مشكلة

حاسس بانى بقالى اكتر من اسبوعين عدوا مش عارف حصل فيهم ايه
حاسس ان الايام بتعدى و خلاص

مليش نفس اعمل اى حاجة
مش عايز اذاكر
مش عايز اكلم حد
و بتصرف تصرفات غريبه

احساس انى فى غيبوبه
حاله غريبه من توهان الافكار

و كل ما احاول اتظبط و اقول خلاص هفوق بقى و ابقى كويس
ارجع تانى لنفس الحاله الغريبه دى

يا رب اهدينى

ادعولى

فعلا

لازم تغير جو عشان ترتاح نفسيا

وأستهدى بالله

وإن شاء الله هتروق

ممكن تجاوب على أسئلتى من فضللك
هل تشعر بفراغ؟
هل بتحضر المحاضرات؟
هل لك أصدقاء؟
هل يوجد حاجة معينة بتفكر فيها دايما و عملالك قلك؟ لك الحرية أن تقول أم لا ؟
لما فكرت أن تصلح من شأنك عملت اه؟

نصيحة من عندى حاول أنك تكون طموح و فكر فى مستقبللك بموضوعية
و القضاء على الكسل و الخمول هو أنك تنام بدرى و تصحا بدرى
و استقبل يومك الجديد بأن فيه حاجة هتتغير و كمان المذكرة بتتعلم حاجة جديدة
حاول أنك تستعيد موهبك و حول تدعمها
و خلى فى ذهنك على طول فكرة النجاح و أنك أذى تكون الأفضل
فكر و خطط لمستقبللك دايما

يارب تكون للأحسن دايما

بص يا مشكلتى

انت لو لجأت لربنا وصليت بصدق
وقربت لربنا هيشيل عنك همومك

وادعى دايما وقوول

اللهم انى اعوذ بك من الهم والحزن والعجز والكسل والجبن والبخل



وكمان حاول تقعد مع ناس مش بتقعد معاهم
وابعد عن الحاجه اللى بتخنقك فتره

وغير نظامك شويه
اعمل حاجه مكنتش بتعملها


يا عم لو تعرفنى ومش من شلتى

تعالى واقعد معانا وانت هتنسى اسمك مش همومك بس
واحنا مش رخمين والله

وربنا يشيل عنك همومك ويهديك يارب

بص يا مشكلتي


كلنا بنمر بالمرحلة دي كتيييييييييييييييييير


بل ان 90% من الشباب دلوقتي في الحال ده


والحل بسيط خالص


اولا زي ما قالك فريندس


غير جو

انا برضه حصلي كتير التيرم ده وبقالي اسبوعين مقضيها خروجات ومشاوير وان شاء الله هأسافر النهاردة

ولما ارجع من السفر هأسافر سفريتين كمان

فحاول تغير جو

ويا ريت تغيير الجو يكون بالسفر علي اد ما تقدر


ثانيا

حاول تشغل حالة الفراغ

اه ممكن تشغلها بسماع اغاني او بخروج وتفكير او اي حاجة من الكلام ده


بس انصحك

لو حبيت تشغل وقتك

اشغله بحاجة تحقق فيها نجاح

بمعني

ابسط الاشياء لو بتعرف ترسم ، اقعد ارسم ، وطلع رسومات جميلة

هتحس بالنجاح

وبعدين في حاجات كتير بتخرج اللي جوا الواحد


زي الرسم والاختراع ولعب الشطرنج وما شابه ذلك


بص لازم بجد تعمل حاجة ناجحة


ان شالله يا عم لو فتحت الايميل وقعدت تتعرف علي ناس جديدة


التعارف ده حلو

عالاقل بيعلمك حاجة حلوة

اللي يشوف بلاوي الناس ، تهون عليك بلوتك

وساعتها تلاقي نفسك بتندمج في وسط الناس ومشاكلهم وتلاقي اللي ينسيك همك


هي الحياة كده محطات ، محطة تيجي بسرعة ومحطة يعطل فيها المترو


وما تنساش ان الحياة نفسها محطة


بس بجد

فكر انك تنتج حاجة

ان شالله يا عم لو حتي تقعد تفكر وتحل حاجة بفكرة بمجرد فكرة علي ورقة او في دماغك


او حتي تلاقي حاجة عندك في البيت بايظة ، تقوم تصلحها

اي احساس او شعور بالنجاح كفيل بانه يولد الطاقة للنجاح الاكبر


الطفل لما بياخد اول خطوة للمشي ، بيبقي عنده حماس وقوة مش عند حد وبيجمها كلها الي انه ياخد الخطوة التانية في المشي


ما بالك بالشاب؟؟

منتظر ردك ونتيجة الكلام