اكتر دكتور اثر فية.........

انما مثل الجامعة كمثل كتابا ، ففي الكتاب صفحات تتشوق وتتلهف لقرائتها ..... ليس لانها افضل الصفحات .... ولكن لانها اقربهم الى قلبك ، كذلك الجامعة ، ففي الجامعة اساتذة تتلهف وتتحرق شوقا لمحاضراتهم و تنتظرها من اسبوع لاسبوع .....ليس لانهم الافضل ...ولكن لارتباطك بهم
وحتى لا نغفل حقوق هؤلاء الاساتذة كان لا بد من ذكرهم كأدنى حقوقهم،كما لا بد من ذكر الاسباب التي تجعلنا لا نزال وسوف نظل نتذكرهم
وبالنسبة لي هم دكتورين
د/عادل مبروك وهو من علمني ان النجاح يتطلب المزيد من البحث وكان مثال جيد للطريقة المثلى للتفاعل مع الطلبة
د/ خيري الجذيري وهو من علمني ان التفوق يتطلب المزيد من التحمل وان العقل ليس نصف الانسان بل هوالانسان كله

انا لن أنسي


دكتور حلمي البشبيشي

دكتور عادل مبروك

دكتور حنفي ذكي


ولكل واحد فيهم سبب


دكتور حلمي البشبيشي

لأنه هو السبب في اني كملت من اول تيرم في الكلية بعد ما انقذني بكرمه في التصحيح

لأني كنت مخرف في ورقة الاجابة وانا كنت تعبان جدا جدا جدا ومش عارف انا بعمل ايه

وعلمني ان الدكتور الصح هو اللي بيحس بالطالب من ورقة الاجابة بتاعته

بيفهم انه فاهم ولا لأ

وكمان علمني ان التعليم بسيط جدا

من خلال محاضراته القليلة ووقتها القليل ، ولكن العبقرية في ايصال المعلومة

علمني ازاي الانسان ممكن يبقي كلامه قليل بس ما يتنسيش منه حرف

زي ما انا فاكر كلامه في محاضراته وهزاره وكل كلمة هزر بيها


اما دكتور عادل مبروك

علمني يعني ايه الدكتور الاب

اللي يدرس في المحاضرة

ويساعد في المكتب بتاعه ومن خلال مركزه

وهو احد اكبر الاسباب ان لم يكن هو السبب الرئيسي في كوميرس وانتشاره واشتراك كل الاعضاء دي

ولن انسي مساعداته لينا

وانه في اخر محاضرة خلاني اخد المايك واعلن عن المنتدي

رغم انه كان ممكن ينفض لنا

بس هو دكتور انساني جدا وذكي ، وبيعرف ازاي يظبط مستقبله ومستقبل اللي حواليه

انا عن نفسي

اتوقع انه يبقي في منصب اعلي واعلي خلال الفترة اللي جاية


ده غير انه علمني برضه الحلم والصبر ، لما كان فيه ناس مش محترمة بتبعت ورق يضايقه في المحاضرة



اما بقي دكتور حنفي ذكي


علمني جزء من اللي شوفته من دكتور حلمي وجزء من دكتور عادل


علمني ازاي يفهم الطالب انه فاهم ولا لأ من ورقة الاجابة حتي لو ملخبط فيها

وكرمني في الدرجة اللي ادهالي جدا الحمد لله

وعلمني ازاي ان المحاضرة صلاة ، وخارج المحاضرة مساعدة وابوة

خصوصا لما جمع بينا اللقاء لما عملنا معاه حوار المجلة


وساعتها اكتشفت ان مش انا بس اللي ليا احلام قوية في مواضيع معينة

اكتشفت انه هو كمان بيحلم نفس احلامي ، بس طبعا هو بيحقق وده للفروق اللي بيني وبينه

