| انا عليا سابقة وبيتقالي بطاقتك | |
|
|
كاتب الموضوع | رسالة |
---|
Yaso رئيس المنتدى
عدد الرسائل : 3072 العمر : 35 مكان السكن : cairo الوظيفة : business man السٌّمعَة : 0 تاريخ التسجيل : 29/04/2007
| موضوع: انا عليا سابقة وبيتقالي بطاقتك الأحد يونيو 15, 2008 5:13 pm | |
|
انا عليا سابقة وبيتقالي بطاقتك
امس ، يوم جميل ملئ بالاحداث ، فبعد ان فوجئنا بالامتحان هذا ، فكنت احاول اخفاء ما فعلته في ورقة الامتحان ، وحاولت ان اضحك ، ولكن سرعان ما بدأ يتغير مزاجي ، واجلس في هدوء ، وبعد فترة ، رجعت مرة اخري الي مزاج افضل ، وبدأت اداعب من حولي ، وانتهي اليوم الجامعي ، وخرجت متجها الي البيت انا وبعض اصدقائي ، وفي الطريق ، فقدنا احدي اطارات عزة ، فنزلنا لنغيرها ، وتم تغيرها ووصلنا الي البيت بسلام بعد معاناه ، وبعد ان استرحنا في البيت لفترة ، نزلنا لنلحق بأي فيلم في أي سنيما ، ودخلنا فيلم علي جنب يا اسطي...
المهم ، بعد ان انتهينا من الفيلم وقررنا الاياب الي البيت ، فوقفنا في التحرير ننتظر اي اتوبيس او ميني باص ليقوم بتلك المهمة ، ولكن بعد وقت قليل من الوقوف ، قررنا ان نعيد امجادنا في المشي ، فلنعود راجلين وننسي فكرة العودة راكبين ، وما ان وصلنا لمنتصف الطريق ، وعند قصر عابدين ، ونحن نتدبر حياتنا وما نفعله ومستقبلنا الباهر ، فإذا برجل ينادي علينا ، " خد يا بني انت وهو تعالو " فعبرنا الطريق لنري ماذا يريد ، فما ان وصل له فكان بجواره عسكري ، وبدأ يتحدث معنا ففهمنا فورا انه مخبر مرتديا بالطبع الزي الملكي ، وبدأ حديثه هكذا " بطايقكم ، انتم شغالين ايه؟؟ " والعسكري بجانبه " انتم شغالين ايه بالظبط؟؟ " ، فما ان بدأن الرد وكان الحدث والحديث هكذا " بدأنا نخرج البطاقات الشخصية ، وهم يكررون الاسئلة بشكل مستفز ، انتم شغالين ايه انت وهو ، فرددت عليه ، نحن لا نعلم ، احنا طلاب ، وبمعني أصح طلبة جامعين ، فرد المخبر يعني انتم شغالين ايه؟؟ ويشاركه ايضا العسكري ، فكان يتوجه بالسؤال لأحدنا ، انت شغال ايه؟ ، فظللنا نجيب قولنا اننا في الجامعة ، رد المخبر طب وروني الكارنيهات ، فأريناه الكارنيهات ، وفجأة.....
توجه إليّ بسؤال نزل عليّ كالصاعقة ، وكان " انت عليك سابقة يا بني انت؟؟ " فوقفت انظر له في دهشة غريبة ، ولم استطع الرد عليه في حينها ، وبعد ثوان قولت له " سابقة؟؟ سابقة ازاي؟؟ ده انا بابايا مدير في بنك؟؟ شكلي سابقة ازاي؟؟ " ورغم ان لدي كارنيه نادي الشرطة وكارنيهات بعض النوادي العريقة ، لم استطع الرد عليه من دهشة الموقف ، فكان بإمكاني ان اسكته باحدي تلك الكارنيهات ، ولكن صدمة ودهشة الموقف جعلوني اتلعثم في الكلام ، وظل الحوار والرجل ينظر الي البطاقات ويميلها يمينا ويسارا وفي كل الاتجاهات ، وكأننا مزورين تلك البطاقات وكارنيهات الجامعة ، ثم اعطانا اياها ، وقال لنا ، " ممنوع المشي جنب سور القصر ، امشو علي يمين الطريق وابعدو عنه وامشو علي اليمين خالص " واخذنا البطاقات وذهبنا ، وانا يملأني الدهشة والحيرة والتعجب
الدهشة في أن مثل هذه الشخصية توقفنا ، والدهشة في أن مثل هذه الشخصية تتجاهل الـ3 شباب الذين كانوا يمرون خلفنا ، وأقل ما يقال عليهم ، أو أقل ما نصفهم به ، هو التشرد ، ولكنه يوقفنا نحن ويتركهم ، حقا أمر عجيب ....، فربما خاف منهم لأنهم أكثر منا ، وربما لأنهم ربما يتعدوا عليه ....... .
