شهر شعبان ترفع فيه الاعمال ..بكرة 13 و بعده 14 و 15

السلام عليكم و رحمة الله و بركاته



ان شاء الله يوم الخميس و الجمعه و السبت هما 13 و 14 و15

------------------------



عَنْ مُوسَى بْنِ طَلْحَةَ قَال: سَمِعْتُ أَبَا ذَرٍّ يَقُولُ: قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ: "يَا أَبَا ذَرٍّ

إِذَا صُمْتَ مِنَ الشَّهْرِ ثَلَاثَةَ أَيَّامٍ فَصُمْ ثَلَاثَ عَشْرَةَ وَأَرْبَعَ عَشْرَةَ وَخَمْسَ عَشْرَة"َ
رواه الترمذي


عَنْ أَبِي ذَرٍّ قَالَ: قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ: "مَنْ صَامَ ثَلَاثَةَ أَيَّامٍ مِنْ كُلِّ شَهْرٍ فَذَلِكَ صَوْمُ الدَّهْر"ِ فَأَنْزَلَ اللَّهُ عَزَّ وَجَلَّ تَصْدِيقَ ذَلِكَ فِي كِتَابِهِ ( مَنْ جَاءَ بِالْحَسَنَةِ فَلَهُ عَشْرُ أَمْثَالِهَا ) فَالْيَوْمُ بِعَشْرَةِ أَيَّامٍ متفق عليه

عَنْ أَبِي هُرَيْرَةَ رَضِي اللَّهم عَنْهم قَالَ: أَوْصَانِي خَلِيلِي صَلَّى اللَّهم عَلَيْهِ وَسَلَّمَ بِثَلَاثٍ "صِيَامِ ثَلَاثَةِ أَيَّامٍ مِنْ كُلِّ شَهْرٍ وَرَكْعَتَيِ الضُّحَى وَأَنْ أُوتِرَ قَبْلَ أَنْ أَنَام"َ متفق عليه

عَنِ ابْنِ عَبَّاسٍ قَالَ: كَانَ رَسُولُ اللَّهِ صَلَّى اللَّهم عَلَيْهِ وَسَلَّمَ "لَا يُفْطِرُ أَيَّامَ الْبِيضِ فِي حَضَرٍ وَلَا سَفَرٍ" رواه النسائي وأحمد

وقال رسولنا الكريم من صام يوم في سبيل الله باعد الله بينه وبين جهنم سبعين خريفا ( سنة)


-----------------------------



يا ريت كلنا نصومهم بقى ان شاء الله و خصوصا اننا فى شهر شعبان وفى حديث عن أُسَامَة بْنُ زَيْدٍ قَالَ : قُلْتُ :

يَا رَسُولَ اللَّهِ لَمْ أَرَكَ تَصُومُ شَهْرًا مِنْ الشُّهُورِ مَا تَصُومُ مِنْ شَعْبَانَ ؟

قَالَ صلى الله عليه وسلم:

ذَلِكَ شَهْرٌ يَغْفُلُ النَّاسُ عَنْهُ بَيْنَ رَجَبٍ وَرَمَضَانَ ،

وَهُوَ شَهْرٌ تُرْفَعُ فِيهِ الأَعْمَالُ إِلَى رَبِّ الْعَالَمِينَ ،

فَأُحِبُّ أَنْ يُرْفَعَ عَمَلِي وَأَنَا صَائِمٌ .

************

و ربنا يكرمنا كلنا و يقدرنا على الصيام و يتقبله مننا و ترفع اعمالنا و احنا صايمين



و متنسوش الدعاء لكل المسلمين بالنصر و التقدم و بكل خير عند الافطار

و لو حد تعبان و مقدرش يصوم يدعي و قت الفطار برضه عشان تبقى دعوة جماعية ان شاء الله



و يا ريت تبعتوا الرساله لكل اللى تعرفوهم و تفكروهم بالصيام

جزاكى الله خيرا

ان شاء الله هاصوم وهافكر اهل بيتى واصحابى

ربنا يكرمك

بس ياندى يوم 13 النهارده يعني أربعاء

و14 خميس
و15 جمعة



يعني المفروض كنا نبدأ صيام النهاردة

ربنا يكرمكوا

بس حسب النتيجة اللى عندى ان بكرة 13 ان شاء الله . و كمان جرنان الاهرام بتاع بكرة نازل مكتوب فيه الخميس 13 شعبان

