قصة انجليزية جميلة

بسم الله الرحمن الرحيم


مرة كنت قاعد وواحد قريبي كان عندنا في البيت


هو بسم الله ما شاء الله عليه لف بلاد كتير واتعلم من الحياه كتير


فقالي


مرة من المرات اللي روحت فيها لندن قريت قصة


القصة دي عجبتني اوي


وحكالي القصة وكانت كالاتي



واحدة راحت لامها وهي قرفانة وطهقانة ومش طايقة نفسها


وعمالة تشتكيلها من الدنيا

وحصل وما حصلش


وحاجة في منتهي الملل


فالأم اخدت بنتها اليائسة ودخلت بيها المطبخ


قالتلها تعالي كده اوريكي حاجة ( اقرأ بتركيز ولا تمل )

الام : ايه ده؟

الابنة : بيض

الام : تذوقي كده

الابنة : طعمه سئ

الام : وما هذا؟

الابنة : هذا دقيق

الام : تذوقي

الابنة : طعمه سئ

الام : وما هذا؟

الابنة : ملح

الام : تذوقي

الابنة : طعمه سئ

الام : وما هذا؟

الابنة : بيكنج باودر

الام : تذوقي

الابنة : ايضا سئ

الام : وما هذا ؟

الابنة : فانيليا

الام : تذوقي

الابنة : كالعادة سئ

الام : طيب اخر حاجة كده ، ما هذا؟

الابنة : سكر

الام : تذقي

الابنة : طعمه حلو ولذيذ

الام : اذا فاخلطي كل هذا علي بعضه

الابنة : حاضر ، وقامت بخلطه بالفعل ، وسألت ماذا ايضا يا امي ؟

الام : ثم ضعيه في الفرن واتركيه لمدة معينة

الابنة : بعد ان فعلت هذا واخرجته ، قالت وماذا بعد؟

الام : والان تذوقي يا ابنتي

الابنة : طعمه لذيذ يا امي


الام : هكذا هي الحياه يا بنتي ، دائما مليئة بالمشاكل التي ليس لها طعم او طعمها مر علي الانسان ، ولكن دائما هناك شئ واحد في كل هذه الحياة يكون طعمه حلو ، ولكن اذا اندمجت كل هذه الاشياء ومزجت معا ، اصبحت كل الحياه مثل هذه الكيكة التي تذوقتيها

دائما يا بنتي حاولي تعرفي ايه الحلو في الدنيا دي وامسكي فيه ، واستمتعي بطعمه ، علشان لما يندمج مع كل المشاكل اللي بتواجهنا ، ساعتها هتلاقي كل الحياه طعمها حلو









طبعا يا جماعة المعني تقريبا واضح

دوروا بقي واتمتعوا بحياتكم ، وكل واحد يشوف ايه الحلو في حياته وينميه ويحاول ما يشوفش غيره علشان حياته كلها في الاخر تبقي حلوة


ياريت نشوف كمان حاجات ملموسة مع بعض


يا ريت نتناقش وتشوفو كل واحد يقولنا ايه الحلو في حياته ونحاول نساعد بعض وننفذ اي حاجة


وربنا يكرمنا كلنا

عندك حق


جميل جدااااااااااااااااااااااااااااااااااااااا


تسلم ايدك يا ....

عندها حق الام دى فى كل اللى قالته
بس للى ياخد باله من كلامها
ربنا يهدينا كلنا
جزاك الله خيرا على الموضوع الحلو ده

قصه جميله يا هشام
فعلا الواحد ساعات بيفضل يشتكي كتير
أنا نفسي بعمل كده وبعدين لو فكرت شويه هلاقي ِإن زي ما
في حاجات وحشه بشتكي منها في حاجات حلوه كتير بتمتع بيها بس للأسف مش حاسس بيها
ونعم ربنا كتيره طبعا على الواحد بس للأسف عشان إحنا إتعودنا دايما إن النعم دي تكون موجوده فمش حاسين بيها لكن لما حد يتحرم منها ساعنها هو بيعرف قيمتها وإحنا كمان
الحمد لله على كل شيء

ربنا يكرمكم


بس يا ريت يكون كل واحد فكر زي ما اتفقنا

موضوع جميل يا هش

انا شايف انى لازم استغل اى فرصة بتجيلى

وكمان احنا سايبين الحاجات الحلوة فى المنتدى وبنمسك فى الحاجات اللى بتجيب خناقات

لازم نفكر فى الحاجة اللى تفرحنا الاول ونعملها ولما نكون نقدر نتخذ القرار فى الوقت المناسب

تسلم ايدك

كلام جميل يا طاطا

موضوع جااااامد يا اتش


فعلا الواحد اما بيوصل لنتيجة كويسة بعد اما بيتعب بينسى كل التعب اللي تعبه وبيركز على النتيجة الحلوة اللي وصلها دي

خصوصا اما يكون كان عايز يحقق هدف كبير ووصله

موضوع بجد جامد جزاك الله خيرا