اسال اللى بعدك سؤال

.


والسؤال للبعدى ايه السعاده من وجهه نظرك ؟[strike]

السعاده هيا ان اعمل انجاز سواء في الطاعه او الدنيا

هيا شعور حلو قوي



اللي بعدي
ليه بتتدخل المنتدي

عشان بصراحه عايزة اشارك فى حاجه كويسه وشايفه ان كل الناس فيها محترمه جدااااااااا وكفايه انى اعرفهم وانهم معايا فى المدرج يعنى لو اتكلمت هالاقى حد يسمعنى ...

هو فى سؤال محيرنى قوى ... هو احنا اخدنا فى الادارة حاجه اسمها اسباب الاهتمام باالاصلاح الادارى؟؟؟؟؟؟من غير تريقه لو سمحتوا

من غير تريقه والله مش فكرا بس تقريبا خدنا


الى بعدى

ايه اخبارك انهرضا؟

ايه دة

يعنى مش انا لوحدى

ايوة و الله انا اعدت افتكر فى الامتحان ملقتش و روحت البيت فتحت الكشكول اللى مش بسيب حاجة الا و اكتبها فيه و ملقتهاش

اذا احنا جالنا سؤال مش فى المنهج او مبنى على الاستنتاجات


لاااااااااااااااااااااااا

انا هعترض

انا هروح لدكتور عادل و معايا الكتاب و اقوله طلعهالى

(الا لو كانت فى الملغى )

عالعموم لازم يعرف

بس لو حد لقاها يقولى عشان مروحش و يبقى شكلى وحش







المهم بقى الاجابه

اخبارى النهاردة

الحمد لله طبعا

بس كل جسمى واجعنى بجد خلاص مش قادرة

و لسه مبداتش لغايه دلوقتى فى الكتاب الاول و التانى كروته فى الاخر

و محمود اخويا عنده امتحان ربنا يوفقه و مصطفى مقضيها عالتلفزيون
و كنت بذاكر الصبح و قلت اريح شويه فدخلت هنا

و زهقت بجد من القانون لطوله

و ربنا معانا كلنا


و المفروض اقوم عشان اذاكر

اللى بعدى نفس السؤال عملت ايه النهاردة (متقولوش مذاكرناش عشان ميجيليش شلل)



سلاااااااااااااام علييييييييييييكم و رحمة الله و بركاته

لا الحمد لله خلصت اول كتاب


سؤال الاداره بتاع اسباب الاصلاح الادارى

د/عادل مفلش فالمحاضره ما هى اسباب الاصلاح الادارى

لكن اسباب الاصلاح الادارى

هى نفسها اشكال الفساد


انا عرفت دا بعد مخرجت من الامتحان


الى بعدى


نفس الؤال

ايه اخبارك انهرضا؟

على كدة هو سؤال مش مباشر يعنى

عالعموم انا قلتله للقضاء على الفساد من ضمن اللى الفته يلا ربنا يستر


عالعموم برضه نقوله و نتاكد




السؤال انا جاوبته

اللى بعدى يجاوبه بقى

عملت ايه الناهاردة

هجاو ب انا و خلاص عشان عايزة اسال سؤال تانى

انا بكروت بقيت القانون و لقيت شويه غلطات فى الارقام اللى فى ملزمه مكتبه عادل كاتبين 100 جنيه بدل 500 فى اللى هى بتاعة الدين المدنى و التجارى

و الفايده التجاريه 5% كاتبين 4%

و ساعات بلاقى جمل غريبه

ربنا يسهل

و نمت شويه و اتغديت و بلعب و كدة غلط

المهم السؤال



لو اخوك هيتم 13 سنه بعد يومين تجبله هديه ايه ؟؟؟؟؟؟؟؟


ضرورى تجاوبوا عشان مش عارفه

ممممممممممم


بما ان انا مش عندي اخ صغير
عندي اخت مش اعرف

ممكن اي لعبه او ممكن كتاب لو بيحب يقرا
او ممكن خروجه تخرجيه خروجه بيحبها


وهكداااااااااااا


اللي بعدي
لو مالكش نفس تعمل اي حاجه تعمل ايه

مصطفى اخرج معاه دة هيقولى انتى ماشيه جمبى و انتى بنت وا نا ولد يا قليله الادب ههههههههه

