مشروع الصدقه الجارية

السلام عليكم ورحمه الله وبركاته

فيه مشروع للصدقه الجاريه بنعملوا عندنا فى المدرج

والمشروع ده عبارة عن كل واحد يدفع 10 قروش فى اليوم كحد ادنى

يعنى كل واحد يدفع 3جنيه فى الشهر كحدادنى

والفلوس دى بنجمعها لغاية ان شاء الله بعد سنه رابعه

نبقى نعمل بيها مشروع للصدقه الجاريةحسب الفلوس اللى هاتبفى معانا ساعتها

ولو حد عايز يشترك فى المشروع ده ياريت يقولى اويقول لهدى او مها

وبالنسبة للناس اللى مشتركين اصلا فى المشروع فاحنا ان شاء الله هانلم فلوس شهر يناير يوم امتحان التمويل

وياريت الناس اللى مادفعتش الشهور اللى فاتت تبقى تجيب معاها الفلوس يوم امتحان التمويل

وجزاكوا الله كل خير ونتقابل يوم امتحان التمويل

السلام عليكم ورحمه الله وبركاته

كويس اوى ان حضرتك اعلنت عنها هنا على المنتدى عشان كل الناس تعرفها و يا ريت كمان تبعت للجروب

و ان شاء الله المدرج كله يشارك فيها ذى ما شاركوا يوم العيوطى و يوم مدرج ه

و نبقى دفعة الخير ان شاء الله

ربنا يكرمكم ويوفقكم ان شاء الله

ربنا يكرمكم

يلا ياجماعة عايزين الناس كلها تشارك علشان تاحد ثواب
واللى مشارك يقول للى مشاركش
وكل واحد يقول للناس اللى يعرفها من الجامعة او قرايبه او اصحابه
والمبلغ مش كبير يعنى اى حد يقدر يدفعة ان شاء الله

وبعدين ده هيبقى ثواب مستمر
وحبيبنا المصطفى عليه الصلاة والسلام قال ( أحب الأعمال الى الله أدومها وان قلت ) صدق رسول الله صلى الله عليه وسلم

يعنى ربنا ان شاء الله هيرضى عننا كلنا بالموضوع ده

يلا عايزين نشوف الشغل اثناء وبعد الامتحانات
علشان ربنا ينجحنا واللى مذاكر نص نص ربنا يسهله واللى مذاكر كويس ربنا يوفقه ان شاء الله

بقولكوا ايه


انا فى حبة حاجات نفسى اقولهم للموضوع دة

اول حاجة متهيالى لو محددتوش مبلغ هيبقى احلى و نلمهم فى شنطة صغننه ذى يوم مدرج العيوطى كدة

عشان ممكن حد يحب يحط اكتر او ممكن حد مفلس خاللص خاللص يحط اقل

بس حاسه ان كدة هنلم اكتر

بس تسجلوا الاسامى ذى ما بتعملوا عشان اللى مشترك فيها تضمنوا انه مش هيتهرب هههه

ان شاء الله

و فى حاجة كمان عايزة اقول عليها بس فى الاجازة

يعنى انتوا دلوقتى هتحوشوا الفلوس دى لغايت رابعه

قيمتها هتقل

و احنا ناس بتوع تمويل و استثمار و تجارة

ايه رايكوا تحاولوا تشوفوا حاجة تشغلوا المبلغ فيها عشان على رابعه يكون بيكتر مش بيقل ان شاء الله


بس على العموم الموضوع دة عايز تفكير

خلوه فى الاجازة نبقى نخطط
بس حبيت اقول الفكرة لحسن انساها

و يا رب دايما نتجمع على الخير

اوكى
انا موافقة ان احنا منحددش مبلغ
وهتبقى فكرة كويسة متهيالى
وناخد رأى الباقيين

وحكاية ان احنا نشغل الفلوس دى احنا فكرنا فيها من زمان
بس المشكلة هنشغلها فى ايه ؟؟؟؟؟؟
لو حبينا نحطها فى بنك ممكن ناس تقول حرام ومتوافقش
ولو حبينا نشغلهم فى تجارة طبعا ممكن نخسرهم كلهم