وسبحان الله

نفس تحقيقه لأحلامه اللي هي شبه احلامي

اللي مخططله انا كمان مخططله

اتشابهنا في التخطيط والخطوات


خصوصا في مراحل التنفيذ


ولن انسي مداعبة لنا حينما كان يرن موبايلنا في لقاءنا به


ولن انسي كلمة قالها لنا في حديثه عن الاحوال العامة في الكلية او في العالم

ووصفه لشخص ما

هههههههههههههههههههههههههه



ربنا يكرمهم كلهم يا رب




كان نفسي اقول اللي في نفسي لباقي الدكاترة

بس يفضل ان الواحد يقول خير او يصمت

علشان مش اي حد بيقبل النقد

موضوع جامد وهو شه وفاء جزء قليل من افضالهم علينا بعد الله سبحانه وتعالى

انا اللى أئر فيا مش كتير

انا هاقول دكتور حلمى البشبيشى

واكيد هشام شرح ليه بوفاء جامد جدا لحقه علينا

ودكتور حنفى زكى انا بحترم الدكتور ده جدا جدا

لانه عارف هو بيعمل ايه كويس وده اللى صعب تلاقيه دلوقتى

وكفاية انه قريب من ربنا

ربنا يكرمه ويعزه ويرزقه

اعتقد انه مفيش تانى

بس انا ممكن اكون حبيت دكاترة المالية العامة

وده لانى مش ذاكرت فى المادة ديه خالص وروحت الامتحان متاخر لظروف خارجة عن ارادتى

والحمد لله جبت امتياز فى المادة ديه وجيبت 20

يعنى ربنا يكرمهم ويزيد من امثالهم

وخصوصا ان الجامعة ديه نصيب

انا بصراحة محدش أثر فيا خالص

هما اتنين أثروا بالسلب

و اقنعونى ان العملية كوسة و بماية و ملوخية بالارانب

د خيرى الجزيرى الله يسامحة

د خالد سماحة ربنا يزودولوا فى كرمة

بصراحة اتنين عقدونى فى حياتى

و اقنعونى ان العملية كوسة و بالهنا و الشفا

اكتر دكاتره اتعاملت معاهم

واثروا فيا جداا وخلونى غيرت تفكيرى فحاجات كتير

د /عادل مبروك و د/ حنفى زكى

من الواضح ان هناك اتفاق على 2 اساتذة
الاول: د/ حنفي ذكي
الثاني: د/ عادل مبروك كل منهما حصد 3 اصوات
ويليهم الثالث: د/ حلمي البشبيشي بصوتين
ويليهم الرابع : د/ خيري الجذيري

انامن الدكاتره اللي اثروا فياكتير وخلوني اغير تفكيري ومنهجي في الحياه والاطلاع علي الكثيرمن الامور الهامه في الدنيا ?.د.عادل زايد ?.د.حنفي زكي ?.د.عادل مبروك ?.د.خيري الجزيري ?.حلمي البشبيشي وكلهم لهم فضل عليا كتيير

لا بقى انا بصوت لدكتور عادل بعشرين صوت على الاقل
اكت دكتور شجعنى و حفزنى و بجد انا لو قعدت اشكره مش هقدر اوفيه حقه

بجد كان مش مجرد دكتور لكن كان اب لكل طالب

و لسه لغايت النهاردة مستمر فى عطاءه و طيبته و قربه من الطلبة

ربنا يكرمه و يجازيه كل خير


و كمان دكتور خيرى الجزيرى

عالم بجــــــــــد
و اتعلمت منه كتييير اوى و غيرلى طريقه تفكيرى كتير


و د محمد المحمدى

بجد برضه مش عارفه اشكره اززاى
دة بداية اى افكار و طموح ليا متهيالى هو كان سبب رئيسي ليها

انا اتحمست و حطيت لنفسىى اهداف كتيرة اوى و انا فى اولى و هو كان سبب فى الحماس اللى جالى دة و الحمد لله انجزت كتير من اهدافى

