هل فتاة النت سيئة(موضوع للنقاش)

ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت
النت عالم كبير وافٌاقه رحبة ويرتاده الكثير من الشباب والفتيات وفيه من الخير والشر الشيء الكثير

اي ان المهم يعود في الاستخدام الجيد والحسن للنت فهناك من الفتيات من يرغبن في التصفح والاستفادة

في حياتهن وما دخولهن لهذا العالم الكبير الا لتحقيق ذلك وهناك العكس ممن يرغبن في المرح والتسلية

وهي امورا تعود عليهن بسوء

اي وبمعنى اصح ووجهة نظر شخصية بالنسبة لي بأن الفتاة التي ترتاد النت رغبة في تحقيق اهداف تعود
عليها بالفائدة هي فتاة رائعة ومن غير الجائز ان نحكم على اخلاقها بالسوء لمجرد انها دخلت الى هذا العالم
الكبير
2-هل يعني دخول الفتاة الى الانترنت ،،، والمنتديات خاصة ومخاطبة (الشباب) من خلال المواضيع والمشاركات ،،،، انها فتاة سيئة ،،،،

لا ابداً ـــــــ البحث عن الفائدة والمعرفة وحب الاستطلاع ليس دليلاً على السوء والانحراف فهو امر عاادي
في ظل العولمة التي تحيط بنا من كل جانب

3-ترى ماهي بنظركم الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا
الحدود التي يجب ان تقف عندها الفتاة ــــــــ هي ان تعرف مالها وما عليها خلال ارتيادها للنت وان تأخذ
مايفيدها فقط وان ترمي بالباقي خلف ظهرها ولا تفكر به لأنه بمجرد تفكيرها سوف يكون طريقاً صعباً
ومؤلماً بالنسبة لها .

4-ماهو الخط الاحمر الذي يجب ان تقف عنده الفتاة وتقول للانترنت ،،،وداعااااااااا

اعتقد بأنه لايوجد توقيت زمني يوقف الفتاة عن حب المعرفة والاستطلاع ــــــ ولكن متى مارأت
الفتاة بأنها سوف تتجه اتجاه يخالف طموحاتها واهدافها التي رسمتها لنفسها ـــ هنا تتوقف وتقول
للنت وداعاً

5-انت كشاب تستخدم النت وتكتب بمنتديات ،،،هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم انا كمستخدم للنت لاامانع ابداً في استخدام من اعولهم له ولا بد من وجود الثقة ـــــــ ولكنها ثقة غير مفرطة ولا بأس
من الاشراف ولكنه اشراف لايصل لحدود الشك

