زى النهاردة .. من 35 سنة

السلام عليكم و رحمة الله و بركاته

زى النهاردة من 35 سنه يمكن محدش فينا كان موجود اصلا

و لا حد حس فينا الوضع كان ايه وشعور الناس كان عامل ازاى و لا حاله الخوف و الرعب و الشعور بالذل و الهوان لان ارضنا متاخدة مننا

كنا ساعتها بقالنا كذا سنة فى احتلال و اكيد بعد النكسة اتهدمت اى جبال للامال
لكن اليوم دة رجع الفرحه و الانتصار و العزة للمصريين
و انتصرنا و حررنا من بعده كل شبر فى ارض بلدنا

فاولا كل سنة و انتوا طيبين و فى السلام باذن الله دايما عايشين

تانى حاجة بقى ... هى رسالة لكل انسان متشائم و محبط و شايف ان اى نجاح ليه مستحيل

هل اى ظروف محسساك بالفشل و فقدان الامل اكبر من وجود محتل على ارضك ؟؟
هل انت اقل من جندى من ابطالنا فى 73 .. هل كان عند حد فيهم قوات خارقة مش موجودة عندنا ؟؟

انتصار اكتوبر لازم يكون بشرى و امل لينا

يمكن ماحضرناهوش بس احنا شايفين دلوقتى اخواتنا فى فلسطين (ربنا ينصرهم و يعزهم..و ان شاء الله لو احنا اتغيرنا ربنا هيجيب للمسلمين النصر ) بس هل تقدروا تتخيلوا ان احنا كنا نبقى عايشين فى نفس حالتهم دلوقتى

فيا ريت كل واحد يحمد ربنا على نعمة الامن و السلام اللى احنا فيها
و يشوف هو دوره ايه فى الحياة
و قدم ايه لبلده و مجتمعه

و يبدا من اللحظة دى و يتغير او يكمل مشواره لو كان بدأ فعلا

عايزين نخلى عندنا امل .. و باذن الله ذى ما مصر الحمد لله عايشة فى سلام احنا هنكمل المشوار اللى بدأ فى 73 بالنصر و نكمل احنا وننهض و نتقدم ببلدنا و نطورها و نغيرها للاحسن و نعليها و نخليها احسن بلد فى الدنيا لانها فعلا احسن بلد فى الدنيا

و كل سنه و انتوا طيبين وو بخير

و السلام عليكم و رحمة الله و بركاته

و اوعوا تنسوا تفكرووا من دلوقتى و لودقيقة واحدة تفكير .. انتوا هتعملوا ايه و هتقدموا ايه و رسالتكم ايه فى الحياة دى
و متنسوش اهم حاجة ..يكون كل عملكم لوجه الله سبحانه و تعالى

و مرة تانيه
الســــــــــــــــــــلام عليكم و رحمة الله و بركاته

موضوع و كلام جميل جدا
و فعلا نخلينا نفكر كتير في حاجات تايهه عننا و نحاول نشيل كلمه مستحيل من قاموس حياتنا
و نبدأ ننظر للي جاي بصوره اكتر تفاؤل و جديه و تجاه حياه افضل دايما
و زي ما قولتي علي كل واحد يفكر كويس في الي ممكن يقدمه علشان نفسه و مجتمعه و اهله و بلده دون النظر لاي معوقات تانيه ممكن توقعه
فالاهم من ده ان كل واحد يعمل الي عليه و يراعي ربنا في كل اعماله
و ربنا ينصر الامه العربيه و الاسلاميه

و ميرسي اوي علي الموضوع الجميل ده و ربنا يكرمك

ربنا يكرمك و شكرا على ردك الجااامد دة

و فى حاجة تانيه معلش كنت نسيت اقولها

ان النصر مجاش فى لحظة و لا يوم النصر وصلناله بعد حوالى اكتر من 7 سنين .. فلازم جنب الشغل و الامل يكون دايما عندنا صبر

ربنا يصبرنا وو يوفقنا كلنا

و فى دعوة جميلة اوى اتعلمتها من عمرو خالد و هى .. اللهم استخدمنا و لا تستبدلنا

لان ربنا ممكن يستبدلنا بناس غيرنا احسن يعمروا الارض و ينشروا الخير لوو احنا كنا وحشين فاحنا دايما ندعى ان ربنا يستخدمنا فى نصر و عزة امتنا

و كل سنة و انتوا بخير

سلااااااااااام عليييكم و ورحمة الله و بركاته

بجد

نصرنا نتيجة صبرنا

وكل سنة وانتو طيبين كلوكو

ولازم نفتخر بالتاريخ ده لانه رافع راسنا لحد دلوقتى

فعلا عندك حق
الحمد لله كما ينبغي لجلال وجهه وعظيم سلطانه

اقتباس :: نصرنا نتيجة صبرنا

حلوه المقوله دي