بسم لله الرحمن الرحيم
الورقه التي جننت البنات
نبداء بالقصة على طول مايحتاج مقدمات
<<<<عقدته المقدمات
يقولك فيه عجوز على فراش الموت وما عندها إلا ولد واحد
وهي على فراش الموت
قالت له وصية
خذ ياولدي الورقة هذي
وأي بنت تشوفها ( بأي مكان ) إفتح لها الورقة ( وخلها تقراها )
و ياويلك (( إذا قريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
قالها إبشري ....... وماتت الأم <== الله يرحمها
حزن الولد حزن شديد .... وضاق صدره
بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( محل قهوه )
قال يالله ... اضرب لي فنجال قهوة أعدل الراس فيه
دخل المطعم ........ طلب قهوة
جت لمه الجرسون ( بنت ) ... وقدمت له القهوة
وهو يشرب القهوة ... قال ليه ما أوريها الورقة ... فكرة والله
قام أخينا بالله وفتح لها الورقة
البنت على طوووووول ... قامت تصارخ عليه
ياللي فيك ومافيك ... يالخسيس
ياقليل الأدب .... يا عديم الذمة يا عديم الضمير ...
الرجال .... طايرتن بوهته ... مايدري وش السالفة
جاه صاحب القهوه .... وطرده
المسيكين ضاق صدره وحزت في خاطره
قال أكيد البنت هذي مجنونة ... أكيد فيها شي
طلع من القهوه ... ومشي في الشارع
وبالصدفة لقى ملاهي ... قال أبي أدخل فيها
دخل الملاهي ... وراح يلعب فيها
راح إلى لعبة تصادم السيارات
مالقى ولا سيارة فاضية .... شافته بنت ... قالت له .. تعال إركب معاي
الرجال إنبسط ... فرح ... ركب معاها ... وقام يلعب
وسواليف ... وفله حجاج .. وسعه صدر
وبالأخير .... عزمته على آيسكريم .... إنهبل ... ماصدق خبر
راحوا يشترون آيسكريم ... وقعد يسولف معاها
قال أبي أوريها الورقة ... أكيد تختلف عن البنت اللي في القهوه ... فتح لها الورقة
البنت على طوووووول
ياللي فيك ومافيك ... يالخسيس
ياقليل الأدب .... يا عديم الذمة يا عديم الضمير ...
صطرته ولعنت وجهه ... وهج منها
برضه الرجال ..... مايدري وش الطبخة
ونفسه يقرأ اللي في الورقة ... لكن أمه ... محذرته
راح للبيت ... مر على مطعم ... قال ليه ما أتعشى
طلب عشاء كبسه رز .... أدهر فيها بالبيت ... وشبع
((مدري كيف بنت تركبه بسيارات التصادم وبعدين الاخ يتعشاء كبسة رز الاخ باي ديره))
عاد انتم لاتسألون القصة كذا
المهم بعد ماشبع الأخ
هو يعوره بطنه بالليل ... قام يتوجع ... الظاهر فيه ( زايدة )
طار للمستشفى ... سووا له عملية زايدة
يوم صحى من النوم ... شاف الممرضة قدامة ... قال أكيد هذي تختلف عن الباقيات
هي بترحمني ... أنا مريض ... وراح تعطف علي
وقام أخينا بالله ... ووراها الورقة
البنت على طوووووول
ياللي فيك ومافيك ... يالخسيس
ياقليل الأدب .... يا عديم الذمة يا عديم الضمير ...
وقومي وأحذفيه من عند الدريشة ( النافذة )
إنهبل الرجال ..... جن جنونه .... قال ماني قعد بالبلد هذي
أكيد كلهم مجانين
مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه
جابت له العصير ... وقال بإذن الله راح أوريها الورقة
أكيد هذولي البنات .. راقيات... ومحترمين
فتح الورقة لها .......... والبنت على طوووووول
ياللي فيك ومافيك ... يالخسيس
ياقليل الأدب .... يا عديم الذمة يا عديم الضمير ...
والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ ما فيه غيره .... نرميك من عند باب الطيارة <==والله ياناس رحمتـــه
إنهبل الرجال وإنفقعت مرارته .... وبرضه ما يدري وش الطبخة ..... قال لهم
معزمين من عند الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... قالوا تفضل
قال لهم ... وأنا واقف عند الباب
قبل ما تدفوني على الأرض .... ودي أقرأ الورقة
لأني سالفة أمي كذا وكذا ... وقالهم إن أمة موصيته إنه مايقرأ الورقة
إلا إذا جاء يموت
وهو أكيد راح يموت لأنه بيطيح من الطيارة
الزبدة ... وهو واقف على الباب ومفتوح حاسهم الهواء ... عجزوا يسوقون الطيارة
وعلى وشك إنهم يدفوووونه عشان يطيح .... فتح الورقة ..... عشان يقراها
أخينا بالله أول ما إنفتح الباب ... فتح الوررقة
وهي تطيرالورقة مع الباب
ودفوووووه من عند الباب وطاااااح
ومات المسكين وهو ما يدري وش في الورقة
وأنا
بعد مدري وش فيهاااااااااااااا ....
يا حرااااااااااااااام ...... والله رحمته
وبس خلاص انتهت القصة
ادري انكم مقهورين ودكم تعرفون وش بالورقة خخخخخخخخخخخخخ
منقول
