ممكن ولا مش ممكن

لو انت او انتى كبرت واجوزت وربنا رزقك ببنت كبرتها وعلمتها واتخرجت من الجامعه وجاتلك وقالتلك يا بابا فى عريس عايز يتقدملى امت انت قلت طيب ممكن نشوفه كده مبدأيا وبعد قده نقرر المهم قعدت معاه ولقبت انه حد محترم جدا وكويس بس قالك انه مش هيقدر يجيب شبكه مثلا
السؤال بقى هل ممكن تجوز او تجوزى بنتك من غير شبكه ؟
ولا ايه
انا عندى رد بس لما اسمعكو الاول

و دى محتاجة سؤال ااااه طبعااا

اهم حاجة فى الانسان دينه و عقليته و انجازاته ..الشبكة دى منظرة على الفاضى

و دة رايي الشخصي ..ما دام هيبقى كويس و بس المهم يقدر يتحمل المسئولية بتاعت بيته (و مقصدش بيها انه غنى لكن مش يعني عايش شحات و عاله على المجتمع لكن انسان ناجح و ليه دور فى الحياة ) فى الحالةدى اكيد شبكة او اى مظهر تانى فيه رفاهيات و حاجات مش اساسية اكيد مالوش لازمة

و كان فى راي لدكتور خيرى الجزيرى ان لو الناس بطلت تصرف فلوس قد كدة علىالشبكة و استثمروها ممكن نعمل مشاريع كتير اوى بفلوسها (فى اجمالى البلد كلها )

هوا الحكمه من الشبكه ان العريس المفروض بيجيب هديه لعروسته وطبعا مفيش حاجه اقيم من الدهب
انا بالنسبالى يعنى يجيب الى يقدر عليه ان شالله دبلتين وخاتم مش مهم
بس على الرغم من ذلك لسه فيه تاس كتيييير معندهاش المرونه دى

اكيد طبعا فى كتير معندهمش التفكير دة ..كفاية ان فى مثل غبى اتقال قدامى مرة معرفش مين اللى عامله بيقول الراجل ميعيبوش الا جيبه ..يعني ان شاء الله لو معندوش دين بس غنى يبقى كويس!!!!

الا بتنفى اللى قبلها فبجد مثل غبى و طول ما هو بيتداول اكيد دة يدل على وجود العقليات اللى بتفكر كدة
و حتى اصلا ممكن واحده نفسها تكون بتفكركدة و كل همها فى الماديات و بس

هى الماديات مهمه بس بحيث بس تقدر الانسان باذن الله انه يعيش عيشة كويسه متوسطة ..

سلااام عليييكم و رحمة الله و بركاته

هو على حسب يعنى اه ممكن بس ميكنش مش ناوى يشتغل او حتى مش بيدور على شغل و مش بيبزل مجهود علشان يلاقى شغل و يقول ان الارزاق بيد الله ده كده شكرا لو عمل ايه لا بس لو حد مستقبله كويس و المستقبل مش مضمون بس بيبزل مجهود و بيتعب و مش عايش كده و خلاص يبقى ممكن بس مش ممكن اوووى كمان حتى مع كل اللى فات يعنى لو الحوار الشبكه بس يعنى ميبقاش شبكه ولا شقه حى ايجار و صغيره و فى مكان معفن و مفيش عفش لا اكيد لان الواحد مش هيرمى بنته او اخته فى الشارع

اقتباس :

السؤال بقى هل ممكن تجوز او تجوزى بنتك من غير شبكه ؟

يعنى بصراحة بصراحة هى لو على الشبكة بــــــــس
(يعنى باقي الحاجات الاساسية متوافرة)
مفيش مشاكل ممكن دبلة وخاتم وشكرا طالما ان بجد انسان محترم ومتدين وذو خلق وهيحافظ على بنتى.

انا برضه راى زيكم طالما انه على الشبكه خلاص خليها خاتم وبس ..

ولو فى حاجات اساسيه مثلا مش قادر يكملها وبيحاول انا هساعده طالما انه انسان ملتزم

واخلاقياته جميله وهيكون حنين عليها ويحافظ عليها ويراعاها كانها معايا

فانا اللى هساعده لان مفيش حد من اول ما بيتجوز بيكون كامل مكمل بيته تماما

من الاساسيات والكماليات غير انسان هما اصلا اغنيا واهله ساعدوه او واحد اتاخر فى الجواز

لحد مكمل نفسه واشتر كل حاجه وناقصه العروسه وخلاص ..

(اذا جاءكم من ترضون دينه وخلقه فزوجوه )
هو ده مبدانا

مش اذا جاءكم من ترضون نقوده وغناه فزوجوه ؟؟!!زى ما بيحصل دلوقتى

وفى نفس الوقت نضمن انه يكون هيعيش معاها فى مستوى على الاقل معقول ومفيش مشاكل عندى

انى حتى اساعدهم علشان ارفع من دخلهم

وبكره هو يكبر (ان شاء الله ) وميخليهاش محتاجه حاجه ويفضل فاكر معاملتنا ليه فده يخليه يحافظ

على بنتتى اكتر ويخلى باله منها اكتر واكتر ...

هو فى حاجات كمان غير الشبكه يا جماعه
علشان كده لازم يكون فى نفس مستواها الادبى او العلمى مش اقل علشان يفهموا بعض و يقدروا يكملوا مع بعض و كمان لازم يكون فى نفس المستوى الاجتماعى و المادى علشان البنت بالاخص مش بترتاح لو عاشت فى مستوى اقل من المستوى اللى كانت عايشه بيه فى بيت والدها كل دى حاجات اهم من الشبكه 1000 مره

مساهمتكو بجد احلى من بعض
هوا طبعا لازم يبقى فيه توافق ثقافى واجتماعى
وانا لما قلت الشبكه قلتها على سبيل المثال فى بقى حاجات تانيه كتير الناس بتصعب بيها الامور على نفسيها
وفعلا هيبقى صعب ان البنت تعيش فى مستوى اقل من الى عاشت فى طول حايتها ولو انه مش دايما على فكره وهو كده كده الولد لازم يجتهد ويعمل الى عليه ولكل مجتهد نصيب