فين الناس ؟؟؟؟؟؟؟؟؟؟

الناس بيذاكروا

دة حاليا

اما بقى طول السنه .. مش عارفه نفسي اعرف انا كمان و الله

المشكله انهم بيدخلوا فعلا بس مش بنشوف مشاركة

طب معنى انهم بيدخلوا ان فى حاجةعجباهم (مش كدة برضه )


طب يقولوا ايه اللى عاجبهم و ايه اللى مش عاجبهم ..و نصلح و نطور و نحسن كل حاجة كلنا سوا

فعلا انا مش عارفه ليه كدة ..انا كنت قربت اشحت مشاركات عشان الناس تسال لو مش فاهمه حاجة حتى فى المواد .. و قليل اوى اللى كانوا بيسالوا

لازم نلاقى حل باذن الله ..بس هو حاليا طبعا المذاكرة اكيد شغلانا كلنا

ربنا يوفقنا جميعا

و بجد اانا عايزة اشكرك لان كذا موضوع كنت ببقى عايزة ارد عليهم و مفيش وقت و بلاقى حضرتك رديت عليهم الرد اللى احسن من اللى كنت هقوله

ربنا يكرمك و يجازيك كل خير ..

والله أنا بقالي كام يوم بدخل مش بلاقي غير فامبير ... ويادوب بنرد على بعض بس في موضوع غزة ... لكن نادراً لما ألاقي حد تاني .. فداء بتدخل برضه بترد وتواجد قوي وبعدها بفترة تختفي
بس ربنا يسهل بعد الامتحانات إن شاء الله .. ههريكوا تواجد
هخليكوا تتمنوا تطردوني

محدش يقدر

اكيد محدش يقدر ..دة يا ريت كل الاعضاء تبقى كدة ..و نتفاعل تفاعل حلو مع بعض كلنا باذن الله

و ربنا معانا فى الامتحانات

لا طبعا محدش يقدر ازاى بقى ؟؟؟

وزى ما ندى بتقول احنا ما بنصدق نلاقى الاعضاء بيدخلوا

ويردوا ويتناقشوا ويبقى فى حيويه فى المنتدى

بس المشكله فى الامتحانات هى السبب اكيد

وهى السبب انى بدخل قوى ومره واحده اختفى

بدخل مره ارد على كل حاجه واخرج وفتره كده وارجع

يعنى اختصارا للوقت

بس انت وفامبير ما شاء الله واخدين بالكم من المنتدى كويس

ربنا يعنا كلنا ياااااااااااارب ننجح وننصر امتنا

ويفرحنا بالنصر عن قررررررررررررررررررريب آمين يارب

ياه احنا تانى
نفس الناس اللى بتدخل و نفس الناس اللى بترد على بعض
اهلا بيكم

طب أنا مش هرد .... كنوع من التجديد يعني

نحن هناااااا


كيفكم


المشكلة فعلا دلوقتي هي ان الناس مشغولة عشان الامتحانات وهتلاقو شغل جامد جدا من اول الاجازة ان شاء الله

يارب

فى ايه يا جماعه متسيبوا الناس تدح براحتها
ايه الحقد ده

هوا يعنى زى ما قلتوا عشان الامتحانات ربنا يسهل بس وتعدى على خير وهتلاقوا شغل جامد ان شاء الله

ما شاء الله ما شاء لله ..الموضوع بدا يتملى اهه

النشاط بيقل في المنتدى في الفتره الأخيره عشان ظروف الإمتحانات وكله دلوقتي مش فاضي يقعد على الكمبيوتر ولو في ناس بتقدر تدخل بيبقى في الأغلب تشوف اخر المواضيع لكن مش بيبقى في وقت للرد عليهم
أما انا بالنسبه ليا فكنت مسافر يومين في الفتره اللي قبل امتحان النظم كان فرح لقريبنا وكمان اللي بيحصل في غزه مخليني لازق قدام التليفزيون بشوف الأخبار ومش عارف لو دخلت هكتب اقول ايه الواحد لما بيحاول يبعد نفسه شويه عن الأحداث دي ويبعت عن عقله صور الأطفال الشهداء بيحاول يذاكر عشان الأمتحان وده السبب إن مشاركاتي قلت في الفتره الأخيره
أما بالنسبه للأعضاء الجداد اللي بيدخلوا بس مش بيشاركوا خالص دي أكيد ظاهره لمشكله عندنا إحنا مش قادرين نكتشفها لإن زي ما ندى قالت طالما بيدخلوا يبقى عرفوا المنتدى وعايزين يشاركوا فيه.... ليه بقى مش بيشاركوا بعد لما يشتركوا ده هنحاول نعرف سببه في أجازة نص السنه إن شاء الله
وشكرا لكل الأعضاء اللي موجودين في الفتره الأخيره وشكرا ليك يا فامبير على الموضوع

