أي شخصية ستختار ؟؟

سأطرح لكم موضوع لنقاش الجاد والهادف لنرتقي به ونفيد ونستفيد بنقاشنا ووجهات نظرنا..

خيروك بين خمس شخصيات فما هي الشخصية التي تتمنى

ان تكون وهذه الشخصيات هى :

1. ملك ومشهور جدا ؟

2. صاحب مال وغني جدا ؟

3. عالم كبير ومبدع فى مجالك ؟

4. شخصية بسيطة جدا وعادية ؟

5. شخصية فقيرة وتعيش الحياة براحة البال ؟

فماذا ستختار ؟؟

............................................

واذا اخترت ملك هل ستكون عادل بين الناس؟

واذا كنت صاحب مال وغني هل ستنفق على المحتاجين؟

اذا كنت عالم كبير هل ستبدع فى العلم وتكون صادق؟

واذا كنت شخصية بسيطة هل يكون طموحك فى حدود عملك وحياتك او سيكون اكبر؟

واذا كنت شخصية فقيرة هل سترضي بنصيبك؟

بصدق وبثقة اى من هولاء ستختار ؟؟؟ ولماذا ؟؟؟

ياريت كل واحد يكون واقعي ويختار الشخصيه اللي يحس انها تمثله

بعيدا عن المثاليات . . . .

انتظر ردودكم smillle

منقوووووووول......

أخترت أن أكون عالم كبير ومبدع فى مجالي

اذا كنت عالم كبير هل ستبدع فى العلم وتكون صادق؟

نعم

ان شاء الله ربنا يكرمك كدة وتحقق هدفك

بس ماقولتلناش انت اخترت ده ليه ؟؟؟

أنا حاسس أني ممكن أبقى كده

وأصلح لكده فعلا

وعندي ثقة في أني هبدع في العلم ده إن شاء الله

وبرضه عندي رغبة في أني أفيد للناس

اختار انى اكون شخصية بسيطة جدا وعادية

بالنسبة لطموحى اعتقد انى مش هاكون طموحة اوى او طموحى هايكون محدود

بالنسبة لاخترت كده ليه يمكن لانى باحب الحياة البسيطة

. عالم كبير ومبدع فى مجالك ؟

هـــــــــــى دى

اذا كنت عالم كبير هل ستبدع فى العلم وتكون صادق؟

اتمنى دة باذن الله

و اختارت الشخصية دى لانى بحب اتعلم اوى و بحس ساعات بجد لما الاقى حد احسه انه عالم قدامى بحس اكنى عطشانه اوى و لقيت نهر كبيير عايزة اشرب منه على قد ما اقدر

فبتعجبنى اوى شخصيه العلم و اتمنى اكون فىالمنزله دى و ربنا يكرمنى و اوصلها

و كمان بحب لو عارفه حاجة اعرفها لغيرى و امنيه حياتى اعلم الناس

و بتمنى ربنا يرزقنى بعلم كتير و يكون نافع و انفع بيه الناس و اتقى ربنا فى العلم اللى اتعلمه و افيد بيه امتي

------------

وو ربنا يكرمك على الموضوع الراااائع دة

بس ما تقول انت كمان انت بتختار اى شخصيه فيهم

سلاااام عليييييكم و رحمة الله و بركاته

ممكن اختار الشخصية التالتة
لان الفلوس وسيلة ان تحولت لغاية كانت وباء على صاحبها
ولان من سعى الى الملك وجعله هدف يكون قد سعى لمنصب وخالف رسول( الله صلى الله عليه و سلم ) ومن خالف تعاليم الدين لن يكون عادلا
ولانني ان تمنيت ان اظل كما انا لن اظل كما انا بل ساقل مما انا عليه وايضا لن يكون لي هدف فانني الان شخصية بسيطة
واخيرا قال رسول الله( صلى الله عليه و سلم ) " لو كان الفقر رجلا لقتلته "
ايه ده انا طولت اووووي معلش hiii

