| نقاش في سؤال غريب | |
|
+5عاشق الجنة .ندى. !vampire! زهرة القدس Admin 9 مشترك |
|
كاتب الموضوع | رسالة |
---|
Admin رئيس المنتدى
عدد الرسائل : 5928 السٌّمعَة : 28 تاريخ التسجيل : 28/04/2007
| موضوع: نقاش في سؤال غريب الأربعاء يوليو 09, 2008 4:06 am | |
| بسم الله الرحمن الرحيم السلام عليكم كنت قاعد بفكر في وقت من الاوقات خطر علي بالي سؤال معين يمكن يكون السؤال ده خطر علي بالي من جملة معينة الجملة دي كنت سمعتها في فيلم معين الجملة دي ممكن يكون عقلي الباطن احتفظ بيها وبدا يفكر فيها بدون ارادتي الجملة بتقول " دور علي اي مصيبة في الدنيا ، هتلاقي سببها واحدة ست " واظن ان الكلام ده صح بنسبة كبيرة جدا اما بقي السؤال اللي خطر في بالي بيقول " في رأيك ، هل خلقت حواء من ضلع آدم ( لتؤنسه في وحدته ، ام لتخرجه من الجنة ) " ؟؟ طبعا تخرجه من الجنة معناها انها تكون سبب في خروجه علشان الناس اللي بتمسك علي الكلمة انا ممكن اقول كلام معين كتكملة بس انا حابب اني اطرح الكلام بكثافة ، علشان الآراء تبقي باستفاضة يللا ردوا وتخيلو لو طرح مثل هذا السؤال في احدي البرامج التي تقوم بلقاءات مع المارة بالشوارع...... طبعا مواقف كوميدية للصبح تخيلوا وناقشوا وأدلوا بآرئكم بهدوء ربنا يكرمنا ويهدينا رجاااااااااااااااااااااااء نقرأ المشاركات كلها وبتأني علشان نعرف مسار الموضوع راح لفين
عدل سابقا من قبل Admin في السبت يوليو 12, 2008 4:28 am عدل 1 مرات | |
|
| |
زهرة القدس نقيب تجارى
عدد الرسائل : 6137 العمر : 33 مكان السكن : عفوك ربى.. الوظيفة : ماشية على أول الطريق .... الهواية : أستغفرك ربى وأتوب إليك.. السٌّمعَة : 64 تاريخ التسجيل : 03/04/2008
| موضوع: رد: نقاش في سؤال غريب الأربعاء يوليو 09, 2008 5:05 am | |
| الاول اسالك سؤال انت مع الجمله دى ؟
بعد كده اكيد اللى قال الجمله دى انسان مش بيفكر خالص ليه لازم تكون المراه سبب المشاكل مع انها بتعمل حاجات كتيييييييييييييييير اوى علشان المجتمع بتاعها اذاى هتكون هى الاساس للمشاكل لنفسها لان هى اصلا المجتمع كله ذى ما كل العلماء والدعاء ما قالوا المراه نصف المجتمع بل كله لانها من تنجب النصف الاخر
وكمان اذاى نقول على امنا حواء انها خلقت لتخرج ابانا من الجنه بيتهايالى ان الكلام ده لايجوز شرعا وكمان لو كانت خلقت لتخرجه من الجنه كان ممكن ربنا يخلق رجل اخر ليخرج ادم مش لازم امراه او حتى ربنا يخرجه م الجنه بدون سبب (ان الله يفعل ما يري) ولكنه خلق امراه اولا لحكمه الله سبحانه وتعالى وثانيا لتؤنسه وحشته كما اجمع العلماء والسلف ولذلك خلقها الله مختلفه عنه سواء فى التركيب البيولوجى او العقلى
لان الاختلاف يصنع جو اخر من الانس
وكمان لو فى انسان بيكون سببكل المشاكل مش هيكون هو سبب اى نصر او صناعه بطل او رجل علم او تقدم فى امه كامله ياريت محدش مننا ينسى ان لولا امنا حواء ما كنا هنا اليوم طب ازاى نقول مثلا ان السيده آمنه ام النبى سبب كل المشاكل وان مفيش مشكله هى مش سببها هى مش امرااه اذن تندرج مع المقوله اذن كيف نساوى بين امهات الانبياء وزوجاتهم وبناتهم وبين باقى النساء بمقوله ان المراه سبب كل مشكله فلتقول ان امهات الانبياء وبناتهم وزوجاتهم خارج هذا الكلام
طيب ام الامام مالك ابن انس التى كانت سببب فى وجوده على الارض ثم فى وجوده كااحد الائمه الاربعه الذين ياخذ عنهم المسلمسن تشريعاتهم حتى الان دى مثال لاحد النساء وطبعا لو عايزين امثله فهيكون فى كثيراااااااااااااااااااااات اكيد المقوله خاطئه بالمره لان زى ما فى مشاكل بسسب المراه او هى السبب فيها فاكيد فى مشاكل بسبب الرجل وهو السبب فيها المراه خلقت من الرجل والرجل ولد من احشاء امراه اذا هما جزءا واحدا لا يتجزأ فعلي الرجل ان يرعاه بما يرضى الله وقتها يعلم انها بعد الله سبحانه وتعالى سبب هناؤه فى كل شىء فى حياته قد اوك اطلت الحديث بس الموضوع هاااااااام وحتى الان من المواضيع اللى المنظمات والبرامج والمسلسلات والافلام بتتكلم فيها دى وجه نظرى قد يكون فيها اخطاء بس فيها حاجات صح | |
