سؤال عجبني اوي و عايز كل واحد فيكوا يجاوب عليه من وجهة نظره

السؤال :
اذكر عشر استخدامات للكتاب غير القراءه ؟
رامي.................................

ممكن اسند بية حاجة مكسورة عشان متقعش

اصطاد بية الذباب

اضرب بية اخويا لما يضايقنى

ممكن اقطع الورق بتاعة و اعبية ترمس او بطاطا

اعرضة للايجار

اسيبة فترة طويلة جدا لغاية ميبقالة قيمة عالية و ابيعة

انفض بية حاجة متربة زى الكنبة مثلا

احطة عند الباب عشان ميتقفلش

ممكن اولع فية و ادفا فى النار بتاعتة

ممكن احطة و اقعد علية على الرصيف عشان هدومى متبهدلش

و ممكن افتحة و اكل علية عشان ميقعش الاكل على هدومى

كفاية كدة

بس لية السؤال العجيب دة ؟؟

طب انا هرد قبل ما اقرا اجابةالسيف المسحور عشان افكر براحتى

يتعمل بالورق مراكب

نقعد عليه فى الكلية

(لو اعتبرنا الجرنان كتاب ..ممكن نخرمه و نعمل فيها بتوع مخابرات و نبص من خلاله )

نجفف جواه الورد

نضرب بيه واحد على دماغه اغبى استخدام فى الوجود بتاع التتار لما سدوا بالكتب النهر علشان يعدوه

نرسم على هوامشه (من استخداماتى الاساسية )

توصيل الرسايل (جواه جواب او وضع خطوطتححت بعض الكلمات لتكوين رساله معينة و الحاجات بتاعت الافلام دى)

تهريب الماس ( زى فى فيلم مش فاكرة هو ايه بس حطوا ماسات جوة كتاب من الكتب الكبيرة كدة و هربوها )

ممكن نعمله محفظة نحط الفلوس جواه بين الصفحات مش هتقع بسهوله

التخفى ( مرة و انا صغيرة فى مكتبة كبارك كانوا بيصوروا فى التلفزيون و انا وواحده صاحبتى كنا ماسكين اطلس حجمه كبير اوى طوله حوالى نص متر خبينا بيه وشنا عشان مكناش عايزين نطلع )


كدة 10
و ممكن كمان

نحطه جوة المكتبة عشان ميبقاش شكلها فاضى

نتصور بيه و نعمل فيها مثقفين

كفايه كدة بقى

نسيت استخدام مهم ..شمسية

دة اتسالته فى انترفيو لحاجة عايزة ابداع ..صح ؟؟

اهلا اهلا اهلا
سؤال جامد
1 - نرميه على بعض
2 - نقعد عليه لو على الرصيف او فى الشارع
3 - نسند عليه لو بنكتب على ورقه واحده و مفيش مسند
4- ننفض به
5 - نبيعه كتب قديمه بالكيلو
6- نصوره علشان نبهدل النسخه
7 - نقطعه لو مخنوقين منه
8 - نحرقه لو مخنوقين منه اووى اوووى
9 - نرميه فى النيل او البحر لو الواحد جاب جاز على الاخر
10 - نرسم عليه و جواه

شكرا جدا على المشاركات الايجابيه
صح يا تدى هو فغلا السؤال المقصود منه اظهار الجانب الابداعي في الشخصيه و شكرا .
رامي .................................

موضوع جامد جداااوبحييك عليه بس عايز اقول مفيش استخدام واستفاده للكتاب احسن من القراءه