( انت زى اخويا ) موضوع للنقاش

ليه كده يا مصطفي انت زي اخويا

انا معاك في حاجه انها بتبقي الجمله دي بس بتتقال و ما حدش عارف مداها
لانها فعلا بتبقي بس لوضع حدود معينه زي منتا قولت و لكن هل فعلا الحد ده زي الاخ فعلا , اعتقد لا ...فهيا فعلا لوضع حد معين ليس الا و لا انتوا شايفين ايه

متهيالى عادى ما الولاد برضه ممكن يكونوا بيقول ا انتى ذى اختى

و كمان مين قال ان لو اتنين فى المستقبل ارتبطوا ببعض مش هيبقى ذى اخوها

مش هو اكيد مسلم و هى مسلمة

اخوات فى الاسلام يعنى

بس هو من خبرتى

البنات بتقولها لاحد الاسباب التالية

فعلا واحد حاسة انه ذى اخوها بجد و دة الوضع العادى لان المفروض الناس مش بتكدب

و ممكن انت بتقول حصلت قدامك
فممكن تكون كانت فعلا معتبراه اخوها و لما اتقدملها حست انه مناسب ليها فوافقت عادى جدا

و الحالات التانيه
ممكن واحد حست انه مثلا عايز يرتبط بيها و هى رافضه فبتبينله ان هى مش بتكرهه لكن مش شايفاه مناسب ليها هى

او بتقولها تقل و رد على رخامة

اعتقد تلك هى كل الحالات

و السلااام عليييكم و رحمة الله و بركاته

اسالوهم
اى حاجة
م شعارفه بقى

مالك مستعجلة اوى و انتى بتكتبى كدة

لدرجة ان الكلام لزق فى بعضة

العجلة من الشيطان

بجد موضوع فعلا مثير للجدل والنقاش

اصل الكلمة دى بتتقال فعلا كتير جدا.........

ليها اكثر من معنى

فعلا زى راى نودى تمام

بس اصل فعلا فى مواقف منقدرش نخرج منها بدون احراج الا بالكلمة دى

بتحل مشاكل كتير بس برضوا فى ولاد كتير الكلمة دى مش بتفرق معهم خالص

بس انا بالنسبالى الاخوات يعنى اخوات فعلا هما اتنين او ثلاثة لااكتر لكن الباقى كلة ممكن اقول كدة بس

وطبعا اول من هم اخواتى فعلا عم مصطفى"السيف المسحور"

اخ عزيز وربنا يكرمة

بص يا مصطفى هى مش مقياس بس بصراحة بحس ان الاخوية بين ولد وبنت مش بتحصل بدرجة الا هى الا نادرا........

لان فى درجة معينة بيقفوا عندها مش بيكملوا ممكن نقول زى الحد ود كدة مثلا

وكتير اوى الاخوية بتقلب الى حاجات تانية

بس كدة

انا مفهمتش الحتة اللى فى الاخر دى

بتقلب اية الاخوية ؟

يعنى ممكن تقلب بارتباط وجواز وكدة

يعنى انتى عاوزة تقولى انهم ممكن يوصلى لاقصدى درجة فى الاخوية دى

و يقفوا عند الحد اللى بتقولى علية

و فى نفس الوقت ممكن بعد كدة يرتبطوا؟؟

لاممكن طبعا بيحصل بس نادرا
لكن باقصد انهم يبقوا زى اصدقاء اواخوات يعنى مش للدرجة الا هى يعنى وتقلب..........
بس من الاخر
هى بتفرق من بنت لاخرى يعنى حسب طبيعة كل واحدة واسلوبها وكدة
يعنى ممكن نفرق فى الحاجات دى بطريقة التفكير لكل بنت..............

انا شايف انها مش مسأله حد و مش حد و درجه معينه , هيا مساله نسبيه شويه بتفرق من شخص لاخر فمش معيار اننا نقول كده
فممكن ان مثلا حد يعتبر حد زي اخوه و يحصل ارتباط في الاخر و ممكن لا , حسب الشخص ده و الشخص اللي قدامه بالنسبه ليه

موضوع جميل يا مصطفى وجمله جميله جدا
الجمله دي زي ما قالت نسمه يمكن بتساعد البنات كتير في مواقف معينه زي ما ندى قالت ونسمه برضه
ويمكن البنت من وجهة نظري لما بتقول لولد كده تقصد فعلا إنها حاسه إنه زي أخوها في مساعدته ليها أو كده يعني
ويمكن حاجه تانيه تبقى رفضاه يعني أو مش عايزه تحرجه
بس المشكله في زي ما إنت قلت المدى بتاع الكلمه دي عند الولاد
يفضل يفكر : أخوها يبقى بتكرهني ومش عايزه تشوف وشي
ولا يمكن تقصد وقفتي جنبها وكأنها بتشكرني
أشياء من هذا القبيل في التفكير يعني.
عشان كده لازم الولاد يكون عندهم صراحه على طول