|
| |
!vampire! تجارى فعال
عدد الرسائل : 1400 العمر : 36 مكان السكن : fayoum الوظيفة : Student السٌّمعَة : 0 تاريخ التسجيل : 10/12/2007
| موضوع: رد: نقاش في سؤال غريب الأربعاء يوليو 09, 2008 11:24 am | |
| انا مع الجمله دى و زى ما بيقولوا الزن على الودان امر من السحر و مشاء الله عند الستات السحر و الزن عادى | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: نقاش في سؤال غريب الأربعاء يوليو 09, 2008 5:26 pm | |
| متهيالى انتوا عارفين انى محايدة و لما اتقالت جمل على الرجال وحشة انا دافعت عنهم برضه بس هقول حاجة واحدة غلط حتى انك تول ان السيدة حواء كانت سبب فى خروج سيدنا ادم من الجنة هى مش حتى سبب و لا ليها اى دعوى بالموضوع هما كانوا سوا و الشيطان وسوس لهمااااا هما الاتنين و هى مقلتلوش و لا كلمة و هاتلى حديث واحد او ايه بتقول ان كان ليها اى دور و ذى ما سيدنا ادم ما خرج من الجنة هى كمان خرجت منها هل نيجى برضه احنا و نقول الرجالة سبب كل المشاكل اعوذ بالله او عموما ذى ما الجمله دى ما قالها راجل برضه الستات بيقولوا كلمات متشابهه ذم فى الرجال و انا ضدها برضه هى المشاكل كل مشكله فى الدنيا ليها اسباب احينا السبب رجل او مرأة و ليه بقى ربنا خلق حواء فانا اسمع بس مش فاكرة بالظبط ان لما ربنا خلقها سيدنا ادم صحي من النوم لقاها فسالها من انت قالت حواء فسالها و لم خلقت. قالت لتسكن إلي اهه السبب سكون مش تعب !! وجهة النظر الخاطئة دى ناتجة من بعض النساء اللى مش ماشيين على الدين صح او بيعملوا حاجات غلط و برضه وجهات النظر السيئة نحو الرجال بسبب ناس بتعمل حاجات غلط و اى حد يمشى على منهج الاسلام صح هيكون ماشى صح و مش هيغضب ربنا و هيبقى الكل مرتاح و طبعا كل ابن ادم خطاء و اى واحد ممكن يغلط ساعات سواء رجالة او ستات و يسامحوا بعض لكن فى النهاية هى دى الحياة و الجملة فيها ظلم لنص البشرية فربنا يهدى الناس و محدش يقول الكلام دة تانى سواء اى كلام فيه اجماع على نوع معين من الناس باكمله شعب معين نوع معين و هكذا لان شوفوا بقى لما الواحد بيشتمواحد بياخد ذنوب طب لما يشتم ملايين انا مرة سمعت ان الجمل اللى ذى دى هى اللى كان يقصد بيها سيدنا محمد صلى الله عليه و سلم بالحديث اللى بيقول بما معناه ان ممكن واحد يقول كلمة لا يلقى لها بالا تلقي به فى النار فخلوا بالكوا بقى و يا ريت لو تعدل اسلوب الموضوع | |
|
| |
عاشق الجنة مشرف
عدد الرسائل : 2920 العمر : 35 مكان السكن : Giza الوظيفة : student الهواية : حب إستطلاع الحياة السٌّمعَة : 10 تاريخ التسجيل : 02/05/2007
| موضوع: رد: نقاش في سؤال غريب الأربعاء يوليو 09, 2008 5:59 pm | |
| كان الموضوع ده شاغلني برده فترة كدة ومش عارف اجابته ايه ؟؟؟؟ لحد ماعرفت تفسير الايه اللي بتقول ( فوسوس لهما الشيطان ) يعني وسوس للاتنين مش ليها هي بس وهي كانت السبب يبقى كدة هما الاتنين عندهم نفس المسئولية في اللي حصل وخروجهم من الجنة كان مقدر من قبل كدة | |
|
| |
Admin رئيس المنتدى
عدد الرسائل : 5928 السٌّمعَة : 28 تاريخ التسجيل : 28/04/2007
| موضوع: رد: نقاش في سؤال غريب الأربعاء يوليو 09, 2008 7:07 pm | |