و اتعلمت منه حاجات كتيييير اوى اوى


و د سيد ناجى

عبقرى فى شرحه ..بجد مفهمتش مادة فى حياتى كلها قد التسويق
ربنا يكرمه بجد و غير فيا و اثر فى اسلوب مذاكرتى و الترم اللى اادانى فيه كان اكبر ترم تميز ليا

و د جودة عبد الخالق

عقليته و طريقة تفكيره بيعجبونى اوى
مع انى كنت مبحبوش فى اول السنه بس بعد فترة اكتشفت انه انسان اكتر من رااائع

و د هبه فؤاد
اعتبرتها قدوة ليا و حبيت اوى اكون زيها وحبيت مادتها و اتمنى اتخصص فيها اكتر و هى كانت سبب كبير فى حبى ليها


و نضيف للقائمة السابقه ..د حسين عطا و د اشرف عبد الرحمن ..شكلهم هياثروا جاااااامد ان شاء الله


و نفسي اضيف اغلب الدكاترة او كلهم لان بجد كلهم ربنا يكرمهم على تعبهم و جهدهم معانا و ربنا يجازى كل واحد علمنا اى حرف خير جزاء عننا

و المعيدين كمان على فكرة اثروا فيا جداااا و يمكن ساعات اكتر من الدكاترة و بجد ربنا يكرمهم بالذات بهاء سمير و محمد عبد المنعم كانوا سبب فى تشجيع على المذاكرة كتيير اوى ربنا يكرمهم

و لو ممكن اضيف الطلبة كمان مفيش مانع

و كمان بشكر الدادة اللىفى المسجد عشان بحبها اوى

و بجد كلية تجارة كلها تستاهل الف مليون شكر لانها غيرت فيا كتيييير اوى و اثرت فيا كتيير اوى

الحمد لله انى في تجارتى حبيبتى

سلااااااام عليكم و رحمة الله و بركاته

انا بعترض على كلام السيف المسحور


و شايفاه مش منطقى تماما

دلوقتي بقى ترتيب الدكاترة حسب جماهيريتهم في commerce 2009

1- د/عادل مبروك 5 اصوات
2- د/ حنفي ذكي 4 اصوات
3- د/خيري الجزيري ، د/ حلمي البشبيشي 3 اصوات
يليهم د/عادل زايد ، د/ محمد المحمدي ، د/ سيد ناجي ، د/ جودة عبد الخالق ، د/هبة فؤاد
،د/ حسين عطا ، د/ اشرف عبد الرحمن، د/ بهاء سمير ، د/ محمد عبد المنعم بصوت واحد
و د/ عادل مبروك واضح ان كل الطلبة بتحبه و متربع على عرش الدكاترة المحبوبين في كوميرس2009

انا يكفيني اني يوم السبت شوفت دكتور عادل مبروك ماشي وسط الطلبة


فيه مسئولين الواحد بيتذل علي ابوابهم


بس دكتور عادل مبروك دايما بشوفه ماشي وسط الطلبة


يعني ما فيش ابواب


وده اهم حاجة في المسئول


دايما بيقولو كلمة حاضر بتريح

حتي لو الطلب ما اتنفذش


وانا قولت في الاول ان دكتور عادل قبل ما يكون مسئول كان بينفذ

ولما بقي مسئول ما خلاش فيه ابواب تقريبا



فيه دكتور برضه بحبه


من كلام الناس عنه

هو دكتور السيد ناجي

اولا علشان انا عشقت التسويق

ثانيا من كلام الفراشين والناس كلها عليه

اد ايه هو شخصية قوية

اديله الشخصية رقم واحد في الكلية

كفاية انهم بيترعبوا منه من مجرد اسمه

بس ما بيخافوش منه ابدا ، لأنه طيب

لكن رعبهم من شخصيته القوية اللي كان واضح من ردود افعالهم انها شخصية حازمة جدا جدا