وما يثير الدهشة أيضا ، تكرار اسئلة نوع الوظيفة ، وكأن من يعمل ويعود في وقت متأخر ، يفعل جريمة ، ولنفترض أنه ارتاب في مسألة التأخر وكأننا نحن فقط من نمشي في الشارع وقتها ، علي الرغم من أن الشارع رغم تأخر الوقت ، كان به عدد كبير من الناس ، ولكن نفترض أننا وحدنا ، هل منظرنا متشردين او من أرباب السوابق ؟؟ ، هل شكلنا يوحي بأننا من معتادي الاجرام؟؟
وما يثير الدهشة أيضا ، هل المشي أصبح ممنوعا بجوار سور قصر عابدين؟ رغم كل الحراسات المشددة عليه؟؟ هل نحن منظرنا يوحي بأننا ارهابيين مثلا؟؟ ، لقد اعتادنا المشي من صغرنا بجواره ، فماذا يحدث؟؟
والغريب ايضا انه بمجرد ان مرت بجوارنا عربة شرطة ، تركنا هذا المخبر وهذا العسكري ، بعد ان سبوا من في عربية الشرطة ، وكأن ايقافنا كان كنوع من المنظرة امام الرتبة التي كانت في عربة الشرطة بأنهم يقومون بعملهم ....... ، انا لا اعترض علي القيام بالعمل ، لكن هل أجهل عملي الا امام عربة الشرطة فقط ومن هو رئيسي في العمل ؟؟ ، وهل أجهل اختياري في الناس في الشارع؟؟ ، وهل اخأف من المتشردين واستعرض نفسي وسلطتي علي المحترمين من هذا الشعب؟؟
بقي ان اقول شيئان ، اولهما ، ان هذا المخبر حينما أخذ بطاقاتنا الشخصية وظل ينظر للصورة فقط ، ذكرني هذا بفيلم " عسكر في المعسكر " حينما قرر حسن حسني بعدم عبور أي شخص ودخول الفرح الا ببطاقته ، وكان يجب ان يتاكد من يقوم بمهمة الامن علي باب الفرح ، كان يجب ان يتأكد من ان صورة البطاقة هي للشخص ذاته ، وهذا جعلني استشعر في هذا المخبر بأنه منهم ، فبنظره للصورة أحسسني انه جاهل لا يعي القراءة ولا الكتابة ، وهذا يجعلني اقول ، عمار يا مصر
والشئ الثاني ، ان هذا الحدث جعلني اكرر مقولة " انا واحد يوقفني ويقولي انت سابقة !!! " الي ان وصلت للبيت ، وأحب ان أشكر بروفيسور علي انه تحملني في تكراري لهذا السؤال ، الذي كان قد قارب علي 50 مرة لتكراري لهذا السؤال ، ولكن ما ان وصلنا للبيت ، فبدأ ان يقول لي يا سابقة ، ويعايرني بمثل هذه الكلمة....
ويبقي لكم الرد
انا شكلي عليا سابقة؟؟!!!!!
