انا شفت الموضوع ده فى منتدى وعجبتنى الاسئله لانى عارفه انكم هتتفنوا وتجابوا ورونى فنكم بقى
1-إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟
لأن بكل بساطة ، الاستاذ فيل ده بياكل كميات مهولة ، سمعت انها تصل لـ60 طن او 60 كيلو
مش متذكر بالظبط
2-أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟
زي ما الاغلب قال ، اكيد هقع ويحصلي حاجة وافضل قاعد عالسرير ووزني يزيد
وممكن كمان ان الجري للخلف بطئ جدا ، فمش هلحق احرق الدهون بنفس سرعة الجري للامام
وده هيخليني احس بملل بسرعة ، واتغلب عالملل ده بالاكل
3-لماذا الصمغ الشديدالفعالية لا يلتصق بالأنبوب الذي يحتويه ؟
ببساطة لأن المواد دي علشان تقوم بدورها لازم تتعرض للاوكسجين علشان تتأكسد وينتج عن التفاعل ده القيام بوظيفة المادة
4-إشارة ممنوع المشي على الحشيش المزروع ، كيف وضعت في مكانها ؟؟
ممكن تكون اتزعت مع الحشيش ، وحطوا بذرة خشبة تطلع اللافتة دي
5-البطيخ الذي لايحتوي بذور ، كيف تمت زراعته ؟
البطيخ ده موجود فعلا ، واللي حاصل انه بيبقي بطيخ معدل وراثيا ، ومغيرين في صفاته الوراثية
6-نسمع كثيراً عن سرعة الضوء ، طيب كم تبلغ سرعة العتمة ؟؟
سمعت انه تقريبا ان الكون كان عتمة قبل ما تبدأ فيه الحياه والله اعلم ، وده يدل علي ان العتمة دي شئ غير موجود ، يعني حيز من الفراغ ، او فراغ اصلا بدون اي شئ
وده معناه انه صفر وعالشمال كمان ، فازاي بقي حاجة مش موجودة يبقي ليها سرعة؟؟ !!
7-لماذا لا يصنعون طعام القطط بنكهة الفئران ؟
يمكن علشان القطط مش معاها فلوس تروح السوبر ماركت تشتري
او يمكن قطط من عائلات محافظة ، فالعائلات دي حابساها ومش عايزة تخرجها
او يمكن اصحاب السوبر ماركت خايفين عالبضاعة التانية اللي عندهم ان القطط مثلا تاكلهم
او يمكن القطط خايفة لتكون صلاحية الحاجات دي ممكن لما يعملوها تبقي منتهية
او يمكن خايفين لمحدش يتفرج علي توم آند جيري تاني
او يمكن بقي خايفين للقطط تدلع وينسوا الفيران وساعتها يحصل اختلال في التوازن البيئي
8-لماذا يعقمون الإبرةالسامة لقتل المحكوم عليهم بالإعدام ؟؟؟؟
رأفة بالابرة ذات نفسها ، علشان هتستخدم مع مجرم عبارة عن حسالة المجتمع وطفلة الحشرة ، ياحمااااااار ( اللي بالي بالك)
9-طيب هذا سؤال أجمل منه
لماذا كان الطيارون الانتحاريون اليابانيون ( الكاميكاز ) يرتدون خوذة
واقية ؟؟؟
علشان الهوا فوق شديد وخايفين يجيلهم برد او صداع نصفي
10-إذا كان السوبر ماركت يفتح لمدة أربعا وعشرين ساعة في اليوم لمدة عامٍ
كامل ، فلماذا وضعت عليه الأبواب والأقفال؟؟
عشان لما المدام تولد ، يبقوا يقفلوه ، او يمكن علشان يحتفلوا بعيد ميلاد المالك للسوبر ماركت
او يمكن علشان لو فيه غارة يبقوا يقفلوا المحل علشان الضرب من الطيران ويطفوا النور ويشغلوا فيلم غربي قديم