م ن ق و ل

كلام جميل اوى

خصوصا ان دلوقتى كمان بقى الاطفال بيخشوا على النت و احسن مننا كمان

انا مبدأتش النت دة غير و انا عندى 16 سنة

دلوقتى تلاقى واحد عندة عشر سنين و قاعد لهلوبة

بس من وجة نظرك بقى

اية هى الحدود اللى المفروض تبقى محطوطة ؟؟

طب بالنسبة لحكاية الهزار دى

هو اصل النت فى كل حلاتة بيبقى الهزار فية محدود

يعنى مثلا مستحيل يوصل انهم يهزروا بالايد

او ان حد فيهم صوتة يعلى

فممكن توضحى الهزار بيبقى حدودة اية بالظبط

خصوصا ان انا نص كلامى هزار

و النص التانى برضو هزار

ههههههههههههههههههههههههههه

حاضر

هندخل لسانا جوة

انتى عندك حق فى حتة الدلع و القمر و الكلام دة

بس دة مسموش هزار

دة اسمة سهوكة

بيعمل جو و بيلفت النظر يعنى

و برضو موصلتش لاصول الهزار

اصل الهزار ممكن يبقى خالى من الكلام دة كلة

بس ممكن مثلا يوصل للدخول فى الخصوصيات

و ممكن يتمادا فى الهزار ويشتم شتيمة خفيفة مثلا عبيطة او يقولها اية الذكاء دة

الواحد المفروض يقف فين بالظبط بقى؟؟

و انتى بتعملى كل الحاجات اللى قلتيها دى؟؟

ازاى شخصيتك مختلفة عن الحقيقة؟؟

و لو حد قالك تقولى مين فى المنتدى هنا زود هزار معاكى هترضى تقولى

معلش قلبت الموضوع اسألة

و ياترى بيبقى رأيك اية فى البنت اللى مبتعملش الكلام دة بالظبط

يعنى لو بنت بتهزر خفيف

و تدى ايميلها لولد

بس على فكرة

انا رأى ان اى زيادة سواء فى الهزار او فى طريقة الكلام او اى حاجة تانية

دة مش معناة ان نفس الكلام يحصل فى الحقيقة

يعنى مش معنى انى قلت لبنت يا عبيطة مثلا على النت

انى اقدر اقولها برة النت

حتى لو زميلتى

اقتباس :

ازاى شخصيتك مختلفة عن الحقيقة؟؟

يعنى بتناقش هنا
فى الحقيقه لا

ممكن يكون دة شىء كويس و ممكن لا

بس متهيالى يمكن ببقى مبسوطه لانى بموت فى المناقشه و مبحبش فى نفس الوقت احتك اوى بالناس فى الحقيقه

اقتباس :

و لو حد قالك تقولى مين فى المنتدى هنا زود هزار معاكى هترضى تقولى

نووووو

و مفيش حد مضايقنى الحمد لله

انا عموما مممكن اتضايق من الجو العام عموما لما الاقيه اتقلب هزار جامد

و لو حد ضايقنى بيبقى بغير قصد و بتبقى ناس محترمه و بمجرد ما اقولهم يا ريت بلاش كدة بيتوقفوا عن انهم يعملوا الشىء اللى بيضايقنى دة
و دة احسن حاجة فى منتدانا انه بجد الناس اللى فيه كويسين جداااا
احسن ناس

اقتباس :

معلش قلبت الموضوع اسألة

نو بروبلم

بس المهم الكل يجاوب عليييها

اقتباس :

و ياترى بيبقى رأيك اية فى البنت اللى مبتعملش الكلام دة بالظبط

مش شرط ان بنت تكونمش ذيي انها تكون وحشه بالعكس ممكن تكون احسن منى مليون مرة

كل انسان ليه اسلوبه بس المهم نكون كلنا بنحاول نتقى الله فى كل افعالنا و نبقى بنحاول منعملش شىء غلط

اقتباس :

يعنى لو بنت بتهزر خفيف

دة يتوقف برضه على شخصيتها و انا نفسى بهزر يعنى
بس برضه مش بحب الهزار الكتير

هو فى ايه بتقول

" فلا تخضعن بالقول فيطمع الذي في قلبه مرض "

فلازم البنت تاخد بالها من كلامها

يا رب اعرف اخد بالى دايما من كلامى

اقتباس :

و تدى ايميلها لولد

انا بصراحه بعترض على دة
لان انا بحس ان الايميل ذيه ذي التليفون و اكيد مفيش بنت ينفع تتكلم مع واحد فى التليفون

و دى وجهة نظرى

اقتباس :

بس على فكرة

انا رأى ان اى زيادة سواء فى الهزار او فى طريقة الكلام او اى حاجة تانية

دة مش معناة ان نفس الكلام يحصل فى الحقيقة

يعنى مش معنى انى قلت لبنت يا عبيطة مثلا على النت

انى اقدر اقولها برة النت

حتى لو زميلتى

بس متهيالى المفروض اللى نرفضه فى الحقيقه نرفضه فى النت

و ربنا يكرمنا كلنا

و انا اللى بقوله دة وجهة نظرى و اللى اتمنى اكون بطبقه دايما

لكن عشان محدش يقول انى بتكلم و مبنفذش انا فعلا عارفه انى مش بنفذ دة اوى للاسف لكن انا هنا بس بقول اللى فى رايي المفروض يكون



سلاااااام عليييكم و رحمة الله و بركاته


((متهيالى الموضوع فى اختلافنا ميزة يبقى مكانه احلى صح ؟؟))