| |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الأحد يونيو 15, 2008 5:33 pm | |
| ههههه ايه ا لموقف الغريب دة بس عموما هما مين قال ان اللى عليهم سوابق لازم يكونوا منكوشين يعنى مبتتفرجش على افلام و لا ايه حصل لاخويا مرة هو واصحابه موقف مشابه كانوا مطلوب منهم يرسموا حاجة فى نوع معين من الكبارى و هما بشطارتهم نقوا كوبرى و قاعدين يراقبوا و يرسموا قدام ايه بقى تفتكروا ؟؟ هى احدى السفارات بس هما بقوى خدوا كلام اكتر من دة شوية | |
|
| |
Yaso رئيس المنتدى
عدد الرسائل : 3072 العمر : 35 مكان السكن : cairo الوظيفة : business man السٌّمعَة : 0 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الأحد يونيو 15, 2008 5:45 pm | |
| ههههههههههههههههههههههه ناصحين بس يا بنتي برضه بقولك الواحد بيعرف يميز انتي فاهمة الموقف عامل ازاي دول اصطادونا احنا علشان يمكن شكلنا انضف شباب واكثر شباب مسالم ساعتها في الشارع وكل ده علشان البيه اللي معدي في عربية شرطة واللي شكله مديرهم واللي يا دوب مسافة ما عدا راحوا شاتمينه شتيمة محترمة جداااااااااا ، وراحوا سايبنا مش عارف اوصل ليه انا عملت الموضوع ده بس اكيد حد هيحس فيه كذا سؤال وكذا تعجب في الموضوع ده وعلي فكرة ده بيفكرني برضه بحاجة مرة كانت اخت جدتي من و عايشة في الاردن ، وشكلها اجنبي مرة قالتلي ادخلها جامع من الجوامع الضخمة والاثرية اللي قصاد البيت واخدتها ونزلنا دخلتها الجامع واحنا داخلين لقيت واحد من الشرطة عالباب بيقولي ايه ده؟؟ دي اجنبية ، قولتله اه ( هي فعلا كده ) بس قولتله انها جدتي قالي طيب اتفضل وحسيت بترحيب جامد علشان هي معايا وصلينا الظهر وقولتلها هأرجع البيت اعمل حاجة وارجع علشان نروح المشوار اللي متفقين عليه وروحت البيت ورجعتلها ، وجيت داخل لقيت ظابط بيوقفني ، ويقولي بطاقتك وانت داخل تعمل ايه؟ وكل ده علشان كان فيه اجانب داخلين معايا وفيه في الجامع فعلا كانوا موجودين لما كنا بنصلي في اول مرة ورحت وسيبتها قولتله جدتي جوة وانا لسه كنت موجود يا دوب وصلت البيت وجيت ، راح باصص في البطاقة قالي ايه ده ده انت ساكن هنا ، شاورتله عالعمارة قالي طيب ده احنا جيران ادخل ادخل ده مثلا موقف مشابه لحكاية ما تمشيش جنب سور القصر ده علاوة علي اللي حصلنا في اسوان لما روحنا مواقف كتيييييييييييييييير | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الأحد يونيو 15, 2008 5:52 pm | |
| طبعا حاجات مستفزة بس عارف مين اللى يستاهل تتضايق منه و تتنرفز بجد و حسبى الله و نعم الوكيل فيهم الناس اللى شوهت صورتنا اللى بينتنا مش مسالمين اللى بيخافوا على الاجانب منهم اللى شوهوا صورة المسلمين ربنا يهديهم بس دول بجد السبب ما هو لما يحصل كوارث و مصايب لازم بيخلى الواحد يبقى حذر بطريقه بايخة ذى عارف فى مثل بيقول اللىاتلسع من الشوربه ينفخ فى الزبادى هى كدة اما انه نقاكزا انتوا بالذات فدة يرجع لانه شخصية بتتمنظر فعلا لكن دى حاله فرديه برضه | |
|
| |
Yaso رئيس المنتدى
عدد الرسائل : 3072 العمر : 35 مكان السكن : cairo الوظيفة : business man السٌّمعَة : 0 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الأحد يونيو 15, 2008 5:58 pm | |
| يمكن ، انا مش هأعمم برضه المخبر ده بالباقي انا فعلا مرتين بس وقفوني علشان يتقالي الرخصة وانا سايق والمشكلة انهم كانوا قريبين من البيت ، حاجة غريبة بس اللي عايز اقوله ان المرة الاولي كان امين شرطة تقريبا و كان شكله رخم شوية بس عادي والتانية كان ظابك مش فاكر برتبة ايه ، بس انا اللي كنت رخم الصراحة ، انا عاملته وحش شوية بس هو كان انسان محترم وهزر معايا وبجد شخصية كويسة بس المشكلة ان جهاز الشرطة ده لازم يبقي احسن جهاز في مصر ، احسن من اي حاجة تانية انا اسمع ان جهاز الشرطة في الامارات مالوش حل وحاجة محترمة فعلا يا ريت احنا نبقي الجهاز الاول عالميا يللا الحمد لله | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الأحد يونيو 15, 2008 6:34 pm | |
| يا رب نبقى الاحسن فى كلللللل حاجة كله بالتدريج ان شاء الله بس الناس اخلاقها تتحسن و ترجع لربنا و يتقوه فى كل حاجة وكله هيمشى كويس ربنا يهدينا جميعا | |
|
| |
mohamed14 مشرف
عدد الرسائل : 3210 العمر : 35 مكان السكن : EGYPT الوظيفة : mohamed14 السٌّمعَة : 4 تاريخ التسجيل : 16/06/2007
| موضوع: رد: انا عليا سابقة وبيتقالي بطاقتك الإثنين يونيو 16, 2008 12:05 am | |
| - اقتباس :
- نا عليا سابقة وبيتقالي بطاقتك
ههههههه الموضوع بيبان من عنوانه - اقتباس :
- ذكرني هذا بفيلم " عسكر في المعسكر " حينما قرر حسن حسني بعدم عبور أي شخص ودخول الفرح الا ببطاقته ،
هههههه ما هو برضه كان بيبص في صورته و يقوله عدي و تلاقيه مش عارف يقرا اساسا - اقتباس :
- انا واحد يوقفني ويقولي انت سابقة !!
