اسال اللى بعدك سؤال

انا الحمد لله ربنا رزقنى بصحاب كويسيين اوى
ويمكن يكونوا احسن منى بكتير لدرجه انى معرفش هما بيحبونى على ايه
ربنا يكرمهم ويوفقهم وما يجعلناش نتفرق ابدا
اللى بعدى
ايه احساسك لما اختك يكون زفافها امبارح ؟

هكسر وراها زير
هههههههههههههه
لا طبعا بهزر هو اكيد هتسيب وراها فراغ وهحس ان في حاجه اساسيه اتغيرت فى البيت او البيت ناقصه حاجه بس هنعيش برضو لانها هيا كمان انتقلت لبيت تانى وهتمنالها حياه سعيده وموفقه باذن الله

نسيت السؤال
لو اتقدمو لكو حد هتواققو تتخطبو او تتجوز فى الدراسه ولا لما تخلصى؟ (السؤال للبنات اكيد)

لوواحد كويس مفيش مانع

و السؤال نفسه برضه سواء ولد او بنت

انا جاوبته
و شايفه انه ذى ما قال الرسول عليه الصلاة و السلام مادام عنده الامكانيات يبقى احسن
بس بالنسبه لو حد فى دراسه يبقى خطوبه بس


اللى بعدى نفسه برضه

هى حاجه بتختلف حسب ظروف الشخص فى الوقت ده يعنى قى ناس بتتجوز وهى فى الكليه وجوازها ده بينجح جدا وفى ناس جوازها بيفشل لما بيتجوزوا وهما لسه فى الكليه لأنهم مابيقدروش يوازنوا بين الانثنين
وانا عن نفسى شايفه ان الافضل بعد الكليه (انا لسه صغيره ) هههههه
اللى بعدى نفسه

دودو منورة ياقمر
انا معاكى فى حتة حسب ظروف الشخص و انا راى ان الواحد لازم يمر بمرحلة مرحلة وياخد حقة فيها وبعدين موضوع الجواز دة مرحلة هتيجى هتيجى ومش لازم نتسرع لان التسرع دة بسبة فى خطوبات كتير بتفسخ
وكمان نسبة الطلاق زادت اوى ودة بسب عدم الاختيار الصحيح او عدم القدرة على تحمل المسئولية ولازم نتعلم دائما من تجارب الاخرين
طيب اية رايك فى طفولتك؟

انتى اللى منوره يا حبى
وطفولتى دى بتفكرنى بأمى واغانى الاطفال اللى كانت بتسمعهالى
وكنت دايما بزن عليها علشان خاطر تدخلنى المدرسه معرفش ليه
هى كانت ايام حلوه اوى وكنت طفله طيبه جدا لدرجه الهبل لدرجه اللى كان يبوصلى ويقشر كنت اعيط اليوم كله
بس هى ايام استفدت منها لأنى منذ نعومه اظافرى وانا بحب اثقف نفسى وده نفعنى جدا فى المراحل اللى بعد كده فى حياتى
اللى بعدى
نفسه

سؤال محرج

هههههههههههههه

طفوله عاديه فيها مشاكل كتير

والحمد لله على كل شىء

بس بجانب كل ده انا اتمتعت بيها

نفس السؤال؟

الحمد لله كانت طفوله سعيده و مرفهه بس ده مش انعكس بالسلب عليا لما كبرت

مين الشخصيه اللي غيرت مجري التاريخ بعد النبي صلي الله عليه و سلم ؟؟

كتييييييييييييييييييييير اوى اوى

من اول الخلفاء الراشدين و الصحابه و التابعين
و الائمه الاربعه
و صلاح الدين و قطز
محمد على عمل احاجت كتيرة حلوة بس بنتقد ليه حاجات كتيرة
و الضباط الاحرار خلو مصر جمهوريه حدث غير مصر تماما
و كل واحداشترك فى حرب اكتوبر و خدنا ارضنا كلها الحمد لله

و عمرو خالد غير كتير بفضل الله فى اسلوب تفكير و اتجاهات الشباب



اللى بعدى

هل فى احداث معينه حصلت حسيت انها خلتك تغير حياتك



كتير اوى اوى


اللى بعدى

في حدث حصلي غير حاجات كتير فيا و هو وفاه احد اصدقائي حسيت ساعتها ان الدنيا سوده في وشي و الواحد دايما بيشوف العبر من الاخرين و اعمل لاخرتك قبل دنيتك

نفسه؟؟

صراحة هو مش حدث واحد هو مجموعه من الاحداث كلها غيرت فيا كتر وخلتنى افهم الدنيا على حقيقتها وافهم انها ماتستاهلش اى كدب او غش او مظاهر كدابه وانها مش ناقصه قسوه لأن الدنيا فعلا قاسيه لوحدها وحاجات كتير كده اتعلمتها....
مش هاقول من موقف او من يوم وليله لأ دى مواقف وايام الحمد لله انى قدرت اتحملها
الحمد لله كما ينبغى لجلال وجهك وعظيم سلطانك .

معلش نسيت السؤال
ايه الحلم اللى حلمتوا وكان نفسك اوى يتحقق وربنا ما اردش انه يتحقق وبعد كده حسيت فعلا انه الاحسن انه ماتحققش

انى ادخل كلية علوم لكن محصلش نصيب
والحمد لله على كل شىء
طيب نفسة

مش عارف

بس اعتقد كل حاجة ربنا يريدها بتكون خير

مهما كانت

نفسك تنجح فى ايه ؟بره الدراسة

حياتى العملية
طيب امتى بتشعر انك سعيد؟

لما اعمل طاعه جديده و
لما اشوف نتيجه انجاز


امتي تحس ان مفيش حد فاهمك

لو فقدت الثقة فى حد عزيز عليا
او لو حسيت ان ثقة اى حد فيا اتهزت
اللى بعدى نفس السؤال

نفس الاجابه بتعتك و لما بحس بالظلم او الفراق

اللى بعدى

امتى تحس انك مش قادر تتكلم

لما اشوف الى بيحصل فى بلدنا

ولما اكون مش عارف اساعد حد وده غصب عنى

نفسه؟

لما اتصدم فى حلم كبير بالسبالى الاقيه فجاة مجرد خيال




اللى بعدى

ايه هى احلامك

يااااه كتير قوي
صعب اقولهم هنا

هسيب السؤال للي بعدي