4. شخصية بسيطة جدا وعادية ؟

انا اخترت الشخصيه دى الانى بحب البساطه فكل حاجه

واذا كنت شخصية بسيطة هل يكون طموحك فى حدود عملك وحياتك او سيكون اكبر؟

انا تفكيرى الحمد لله مش فمجال دراستى وبس وعندى افكار كتير نفسى انفذها بعد متخرج ان شاء الله بعيده تماما عن اداره الاعمال

اختار كلهم ما عدا الاخيرة

اظن ان الـ4 شخصيات الاولي بيكملوا بعض

ولازم علشان تكون الشخصية الاولي ، لازم يبقي فيها كمان الشخصية التانية والتالتة والرابعة

وعلشان تبقي التانية ، لازم تبقي التالتة والرابعة

وعلشان تكون الثالثة ، لازم تكون الرابعة

وما ينفعش تبقي معاهم الاخيرة

علشان دي متناقضة معاهم

انا اختار شخصيه بسيطه وعاديه ولكن طموحي يصل لابعد الحدود لكي احقق اهدافي واحلامي

دودكوا بجد اكتر من رائعة .. وبنا يوفقكوا وتحققوا كل اللي بتحلموا بيه

فيه قصة كانت بتحكي عن ملك كان عايش في قصر كبير وكان عنده جنينة قدام القصر بتاعه

كان بيعيش فيها رجل فلاح بسيط ، كان بيشتغل في الاض طول النهار وبليل بيجيب الاكل بتاعه ، وياكل وينام وهو متراح البال

الملك اما شافه استغرب لأنه كان دايماً في قلق على السلطة و الشعب .. فقرر في النهاية انه يسيب السلطة ويشتغل زي الرجل البسيط ده عشان يعيش مرتاح البال

هل انتو شايفين ان تصرف الملك ده صح ولا ايه .... ؟؟

لا غلط و غلط جدااااااااااااا

لان لو كل الناس عملت زيه كدة مش هيبقى فى قيادة و كل واحد هيشتغل على مزاجه و مش هيهتموا بمصلحتهم الجماعية

مفيش جماعه هتنجح و تزدهر و تتقدم الا لو اتجمعت فعلا و مش هتتجمع الا بقيادة ناجحة تحكمهم

و كمان كلنا ممكن نعيش مرتاحين من حاجات كتير لكن يمكن بنتعب و نوجع دماغنا لان اهدافنا عاليه

اكيد الانسان كل ما بيتعب اكتر و يشقى اكتر فى الدنيا ما دم شغله لوجه الله هيعلى درجته اوى و يدخل اعلى درجات الجنه و عشان كدة العلماء نلاقى احاديث و ايات كتير عنهم و عن منزلتهم

عشان بتبقى ناس تعبت و قدمت حاجة للبشريه غير اللى مريح دماغه بقى

و اكيد كل انسان مننا بيشوف قدامه الطريقين

طريق انه يكون ناجح وومتميز و طريق انه يكون عادى و طريق كمان انه يكون فاشل و كل انسان بيختار الطريق اللى يمشى فيه و عشان كدة لازم يتحمل نتيجة طريقه هيوصله لفين

زى ما بندخل الكلية فى اللى بيرسم على امتياز و يتعب و يشقى و فى اللى مريح دماغه و عايز ينجح و بس

اكيد اللى نفسه فى الامتياز كتير بيشوف راحة غيره دة و يتمنى يبقى باله مرتاح زيه
بس يوم النتيجة فرحة اللى جايب امتياز اكيد متتقارنش باللى جايب مقبول
و فرحته اعلى من اى فرحة او راحة كان ممكن ياخدها تانيه

اجمل شىء فىالدنيا ان الانسان يحط هدف عالى و يوصله

و يا رب كلنا نوصل لاعلى هدف عند كل مسلم انه يرضى ربنااااااا ويدخل الجنه و يشوف النبي صلى الله عليه وسلم