معلش اتلخبط قريت 14 أغسطس

14 شعبان

يظهر نظري ضعف

ده نتيجة اللي يبدأ مذاكرته بعلم النفس

أصلي بدأت النهاردة مذاكرة والمفروض كان عندي درس بيئة وجيولوجيا
بس الأستاذ أجل الحصة عشان الملاحق شغالة ( الحمد لله على النعمة اللي انا فيها )وهو بيقف على اللجان
فقولت بقى مش هينفع كده أنا عايز أذاكر .. روحت ذاكرت علم نفس

ودي أخرتها نظري يضعف

طيب ماعلينا

أنا بقى هصوم بكره إن شاء الله وأديني سهران لحد ما أتسحر وبعدها أصلي الفجر وانام لأن اليوم هيبقى طويل والمغرب ذي مانتم عارفين 7.40 تقريبا

مين هيصوم معايا ؟؟؟

انا ان شاء الله و هقوم اتسحر كمان شويه عشان الفجر عندى بدرى

و هفطر قبلكوا

طيب الحمد لله أننا هنفطر متأخر عشان ناخد ثواب اكتر

هو الفطار عندكم كام ؟

لا هى هى انا هصوم قلبلكوا بساعه تقريبا و افطر قبلكوا بساعه

الفجر 3 و نص و المغرب 6 و تلت تقريبا

ماله علم النفس يا مصطفى والله ده اجمل ماده هتدرسها

ولو مش عجباك بكره تموت فيها لما
تلاقى نفسك قفلت الخمسين فيها باقل مجهود وبكره تقول فداء قالت

انا فى الاسبوع اللى قبل علم النفس كنت بنام نوم واصحى من النوم تعبانه وارجع انام تانى
والماده الوحيده اللى اتقفلت علم النفس
والله لما تبدا دروس هتعرف

انا طولت وخرجت عن الموضوع معلش اصل علم النفس بالنسبه ليا من احلامى
كان نفسى اكون دكتوره نفسيه والبس النضاره واعالج مشاكل الناس النفسيه
ومازلت زى ما انا هههههههههههه(انا مش مجنونه ولا حاجه اوعوا تظنوا ظن سىء )

ايه الرغى ده كله ؟؟؟؟؟؟؟؟؟

معلش يا نودى بوظت لك الموضوع وخرجت عنه خالص

ربنا يجزيكى خير على تذكيرك ويا بختك خدتى ثواب كل واحد قرا الموضوع سواء صام او لا وان شاء الله ربنا يتقبل منا

ربنا ييكرمك يا حبيبتى

و عادى براحتك دة نصايحك دى حاجة جمييله و تاخدى اتى كمان عليها ثواب

و ما دام يا ست نفسك تبقى كدة ما تعملليلنا موضوع ذى بتاع بوسي كدة اللى فى ساحة البنات

و تساعدينا ربنا يكرمك

اما علم النفس انا مخدتوش بس اعتقد لذيذ

ممكن افيدك فى الفيلوسوفى ..محبة الحكمة

اشرحلك مربع ارسطوا على السريع كدة

ة عليه 5 درجات و سؤال مضمون و يعتبر عملى الفلسفه هو و سؤال الاستقراء و على التنين سوا 10 درجات

الاستقرا ء سهل اوى

مثلا اقولك اعضاء كوميرس 2009 طيبين
و ندى عضوة فى كوميرس 2009
_______________________

اذاً ندى طيبة

شفت عبيطة اذاى المساله دى و عليها 5 درجات

بس الفكرة انه بيقولك هات قضيه كليه او جزئيه - سالبه او موجبه

الكليه .. ذى اسمها شىء كلى بقول حكم عام على شيء باكمله ..ذى اقول كل الطلبه كويسن
اما الجزئية بقول حكم على جزء من الكل .. ذى اقول بعض الطلبه كويسين ..

و كل من الجزئية و الكليه ممكن تكون سالبه او موجبه

موجبه يعنى بقول صفة ذى ما تقول مثبته ..يعنى طيب - شرير - حلو - مؤدب - ملتزم .....

اما السالبة منفيه .. مش مؤدبين - مش حلوين - مش كويسين

و هكذا

و بتبقى ف شوية قواعد ان لو القضيه نوعها ايه مع نوعها ايه تكون النتيجة ايه و كدة


و مربع ارسطو نفس الفكرة تقريبا بس بتعمله فى شكل مربع جواه حرف اكس .. ما علينا هتبقى تشوفه بقى


و بعد ما يفضلو يعلموك فى الكلام دة ييجوا فى اخر المنهج و يقولولك انه استقراء ارسطو عقيم - مجدب- لا يؤدي الى جديد



هى الفكرة كلها انك بتدرسه عشان تتعلم اذاى تفكر باسلوب منطقى

انك بتطلع النتايج من خلال انك بتعمل قياس لشىء على شىء او بتعمل استقراء ذى اللى قلتلك عليه