| طبعا موضوع لازم يسير الجدل والنقاش لكن الهدف منه ايه؟؟ اولا قولت ، في رأيك وحطيت تحتها خط ثانيا ده نوع من المواضيع ، واللي مؤيد لرأي معين وعلي حجة يقينية هيقدر يرد ثالثا ده نوع من تجديد المنتدي بشكل احسن مما كان عليه رابعا والاهم ، الموضوع اوضح ان فيه ناس كتير هنا بتعرف تتكلم كويس جدا الحمد لله وده في حد ذاته شئ جميل جدا ولذلك لن أغير صياغة الموضوع وليظل النقاش مفتوح خامسا لم أقصد بحواء انها جدتنا حواء ، ولا بآدم بأنه جدنا آدم والا اوضحت كما فعلت في الجملة السابقة ولكن الجملة مبنية علي ما ذكر قبلها ، وهي أن أي مشكلة في الدنيا وراها واحدة ست فاعتبروا صياغة السؤال تفسير لما قبله ويبقي النقاش مفتوحا وحبذا لو أكثرنا من استخدام الادلة والحجج في البرهنة ربنا يكرمكم | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: نقاش في سؤال غريب الأربعاء يوليو 09, 2008 7:54 pm | |
| موضوع جميل جدا وانا اكيد ليا راى وهارجع اقوله بس ليه كلمتين كده انا فى رائى ان زى ما حواء منبع الحنية والحب وكل حاجة حلوة الا وانها سبب التعاسة فى اوقات كتير وسبب الكثير من المشاكل والكلام ده اكيد ليه تفسير | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: نقاش في سؤال غريب الخميس يوليو 10, 2008 1:50 am | |
| بس هو ادمن دة ياسو ؟؟ حاجة اقولها ذى برضه ما فى ستات و بنات وحشين في حلوييييين و فداء ادتكوا اهه امثله كتير و لو عايزي تانى نكمل كما انه ايضا بقى شوفوا بروفيسور قال (معلش عدلت الاسم انا معترضة على ذكر الاسم الموضوع ليه احترامه قولوا النساء السيدات الستات البنات اى حاجة) - اقتباس :
- انا فى رائى ان زى ما النساء منبع الحنية والحب وكل حاجة حلوة
الا وانها سبب التعاسة فى اوقات كتير وسبب الكثير من المشاكل
والكلام ده اكيد ليه تفسير اذا كنت اديت بقى للستات المميزات من حنية و كل حاجة حلوة شوف بقى الرجالة مفهمش حتى المميزات دى اوى يعنى او عندهم بس مش بنفس النسبة و مش محتاجة كلام اى حد يقوللنا باباه حنين اكتر و لا مامته بس طبعا ليهم مميزات كتير برضه بس كتير بيكونوا منهم وحشين و ذى ما بتفتكرولنا ان فى نساء وحشين اجبلكوا بقى مثلا قصة سيدنا موسى لو فتشنا عن المرأة هنلاقى السيدة اسيا اللى كانت حنينة و ربنا ذكرها فى القران كمثال للمراة المؤمنة نقتدي بيه و ام سيدنا موسى الحنينة اللى خايفة على ابنها بس بتصبر و تسمع كلام ربنا و تلقى بابنها فى اليم لكن بقى الاستاذ فرعون باشا و هامان و الشلة الوحشة دى اهم كلهم رجالة و لا لأ ؟؟ فالمسالة مش كدة خااااااالص و مش هنقعد نجيب لبعض بقى مثال و مثال قصاده انا فى رايي انتوا تقولوا ايه العيوب اللى شايفينها منتشرة فى البنات او الستات دلوقتى و تواجههونا بيها و نحاول نصلحهها سوا لكن ان تقولوا كلوا وحش و سبب ايه و سبب ايه لا كدة حرام عليكوا و ظلم و كلام مش مقنع خالص انتوا نفسكوا انا متاكدة ان محدش هيقدر لو فكر كويس يقوله شوف مامتك مثلا هل هى سبب نكدك مثلا او منكدة على باباك يعنى فى الغالب اعتقد بما ان الناس اللى فى المنتدى كويسين اكيد مامتاتهم من النوع الكويس هل ما عمركش شفت واحدة حنينة و طيبة و كويسه و مش بتسبب مشاكل فكروا كويس و بدون تعصب سلااااام عليييييكم و رحمة الله و بركاته | |
|
| |
Admin رئيس المنتدى
عدد الرسائل : 5928 السٌّمعَة : 28 تاريخ التسجيل : 28/04/2007
| موضوع: رد: نقاش في سؤال غريب الخميس يوليو 10, 2008 3:11 am | |
| علي فكرة الكلام في الموضوع ليس علي اي علاقة بين الرجل والمرأة الا من جانب واحد وهو الزوجية وما شابه | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: نقاش في سؤال غريب الخميس يوليو 10, 2008 3:23 am | |
| انتى يا ندى اللى بدون تعصب
فيه جملة فى مشاركتك انا مش قولتها
ياريت تعيدى النظر فى المشاركة
وكمان ديه وجه نظرى وانا وضحت واللى عايز يتقبلها يبقى كتر خيره ويشكر
واللى مش عايز نفهمه تانى وتالت وخامس
وانا مش بقول ان الستات وحشة او نكديين
