السلام عليكم ورحمه الله وبركاته
موضوع جميل جدا تسلم ايدك وفكرته حلوه
بس مش عارف ليه السؤال ده من الاسئله اللى مبعرفش ارد عليها
مش عارف ليه يمكن عشان انا من النوع اللى بيحب يخطط لقدام
يعنى تخطيطى كله قصير الاجل مش طويل الاجل
بس هقوللك انا دماغى فيها ايه
من حيث دماغى فيها ايه دلوقت
انا عايز ابدأ رمضان بشكل جديد عشان ان شاء الله ربنا يتقبله منى
وعمال امرن نفسى من كام يوم كده على رمضان
يعنى عمال احاول احافظ ع الصلاه فى المسجد والقرأن وكده وعمال احاول متنرفزش خالص واكون هادى جدا
اما لأبعد شويه
انا عايز اخلص الكورسات اللى هكون محتاجها فى السى فى بتاعى
واخلصها قبل السنه دى ان شاء الله
وكمان عايز احسم امور معينه شويه مسبهاش معلقه كده
وعايز اخلص دراستى بتقديرى الحالى جيد يعنى لانه مستحيل يتعدل عن كده
اما عن المستقبل
فأنا متفائل لابعد الحدود وعارف ان نصيبى هيجينى لحد عندى طالما انى بسعى اليه وبجتهد
وعايز اعمل صداقات اكتر بس تكون صداقات بجد
يعنى مش ع الطاير ومش معارف
عايز اصحاب ببجد يعنى درجه الاخوات
وعايز ابطل اندفاع شويه
وعارف ان كل شىء بيحصلى فيه خير ليا مهما كان
ساعات بفشل فى حاجات كتيييييييييير
بس بقول الحمد لله لعله خير
مع انى بكون هعيط
بس بلاقى ان فشلى ده بعد كده كان علشان انجح فى شىء اكبر بكتييييييييييير
بقوول الحمد لله وببقى مبسوط قوى
يعنى زى ما فامبير قال
بحس ان كل حاجه بتحصل بتكون خير ليا
وعايز اقوى علاقاتى مع اهلى كلهم
يعنى مبقاش مهتم بناس اوى وفى نفس الوقت مهمل ناس
عايز اهتم بيهم اوى
واكتشفت ان فى ناس بيحبونى اوى وانا هما مش فى بالى
لازم اهتم بيهم كمان
نفسى اتجوز الانسانه اللى بتمناها وتكون زوجه صالحه ليا واكون زوج صالح ليها
طبعا اللى بتمناها دى فيها صفات صعب لاقيها
بس انا كمان مش كامل
ان شاء الله ربنا يوفقنى
لانى عايز استقر
متفتكروش انى مستعجل ع الجواز
بس انا عارف انى لما اتجوز هكون افضل ان شاء الله بكتير
وعايز اربى اولادى كويس اوى واهتم بيهم واحفظهم القرأن من صغرهم وربنا يوفقنى ويكونى صالحين وكويسين
وعايز ارد حاجه من افضال والى ووالدتى
نفسى فى حاجات كتيييييييييييييير
بس مش عارف امتى هقول كفايا لان طموحاتى ملهاش حدود وربنا يوفقنى
انا مش عايز حياتى تكون روتينيه موظف وخلاص
طب ليه مدرسش علم انا بحبه واحاول اضيف فيه
طيب ليه مخترعش حاجه
انا ميكانيكى ممتاز وكهربائى كمان
صحيح بعمل قفلات كتير فى البيت بس بعمل شغل كويس فى الاخر
عموما طموحاتى كتير وربنا يوفقنى
وانا راضى بأى شىء قسمهولى ربنا
وبس كفايه كده بقه
انا رغااااااااااااااااااااااااااااااااااااى اوى