بس لو فى حد عنده اقتراحات فى الموضوع ده او اى اقتراح عموما يقوله واحنا هنشوف امكانية تنفيذه ان شاء الله
وفى الاول والاخر احنا كلنا هدفنا واحد الخير والثواب ان شاء الله

وانا كمان موافقه على فكرة كل واحد يدفع على اد اللى معاه دى

لأن ممكن ناس تحب تشارك فى المشروع مايكونش معاها ال3 جنيه فيبقى برضه يشاركوا وربنا يجازيهم خير

وبالنسبه لفكرة تشغيل الفلوس دى ذى ماقالت مها احنا هانشغل الفلوس فى ايه

على العموم فى الاجازة نبقى نفكر فى الموضوع ده وكل واحد يقول اقتراحه يمكن نوصل لحل

وانا من رأيى اننا نستنى كده شهر اوشهرين مثلا لغاية لما الفلوس تكتر ونحطهم فى بنك من البنوك الاسلامية كوديعة

يعنى هى فكرة طلعت كدة فى دماغى نبقى نفكر فيها سوى ونشوف تنفع ولا لأ


ويابنات نبقى نتقابل ان شاء الله يوم امتحان التمويل عند جامع البنات بعد صلاة العصر علشان اشوفكم وكمان نلم الفلوس بتاعة الصدقه الجارية

علشان انا هامتحن فى تجارة انجليزى مش هاكون معاكوا فى القاعات وكمان ممكن مانقدرش نشوف بعض فالاحسن نتقابل عند جامع البنات بعد صلاة العصر ان شاء الله

وجزاكم الله كل خير وربنا يوفقنا فى الامتحانات ان شاء الله

خلاص يا جمي ل ان شاء الله

و فعلا خلوا الافكار بقى فىالاجازة عشان نبدع براحتنا ههههههه

بسم اله الرحمن ارحيم
شكراً يا جماعة على الأفكار الجامدة ده
تعليق:-
التلاتة جنيه مش شرط , بس ده الاساسى عشان الخير مينفعش نحدده وكل واحد طبعاًيدفع إللى عايزه وجزاه الله كل خير. بس لازم نكون عارفين كل واحد دفع كام عشان لو لا قدر الله حصل أى حاجة نقدر نرجع الفلوس لأصحابها.
أما بالنسبة لاستثمار الفلوس ذى ما قالت مها دى فكرة مطروحة بس المشكلة فى الأمتحانات مش فى نوع الاستثمار , عشان فى فعلاً أفكلر وإن شاء الله هنطرحها فى الأجازة وربنا يوفقنا ويكرمنا

هيحصل ايه يعنى فترجع الفلوس لاصحابها

ان شاء الله مفيش حاجة وحشه تحصل
بس الفول س دى الناس طلعتها لله خلاص
فحتى لو مش هتعرفوا تعملوا بيها ايه ادوها لرساله او لاى حاجة فيها خير

ربنا يكرمك
سلااااام عليكم و رحمة الله و بركاته

فى حد بعد ما هيطلع صدقه هيرجع يقول لا عايزها تانى

معتقدش دى
اعوذ لالله مين دة اللى هيفكر كدة
اكيد لو حتى فى حد كدة احنا اكيد منعرفوش

و احنا ان شاء الله مش هنختلف فى حاجة المهم يكون شىء فى خير و خلاص

يعنى مثلا لو واحد حط فلوسه فى الجامع
عمره هيروح يقولهم انا عايز فلوسى و لا هيقولهم هتعملوا بيها ايه بالظبط من انواع الخير
لا بيحطها و خلاص
لانه عاررف ان اكيد هيتعمل بيها شىء معين فيه خير