لا شوفولى هديه اجبها لطفل اهتمامه الاساسى انه يسمع النشرة الاقتصاديه و الاخبار او يلعب عالكمبيوتر و دة اللى بيضايقنى اكتر

ممكن اجبله الجرنان مثلا ههههههه

هو اخويا لصغير بس بحس انه هو الكبير

---------------------
بعد الرغى عن اخويا

الاجابه بقى

لما يكون مليش نفس اعمل حاجة

فى حاجات كويسه ممكن اعملها
ذى انى اصلى او اقرا قران

و ممكن حاجات مش مهمه اوى
ذى انى اقعد عالنت او ادخل ارغى مع اخويا الكبير او اتصل بواحده صاحبتى ارغى معاها شويه و ممكن انام لو زهقانه خالص و عايزة اهرب من حاجة معينه

يعنى بعمل حاجات كتيرة اوى و احيانا بقعد ساكته و استستلم للزهق و ممكن الاقينى بعيط اى حاجة



اللهم انى اعوذ بك من الهم و الحزن و العجز و الكسل و الجبن و البخل و من غلبة الدين و قهر الرجال

امين يارب

اين السؤال

اه نسيت

ايه رايك فى نفسك

الحمد الله كويسه
بس طبعا محتاجه لتعديل في بعض الصفات

وبعض الاهمال في الطاعه طبعا

بس ممكن اديها مقبوال

اللي بعدي
نفس السؤال

انا الحمد لله لكن مفيش حد كامل لكن الاهم مش انت ايه رايك في نفسك ولا ايه رايه الناس فيك ؟

لكن الاهم ماذا يقول الله عنك ؟؟؟؟؟؟؟؟؟؟؟
لكن مع بعض الاهتمام بالناس وخاصه الناس اللي بتحبهم
اللي بعدي نفس السؤال
ملحوظه :

نعتذر لهاذا التداخل في الرساله التي تمت كتباتها
لكن علي ما يبدو انه حدث فهم خطا للرساله

انى اعتقد ان من الصعب ان اعرف نفسي ولكن لابد ان اعرف حقيقتى "عيوبى" واعلجها واصلاانا بحس انى شخصية كويسة وقوية ومحترمة وعارفة ربنا كويس جدا واللى بعدي لما بتفكر فى حياتك ما هى اول فكرة بتفكر فيها؟

فترة انتقالي من ليبيا لي هنا
وكمان لحظه مش ممكن انساها فيي رمضان بتاع 3 اعدادي

ولحظات كانت محوريه في حياتي
ادت الي تغير شخصي او طريقه تفكير




اللي بعدي يا تري انت علي النت زي الحقيقه

لا مختلفه شويه بس مش تماما يعنى

هو يمكن الفرق الوحيد انى فى الحقيقه خجوله اوى
و بتكسف اتكلم الا مع اللى اعرفهم اوى
لكن عالنت ببقى متحدثه اوى و رغايه و ممكن اتناقش و اقول رايي فى اى حاجة ما دمت مش هقول حاجة غلط

يمكن دة الفرق
لكن كمبادىء و افكار فهى واحدة
بس عالعموم النت مبيظهرش الشخص على طبيعته اوى
و دة لان الانفعالات و ردود الفعل بتبقى مختلفه و مبتبانش كويس

فممكن شخص يبان احسن من اللى هو عليه او يبان اسوء و انا شفت ناس من النوعين
و اتمنى انى اكون كويسه فى جميع الحالات ان شاء الله

اللى بعدى

ايه الصفات اللى تحب انها تكون فى اللى بتتعامل معاه

الالتزام والصدق
الاخلاص الاهتمااااااااااااااااااااااااااام
التشابه في الطبع او الاهتمامات
انها تكون بيخاف عليا
ويتنقدي في اي خطا اعمله بس بشويش
وحاجات كتير
واهمها انها تلاحظ اني حساسه جدا ومش بحب احس اني مش فارقه معاها


ياتري فكرت تعمل ايه في الاجازة

السلام عليكم ورحمه الله وبركاته :

انا ان شاء الله بفكر فى حاجات كتير كأن الاجازة دى سنين

نفسى اول حاجه اعملها اعمل تدريب فى بنك
ونفسى اخرج طبعا
واسافر اصيف ونفسى اساعد ماما شويه فى الاجازة
وحاجات كتير جدااااااااااا

