اللى عاوز ارقام الجلوس يدخل بسرعة

جزاكى الله خيرا

انا جبت رقمى و ارقام اصحابى

بس المشكلة انهم مبيكتبوش صاحب الرقم فى الفرقة الكام ولا حتى مجموعة اية

يعنى الواحد مش هيعرف يتأكد هو فى ادارة ولا لا

بس انا اتأكدت لسبب واحد

انى همتحن فى العيوطى و انا كنت بمتحن كل سنة فى القاعات

دة غير انى شفت ناس معانا فى المجموعة و طلعوا فى العيوطى برضو

ربنا يستر

طب أنا طلعت في مدرج (ه)
أنا قلقان ليكون كدة في مشكلة وحاسبني محاسبة
اللي حسيته كدة إن كل الإداراة في العيوطي
مش عارف أنا ليه في (ه) ؟؟
رغم إني روحت من فترة كبيرة سألت في شئون الطلبة على أنا إدارة ولا محاسبة قالي إدارة ومكتوبلي كدة في الكارنيه من أول السنة
بس أنا سألت في إنتساب لأني انتساب من سنة أولى ومحولتش انتظام خالص
وقولت طالما إن إدارة كلها على بعضها مش بيفرقوا بين انتساب وانتظام يبقى خلاص
لكن الله أعلم يمكن أكون محسوب في انتساب إني إدارة وانتظام محاسبة
ربنا يستر
وبعدين انا ليه مش في العيوطي؟

طالما إنت قلقان كده ريح نفسك وروح أسأل في شئون الطلبه

ياجماعة انا مقدرة قلقكم هى فعلا بتبقى اى حاجة خاصة بالامتحانات بتقلق عالعموم ممكن تنزلوا الشئون بكرة وتتاكدوا بنفسكم اما بالنسبة لموضوع الفرقة كم او مجموعة ايه فانا سمعت ان كله ظهر مرة واحده بس برضه مش متاكده زيكم بس مفتكرش ان اسمى يجمع لحد الرباعى غلط لان لو كان كده كان اكيد هيظهر الاسم التانى معايا وبيتهيالى انها كل الفرق لانهم كاتبين ارقام الجلوس بس من غير مايحددوا فرقة كم

Mohamed magdy كتب:

طالما إنت قلقان كده ريح نفسك وروح أسأل في شئون الطلبه

بكرة أجازة بمناسبة السنة الهجرية كل سنة وانت طيب
يوم الثلاثاء إن شاء الله
شكراً لردك
ربنا يوفقك

لا هو غالبا على فكرة انتساب فى مدرج ه مش العيوطى

لانى جربت اسم واحدة صاحبتى و لقيتها يا اما فى ه او قاعات المتحانات (انى مش عارفه غير اسمها ثنائى )
بس غالبا هى كدة لانى جربت كمان اسمك (مش اسمك سمير فتحى؟؟) لقيته اوله 47 الف و هى برضه 47الف

عموما انت ممكن تاكد لنفسك اكتر بانك تشوف ارقام اى حد كان فى مجموعتك قبل كدة و دلوقتى فى ادارة

و بالنسبة للسيف المسحور انت مكتوب صح انت و مها لان كل بتوع مجموعه ج اللى فى ادارة فى العيوطى اوسط و ارقام جلوسنا 44 الف و شوية

بس على فكرة العيوطى اوسط دة مكان حلو اوى اوى اوى .احى مكان للامتحانات ..يا رب يكون خير السنه دى

و بالنسبة للسنين فسنة رابعه كلهم بيبداوا باربعه من على الشمال و تالته 3 و تانيه 2 و هكذا

شكرا

وليد في العيوطي


ربنا معاك وتنجح إن شاء الله

آمين


وربنا معاكم انتم كمان وتنجحوا

اه قسم محاسبة برضه منهم جزء فى العيوطى ..تقريبا حروف ال ه و ال و و ال ى بس هما هيمتحننوا بعد الظهر

احنا هنبقى الصبح قبلهم فى نفس المدرج

ربنا يستر و اقدر اتعود على المواعيد الجديدة للامتحانات

خير إن شاء الله

اقتباس :

لا هو غالبا على فكرة انتساب فى مدرج ه مش العيوطى

هو تقريباً كدة فعلاً بس برضه لزيادة التأكيد أنا هروح الجامعة بكرة الصبح إن شاء الله أتأكد

اقتباس :

لانى جربت اسم واحدة صاحبتى و لقيتها يا اما فى ه او قاعات المتحانات (انى مش عارفه غير اسمها ثنائى )
بس غالبا هى كدة لانى جربت كمان اسمك (مش اسمك سمير فتحى؟؟) لقيته اوله 47 الف و هى برضه 47الف

آه الاسم كدة صح لأني استغربت أوي لما لقيت كله على الجروب بيقول إحنا في العيوطي ومش متأكدين كدة صح ولا لأ ف شوفت اسمك لقيتك في العيوطي برضه كنت هقولك لأني شوفت تعليقك قبل كدة إنك قلقانة بس لما اتحط اللينك قولت زمانك هتشوفيه بنفسك ولما شوفت اسمي لقيتني مش في العيوطي قلقت أنا بس استنتجت الحكاية دي في الآخر

اقتباس :

عموما انت ممكن تاكد لنفسك اكتر بانك تشوف ارقام اى حد كان فى مجموعتك قبل كدة و دلوقتى فى ادارة

آه م أنا عملت كدة برضه وطلع كان فيه بنت معانا في انتساب ودخلت ادارة نفس الكلام في مدرج هـ
وده اللي طمني اكتر .. بس ربنا يستر

ربنا يوفق الجميع يارب

الحمد لله روحت اتأكدت النهاردة ولقيت إني إدارة

على فكرة ياجماعة ارقام الجلوس اتحطت خلاص بالبيانات كاملة الفرقة والمجموعة واذا كنت انتساب ولا انتظام

ربنا يكرمك يا قمر
و يوفقنا كلناااااااااا

يا جماعة انا فؤجت وانا بجيب لصاحبتى رقم الجلوس وهى ادارة لقيت انها محاسبة مش عارفة ايه الوضع دلوقتى ادعولها ربنا يوفقها مع بتوع الشئون وتتحل المشكلة دى

لا حول و لا قوة الا بالله ..يا رب تتحل المشكله دى بسرعه

ربنا يستر

ابقى طمنينا عليها ..هى مييين ؟؟؟

خليها تروح لـ على الديب أو تطلع للعميد
وإن شاء الله كله يتحل

الحمدلله المشكلة اتحلت

الحمد لله

ربنا معانا كلنا

دلوقتي أرقام الجلوس على نفس اللينك ده هتلاقوه كاتب كل البيانات .. ومكتوب الشعبة