عندما يخفق القلب لشخص في المنتدى ؟

موضوع جميل يا مصطفى

بس انا ممكن يكون راى مختلف تماما عن الموضوع

انا شيفا ان مينفعش تكون فكره عن شخص متعرفوش لان غالبا هتبقا غلط

اكيد طبعا فى ناس هتلفت نظرك ردوداها ومشاركاتها لو انت م المتابعين للمنتدى

بس برضوا هتكون الصوره الى انت كونتها ناقصه

لان ممكن يكون شخص فالواقع مختلف تماما عن المنتدى

يبقا انت كدا كنت تعرف واحد تانى

بصراحة انا فى رأى ان مفيش حد يقدر يضحك على حد فترة كبيرة

يعنى لو هو انسان مختلف على النت

مش هيقدر انة يخلى نفسة مختلف على طول

و بطبيعتة و مع المواقف هيظهر على حقيقتة

بس هى قدرة الانسان انة يفهم اللى قدامة بتختلف من واحد للتانى

و انت و شطارتك بقى

* هل ممكن أن نميل للقلم؟؟؟

ممكن

* وهل من الممكن نميل للشخص بسبب قلمه؟؟؟

بالطبع ، والدليل في الصحافة ، ولن ننسي مجدي مهنا

* هل من الممكن أن نصل إلى درجة الأفتتان بالفكر أو الأسلوب؟؟؟

من الممكن بسهولة ، وخصوصا مع تالف الارواح

* وهل يتحول الأحترام والأعجاب إلى أنجذاب؟؟؟

نعم

* متى تخرج المشاعر عن السيطرة؟؟؟

كثيرا ، ويقودها الفضول في احيان كثيرة

* ما السبب في ذلك؟؟؟

عدة اسباب ، تالف الارواح ، والفضول ، والحب في الله ، والتأخي ، والانجذاب للعقلية ، والانجذاب للشخصية

* وهل هذا خطأ؟؟؟

في بعض الاحيان

* ومن يتحمل الخطأ؟؟؟


المخطئ





موضوع جميل

جميل بالناس اللى فية

هواكيد ممكن حد يحب حد من كتاباته بس

انا فاكرة كويس مرة من كام سنة لما توفى عبد الوهاب مطاوع الله يرحمه واحدة صاحبتى قعدت تعيط ..و انا مكنتش قريتله حاجة ابدا فكنت مستغربة
بس لما قريتله بعد كدة عجبتنى اوى شخصيته و عرفت هى ليه لما مات الله يرحمه عيطت و زعلت اوى ..لانها عجبها الشخصيه دى و كانت بتستنى اراءه كل اسبوع فى بريد الجمعه ..فحست بموته انها فقدت الشىء اللى بتستناه كل اسبوع و افتقدت عقليه حبتها

بس هل الكتابة لوحدها تبين الشخص كله و لا لا

اكيد لاااا

انت صح بتقول ساعات بيقع و يتكشف ..بس مهما كان مش كل حاجة

ممكن شخص مبيمثلش على النت و كلامه فعلا زى اللى بيعمله فى الحقيقه بس تشوفه كدة متستريحش لشكله ..او صوته يضايقك ..او تعبيرات وشه تنرفزك .. او اسلوب القاءه للكلمه يضايقك

و برضه حاجة تانيه زى لو واحد مذيع فى راديو ممكن الناس تحبه اوى و تشوفه ميعجبهاش

(مقصدش شكل حلو ووحش بس اقصدتعبيرات الوجه ..ممكن انت متخيل واحد بيقول حاجة و انه دايما مبتسم تكتشف انه مكشر ليل و نهار ..هتكرهه ممكن )

المهم الخلاصه

ممكن حد يحب حد من كتاباته بس ..و دى حصلتلى كتيير ..انا ليا اصحاب كتير اوى بداية معرفتى بيهم النت منهم مها اختك

بس المهم منحكمش على الشخص كله من خلال كتابته و بس علشان منتصدمش و ونحس لما نعرفه انه حد تانى

من اصعب الحاجات الى فى الدنيا انك تفهم الى ادامك
فهم النفس البشريه حاجه صعبه اوى وانا بكلم على المستوى الطبيعى
مبالك بقى لو هتحكم على حد من خلال منتدى
ممكن تكون انطباع مبدئى
لكن فى حاجااااات كتير صعب انك تعرفها
لان مش كل حاجه هقدرانقلهالك من خلال لوحه المفاتبح فصعب انك تكون فكره كامله عنى

واضح انكوا فى نفس الطريق

يعنى الكل شايف ان مينفعش الواحد يعرف اللى قدامة من الكتابة

هو مش هيعرفوا بالدرجة الكفاية

بس اللى اعرفة ان فى اختبارات نفسية ببتعمل بالكتابة

يعنى انت تكتب اللى فى بالك و اللى بيعملك الاختبار هيفهم كل حاجة من اللى كتبتة

و هو دة اللى بيحصل على النت

سواء مواضيع او حتى رغى

الانسان بيقعد يكتب

و يطلع اللى جوة فى شكل مواضيع

و يطلع اسلوبة فى شكل ردود

و من اللى هو كتبة دة كل حاجة فية بتبان

و انا بقول كل حاجة كل حاجة

بس هى عاوزة خبرة شوية عشان متفوتش حاجة منك

و مين قال انالاختباراتالنفسيه بتدى نتيجة صح داايما

كتييير اوى بتطلعلك حاجات مش هى انت

و بعدين اكتشاف الشخصيه حاجة و الشخصيه كلها حاجة


انت هنا بتتكلم عن حد نحبه وا منحبوش من ردوده و بس

ما انا ممكن ناس كويسين جداا بس ميعجبونيش فى الحقيقه و ناس مش اوى بس احس انهم عاجبيننى بغض النظر عن الشخصيه كويسه و لا مش اوى و متوافقه و لا لا على النت