معلش يا هشام الواحد ياما بيشوف من العينات دي بس كويس انك مسكت اعصابك و ما عملتش اي حاجه تانيه و مين العسكري اللي كان معاه بقي اللي عمال يكرر الكلام ده ! بس فعلا حاجه مستفزه ان مجرد ظابط او عسكري ممكن ما يكونش ليه لازمه يعملك فيها بورم الحكايه مش في انك يعمل معاك المشكله ان ده هايبقي السائد في مجتمعنا و كل حاجه هاتبقي ماشيه كده بعد كده يلا بلاش نفتح في الكلام علشان مش هايبقي كويس | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الإثنين يونيو 16, 2008 12:34 am | |
| هو فين الراجل السوابق اللى هنا الواد ده مش هايمسك رئيس المنتدى تانى هههههههههههههههههه بجد كان يوم غريب وهشام كان هايفرقع من الغيظ بس الحمد لله بقى كويس هو الموقف رخم ومستفز جدا بس عادى انا متعود على حاجات من النوع ده سمعت وحصل معايا قبل كده بس عمرها ما حد شك فيا وقالى انى سوابق | |
|
| |
!vampire! تجارى فعال
عدد الرسائل : 1400 العمر : 36 مكان السكن : fayoum الوظيفة : Student السٌّمعَة : 0 تاريخ التسجيل : 10/12/2007
| موضوع: رد: انا عليا سابقة وبيتقالي بطاقتك الإثنين يونيو 16, 2008 1:55 am | |
| هو سابك لما عدت عربيه الشرطه لان مش من حقه يوقفك او يشوف البطاقه الا لو فى عربيه شرطه او اتارى و فى ظابط و معاه فى العربيه كمبيوتر متوصل بكمبيوتر الداخليه يبين اذا كان عندك سابقه ولا لا و يبين كل البيانات الخاصه بيك و كل حاجه الواضح انه كان بيتسلى و كان عاوز يعرف انتوا بتشتغلوا ايه علشان يعرف هياخد كام مش اكتر بس تعيش و تاخد غيرها | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الإثنين يونيو 16, 2008 5:45 pm | |
| كلامك تمام يا فامبير بس عادى يعنى موقف وعدى | |
|
| |
Mohamed Magdy مشرف
عدد الرسائل : 4014 العمر : 35 مكان السكن : Giza الوظيفة : طالب علم الهواية : القراءة،كرة القدم والرسم السٌّمعَة : 40 تاريخ التسجيل : 10/07/2007
| موضوع: رد: انا عليا سابقة وبيتقالي بطاقتك الإثنين يونيو 16, 2008 9:06 pm | |
| يا واد إنت يا سابقه يا جامد وعلى رأي مصطفى موقف وعدى خلاص الله يكون في عونك الموقف يربك بصراحه | |
|
| |
Yaso رئيس المنتدى
عدد الرسائل : 3072 العمر : 35 مكان السكن : cairo الوظيفة : business man السٌّمعَة : 0 تاريخ التسجيل : 29/04/2007
| موضوع: رد: انا عليا سابقة وبيتقالي بطاقتك الخميس يونيو 19, 2008 2:45 pm | |
| شكرا لكل الاخوة المتضامنين معايا والناس اللي اتريقت هنشوفها في موقف زي ده قريب | |
|
| |
| انا عليا سابقة وبيتقالي بطاقتك | |
|