فبيعلمك اذاى تفكر باسلوب منطقي يعنى مينفعش تبقى عارف ان كومرس 2009 طيبين و تيجى تقول ان انت و انت عضو فيه انك شرير

هي دى الفكرة

فالمنطق لذيذ بيعودك تفك باسلوب منطقى

اما الفلسفه فجزئها انا كنت بموووت فيه بتاخد فيه على ما اتذكر شوية اراء للفلاسفه ف مواضيع كتير

و بتاخد انواع التفكير ان فى ناس تفسيرها للاشياء ديني و ناس علمى و ناس خرافى و دة ممكن يبقى لظاهرة واحدة

ذى ان الرعد و البرق

الديني .. يقول سبحان الله دة من عجائب قدرة ربنا و دليل على وجوده

اللى تفكيره باسلوب علمى و بس .. يقول دة نتيجة ان السحاب باين خبط فى بعضه حاجة ذى كدة دة الرعد و البرق شحنا سابله مع موجبه و كلام من دة يعنى .. مش فاكرة التفسير اوى

الخرافى .. يقولك دة العفاريت كانوا بيلعبوا سوسه كف عروسه فوق

كدة يعنى


و برضه بقى اراء الفلاسفه ذى ما قلتلك فى حاجات كتير من الحاجات اللى بحبها كان راي الامام محمد عبده فى معنى القضاء و القدر و ان معناه اسبقية العلم الالهى باللى هنعمله
و ان التوكل مش معناه ننام و نقول متوكلين لكن ناخد بكل الاسباب و نتوكل على ربنا و ربنا بيرزقنا

و كان فى برضه اراءهم حول ايه السبب فى ان الواحد ما يغلطش

تقريبا كان دى اراءهم

فى اللى قال عشان يرضي ربنا
فى اللى قال دة راجع لانه خايف من المجتمع و الناس
فى اللى قال عشان خايف يدخل النار
فى واحد اسمه شافت سبري قال ان الانسان عنده حاجة اسمها الحاسه الخلقيه و هى دى الحاسة السادسه و اللى بتخليه يحس ان الحاجة غلط فميعملهاش .( الضمير يعنى و الفطرة )

و اراء كدة

و فى الاخر بتلاقى ان كل اسبابهم صح تقريا و ممكن كلها تؤدي لان الواحد مبيعملش الغلط بسببها

و برضه بتاخد فى ناس كتير اذاى وصل لانه بقى موحد بالله سبحانه و تعالى

و هتاخد قصة الامام الغزالى حجة الاسلام

و هتاخد ديكارت اللى قال

انا اشك اذا انا افكر
و انا افكر اذا انا موجود
و انا موجود اذا هناك من اوجدنى
و اذا الله موجود و خالق


مش فاكرة اخر سطرين كان قالهم اذاى بالظبط بس تقريبا كدة


و هتاخد اهمية الفلسفه و حاجات كتيير بقى بس ظريفه و برضه مادة خمسينات

و هتدفعلى كام بقى فى الحصة دى

ربنا يوفقك و يكرمك .. و فكر فى الاقتصاد و احصاء لو بتحب الرياضه

سلااااااام عليييكم و رحمة الله و بركاته

شكرا على الشرح البسيط ده

ودي ماتعتبرش حصة انتي قاعدتي فيها وقت قصير اوي

وانا شوفت الفلسفة ولقيتها حلوة بس طويلة
لسه هشوف الاقتصاد والأحصاء

وبعدها اقرر إن شاء الله

وممكن اخد درس عندك هو انتي الحصة عندك بكام ؟؟

هى طويلة بس عندك 8 شهور

و لازم تتعود على الكلام دة ..بكرة تشوف مناهج الكليات ان شاء الله

دة احنا الكتب بتاعتنا كبيييييرة اوى اول ما شفتها فى سنه اولى اتخضيت و اعتقدت انى مش هعرف انجح لو بالشكل دة

لا و على 3 شهور

بس هى ميزة مناهج الكليه عن الثانوية العامة

ان امتحانات الكليه احسن بكتير من الثانويه العامة

بجد اتحانات الثانوية العامة فيها حاجات غبيه تجبر الطالب انه لازم يكون حافظ الكتاب
بالذات فى التاريخ
بيجيبوا جملة من بين السطور ممكن الواحد يكون مش فاكرها لو مش غاوي حفظ

بس الفلسفة بقى امتحاناتها حلوة اوى فان شاء الله تبقى كويس فيها

و شوف ال 3 مواد و شوف ايه اقرب اتنين ليك و اختارهم

و اعمل استخارة

و ربنا يوفقك