حول محاضرات ادارة البنوك

السلام عليكم و رحمة الله و بركاته


الموضوع دة يا جماعه ان شاء الله نبقى نتناقش فيه عن احداث كل محاضره من محاضرات المادة

و لو اى حد عنده سؤال حول المحاضرة او ناقصله حاجة فيها او فاتته محاضرة و عايزها يقول هنا

و يا رب نكون ايد واحده و نساعد بعض فى كل حاجة

سلااااااام عليييييكم و رحمة الله و بركاته

الدكتورة لم تأتى حتى الان ..

سلاااام عليكم و رحمة الله و بركاته

معلش انا هاتطفل شويه و اشارك هنا
اصل الماده دي شاداني شويه في قسم الاداره و حابب اني اعرفها اكتر
فياريت نبقي نشوف تعريف الماده و نظره عامه كده عليها بالاضافه للمحاضرات
و شكرا علي المجهود .......

اهلا بيك عندنا

بص هى المادة حتى الان كلامها يشبه كتير للاقتصاد و مادة النقود و البنوك الى حد ما

و ان شاء الله هبقى احط محاضراتها بس بصراحة مستنيه الكتاب ينزل لانالدكتور بتتكلم بسرعه شوية فبيقع مني جمل كدة فى النص فقلت هستنى الكتاب ينزل اوو هشوفه فى مكتبة الكليه عشان اقدر اكتب المحاضرات

walahy bgd rbna yekrmkom !!! w 3momn tool ma e7na metwasleen keda m3a b3d isa kolna hnb2a tmam fe kol elmowad !!!!

bas sa7e7 ma7dsh 7atet eny comment 3n madet elta5teet w elreqaba ! m3a enha elmada elwa7eeda elmomken anzel men ma home m5soooS 3shanha !!!
la2n leeha DOctor sa7ebna .. msh Doctor da sa7bna !!!! :d

ازاى ..ألخطيط و الرقابة ليها قسم كامل و انا بنزل محاضراتها ..بس اسفه منزلتش بتوع الاسبوع اللى فات اصل الوقع اللى برفع عليه مش شغال معرفش ليه

هحاول اجرب موقع تانى و ادعولى يترفعوا

و طبعا دكتور اشرف دة احلى دكتور السنة دى تقريبا ..و ان كان كل دكاترة ادارة حلوين ..بس هو من احلى الحلوين

و محاضراته جامدة و بجد ببقى مبسوطة فيها ..ربنا يكرمه

و اهلا بيك معانا و ربنا يكرمك و يوفقك

معلش يا ندى لو انت جايه بكره السكشن ممكن تجيبي معاكي سكشن ادارة بنوك رقم 1 علشان انا محضرتوش فعايز اصوره لو مش ممكن عادي هاشوف حد تاني اخده منه
وشكرا .
رامي..................

هو هيبقى معايا اصلا ..بس المشكله انى بكتب وراها و مش ببيض السكاشن فمش عارفه حضرتك هتعرف تقرا الخط و لالأ

انا هشوفها بكره و لو عرفت اقرا خطك هصورها .
رامي...............................

اوك.. ان شاء الله

معلش اصلى بظبط محاضراتى بعيد عنك وكله واقع

وصلنا للمحاضرة الكام فى البنوك؟

هتاككدلك من العدد و اقولك ان شاء الله علشان البنوك اخر لخبطة عندى

انتى كمان

المحاضرات يا جماعة موجودة فين لمادة البنوك

للاسف الشديد لا يوجد ..انا حتى الان مبيضتش الا نص واحدة
اسففففففففه جدااااااااااا

أشكرك علي أدبك في الحديث ولو عايزة اي مساعدة انا يشرفني ان اساعدك

ربنا يكرمك

هو اان للاسف دايما بيبقى صعب عليا اذاكر الخمس مواد من اول السنه فساعات كتير مادة بتبقى متاخرة عندى شوية

بس باذن الله اول ما هكمل اى حاجة فى المادة دى هحطهالكواعلى طول باذن الله

جزاكي الله خيرا

[size=24]ايه معنى شرط الدولة الاكثر رعاية في المحاضرة اللى فاتت[/size]

بصى هو فى الكتاب مفيش شرح

بس الدكتورة قالت بعديه و هى بتشرح شرحته و قالت (و مش عارفه دة ايه علاقته بالعنوان )

قالت انه زى لو مثلا مصر بتحب سوريا ..ممكن تديها مزايا عن البلاد التانية فى التصدير و الاستيراد و كدة ..زى مثلا تخفضلهم الجمارك او اى حاجة زى كدة

دة شىء مسموح بيه فى ظل اتفاقيه الجات

هو انا اسفه انى رديت بعد سنة بس انا لسه مذاكرة الكلام دة اول امبارح

-------------------------------------------------------------------------------------------


و مفاااجأأة

ان شاء الله انتظروا محاضرات ادارة البنوك قريييبا ان شاء الله

بس دعواتكم اخلصهها بقىىىىىىىىىىىىىى

عشان قربت يجيلى شلل من المادة خلاص ..بقالى كتييير اوى فيها و كل دة لسه فى الفصل التالت

ana 3ayza a3raf elmafrod nzaker mn lectures w la mn book & lectures

ازيك يا ايمان

بصى هو بصراحة الكتاب فيه شوية نقط غير المحاضرة

لو هتقدرى تذاكري الحاجات اللى ناقصه يبقى كويس ..او على الاقل دورى على الرؤى العالميه لانها قالت مهمة اوى

و ممكن مثلا تخلى المحاضرة مع التطبيقات

و ابقى شوفى الملخص اللى هنزله انا كنت عامله الكتاب مع المحاضرة و دلوقتى بلخص اللى عملته منهم الاتنين على بعض ..ممكن يكون مفيد ان شاء الله

و ربنا معاكى يا جميل و ان شاء الله خير .. اانا شفت اسئلة امتحاناتها مش بين السطور و لا حاجة زى ما هى بتقولنا دى اسئلة عاديه ..فان شاء الله خير

و يا رب بس مننساش و نجاوبلها اجابات حلوة كدة ان شاء الله


و انا افتكرت انك كنتى سالتى عن ايه الحاجات اللى هى قالت عليها مهمة ..اللى فاكراه حكاية الكمبيوتر و استخدامه عموما ..
و فى موضوع كان محددات سياسات الاقراض هى داخليه و خارجية فى الفصل السابع (5-3)

و دالة الثقة و دالة اليسر ..و مشكلة الاختيار و الخطر الاخلاقى

و حكاية ان لازم البنك دايما يكون بيعمل و هو واخد باله من المخاطرة و السيولة و الربحيه ( المثلث اللى هى بترسمه دة )


بصى دة تقريبا اللى حاولت اجمعه لانها كانت بتكرر كلامها كتير فى النقط دى ..فممكن غالبا تكون مهمه ان شاء الله

ربنا معاكى يا قمر

سلاااام عليكم و رحمة الله و بركاته