هو كل الناس قالت علشان الامتحانات بس الحوار ده من قبل كده بكتييير
ده يمكن دلوقتى فى الامتحانات الناس اكتر
و كويس ان الناس اخيرا ردت فى موضوع
و ردت فى موضوعين تانيين كمان
اشوفكم كل يوم ان شاء الله

السلام عليكم
يمكن فعلا مش الامتحانات
لان ناس كتير بطلت تدخل بقالها فترة كبيره وانا منهم
بس
يمكن عشان زهقت
احنا هنا ماشي بتكلم وبتناقش
بس
مفيش شيئ مفيد بطلع بيه
حتي مناقاشات مش مترتبه
اخبار كليه بعرفها قبل كده
مفيش شيئ مميز
وانا مش بقول كده نقد والله
انا هنا من زمان

بس دي حقيقه
مجرد مكان للدردشه
ويمكن وجه نظري غلط وياريت تتطلع غلط
بس ده راي
ويارب يرجع منتدي يفيدنا تاني

بس كده اول الخيط
فى سبب زهق و مفيش شى مميز
طيب ايه الشئ المميز اللى ممكن نعمله ؟؟؟؟؟؟؟
الناس تقول علشان يتعمل
و شكرا ليكى على البدايه

يعني ممكن نعمل حملات خيريه فعليه مش مجرد كلام
ممكن نعمل شيئ للتضامن مع غزة
بشيئ فعلي
ممكن نتفق علي درس واحد نشوفه ونتناقش ممكن نطبقه ازا
ممكن حاجات كتير بس مش حاسه ممكن يبقي في اقبال فعلي عليها

كلنا بحب برنامج مني شازلي ليه منتفرجش ونتكلم علي اللي بيحصل فيه
كده
احس ان فيه ترابط
مش مجرد كلمه كتبتها وخلاص
ولا موضوع نزلته
او يمكن ابقي حاسه ان كلامي هينفع اللي قدامي مش اسمي كتبت
انا حاولت اساعد الناس علي النت ومنتدي ساعة ماكنت تبع الادمن
بس لاقين اني بساعد اكتر وانا قدامهم اني بعرف اتكلم مع مين وافيد مين وافهم اللي قدامي صح
هنا مش كده او يمكن النت مش كده

وانا حاليا بدخل عشان اتفقنا وحيد في دفعه بس

(zamzam) كتب:

يعني ممكن نعمل حملات خيريه فعليه مش مجرد كلام
ممكن نعمل شيئ للتضامن مع غزة
بشيئ فعلي
ممكن نتفق علي درس واحد نشوفه ونتناقش ممكن نطبقه ازا
ممكن حاجات كتير بس مش حاسه ممكن يبقي في اقبال فعلي عليها

طيب ليه يا زمزم ما الحاجات اللي انتي بتقوليها دي كلها كويسه وجميله ليه حاسه إنه مش هيبقى فيه إقبال عليها
جربي تقترحيها وإن شاء الله تلاقي الأقبال ومفيش موضوع كويس مش بينجح بس المهم الوقت المناسب ده من وجهة نظري
انا فاكر لما عملنا مسابة النشاط الأبداعي وكانت كويسه انا عارف إن ساعتها مشتركش غير عدد محدود وخلي العدد ده في سرك بس المسابقه كانت ناجحه وإيمان خدت وسام الأبداع ساعتها



كلنا بحب برنامج مني شازلي ليه منتفرجش ونتكلم علي اللي بيحصل فيه
كده
احس ان فيه ترابط
مش مجرد كلمه كتبتها وخلاص
ولا موضوع نزلته
او يمكن ابقي حاسه ان كلامي هينفع اللي قدامي مش اسمي كتبت
انا حاولت اساعد الناس علي النت ومنتدي ساعة ماكنت تبع الادمن
بس لاقين اني بساعد اكتر وانا قدامهم اني بعرف اتكلم مع مين وافيد مين وافهم اللي قدامي صح
هنا مش كده او يمكن النت مش كده

وانا حاليا بدخل عشان اتفقنا وحيد في دفعه بس

ليه كده
حاااااااااااااولي تطرحي افكارك دي بجد هي جميله جدا وخلينا نشتغل عليهم بعد الأمتحانات إن شاء الله
وصدقيني هتلاقي صدى ليها واكيد أولهم فامبير اللي عامل الموضوع وانا وناس كتير تانيه
عارفه حد جاي يمشي في طريق لقاه من بعيد مسدود قام سابه
جربي تمشي في الطريق من تاني ممكن تلاقي كوبري يعدي السد ده أو تلاقي نفق تعدي منه
فاهمه قصدي
في ناس عايزه الشغل ده وانا منهم
الحمد لله إحنا نجحنا في عمل ندوه كويسه ورحله يعني بس المنتدى لسه مش قوي كفايه
وعايزينه يبقى جامد لان ده الوجهه بتاعتنا