وعموما انا ما حضرتلوش الا محاضرة واحدة وكانت بالصدفة كده

وبرضه ما انساش اللي قاله فيها

وهفضل افتكره طول عمري



نفسي انقد باقي الدكاترة

بس خايف ابوظ الصفو ده

ده اكيد لو انت اتكلمت هاتبوظ كل اللى انت قولته

وانا نسيت دكتور جودة عبد الخالق

ده دكتور عظيم بجد

انا كنت بحضر محضراته وكمان كنت بتفرج عليه فى التلفزيون

رائع

دكتور النقود فى مصر واستاذ وعالم فى مجال النقود والبنوك

ربنا يكرمه

ودكتور سيد ناجى انا مش حضرت خالص ومدينى درجة جامدة جدا وجميله بصراحه

علشان كده لازم احبه

وسمعت عنه انه كويس وشخضيه محترمه

اكتر دكتور اثر فيا اولهم

خيري الجزيري : اول دكتور اشوفه في الكلية واخد معاه محاضرات بجد شخصية جميلة جدا وعمله غزير جدا ومفتقده حاليا مع مادة التمويل


محمد المحمدي : اثر فيا جدا وحببني في علم النفس بسبب مادة السلوكية اللي كان بيديهالنا وخلاني اهتم بالمجال ده

السيد ناجي : اسلوب خاص جدا في الشرح وبدع معانا بصراحة في مادة التسويق وحببني فيه جدا

علي فكرة


فكرة الموضوع لذيذة


وموضوع شيق


تسلم ايدك

متشكر جدا على المجاملة دي يا admin ... واحم احم ....من الواضح ان في صوت اضاف للدكتور مصطفى مجدي من admin ... يعني بقى دكتور مصطفى في المركز الاول

اجمد دكتور 5 (:
1 - د/ حلمى البشبيشى
2 - د/ محمد المحمدى
3 - د/ خالد سماحه
4 - د/ جوده عبدالخالق الكتاب بتاعه تحفه
5 - د/ محمد وحيد

اضم صوتي لصوت فامبير علي دكتور خالد سماحة


كان مثال رائع للشباب المجتهد


دايما لما بتكلم علي حد بقول اسمه


طبعا هو والرائع دكتور مصطفي هلال العبقري

ايه الموضوع الجميل ده

طيب انا بالنسبالي هما 4 دكاتره
د/محمد رئيف
د/ خالد سماحه
د/صلاح بسيوني
د/جلال مطاوع

مين دول .معرفش غير دكتور خالد

و صحيح دكتور خالد كان من الدكاترة الكويسين جدا بس ماثرش معايا على المدى الطويل ..لكن برضه اثر شوية ..


و الله يمكن تقريبا كللللل دكاترتنا ..اللى هما حوالى 40 دكتور تقريبا كل واحد اثر فيا شوية و بجد كلللللللللهم ربنا يكرمهم و يجازيهم كللللللللللللللللللللل خير

دخيري و دكتور محمدى و د حلمى و د امال و د وحيد
و دعادل امين و د خالد سماحة و د اسامة و د منصور و د نوال
و د سيدناجى و د ايمان و د جودة و د مجدى
و د عادل مبروك و د مصطفى هلال و د سيد عبد العاطى و د احمد انيس و د سعد و د على قاسم
و د عبد الله شحاته و د ناهد و د على شاكر و د حنفي
و د هبه فؤاد و د مبروك و د عزة و د محمد رشاد و د محمد جودة و د محمد عبد العظيم
و د حسين عطا و د اشرف عبد الرحمن و د ابتهاج و د خالد حجازى و د ايمن عشوش و د هالة

بس كدة

و عشان مبقاش نسيت حد كان دكتور ابراهيم مرجان دخلننا مرتين

عموما ربنا يكرمهم كلهم

مع احترامي لكل الدكاترته دول الا ان مافيش زي الناس الي قولت عليهم
معلش بقي ..