الوهم الاول...........قصدى الحب الاول

مين فينا متالمش ولو مره ف حياته و حس انه مجروح جرح مالوش اول من اخر

,مين كان فاكر انها كدة دى النهايه و انه مخنوق ومش قادر يكمل

,حاسس ان قلبك ده بقى ملك اللى جرحك هو اللى بايده يشفيك و هو اللى قادر يزود جرحك,

اوقات بتحس انك ضعيف و انك محتاج لرجوعه,

هاتسمحه؟ اكيد من غير ماتفكر لان زى مانت فاكر ان حياتك و روحك ف ايديه,

جريت كل حاجة ممكن تنسيك الجرح دة بس خلاص مش لاقى حل غير رجوعه ,

حاسس انك مش هاتقدر تكمل مع غيرة او تتخيل نفسك بتحب فعلا حد تانى على الاقل مش بنفس الدرجه ,

نفسك تعرف اخباره , تسمع صوته و لو حتى كلمه الو ف التليفون ,

مين قال انه عيب ,

مين قال ان كده مش هاتقدر تنسى مانت اصلا جربت انك تنسى كتييير و مانفعش ,

ساعات تتعب من القسوة اللى بتفتكرها و ساعات ببتتمنى انه يكون بيتالم لفراقك ممكن توصل انك تلوم نفسك وانك لو كنت اتغيرت وعاملته بنفس طريقته كان ممكن يستنى معاك.

كل ده ممكن تحس بيه لما تنتهى من حاله الحب اللى كنت عايش فيها او بمعنى اصح حالة الوهم الاول .

ايوة دة اكبر وهم اصل هو الممنوع مرغوب مش اكتر .

انت لو فكرت لحظه هاتتاكد ان كل دى اوهام والله هى حكايه تعود مش اكتر اتعودت على اتصاله اتعودت على صوته,

على اهتمامه بيك دة اصلا لو كان بيهتم ,

انا بقولك من حقك انك تتالم انت بشر لكن لاى حد؟

مش الحد اللى تقضى بيه على صحتك و نفسك و حياتك كانك عايش جسد بلا روح

ا نت مش هاتنسى بين يوم و ليله و لا عمرك هاتقسى

, بس بجد بعد فتره هاتقدر والله العظيم هاتقدر

يمكن لما تبدأ تشوف تجارب اللى حاوليك اللى اتجوزو عن حب او حتى جواز عقل

, معنى الحب بيختلف مع تحمل المسئولية الحب اللى بجد مع العشره مع المواقف الصعبه اللى بيظهر فيها المعدن

,اللى بتقدر تحس انك كنت غلطان لما اديت لتجربتك اللى انتهت اكبر من حجمها

, صدقنى هاتقدر تحب تانى و هاتكون اتعلمت من اخطائك و مش هاتكررها تانى

, هاتكون قصة حب واقعيه الحب مش كلام الحب فعل و مواقف و تفاهم و تضحيه و تسامح بس مش لدرجة الهبل

, تسامح يحافظ على كرامتك و يمنع من انك تتاذى

,اصل اللى بيسامح بسهوله ممكن يعرض نفسه للاذى اصل الاخر بيقوى و يقسى عليه لانه و اثق من تسامحك دة كل حاجه بحدود حتى الحب, لازم الحنفيه لا تتفتح على اخرها و لا تنقط لازم تعمل توازن و ماتتسرعش ف عواطفك بعد كده

, ابدا من جديد دور حاول تلاقيها او تلاقيه اكيد موجود

و هو كمان بيدور عليك انا قصدى نصك التانى

وخليك متاكد دايما انت الكسبان و اوعى تفكر ف الماضى و اللى فات او حتى تفكر ف رجوع لان اللى بيجرح مره هيجرح الف مره و على ايه تعب القلب دة؟

ليه ماتصبرش و تدعى ربنا بانك تلاقى الانسان اللى يسعدك بجد و يعوضك عن الايام اللى عشتها لوحدك و لحد مايجى الانسان المناسب
,حاول تتدخل حب الناس ف قلبك ساعدهم و اتعلم منهم اتقرب منهم و كون صداقات و اكسب خبرات يمكن تلاقى نصيبك مستنيك و يمكن هو موجود جنبك من زمان بس الوهم الاول عماك.

