بسم الله الرحمن الرحيم
طبقا لرغبة الاخت زمزم اسم الموضوع هيكون اتعلم البورصة مع الزعيم
بس انا قلت في الموضوع من اول الاسبوع الثاني في الاجازة ولسة الاسبوع الاول احنا في بدايته
مش مشكلة شكلوكوا متعطشين للعلم
بس في حاجات لازم نعرفها قبل ما نبتدي الشغل
لازم نعرف ان البورصة الي يشتغل فيها زي التاجر يشتري ويبيع فده حلال والله اعلم
اما شغل المضاربات واطلاق الاشاعات للمرابحة فهو حرام والله اعلم
كمان لازم نفرق بين التحليل المالي وده الدكتور خيري الجزيري شرحه لينا واكيد ده مفهوم
والتحليل الفني وده الي إن شاء الله هبدأ في الشرح بتاعة
طبعا الاستثمارات في البورصة اشكالها كتيرة وده مش مهم
المهم ان الانسان يعرف يحلل
والتحليل اساسا معناه السهم بتاع الشركه دية رايح فين وقيمته ايه
علي فكرة في ملحوظة جامدة قوي وهي
ان المحللين الماليين والفنيين المصريين خصوصا مطلوبين في الدول العربية
وانتظروني في الدرس الاول في التحليل الفني
و
اتعلم البورصة مع الزعيم
الحلقة التانيه
بسم الله الرحمن الرحيم
اولا ازيكوا عاملين اية إن شاء الله هتستفدوا بجد وربنا هو الموفق
للعلم المعلومات دية من دورة البورصة الي اخذتها في سنة تانية وكمان من اكادمية البورصة ومن دورة علي سي دي عندي وكمان من كتب عندي يعني طبعا انا مش دكتور او محلل فني جبار بس طبعا البيانات والمعلومات دية مبسطة عشان يبقي الموضوع سهل علي الكل إن شاء الله ولو مفيش حد مش فاهم اي حاجة يقولي وان شاء الله هرد علية علي طول.
يلا نبدأ
ذي ماقلت في الاول لازم نفرق بين التحليل الاساسي(المالي) والتحليل الفني
فالتحليل المالي هو التحليل الأساسى ببساطه واختصار هو تقييم سعر السهم العادل و التنبوء بأسعاره المستهدفه مستقبلا ،وذلك اعتمادا على قرآة القوائم الماليه الخاصه به واستخراج بعض المؤشرات منها ( كربحية السهم والأحتياطى مثلا)
كما يؤخذ فى الأعتبار ايضا الأحداث والأخبار الجوهريه للسهم مثل خطط التوسع وزيادات رأس المال والدراسات التى تتنبأبتأثير ذلك على السعر مستقبلا وطبعا احنا درسنا كويس علي ايد الدكتور خيري الجزيري
اما التحليل الفني وده المهم هو دراسة حركة السوق من بيع وشراء وحجم تداول وهو يدرس تأثير حركة السوق الحالية علي الوضع المستقبلي
طبعا العلمين بينهم عامل مشترك وهو انكلا من العلمين بيهدف الي التنبؤ بحركة السوق المستقبلية وكذلك السهم لكن كل علم له منظور مختلف عن الاخر
وذي ما قلت ان المحللين الماليين والفنيين خصوصا المصريين مطلوبين في دول الخليج وانا اعرف ناس شخصيا مرتباتهم خيالية
مقدمة في التحليل الفني:-
التعريف بالتحليل الفني يتكون من ثلاثة اجزاء
اولا:- هو دراسة حركة السوق
بمعني كل مايتم من شراء وبيع -حجم تداول -تأثير العوامل الاقتصادية والسياسية علي طباع المستثمرين وكيفية إتخاذهم للقرار الاستثماري (حركة السهم)
ثانيا:- التحليل الفني يستخدم الرسوم البيانية
يقوم التحليل الفني بترجمة السوق برسوم بيانية
ثالثا:- الهدف من الدراسة
وهو التنبؤ بالحركة المستقبلية لسهم ما بصفة خاصة او للسوق بصفة عامة.
يعتمد التحليل الفني علي ثلاث اركان اساسية هذه الاركان هي التي تشكل علم التحليل الفني
اولا:-
الاسعار تتحرك دائما في إتجاهات
بمعني ان الاسعار دائما في اي سوق من الاسواق المالية تأخذ إتجاها واضحا محددا وطبعا لو احنا ححدنا تلك الاتجاهات مستقبلا يمكن ان نستخدمها في صالحنا ونربح عن طريقها
ثانيا:-التاريخ دائما يكرر نفسة
هناك بعض الاشكال البيانية في اسواق مختلفة وفي ازمنة مختلفة طبعا تلك الاشكال البيانية المختلفة يوجد لها عامل مشترك وهو ان ناتج هذه الاشكال واحد لذلك نقول الجملة دية وهي ان التاريخ بيعيد نفسة وكمان الجملة دية بنقولها كل يوم كتير في حياتنا يعني هي جملة صحيحة
ثالثا:-حركة السوق تتضمن جميع المعلومات المتاحة
بمعني ان اي عملية شراء او بيع تنتج عن توافر جميع المعلومات لجميع الافراد في نفس الوقت
وطبعا احنا عارفين ان في ناس تطلق اشاعات لكي تربح من ورائها وهذا حرام وكمان المديرين الماليين الي بيستخدموا المعلومات لحسابهم ذي ما درسنا في الادارة هذه تعتبر سرقة وبالتالي حرام طبعا كلنا فاكرين كلام الدكتور حلمي البشبيشي في محاسبة شركات الاموال وهو بيقول ان البورصة ديرتيwork ذي التاجر الي بيخسر في الميزان ويقول ان الميزان مضبوط
المهم لازم نراعي ضميرنا امام ربنا
وتعالوا نشوف اية اخر حاجة معنا انهارده
ما هى أدوات المحلل الفنى ؟
وطبعا الاجابة هي
1-البيانات التاريخيه للاسهم
2-برنامج لصنع الرسوم من واقع هذه البيانات
3-ان يكون البرنامج به امكانيه صنع المؤشرات وبنائها
وبكده خلصنا حلقة انهاردة وإن شاء الله هنبدأ في الحلقة الي جاية بالدرس العملي
ويارب يكون كلامي مفيد ليكو ا
والسلام خير ختام