فكره حلوه
i am in

ما شاء الله ..بوبه حبيبتى بدات تتكلم تانى و تقل افكارها الجميلة

بس فعلا على راي محمد مجدى ليه متوقعه عدم وجود اقبال

بالعكس انا حاسه ان اى موضوع فيه تفاعل بيبقى ليه اقبال شديد بالذات لو فى وقت مناسب

و بعدين تقلقوش انا مستعديه املالكوا اى موضوع و اشغلهولكوا ان شاء الله

اما الافكار التانيه غير المنتدى فيااااا ريت نرجع نعمل حاجات تانى

بصراحة السنه دى سنة نايمين ففييييها اوى

هى الندوة بس تقريبا اللى طلعنا بيها ..و لا حتى رحله و لامرة واحدة جمعنا تبرعات ..حتى الصدقه الجاريه بطلوا يلموها

عايزين نرجع نفوق تانى و نعمل كل الكلام دة

مجلتنا مش هو عدد و خلاص انتهينا عايزين نعمل مجله و حتى لو مش فى الكليه نخليها على النت و ننشرها من خلال الجروبات و الفيس بوك ..و فى مجلات ناجحة جدااا على النت بس زى بص و طل

و لو قدرنا فى الجامعه خيير اوى ( و على فكرة مجله الحائط بيتوافق عليها عادى عندنا واحد فى ادارة اتوافقله انه يعملها فى مدرجنا بس معملوهاش حتى الان )

المهم نسعى و نرجع نشاطنا تانى

مشكلتنا اننا اتفرقنا و ناس كتير بعدت

انتى يا بوبه لو رجعتى انا متاكدة ان كوميرس هيعلى جامد باذن الله

لو كلنا اتجمعنا فعلا و بقى همننا اننا نعمل حاجة اكيييييد اكييييد هنعمل

و محدش يياس و لا يقول مفيش فايدة

انا بجد مبسوطة اوى اىو ان الحمد لله نص ادارة بيذاكروا من محاضرات كوميرس

هما يمكن مبيشاركوش بس بياخدوها بيقولولى فى الكليه او بيصوروها منى و الحمد لله النشاط دة بجد شغال كويس و فى ناس كمان ساعدتنى فيه و مكنوش معانا زى رامى اللى رفع محاضرات اقتصاديات الادارة كلها تقريبا و محمد رفاعى كان بيحاول ينشرهم اكتر ..

فالنشاط شغال الى حد ما كويس الحمد لله و الشكر لله

ليه ميتعملش فى محاسبة برضه ؟؟ و مش صعبه خالص دة اى واحد بيكتب محاضرات يقدر يقوم بالنشاط دة

و الرحلات ليه منعملش تانى رححلات مفيده و كويسه و نروح عن نفسسنا شوية و الدفعه تتالف اكتر


و انشطة كتييير بقى

عايزين بس نرجع نشد حيلنا و الحماس يعلى

طبعا بعد الامتحانات نبا شغل بس المهم مش عايزين نوووم تانى
اوك




و يا ريت بس خلال فترة الامتحاانات دى نحاول نعمل حاجة عشانن مش محتاجة انتظار و هى اننا نحاول نجمع تبرعات لغزة باذن الله

يا ريت كل واحد يحاول فى مجموعته يشوف ناس و يجمعوا تبرعات عشان بجد نبقى عملنا شىء ايجابى تجاههم

سلااام عليييكم و رحمة الله و بركاته

ادعولى و ادعوا لكل المسلمين

كويس انك فتحتى الموضوع ده يا زمزم

عموما هوضح رأيى اكتر ان شاء الله بعد الامتحانات بس مبدئيا انا بقترح ان يبقى فى اجتماع للاداره

والمشرفين فى الاجازه نناقش فيه القضايا والمشاكل المطروحه ,مش لازم كلنا نحضر على الاقل

معظمنا. وان شاء الله نحاول نلاقى اجابات على اسئله كتير والناس تتوحد وتتحفز من تانى وننطلق