ولكن فى معظم الاوقات بيكونو سبب الخناقات والزعل والخصام
وبرده فى نفس الوقت هما اللى فى اديهم يصلحو كل حاجة
وبالتالى يبقى بعض النساء مترددة غير عاقلة لكتير من تصرفتها
وانا بكره المرأة فى سوق العمل لانها تتعامل بعواطفها وده اكبر غلط
يعنى انا بيعجبنى مارثا ستيوارت المرأة الحديدية فى امريكا
مثال للمرأة بجد مع انها مش مسلمة
ولكن طبعا لا تقارن بسيدات المسلمين ايام الرسول صلى الله عليه وسلم
ولكن كل زمن وليه عوامله زى ما الرجال زمان غير دلوقتى زى الستات غير دلوقتى | |
|
| |
!vampire! تجارى فعال
عدد الرسائل : 1400 العمر : 36 مكان السكن : fayoum الوظيفة : Student السٌّمعَة : 0 تاريخ التسجيل : 10/12/2007
| موضوع: رد: نقاش في سؤال غريب الخميس يوليو 10, 2008 9:11 am | |
| زى ما بوب مارلى قال No woman no cray | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: نقاش في سؤال غريب الخميس يوليو 10, 2008 11:29 am | |
| هو انت اللى عندى على الميل ولا ايه عندى واحد كاتب كده على الميل | |
|
| |
BASBOSA مشرفه
عدد الرسائل : 2461 العمر : 35 السٌّمعَة : 0 تاريخ التسجيل : 06/05/2007
| موضوع: رد: نقاش في سؤال غريب الخميس يوليو 10, 2008 12:55 pm | |
| على فكرة دة ظلم كل حاجة الست الست الا يعنى انتوا الا بقى زى الملايكة ونسيت الجملة الا بتقول "وراء كل عظيم امراه" "الجنة تحت اقدام الامهات" اكيد طبعا فى النوعية الا انت بتتكلم عليها لكن مش اغلبيتنا يعنى بس هما فئة ظهرة شوية عشان دايما بيتكلموا مثلا على الا الدبحت جوزها والا كلت صباع جوزها والست الا ممشية البيت ومش عامله اعتبار لجوزها اصلا وهكذا........... بس اكيد فى دافع دفعة لارتكاب الحاجات البشعة دى يعنى من الاخر العيب مش فى راجل او فى الست العيب فى تكوين الشخصية اصلا واختيار الرجل للطرف يعنى مفروض ان كل واحد يتانى فى اختيار الزوجة الملائمة ليه مش ياخد واحدة مثلا اقوى منه فى الشخصية لازم يكون فى توافق فكرى واجتماعى وتعليمى ................. انا شايفة انها خرجت من الجنة لتؤنسة فى وحدته.......... وربنا يهدينا جميعا........... | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: نقاش في سؤال غريب الخميس يوليو 10, 2008 1:12 pm | |
| ان كيدهن عظيم وبيتمسكن لحد ما بيتمكن شوفتى بقى الكلام ده | |
|
| |
Admin رئيس المنتدى
عدد الرسائل : 5928 السٌّمعَة : 28 تاريخ التسجيل : 28/04/2007
| موضوع: رد: نقاش في سؤال غريب الجمعة يوليو 11, 2008 2:44 am | |
| الله يا بروف حلوة ان كيدهن عظيم | |
|
| |
زهرة القدس نقيب تجارى
عدد الرسائل : 6137 العمر : 33 مكان السكن : عفوك ربى.. الوظيفة : ماشية على أول الطريق .... الهواية : أستغفرك ربى وأتوب إليك.. السٌّمعَة : 64 تاريخ التسجيل : 03/04/2008
| موضوع: رد: نقاش في سؤال غريب الجمعة يوليو 11, 2008 3:29 am | |
| هو انتوا ليه ما فكرتوش انكم بتقول على امهاتكم انهم نكديين وسبب المشاكل وزنانين هوانتوا مش قولتوا كل الستات و امهاتكم منهن طيب وليه ما فكرتوش ان ابنائكم هيجى عليهم اليوم ويقولوا كده على زوجاتكم انتوا ترضوا ان اببنائكم يقولوا كده على مامتهم اكيد لالالالالالالالالالالا؟؟؟؟؟؟ افرض ان ربنا رزقك بزوجه صالحه(اللهم امين ) بمعنى الكلمه واسعدتك وجعلتك تعيش حيا سعيده هل هتفضل تردد الجمله ؟؟؟؟؟ ولا هتنساها ؟؟؟؟ ولو ابنك طلع يرددها وانت بطلتها ازاى هتقنعه انها غلط وانت اللى كنت بدافع عن صحتها ؟؟؟
انتوا ليه مش بتفتكروا ان امهات المؤمنين كانت تحدث بينهن مشاكل كثيره بسبب الغيره وده معنا انهن مثل باقى النساء فى كثير من الامور ومع ذلك اخذ الرسول صلى الله عليه وسلم براى امى ام سلمه بشان ماحدث بعد صلح الحديبيه...