انا هارد عليك يا جوهري بمشهد من فيلم

هو فيلم محمد سعد اللي بالي بالك

لما قاله فيه مسجون هيهرب

قاله بس انا مش ظابط

قاله حتي لو ماكنتش ظابط ، فكر انت اتحطيت في المكان ده ليه؟

الخلاصة

ان الناس اللي ربنا بيحطهم في اماكن او مواقف ، بيبقي ده لأنهم مؤهلين ليها

" لا يكلف الله نفسا الا وسعها لها ما كسبت وعليها ما اكتسبت "

وزي ما قال الشعراوي في حديثه لمبارك

" من طُلبَ لشئ أعين عليه ، ومن طلب شيئا وكل إليه "

وعمر العقد ما هيبقي جميل الا لو الدهب في مكانه والحلقات في مكانها والجوهرة في مكانه والقفل في مكانه

وعمر ما مسلسل الحياه ما هيمشي الا لما يبقي الفلاح في ارضه والسلطان في سلطته

كلامك جميل يا admin

الموضوع على بعضه بردود الاعضاء واختلاف اراثهم واهدافهم رائع

انا شفت الموضوع ده قبل ما ينزل وفكرت انا لو اتسالت السؤال ده هختار ايه ؟

وفضلت محتاره لحد ما الموضوع نزل وكلكم دخلتم وقولتوا أرائكم بس اكثر راى حسيت انه هو ده

اللى متوافق معايا رأى ادمين ان كل الشخصيات مع بعضها هتكون المجتمع المسلم

اللى هيرفع شأن الامه وهيصحيها من السبات العميق اللى هى فيه ده .

شخصية بسيطة جدا وعادية

مش معنى انى اكون شخصيه بسيطه وعاديه انه ميكونشى ليا طموح وهدف
وايه المشكله انى اكون شخص بسيط وعادى وفى نفس الوقت متميز ومبدع فى مجال معين ومش شرط اكون عالم
وكمان ممكن اكون غنى ومع ذلك اكون بسيط

اما انى اكون ملك فده انا مش نفسى فيه خالص
والله لو جتلى انا هرفضها
انا كفايا عليا اتحاسب على نفسى
انما الملك هيتحاسب عن كل اللى فى رعيته يعنى حمل كبير جداااااااااااااااااااااا
وبس

وشكرا ع الموضوع الجميل

اللي بوظ مجتمعنا الاسلامي حاجات كتير

اهمها فساد السلطة

السلطة كانت اعلي حاجة ، وكانت بالمشورة

وبعدين العلماء والتجار والوزراء ، ودول كانوا من علية القوم

فكنا نلاقي الامير هو سلطان وحكيم وعالم وتاجر

ونلاقي الوزير هو حكيم وعالم وتاجر

ونلاقي العالم هو حكيم وتاجر جنب علمه

لكن دلوقتي ما فيش اهتمام باي حاجة

كله بيهتم بنفسه فقط

علشان كده لازم السلطان يبقي كل الشخصيات

ويتدرجوا للأسفل

اد ايه كلامكوا وارئكوا حلوة جدا حقيقى انا سعيده انى انضمت لكم وحاسه انى هستفيد كتير منكم ان شاء الله اما عن رايى فانا هختارهم كلهم ماعدا الملك لانى شايفه ان كلهم بيكملوا بعض لو استخدمته صح مش شايفه ان فى مانع انك تكون عالم ومبدع وانك تكون غنى بالعكس غناك هيوفر لك الامكانيات والظروف اللى تساعدك انك تبدع اكتر وميمنعش انك يكون عندك فلوس وتكون مرتاح البال وعيش حياه بسيطه طالما انك بتراعى حق ربنا فيها اتمنى لوده يحصلى فى حياتى على الرغم من انها نعمه كبيرة من ربنا بس كمان هى اختبار صعب جدا وبلاء ربنا يعين صحه عليه ويرزقه الحكمه وحسن التصرف اما الملك اكيد غلطان لانه لو حاول يصلح من مكانه وباستخدام سلتطه دى اكيد كان افيد واكيد كان هيرتاح باله

أنا مشوفتش الموضوع ده قبل كدة باين
جزاكِ الله خيراً fatmah إنك نبهتيني ليه

هختار اختيار غريب جداً ...