من جديد

يا جماعة اسمحولي اقول كام جملة بسيطة


اولا أحيي كل المشاركين


ثانيا أحيي كل من طرح افكار وكل من يخاف علي كيان كوميرس


ثالثا احنا اتكلمنا كتير واجتمعنا كتير وخططنا كتير ، بس يا تري ايه التغيير

التغيير كان في الهيكل التنظيمي للمنتدي واللي يعتبر ما كانش له نتائج ملموسة قوية

واللي اضافه شئ لا يذكر


رابعا احنا بنسأل علي الناس ليه مش بتشارك ومش بتدخل ، وزمزم ربنا يكرمها قالت ان السبب في الملل وعدم الاستفادة ، واعضاء تانيين ( اسف مش متذكر اصحاب المشاركات ) ربنا يكرمهم قالوا ان الناس الجديدة دول احنا مش عارفين ايه اللي يرضيهم



دول الـ4 نقاط

الحل بقي علي النقطتين الاخيرتين



بالنسبة للاجتماع الكتير والكلام الكتير وفي الاخر ما فيش جدوي حقيقية

فانا عايز اسأل فين الناس مسئولي الانشطة في كوميرس؟ ما شوفتش غير صبري اللي عمل الندوة طبعا بمساعدة ناس كتير من كوميرس

جميل جدا ربنا يكرمهم كلهم


لكن هل نقف لحد هنا بس؟ وهل انشطة كوميرس كلها تتوقف عالنشاط الثقافي؟

لذلك انا بقول يا ريت الناس تقترح الافكار وتبدأ تنفذها قدوة بـ محمد مجدي صبري

بس ما ننساش اننا نقوم بالتنسيق مع باقي الناس في الادارة من "اللحظة الاولي"

بدل ما نقعد نقترح ونستني لما ننفذ ، اللي عنده حاجة يحضرلها كويس وينفذ ويقولنا انه هيعمل كذا



بالنسبة للمشكلة التانية وهي عدم الجدوي من المنتدي والناس الجديدة والناس القديمة


فبما اننا نعتبر امام حالة عدم معرفة بالطلب للسوق

باعتبار ان كوميرس هو السوق وما يحويه من مشاركات وانشطة هو الطلب


فلذلك انا اقترح اننا نزود من انشطتنا وافعالنا

يعني لو الطلب نصف العرض ، واحنا عايزين نضاعف الطلب ، يبقي علينا مضاعفة العرض


يبقي علينا اننا نعرض حاجات كتير

والعرض هنا مش مقصود بيه مواضيع في المنتدي فقط ، بل ندوات ورحلات وانشطة خيرية وتعليمية وما ننساش جروب كوميرس كمان




وده كلامي وربنا يكرمك يا رب

اولا حمد الله على السلامة

ثانيا ..ايه الظلم دة ..ليه النشاط الثقافى بس .. النشاط الدراسى الحمد لله قايم بدوره و ياخد عليه امتياز بقى

و الدليل ادخل على قسم ادارة و هتشوف المحاضرات موجود اغلبها الى جانب ملخصات ..و موضوعات لاى حد عايز استفسار و بيتم الرد عليه خلال اقل من 24 ساعه

دة غير محاضرات د حسين اللى فى ايد نص الدفعه و اكتر ووصلت خدمات كوميرس لطلبة تمهيدي دكتوراه كمان بفضل الله

و ناس من بلاد عربيه مش مصر بس الحمد لله

يعني كوميرس دراسيا شغال ما شاء الله كويس ..و الناس الى بتدخل جديدة بتدخل عشان تاخد المحاضرات و انا بعرف دة من كلامهم معايا فى الكلية ..بس مش عاجبها الباقى بقى ليه انا مش عارفة


و ملحوظة ..كل المحاضرات تقريبا مكتوب فيها لنك كوميرس من تحت ..و تقريبا قسم ادارة كله يسمع عن كوميرس الحمد لله ..[س مش متفاعلين ليه ..هى دى المشكله

و حلها ممكن زى ما انت ما قلت تكثيف الانشطه التانيه
انا حاسة ممكن السبب انهم ميعرفوناش ..مش حاسين باللى نفسنا فيه ..مش عارفين حلمنا اللى بقاله 4 سنين تقريبا اهه
ففعلا عايزين نكثف الانشطة اللىى تقربهم مننا
يعني لو الناس دى طلعوا سوا رحله ..اكيد هياثر جداا
لو عملوا سوا اى نشاط هياثر اوى اوى

و احنا كدة كدة مش هدفنا شوية مشاركات فى المنتدى
احنا هدفنا الدفعه تتجمع على الخير فى اى شىء مش لازم نت بس ..دة النت مرحله مبدئية لتعاون اكبر و شغل اكتر

عموما الكلام فى الاجازة بقى ان شاء الله

و معلش لو رخمت بس صعب عليا انكار النشاط الدراسى

و بصراحة كان نفسي يبقى احلى من كدة بس هما اللى مش متفاعلين بقى اعمل ايه ..ألحمد لله على كل شىء بس انا مش حاسة بتقصير الحمد لله

سلااام عليكم و رحمة الله و بركاته