لو كان النساء سبب كل مشكله لما كان النبى ياخذ براى امراه لحل مشكله لانها ستسبب مشكله اكبر والنبى اعلم بما يفعل.. ليه ما فكرتوش لن لوكنا احنا السبب فى كل مشكله لم يكن النيى ليقول عنا (رفقا بالقوارير ) كيف يوصى خاتم الانبياء بمنبع المشاكل للعالم ؟
كيف تكون سفيره الحنان والحب على الارض هى سبب المشاكل بالله عليكم اقنعونى.............
لو عايز ادله على مكانه المراه اللى انا شايفه انكم اهنتوها بجمله ذى دى وبموافقتكم عليها فالادله كثيرا جدااااااااااااااااااااااااااااااااااااااا وتسطر فى مجلدات وليس كتب او صفحات على النت
انتوا ليه ما فكرتوش انكم بتعملوا حاجات كتير وحشه وان دايما لما بتتخلف بيعيبوا على رجالها مش حريمها جايز يكون فيكم البعض اللى مش قدامه غير حاجات بسيطه يصلحها فى مجتمعه بس اول لما امه بتخسر فى حرب بيعيبوا على الرجاله مش على الستات وبيكون الستات مش سبب المشكله دى
انا عايزه اعرف ليه كل الشباب اللى دخلوا فى الموضوع ما اكلموش باستفاضه فى الموضوع كلمتين وبس؟؟؟ انتوا مش عندكم راى برده ياريت تعرضوه علشان نتناقش ولا هيا مناقشه للبنات بس ؟؟؟؟؟
احب اشكر janna loverلانه الوحيد اللى قال كلمه ترضى ربنا | |
|
| |
!vampire! تجارى فعال
عدد الرسائل : 1400 العمر : 36 مكان السكن : fayoum الوظيفة : Student السٌّمعَة : 0 تاريخ التسجيل : 10/12/2007
| موضوع: رد: نقاش في سؤال غريب الجمعة يوليو 11, 2008 8:57 am | |
| اول حاجه مش انا اللى عند برو على الميل تانى حاجه وراء كل رجل عظيم امراه ( دى الست الوالده مش الزوجه ) ثالث حاجه تعامل الام مع اولدها غير تعاملها مع زجها غير تعاملها مع الناس التانيه و مع اولدها بره الحوار خالص لان دى مفيهاش كلام خالص بس الواحد عمره مشاف قعده نميمه رجالى ولا شاف مرصد بشرى رجالى ديما الستات هما اللى كلام كلام كلام ويجبوا فى سبره البشر كلهم مع الفتى و تلاقيهم قاعدين متابعين مين راح و مين جه و مين عمل ايه و فى الاخر اللى شافت تبلغ تقريير للى مشافتش انتوا اللى جايبين لنفسكم الكلام ده | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: نقاش في سؤال غريب الجمعة يوليو 11, 2008 11:21 pm | |
| عايزة ارد كتير بس اخويا مصمم يقعد ليا رد ان شاء الله و فداء انتى بجد جااااامدة ربنا يكرمك | |
|
| |
Professor نقيب تجارى
عدد الرسائل : 10242 العمر : 36 مكان السكن : القلعة الوظيفة : شغاااااااااااااااااال الهواية : الكورة طبعا السٌّمعَة : 27 تاريخ التسجيل : 29/04/2007
| موضوع: رد: نقاش في سؤال غريب السبت يوليو 12, 2008 1:48 am | |
| والله انا هارد باختصار برده وديه عادتى وخير الكلام ما قل ودل انا مش بتكلم على الستات على انهن امهاتنا ولا يجب المقارنة هنا وكمان ليست الانثى سفيرة الحب والحنان والكلام ده كله لان فيه ناس ولا سفيرة ولا حاجة واكيد دول بضع منهن وده برده زى ما فيه رجال وحشين ودول بعض برده يعنى الحكاية نسبية واكيد الراجل ما يقدرش يعيش من غير ست امال مين اللى يغسل ومين اللى هايربى ومين اللى هايزن ومين اللى هايطلب وهكذا هههههههههههههههههههه انا بهزر ربنا يوفق سعيد بسعيدة | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: نقاش في سؤال غريب السبت يوليو 12, 2008 3:00 am | |