موضوع حلو اوى يا لولا
اناعجبنى اوى الجزء الاولانى اللى قبل ما تدخلى الجواز وشريك الحياه
لانه ينطبق على الاصدقاء كمان وانا مجرباها شخصيا مع واحده صحبتى
والجزء التانى برده حلو واتسامح بس مش لدرجة الهبل, تسامح يحافظ على كرامتك و يمنع من انك تتاذى ,اصل اللى بيسامح بسهوله ممكن يعرض نفسه للاذى اكتر جمله عجبتنى فيه [
جميله اوى لليعرف يعمل بيها
ميرسى يا لولاsize=24][/size]

موضوع جميل اوي ميرسي اوي ليكي

بس يا ريت تكبري الخط شويه

معلش بس لو رخامه يا لولو

بس اول كام جمله حاسه ان فيهم كلام مش صح شوية

و انا قلت اقولك هنا عشان لو حد فعلا بيقول الكلام دة ياخد باله

ذى حد بيملكك حد بايده يفرحك \ يزعلك \...

دى كلها حاجات لله سبحانه و تعالى و بايده هو وحده فحاسه ان مينفعش نقولها و الله اعلم



بقيت الموضوع بقى تسلم ايدك يا قمر

هو المقصود انه يكون سبب فى ده

ومش لازم هو اللى يقوم بيه

يعنى انا ممكن افرحك يعنى اخلى تفرحى اعمل اى حاجة تضحك وتفرحك يبقى انا بقيت سبب

الموضوع جميل

تسلم ايدك ومواضيعك جميلة

عاشقه تراب القدس كتب:

موضوع حلو اوى يا لولا
اناعجبنى اوى الجزء الاولانى اللى قبل ما تدخلى الجواز وشريك الحياه
لانه ينطبق على الاصدقاء كمان وانا مجرباها شخصيا مع واحده صحبتى
والجزء التانى برده حلو واتسامح بس مش لدرجة الهبل, تسامح يحافظ على كرامتك و يمنع من انك تتاذى ,اصل اللى بيسامح بسهوله ممكن يعرض نفسه للاذى اكتر جمله عجبتنى فيه [
جميله اوى لليعرف يعمل بيها
ميرسى يا لولاsize=24][/size]

ربنا يخليكى

ياريت كل الناس تكون بتعرف تسامح لما بتجرح اوى

تسلمى على مرورك يا قمرى

ندى كتب:

معلش بس لو رخامه يا لولو

بس اول كام جمله حاسه ان فيهم كلام مش صح شوية

و انا قلت اقولك هنا عشان لو حد فعلا بيقول الكلام دة ياخد باله

ذى حد بيملكك حد بايده يفرحك \ يزعلك \...

دى كلها حاجات لله سبحانه و تعالى و بايده هو وحده فحاسه ان مينفعش نقولها و الله اعلم



بقيت الموضوع بقى تسلم ايدك يا قمر

ولا يهمك يا نودى ولا رخامه ولا حاجه

انا اقصد ان الشخص ده يعمل حاجه تفرحنى وممكن يعمل حاجه تزعلنى

لكن طبعا كل حاجه بايد ربنا سبحانه وتعالى

ميرسى على مرورك

Professor كتب:

هو المقصود انه يكون سبب فى ده

ومش لازم هو اللى يقوم بيه

يعنى انا ممكن افرحك يعنى اخلى تفرحى اعمل اى حاجة تضحك وتفرحك يبقى انا بقيت سبب

الموضوع جميل

تسلم ايدك ومواضيعك جميلة

ايوه انا اقصد كده بالظبط

نورت الموضوع بمرورك

الموضوع منور بصاحبته

Professor كتب:

الموضوع منور بصاحبته

ميرسى اوى ربنا يخليك

موضوعك جميل اوى
تسلم اديكى

موضوع جميل

وفعلا أكبر الم هو الم الحب أو بمعنى أصح ألم الوهم

ولازم الواحد يسيطر على عاطفته

شكرا على الموضوع المفيد ده

نورت الموضوع يا مصطفى

لو الواحد بيعرف يسيطرعلى عاطفته مكنشى اجرح ابدا فى حياته