فنفس الفكرة اعتقد

و كدة هنلم فلوس اكتتتتتتتتتتتر ان شاء الله

حاولوا تنفذوها عشان خاااطرى

بس سؤال واحد يا موها انا عارفه ان مش مكانه هنا بس معلش نفسى اعرف اوى
هو انتى بتكتبى باحمر و لا ازرق ؟؟ اصل دول بالذات مبيبانوش من بعض فى كمبيوتر عمى الالوان بتاعى
سلاااااام علييييكم و رحمة الله و بركاته

اعوذ بالله ايه الكلام دة بس
انا قصدى ان الفلوس فى اى حال من الحوال مهما حصل اى شىء لا يمكن هتترد لاصحابها تانى و هتوجه لاى عمل خيرى
فاهمين قصدى ؟؟

بسم الله الرحمن الرحيم

إحنا فاهمين قصدك كويس بس إللى احنا قصدنا عليه هو إن الاحتياط واجب فى كل الاحوال.
وكمان ممكن فعلا ناس تطلب فلوسها بعد كدة , وانا شوفت مثال على كدة فى رسالة .


وبالنسبة للقدرات المالية للناس فى ناس بتدفع فى الشهور إللى تقدر عليها وبس , وده مافيهوش أى إحراج خالص

ايه ده انا اول مرة اسمع عن حاجة ذى كدة بجد
ان مكن حد يتبرع و يرجع ياخدهم
هو ما يعرفش ان ما نقص مال عبد من صدقه

بس الله اعلم جايز ليهم ظروف برضه

على العموم ربنا يكرمك و بجد الفكرة فى حد ذاتها جمييييييييييله جدا يا رب كل المجموعات تطبقها ذينا
و ممكن كمان كل واحد على مستوى عيلته يعملها و تبقى الصدقه الجاريه بتاعت العيله و يعملوا حاجة كل سنه مثلا

و ربنا يوفقكوا للخير دايما

سلاااااااااام علييكم و رحمة الله و بركاته

ادعولللى

بسم الله الرحمن الرحيم
شكرا على الرد
وانتى قلتى نقطة كويسة اوى هى ان تكون على مستوى العائلة بس نبتديها فى المشروع ده . بمعنى إن كل واحد مشترك معانا يحاول يقنع أفراد عائلته عشان يدخلوا معانا فى المشروع ده عشان احنا بجد محتاجين ناس كتيرة عشان فى ناس كتيرة (حوالى النص ) سابونا بعد شهر او شهرين

طب انا هسال سؤال
لو انا قامت فى مخى يعنى عديت على عيلتى كدة و اصحابى و قلتلهم اتبرع و لو بجنيه اتبرع بالل تقدر عليه و لمتلككوا شويه فلوس
ينفع تحطوهم و لا لازم يبقى من 3 ج

بسم الله الرحمن الريم

قلنا قبل كدة عمر الخير ما بيتحدد
ودى كمان فكرة جامدة قوى لو كل واحد عملها إن شاء الله هنعمل حاجات حلوة قوى

بس الفلوس ده هنسجلها باسمك

ويا ريت لو فى افكار تانية عشان نزود بيها الخير

وجزاكى الله كل خير

طب خلاص ان شاء الله هحاول اطبقها دلوقتى و بعد الامتاحانت تكبر اكتر ان شاء الله
و لو لمينا بالطريقه دى نجمع كتيييييير ان شاء الله اوى


يا رب وفقنا لعمل الخير

سلاااااااام علييكم و رحمة الله و بركاته

جزاكى الله كل خير يا حبيبتى وفعلا فكرة جميله

ربنا يساعدك ان شاءالله وتعمليها

وجزاكوا الله كل خير

ah mana mara elcomputer rabena hadah we gab elalwan we
shoftek katba mov hhhhh

yala nerga3 lelmawdo3 tany