| انا كنت عايزة ارد بس الرد دة هيخلينى اقف ايه معناه بالظبط منغير هزار انا نفسى افهم هل عندكم فعلا النظرة اللى فيها تكبر دى و تعتقدوا انكم الافضل ككل و لا لأ لان بصراحة اغلبكوا يتضح من كلامه كدة نظرة تكبر و نظرة كليه على نص البشر تقريبا و حكم ام عليهم حكم سيء و الاعتقاد بانه متناقضين بيبقوا حنينين و طيبين مع ولادهم و غير كدة لا و اشرار مع بقيت البشر !!!!! انا مش بوجه كلامى طبعا لكل الولاد لان في منهم كتير عاديين اان بتكلم عن اللى بيقولوا دايما انتقادات و كلام كدة | |
|
| |
Admin رئيس المنتدى
عدد الرسائل : 5928 السٌّمعَة : 28 تاريخ التسجيل : 28/04/2007
| موضوع: رد: نقاش في سؤال غريب السبت يوليو 12, 2008 4:25 am | |
| يا جماعة اكرر كلامنا هنا عن الزوجة ليست الام وليست الابنة وليست الخالة وليست اي ام من امهات المؤمنين لأننا طبعا ما ينفعش ابدا ان حد فينا يفكر انه ينوي انه يتكلم علي حد في المكانة دي بالكلام ده بس احنا نقصد حاجة تانية بوضحها اهوه لتاني مرة احنا نقصد الزوجة حينما تصبح المرأة زوجة فتكون شخصية غريبة مع زوجها في احيان كثيرة وده اللي مقصود من الجملة ، وبكرر للمرة المليون يا ريت ما نروحش لحتت تانية ونتناقش فيها ، لأنها اصلا ما فيهاش نقاش ------------------- انا ممكن اضيف رأي ليا واقول ، غيرة الزوجة علي زوجها - مثلا كاحدي انواع الغيرة لها - هي بمثابة نار تأكل في عش الزوجية ومن هنا تبدأ المشاكل ادي احد مداخل المشاكل في بين الرجل والمرأة وده توضيح للسؤال محور النقاش ، المفروض انها اتخلقت علشان تريحه ، لو فرضنا بدأت تغير عليه ، كده اهي بتخرجه من جنته سواء جنة الحياة الزوجية السعيدة ، او جنة حياة العزوبية اللي كان عايشها واديني ضربت مثال للتوضيح اهوه رجاااااااااااااااااااااااء نقرأ المشاركات كلها وبتأني علشان نعرف مسار الموضوع راح لفين | |
|
| |
زهرة القدس نقيب تجارى
عدد الرسائل : 6137 العمر : 33 مكان السكن : عفوك ربى.. الوظيفة : ماشية على أول الطريق .... الهواية : أستغفرك ربى وأتوب إليك.. السٌّمعَة : 64 تاريخ التسجيل : 03/04/2008
| موضوع: رد: نقاش في سؤال غريب السبت يوليو 12, 2008 5:19 am | |
| حاجه غريبه جدا هى مش مامتك دى زوجه ولا ايه ؟ انت بتقول ان النقاش بعد واكلمنا عن الام طيب ما الام دى زوجه واولادها بيشوف طريقه معاملتها لباباهم ومن خلالها بيشوفوا ان كل الزوجات زى ما متهم ده طبعا لحد ما يكبروا ويفهموا ان مش كل الناس زى بعض يمكن اكون انا اللى بعدت الحديث بس بقرا كل المشاركات قبل ما اكتب وعارفه انا بكتب ايه وكنت متاكده من كلامك اللى انت كتبته بس لازم تعرف انه مينفعش نتحدث عن المراه دون ان نتحدث عن النبى وعلاقه بازواجه لان ده المثال الى المفروض بيبنى كل شاب وفتاه مسلمه عليه حياتهم ده طبعا الملتزمين الذين لم يتبق منهم الا القليل فى هذة الايام (جعلنا الله واياكم منهم ) يعنى مثلا موضوع زى الغيره اللى انت فتحته ده لازم هقولك ان الغيره شىء طبيعى خلقت بيه المراه ولا توجد امراه الا وبها الغيره وده من كلام النبى صلى الله عليه وسلم والغيره درجات واحسنها طبعا انها تكون