انا عندى فكرة عشان ترتاحوا

مش الولاد بضه بيقولوا ممكن للبنات انتى ذى اختى

أحيانا أيوه

خلاص

اكيد نفس الاسباب و المواقف اللى بيقولها الولاد فيها

هى اللى بتقولها البنات فيها

و البنات مش غامضين اوى كدة
دة بالعكس الولاد هما الل بيبقوا غامضين غالبا

او جايز هو كل نوع بيفهم نوعه و بيبقى شايف النوع التانى غامض و مش فاهم بيفكر اذاى

و دة الطبيعى و ربنا خلق الناس مختلفين عشان يكملوا بعض

ماشي مقولناش غامضين ولا حاجه
بس مش عارف أوصلها إزاي
في ولاد بتفهم إنت زي أخويا يعني عدم قبول من جهة البنت مع إنها ممكن يعني متقصدش كده
وأحيانا تكون تقصد كده فعلا وإنها رفضاه يعني وهو ميفهمش كده يفهم العكس

خلاص هو يبقى انسان واضح و خلاص

بس ميبقاش واضح غير لو متأكد انه قد المسؤولية لو مش لسة قدها يصبر شويه

صح كده
هو ده اللي كنت هقوله في باقي الرساله وبعدين مسحته
الوضوح والصراحه
شيء مهم
وأكيد طبعا القدره على تحمل المسئوليه واللي مش شايف إنه ميقدرش يتحمل المسئوليه بتاعة كلامه أكيد مش هيقوله لازم يعني يبقى في المقومات اللي تؤهل الفرد عشان يكون الزوج المناسب
بس مش برضه مقومات مبالغ فيها من ناحية أهل العروسه وده موضوع تاني كبيييييييييير
خلينا في موضوعنا أحسن

من وجهه نظرى ان علشان بنت تقول لولد انت زى اخويه بيكون فى اكثر الاحيان فى بينهم صداقه والصداقه دى حرام لان القراءن قال(ولا متخذات اخدان) يعنى لايجوز ان بنت تصادق شاب وتقول ده زى اخويه مفيش حاجه بينى وبينيه, لان فى بنات بيقولوا انت زى اخويه يقصدوا ان الانسان ده بيقف جنبها وقت الشده بيحل معاها مشاكل حصلت فى الكليه مثلا , لو فى ولد حب يرخم عليها ,الى زى اخوها هو اللى بيوقف فى وشه ففى بنات تقصد بالجمله دى انت اهلى اللى مش معايا او البديل عن اخويه .
(ده على حد فهمى او استنتاجى من خلال كلام زمايل ليا منهم جارتى عندها واحد زميلها ودايما تقول انه زى اخوها ), انا مقدرش اقول راى من تجربه شخصيه لانى معنديش شباب فى الكليه لانها بنات بس,

ليه لا ان مش بقفل الموضوع وو بالعكس دة انا بتناقش اهه
دة حتى محمد مجدى قال نخلينا فى موضوعنا

و كلامك جميل يا عاشقة تراب القدس

بصراحة الجملة دى فعلا محيرة , خصوصا بقي ان انا سمعتها من اكتر من بنت بتقولها لحد
وسبحان الله بعديها بشوية مش كتير كمان و الاقيهم مرتبطين .......!!

هى بصراحة نسبية وتختلف من شخصية بنت لشخصية وكمان من موقف لموقف , يعنى ممكن الكلمة دى فى موقف ما تستخدمها البنت عشان تعرف اللى قدامها انه هو كاخوها فقط ومش هينفع يكون حاجة تانية ,, وممكن موقف تانى تكون فعلا البنت عايزة تقدر اللى قدامها وشهامته معاها
فتقوله انت زى اخويا ده انا لو اخويا فى الموقف ده ماكنش هيعمل اكتر من اللى انت عملته ...وكده يعنى , بس مش معنى كده انها مش ينفع ترتبط بيه ,, بس
فعلى حسب الموقف , واعتقد ان الولد يقدر يحدد برضو المعنى ,, والاااا فالصراحة الصراحة

سورى بس انا شيفاك مهتم جدا بالموضوع ده شكلك كده واقع فى المشكله اللى بنتكلم عنها والله اعلم,
بس ممكن لو واحد عايز يرتبط بواحده وهى قالتله انت زى اخويه وهو خايف يخسرها زى ما انت بتقول ,
يحكى لواحده تكون صحبتها اوى ويفهمها انه بيحب صاحبتها وعايز يتقدم لها , ويطلب منها انها تسالها عن رايها فيه لانه خايف يخسرها ,بيتهيئلى ده حل كويس,