه من الحاجات اللى لازم ناخد بالنا منها و كنت بفكر اعمللها موضوع

هى اننا نبص لحال مصر كويس و هل هى بتتقدم و لا تتاخر

ذى فى التمويل لما خدنا التحليل المالى بيقول اننا مش نحلل المفروض بميزانية شركه واحدة لسنه واحدة
لا نحلل و نقارن بالشركات التانيه (ذى ما انتى ما قلتى بالبلاد التانيه )
و نحلل كمان و نقارن بالسنسن اللى فاتت للشركه دىىىى

لان ممكن تكون صح متاخره بالنسبه لغيرها من الشركات لكنها بتتقدم و دة معناه انها شركه كويسه

فلازم نبص لمصر فى السنين اللى فاتت

مش قصدى 7000 سنه و قدماء المصريين

لا بصى من اول بعد 1840 لما كل الشغل اللى كان عامله محمد على ضاع فى اتفاقيه لندن

من الفترة دى و مصر ابتدت تتدهور
و دخللنا الانجليز و فضلوا مستعمريننا 70 سنه و خرجوا من هنا جه العدوان الثلاثى و بعد اسرائيل

مصر الحمد لله ابتدت تاخد نفسها من 1973

فلازم نشوف احنا من 1973 لغايت دلوقتى عملنا ايه و اد ايه حاجات اتعملت كتير و تقدمنا فيها كتير و احنا شعب عددنا كبييير و نسبة الاطفال فيه كتير حوالى 45% يعنى نص البلد تقريبا مينفعش يشتغل

فالحمد لله بنتقدم

اه فى بلاد تانيه اتقدمت اكتر مننا فى الوقت دة ذى اليابان

بس نرجع تانى و نقول نرضىىىى باللى احنا فيه و لكننن لا نرغب فى استمراره و نغيره ان شاء الله


يا رب













وبطلوا رغى بقى عشان نذاكر و نبقى شطورين و نفرح مصر حبيبتنااااااااااا


يا رب

و نكمل مناقشه فى الاجازة بقى ان شاء الله

عشان بقعد عالكمبيوتر انسى نفسى و لازم اروح اصحى اخويا الصغير يروح المدرسه

ادعولى
لازم احسسكوا انى البؤساء و شغاله 2×1 (ماما و ندى )


ادعووووووووووووووووووووووولى

سلاااااااااااام علييكم و رحمة الله و بركاته

أنااااا بحبهااا جداا عشان كدة مش ممكن اسيبها واهاجر أبدا

لازم أفضل فيها لحد ماتتصلح إن شاء الله


شكرا على الموضوع الجميل ده

مصر حلوة بأهلها والناس الحلوة اللي فيها

الموضوع ده ممكن يكون لبذرة نشاط جامد جدا وواسع في الجامعة


نحاول نظبط بيه حيتنا ونعمل كل خير لكل الناس


وربنا يكرمنا


اما مصر

فانا بحبها بس زي اختي ( علي رأي احمد عيد )

اوكي

بلاش اهزر

بس بجد ما حدش بقي بيحبها كتير

زي حاجات تانية المفروض انها تكون بتتحب زي النفس


بس للأسف في حالة لامبالاة حاصلة للأغلبية الساحقة من الشباب والناس

انا شربت من نيلها وغنتلها كمان ومستعد اموت علشان ترابها.

و انا كمااان

يا رب قدرنا نعمل حاجة عشانها

ميرسي يا سمايل علي الكلام ده كله و شكرا يا جماعه
بس سؤال يا سمايل اخير
علشان بتقولي عايزه اعرف فلسفتك
انا عايز اعرف ايه وجه اعتراضك علي كلامي
و هل انتي راضيه جدا كده عن الحياه اللي احنا عايشينها

علشان الرضا الوهمي اللي احنا بنقول عليه بيولد الاسترخاء و اللامبالاه

the traveller كتب:

انا شربت من نيلها وغنتلها كمان ومستعد اموت علشان ترابها.

mohamed14 كتب:

ميرسي يا سمايل علي الكلام ده كله و شكرا يا جماعه
العفو على ايه

بس سؤال يا سمايل اخير
علشان بتقولي عايزه اعرف فلسفتك
انا عايز اعرف ايه وجه اعتراضك علي كلامي
ووجه اعتراضى على كلامك انه مقدمش حلول
وكمان ما طلعش الصورة كاملة
وانت متقدرش تحكم على حاجة الا لو شوفتها بوضوح بجميع عناصرها وملامحها
فللاسف الاستافدة منه كانت صفر
ده غير تحفظى على بعض الالفاظ اللى كانت فيه

و هل انتي راضيه جدا كده عن الحياه اللي احنا عايشينها
طبعا لأ بس انا مش بحب انى اشوف الوحش من غير ما اشوف الحلو معاه
وكمان انا شايفة انى قبل ما اعترض لازم اكون عملت اللى عليا
يعنى التزم بكل واجباتى وبعدين اطالب بحقوقى

علشان الرضا الوهمي اللي احنا بنقول عليه بيولد الاسترخاء و اللامبالاه
انت عرف ان انا ابعد ما يكون عن اللامبالاة حتى فى العادى بتاعى

شكرا علي التوضيح

العفو
تعالى كل يوم

بس برضه مقلتش رايك
احنا مش متعودين على كده
فين انا بعترض
ده انت اكتر واحد بيعترض

SMILE كتب:

the traveller كتب:

انا شربت من نيلها وغنتلها كمان ومستعد اموت علشان ترابها.

mohamed14 كتب:

ميرسي يا سمايل علي الكلام ده كله و شكرا يا جماعه
العفو على ايه

بس سؤال يا سمايل اخير
علشان بتقولي عايزه اعرف فلسفتك
انا عايز اعرف ايه وجه اعتراضك علي كلامي
ووجه اعتراضى على كلامك انه مقدمش حلول
وكمان ما طلعش الصورة كاملة
وانت متقدرش تحكم على حاجة الا لو شوفتها بوضوح بجميع عناصرها وملامحها
فللاسف الاستافدة منه كانت صفر
ده غير تحفظى على بعض الالفاظ اللى كانت فيه

و هل انتي راضيه جدا كده عن الحياه اللي احنا عايشينها
طبعا لأ بس انا مش بحب انى اشوف الوحش من غير ما اشوف الحلو معاه
وكمان انا شايفة انى قبل ما اعترض لازم اكون عملت اللى عليا
يعنى التزم بكل واجباتى وبعدين اطالب بحقوقى

علشان الرضا الوهمي اللي احنا بنقول عليه بيولد الاسترخاء و اللامبالاه
انت عرف ان انا ابعد ما يكون عن اللامبالاة حتى فى العادى بتاعى

بتهيألي ان اي واحد شايف عناصر الموضوع كلها مش محتاج يعني حد يوضحهالي

و بالنسبه لتحفظك لبعض الكلمات ممكن يكون معاكي حق بس للاسف دي الحقيقه

و حكايه اني التزم الاول و بعدين اطالب بحقوقي بتهيالي ان السائد دلوقتي ان الواحد ياخد حقوقه و بعدين يعمل اللي عليه
هو المفروض اساسا العكس
بس بالنسبه لينا هنا الظروف مش مهيأه لاي حد انه يادي واجباته علي خير ما يرام

بسم الله الرحمن الرحيم
اولا انا بشكر كاتب الموضوع
ثانيا انا بشكر كل اللي رد علي الرغم اني لم اقرأ كل الردود
ثالثا في حاجة مش عارف حد اتكلم عليها ولا لا
وهي
الاستقرار الاجتماعي
عندنا في مصر والحمدلله استقرار اجتماعي وتماسك من الاسرة علي الرغم من انتشار حالات الطلاق الكثيرة

رابعا عندنا الاجتماعية بنعرف بعض مبنعرفش بعض لو في حد وقع في مشكلة مثلا في الشارع هتلاقي ناس كتيرة بتقف جنبة وبتساعده (في حالات استثنائية)
مثلا انا اخوية مهندس في مصنع 45 الحربي
كان لية صديق مهندس امريكي مش صديق هنقول زميل
كان بيستغرب لما يلاقي اخوية بيسلم علي العمال يدا بيد طبعا مش قصده التواضع لا قصده ان
قاله لاخويا ان في امريكا محدش ليه دعوة بالتاني وان لو حد شاور لحد مش يسلم يدا بيد يقولوا ان اكيد في علاقة صداقة او قرابة لكن احنا هنا بعد الصلاة في المسجد بنسلم علي بعض وحاجات كتير قوي كلنا احنا عارفينها احنا المصريين
الخلاصة


مصر هي افضل بلد في العالم
وانا فخور اني انا مصري

لان احنا خير اجناد الارض
وكمان لو فينا حاجات وحشة
فهي جت علينا من بره
في النهاية بقول
اي نعم احنا في الاونه الاخيرة سلبيين الي حدا ما كلنا طبعا عارفين السبب
لكن ده مش طبعنا

في دراسة اجريت علي شخصية الانسان المصري
وكانت النتيجة ان الانسان المصري
اسطورة
عندما يوضع تحت اي نوع من انواع press (الضغط) يكون عند مستوي المسؤلية
وطبعا الادلة كتير

وياريت كلنا نكون ايد واحده وتكون المذاكرة والشغل في سبيل رفعة الاسلام ومصر
وشكر
والسلام عليكم ورحمة الله وبركاته

ايه الكلام التحفه دة

بجد بجد جمييييل جدا
ربنا يكرمك و يوفقك

و فعلا الجتماعيات فى مصر جميييله اوى و انا مش فاكرة مين مرة سمعته بيقول اذا كان الغرب عندهم ميزة تنافسيه عننا فى المجال الصناعى فاحنا اخلاقياتنا و اجتماعياتنا دى ميزة كبيييرة اوى عليهم

و بجد احنا لازم نحافظ كويس على الحته دى

و نحاول ننمى بقيت الجوانب و ذى ما قلتلكوا هناك فى موضوع الضمير العربى عايزين نشوفف حل ليه و الحمد لله الافكار بتطلع

هنا برضه

عايزين نبدا نشوف حلول

افكار و مشروعات لنهضه بلدنا
بس تكون حاجات واقعيه نقدر نننفذها

ان شاء الله
يعنى طموح بس فى حدود امكانياتنا


سلاااااااام علييييكم و رحمة الله و بركاته

انا مش قريت المشاركات طبعا كلها بس اللي فهمته انه عن مصر


هههههههههه

انا بجد احترمت مصر جدا في الحركه بتاعت رفح وبجد حاجه تشرف وربنا يجعلنا فك كرب الفلسطنين يارب