وسط لانها لو قلت هتعطى للزوج فكره عن انها مش بتحبه او هو مش مهم بالنسبه ليها ولو زادت هتخنقه وتحصل مشاكل كتير ممكن تؤدى للشك فى الخيانه وعلى فكره الراجل كمان بيغير على زوجته وغيرته لازم تكون زى ما قلت . يعنى غيره المراه على الرجل ما تفرقش عن غيره الرجل على المراه وساعت الراجل برده هو اللى بيسود عيشه مراته بسبب الغيره وبيشك فيها لدرجه الخيانه زى ما المراه برده ممكن تشك بس الفرق ان الرجل لما يغير على مراته وتزيد الغيره ممكن او احتمال كبير تزيد لشك بالخيانه وساعتها بيكون الخطر وصل لهذه الاسره واصبحت مهدده بالفعل بالانهيار لانه بشوف انه طعن فى شرفه وكرامته يعنى غيره الرجل الزائده مشاكلها بتتفاقم اكتر من المراه لكن المراهء آخرها تطلب الطلاق وتتخانق وتحصل مشاكل كتيره بينها وبين جوزها واكيد بتنكد عليه عيشته زى ما قلت وزى ما هو هيعمل واكتر كمان لو كان فى مكانها وبالنسبه لتصرف الرجل مع زوجته الغيوره فهنا اسمحلى بعد اذنك اذكر النبى وزوجاته وده بناءا على طلبك بالاستشهاد بالادله ...... طبعا فى مواقف كتيبره توضح الغيره وطريقه تعامل النبى مع زوجاته فيها مع اخذ العلم انه النبى شوفوا بقى زوجاته كانوا بيحبوا قد ايه وعلى قد حبهم هتكون غيرتهم .... تتعب نفسيا وغالبا بتكون الغيره الزائده مرض نفسى ناتج عن عدم الثقه بالنفس او بالزوج (ده بالنسبه للمراه) فى كلام تانى بس مش هقدر اكمل دلوقتى انا بكتب كتير بس انا اسفه مش بعرف اقول راى باختصار زى بروفيسور واحب افكر بروفيسور ان المراه مش مسئوليتها من الناحيه الشرعيه انها تغسل وتنفض وتروق وتتطبخ المفروض الزوج يجيب لمراته اللى تعملها كل ده علشان تكون هى فاضيه لزوجها وتربيه ابنائها لكن المراه بتعمل ده تفضلا منها عليه. انا عرفه انك بتهزر بس دى معلومه اكيد فى ناس ميعرفوهاش لانى مكنتش اعرفها غير من قريب ... ربنا يجعل كلامى خفيف على صاحب الموضوع
عدل سابقا من قبل فداء في السبت يوليو 12, 2008 5:29 am عدل 1 مرات | |
|
| |
زهرة القدس نقيب تجارى
عدد الرسائل : 6137 العمر : 33 مكان السكن : عفوك ربى.. الوظيفة : ماشية على أول الطريق .... الهواية : أستغفرك ربى وأتوب إليك.. السٌّمعَة : 64 تاريخ التسجيل : 03/04/2008
| |
| |
!vampire! تجارى فعال
عدد الرسائل : 1400 العمر : 36 مكان السكن : fayoum الوظيفة : Student السٌّمعَة : 0 تاريخ التسجيل : 10/12/2007
| موضوع: رد: نقاش في سؤال غريب السبت يوليو 12, 2008 10:35 am | |
| على فكره خطبه الجمعه كانت عن الموضوع ده و الشيخ قال مثال جامد اوووى يبين ان المعامله مع الابناء غير كل الناس قال زوجه الابن اللى بتعامل حمتها وحش و بتعامل اولدها كويس جدا و الام اللى هيا الحمه مبتقولش لابنها علشان متزعلوش مش علشان بتحبها و بعدين احنا مش بنقول ان البنات كلهم و حشين الوحشين دول قله كثيره منهم بس عادى يعنى بس بصراحه بسمع كلام اليومين دول هيخلينى ارجع فى كلامى تانى عن الجواز بسبب البنات يعنى ده الواحد كان خلاص هانت بس دلوقتى خلاص | |
|
| |
.ندى. نقيب تجارى
عدد الرسائل : 14301 العمر : 35 مكان السكن : مصر حبيبتى الوظيفة : ..... الهواية : التعلم و المناقشة و الرسم و النت طبعاD: السٌّمعَة : 37 تاريخ التسجيل : 29/04/2007