يعنى انتى عاوزة تقولى ان الواحد ممكن يعجب بحد شخصيتة مش كويسة ؟؟

مستحيل

مش مش كويسه .لكن مش رائعه

يعنى ممكن تلاقى نفسك بتحب واحد صاحبك و هو مياااان عيوب ..صح ؟؟

مستحيل حد يفضل علي وتيرة واحدة في المنتدي او الواقع

تصدقوا انا مبقتش فاهم الموضوع بيتكلم على اية

* هل ممكن أن نميل للقلم؟؟؟

اه طبعا
* وهل من الممكن نميل للشخص بسبب قلمه؟؟؟

اكييد
* هل من الممكن أن نصل إلى درجة الأفتتان بالفكر أو الأسلوب؟؟؟

ممكن ..
* وهل يتحول الأحترام والأعجاب إلى أنجذاب؟؟؟
ممكن برضه

* متى تخرج المشاعر عن السيطرة؟؟؟

عندما يزيد الافتتان بالكاتب

* ما السبب في ذلك؟؟؟

عدم قدره على التحكم فى المشاعر وممكن يكون رغبه فى الصداقه وساعات ممكن يوكن سوء تصرف

اسباب كتيرررر

* وهل هذا خطأ؟؟؟

فى حالات وحالات

الاجابه اللى فوقها

* ومن يتحمل الخطأ؟؟؟

المخطىء طبعا




عندى مثال

اول منتدى الاء اشتركت فيه اتعرفت على بنت مغربيه عندها حوالى 25 سنه وكانت بنت ما شاء الله عليها من كلامها وردودها ومواضيعها

تحس انها انسانه ملتزمه جدااااااااااا ومثقفه ومؤدبه وفيها صفات كتيررر جميله كان نفسى اتعرف عليها

بس حصلت ظروف وجت امتحاناتى وقولت هشترك بعد الامتحانات علشان اتعرف على البنت دى وكان كل اللى على المنتدى بيحبوها ويحترموها

المهم انا كنت متابعه المنتدى مع الاء من غير ما اشترك فة يوم بفتح المنتدى لاقيتهم كاتبين

توفيت الى رحمه الله تعالى العضوه ليلى

انا اتصدمت صدمه من اكبر صدمات حياتى والاء اول ما عرفت قعدت تعيط كتيرررررررررررر جدااااااا طبعا

وانا بقيت مش عارفه افكر واتاثرت تاثررهيب بوفاتها دى لدرجه انى داتيما ادعيلها ربنا يرحمها وعمرى ما نسيتها ابدااااااااااااااااااااااا

وانا اصلا ما بدعيش لاقرايبى اللى توفوا قد ما بعيلها هى وانا عمرى ما كلممتها حتى وهى ماتت وهى ما تعرفنيش كمان

وانا فيا حاجات غلط اتغيبرت بسبب وفاتها وعلى فكره اللى اكد لى انها كانت انسانه ملتزمه اننا عرفنا من صاحبتها اللى على المنتدى انها عملت حادثه وكل عظامها اتكسرت وجالها نزيف داخلى وماتت وهى تردد الشهاده وتقول ايه الكرسى....

اهى انسانه عمرى ما شفتها ولا كلمتها انا بس قريت ردودها ومواضيعها واتعلقت بيها لدرجه انى تغيرت بسببها ...

انا قوت كل ده علشان اثبت ان الانسان ممكن يعجب بشخص ويفضل فاكره عمره كله عن طريق كلمه كتبها او رد قاله ..

دلوقتى السيف المسحور بقى عنده حق ما يبقاش عارف الموضوع بيتكلم عن ايه؟

لا حول ولا قوة الا بالله

ربنا يرحمها و يرحمنا جميعا

مهو كلنا ضيوف فى الاخر برضو

انا كدة جالى اكتأب

اهلا اهلا اهلا
موضوع جامد جدا
بس اى حد مشفتوش و متعملتش معاه تعامل مباشر وجهى فى وجهه يبقى خلاص الموضوع خلص مينفعش
لانه ببساطه ممكن واحد يكتب كلام حلو اوووى و جامد اوووى بس تقابله تلاقيه مش بيعمل اى حاجه من اللى هو بيقولها مش علشان هو وحش لا بس فى ناس كتير عندها ثقه اكتر على النت انها تقول و تعمل كل حاجه مش بيقدر يعملها فى الواقع لاسباب كتير
وده كده مش وحش بس شخصيته فى الحقيقه ضعيفه جداا و ده مش لذيذ
و بعدين مننساش ( تكلم كى اراك ) ( عاشره كى تعرفه )
يعنى ممكن كلامه يعجبنى و ده دافع لانى اقابل الشخص ده و بعدين اعاشره و ممكن يعجبنى او ميعجبنيش بس تكوين راى عن شخص و الاعجاب به من على النت مش كويس اووى
و خصوصا ان الموقف اللى فداء قالت عليه حصل معى و زعلت اوووى و بعد كده طلع ان الشخص ده كان بيشتغل ناس فى المنتدى و عاوز خلاص يعنى يقول انه ماشى قاصحابه قالوا انه مات و كل ده علشان يتلغى الاسم و ip و يسجل تانى باسم جديد علشان يبين انه جامد فى الاشتغالات

معقوله فى حد كده فى حد فى النيا يخلى اصحابه يقولوا عليه انه مات علشان الاشتغالات

ده اكيد انسان مش طبيعى لا يمكن يكون طبيعى .....