لكن مع احترامي بكره الإجابات المُصمتة . يعني لازم أحلل نفس التحليل المطلوب .. مش بعرف أجاوب غير لما أشوف العواقب علشان كدة بختار

2. صاحب مال وغني جدا

لأن كل الحاجات اللي بفكر فيها محتاجة فلوس ... لكن أنا مش محتاج فلوس الحمد لله .. تاني الفرق كبييير أوي
دلوقتي الحمد لله عايش كويس وعايش شخصية بسيطة مش فارقة معايا ... و لما أشتغل إن شاء الله ممكن أتخصص في مجالي وأبدع فيه وأكون عالم فيه برضه لكني هكون مركز في حاجة واحدة وأنا طول عمري تفكيري عَرَضي مش طولي .. يعني بفكر في كل الحاجات مع بعض كبداية واللي أحس إني أقدر أكمل فيه بكمل وأسيب الباقي لغيري بعد م أكون عرفت إنه هيكمل لو هو مش قادر يبدأ
نفس الفكرة لأني دلوقتي الحمد لله مش فقير في المال .. لكني محتاج راحة البال وأنا عارف إني بالي بيرتاح بطريقة تانية .. هي لما بساعد الناس بس على طريقتي الخاصة .. لكن الفقر ولا هيساعدني ولا هيساعدهم .. وتاني هرجع أقول إن الفلوس مش هتغيرني .. لو أنا دلوقتي فيه حد مش عايز أكلمه مش هكلمه ولو جاتلي فلوس كتير وبرضه مش عايز أكلمه مش هكلمه إيه الفرق ؟ مفيش حاجة إسمها اتغير لما جاتله فلوس .. دي في الشخصية والحمد لله أنا ثقتي في تفكيري لا توصف .. ومش عايز أذكر مواقف لا داعي لها
وطبعاً المُلك عمري م بفكر فيه لأن الكرسي لا يدوم ولأنني أظن أنني أستطيع الحكم أكثر قبل المال بقوة التفكير ومع المال سأقنع أكثر ولهذا لا أحتاج المُلك ..

الخلاصة علشان حاسس إني طولت أوي
إن توظيف المال هيفدني أكتر لأن التكامل اللي اتكلم عليه هشام أنا طول عمري مؤمن بالفكرة دي لأنها مهمة .. الحاكم زي زمان كان بيفهم في الطب والقاضي في الهندسة و الناس كانوا أغنياء بمزاياهم مش بمالهم بحب أطلق عليهم كلمة ( موسوعي) متنوعين وملمين بأشياء كثيرة ولا يمنع التميز في مجال معين لكن لا يُضير التوسع في مجالات أخرى

جزاكَ الله خيراً با جوهري على الموضوع

ياااااااه الموضوع ده بقالو زمن ربنا يكرمكوا انكوا فكرتوني بيه

حلو قوي رايك يا فاطمة مافيش مانع انه يكون معترضين مع بعض هو ده بيبقى التحي بس اللي في الموضوع

سمير .. حلو قوي ان الانسان يكون غني ويكون موظف فلوسه صح بطريقة ياخد بيها ثواب ويعمر بيها الارض

نورتوا الموضوع thanks

الموضوع ده من اجمد مواضيع المنتدي عن حق

موضوع حلو اوى
وجزاكم الله خير
وانت يا ادمن ارائك كلها انا متفقه معاها
كلاك مظبوط 10 على 10
بجد قولت اللى كنت هقوله

ربنا يكرمك يا فيرجينيا

وانتي منورة دايما بدون ما تشاركي

يا ريت بقي مشاركاتك تنور المنتدي دايما زي وجودك

» شخصية المسلم
» شخصية لطيفة جدا
» شخصية البنت من لون ملابسها
» تحب تكون ذو شخصية جذابة ومغناطيسية -- تعالى اقولك ازاي