| موضوع: رد: نقاش في سؤال غريب السبت يوليو 12, 2008 2:23 pm | |
| معلش مفهمتش اوى الكلام اللى فات ممكن تقوله تانى باسلوب مختلف و كلامك يا فداء بجد انا شفت مشاركة ياسو تقريبا كنت هقول نفس الرد سبحان الله يعنى بجد لو عايزين امثلة للزوجات الصالحات عندنا زوجات النبى امهات المؤمنين رضى الله عنهم و اىىىىىىىىىىىى واحدة بتقتدى بيهم خلاص حلوة زيهم و بعدين الغيرة ( المتوسطة ..ذى ما قالت فداء ) شىء جميل و محدش بيغير الا على اللى بيحبه و فعلا لو واحدة مبتغيرش بتبقى وحشة و انا شفت مرة فى برنامج كانوا جايبين واحده غيورة اوى و واحدة مبتغيرش خالص الاتنين ازواهم كانوا متنرفزيين منهم لان اللى مش بتغير دى بتبقى عندها برود و هو بيحاول يستفزها و يلاقى مفيش فايده فبيحس انها مش بتحبه و اللى بتغير زيادة بطريقة شكاكة دى بتخنق اكيد يعنى كان واحد مراته كل شوية تكلمه ات فين و بتعمل اايه و مع مين و قرفاه فى حياته و بالنسبة للراجل لازم هو كمان يكون بيغير و اللى لسه كانت فداء فى موضوع تانى قالتلى هي او محمود الجوهرى عشان مكنتش فاكرة انه الديوث الذى لا يغار على اهله و دة الحديث انا جبته اهه الحمد لله ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة، والديوث.. رواه أحمد والنسائي.فيعنى لازم يغير عليها غيرة خوف مش شك و برضه الست لو خايفة و مش شكاكة خلاص اعتقد و هو المفروض يفرح بغيرتها عليه و متهيالى دى طبيعه فى اى واحدة عادييية انها بتغير فالكويسين كتير و ربنا يرزقكوا بواحدة كويسه عشان تبطلوا الكلام بتاعككوا اللى واخدينه من ناس اكيد متجوزين ستات مش كويسين و ممكن كل واحد يروح يسال باباه عن مامته و مش قدامها و يشوف رده ايه اكيد هيقوله ياما اتحملتنى و ياما صبرت معايا و ربتكوا و كبرتكوا و و و ...... وكمان التنضيف و الحاجات دى ذى ما قالت فداء هى مش ملزمة بيهم و بتعملهم فلااااازم يشكرهها من كل قلبه عليهم و لو كان فيها عيب يتحمله لانه برضه ملياااان عيوب و لو مرة اتضايقت و لا زعقت مثلا يتحملها و اكيد سمعتوا قصة سيدنا عمر دى وفي يوم من الأيام عندما كان عمر أميراً للمؤمنين كان هناك رجلاً تراجعه زوجته فترك لها البيت وذهب يشتكي لعمر، فذهب إلى بيت عمر، فقبل أن يطرق الباب سمع صوت زوجة عمر وهي تراجعه، فلم يطرق الباب وقرر أن يمشي، وبينما هو ذاهبٌ فتح سيدنا عمر الباب فقال: أجئتني؟ قال الرجل: نعم. قال: أطرقت الباب؟ قال: لا. قال: فلم؟ قال: والله جئتك أشتكي من زوجتي فوجدت أن زوجتك تفعل معك ما تفعله زوجتي فتركتك وعدت. انظر ماذا قال عمر: تحملتني، غسلت ثيابي، بسطت منامي، ربت أولادي، تفعل كل ذلك وتتحملني أفلا أتحملها إذا رفعت صوتها؟ كنت هكتب كلمة ذى بتاعتكوا دلوقتى بس تراجعت فيها كنت هقول مفيش حد دلوقتى بيقتدي بسيدنا عمر ليييه بس رجعت و قلت اكيد لأ.. فى ان شاء الله يا ريت انتوا كمان ترجعوا و تقولوا اكيد لا فى بنات كويسين لسة و بصوا كويس ذى ما انا ما بصيت كويس لقيت فى كويسين يمكن مش بيبانوا اوى لاول وهلة بس لو ركزتوا هتلاقوا دايما الكويس مش بيبان اوى ذى ما الوحش بيبان للاسف سلاااام عليييكم و رحمة الله و بركاته | |
|
| |
| نقاش في سؤال غريب | |
|