الى بعدى نفس السؤال ؟؟؟؟

ايوة طبعا انا بموت فى الخطط عملت خطة جميلة جدا اول حاجة هسافر ان شاء اللة عمرة مع العائلة ولما هرحع هدرب ان شاء فى بنك ولو ما حصلش هدرب فى شركة وكمان ان شاء هقضيها مع الشلة نروح النادى ونجمع ونشترى حاجتنا مع بعض "ربنا ميحرمنيش منهم يا رب" وكمان اروح اسكندرية واكل كبورية وكمان عندى افكار تانية بدرسها "ادعولى جميعا"

اة اللى بعدى اية اول حاجة هتعملها اول ما تخرج من اللجنة اخر يوم؟؟

اول حاجه هقعد ادعى على الدكتور بتاع المحاسبه عشان الامتحان الصعب الى جابه ربنا يسامحه بقى هنقول ايه واعيط شويه عشان اصحابى الى مش هشوفهم الا السنه الى الجايه

الى بعدى

نفس السؤال ؟؟؟؟؟

ده انا لو اطول ازغرد كنت زغردت
بس نعمل ايه
اخيرا اجازة
وبعدين اخرج مع اصحابي
واروح اساعد ماما عشان انا مقصره معاها قوي
وبعهدين اقعد علي النت وبعدين انام عشان هخرج اليوم اللي بعده

ده كله اذا ربنا احيانا لهذا اليوم

اللي بعدي نفس السؤاال

دة ايه التشاؤم دة يا بنتى

اول ما هخرج ان شاء الله يكون كان امتحان حلو

هخرج من اللجنه اخد نفس عميق كدة و هجرى على اقرب لجنه فيها حد اعرفه مروة و منى هما اللى معايا فى الدور

و اجرى احضنهم و ابوسهم و اقلهم اخيرا حررررريه

و يا اما ماما هتتصل بيه يا هتصل بيها

و هروح علطول على العيوطى اقابل اصحابى و نسلم على بعض و نطمن على بعض
و نروح نصلى الظهر و بعدين نشوف هنخرج فين

بس هبقى زعلانه و مش عايزة اسيب الجامعه بجد بحس انى اكنى لازقه بمغناطيس فيها مش عارفه اخرج و لا عايزة اخرج
بحبها اوى انا بروح كل يوم منها و انا حاسه انى مش عايزة اسبها
مع ان اصحابى دايما يشتكوا انى بروح علطول و مبقعدش معاهم


المهم اكيد هنخرج ان شاء الله و هرجع اقعد عالنت ان شاء الله

بس اللى مزعلنى مش ان بس الاجازة لما هتيجى مش هشوف اصحابى انا فى الاجازة ببقى معاهم دايما و لو كنت فى مصر كنت هبقى كل يومين مثلا بروح مكتبه مبارك اشوف اصحابى و لا اكنها الكليه

بس المشكله انى مش هشوف اى حد
حتى اخويا الكبير
لانى هسافر اول ما تيجى الاجازة بالكتير اسبوع كدة و هنسافر ان شاء الله
و هبقى بعيدة عن مصر حبيبتى اللى فيها كل الناس اللى بحبهم
و حتى اخويا مش هييجى معانا عشان هو اخر سنه ان شاء الله السنه دى فممنوع من السفر عشان الجيش

يعنى هبقى لوحدى مع ماما و بابا و اخويا الصغير بس
هما طبعا بموت فيهم بس مش كفايه
هنبقى لوحدنا فى بلد غريبه معرفهاش

الشىء الوحيد اللى مصبرنى اننا ممكن نبقى نروح مكه و المدينه و اعمل عمرة وازور النبى عليه الصلاة و السلام (احلى حاجتين فى الدنيا )

لولا كدة لا يمكن كنت هقدر استحمل

ربنا يكتبهالى ان شاء الله و يكتبهالنا كلنا

معلش انا رغيت كتير بس اصل الموضوع ده مزعلنى اوى كل ما افكر انى هبقى لوحدى و ناس كتير مش هشوفها


الحمد لله
ربنا يجعل فى دة خير









اللى بعدى

بتحب الاجازة اكتر و لا الدراسه

بصراحه بحب الاتنين بس مش بحب فترة الامتحانات


الى بعدى


نفس السؤال