رسالة و بس

ربنا يكرمك و رسالة فعلا من اجمل الحاجات اللى موجودة دلوقتى و اللى لما الواحد يشوفهم لازم يقول لسه الدنيا بخيييييييييييييييييييييييييييييييييييييييييييير

ربنا يكرم كل اللى فيها و اللى بيساعدهم و يخلي يبقى فى حاجات كتيرة حلوة كدة ذيهم

أنا قبل كدة روحت في توزيع الملابس كنا في ميت عقبة
كان يوم حلو واتمنيت يتكرر لكن الصراحة قصرت في إني أكمل
لأني مكنتش أعرف الأنشطة فعلاً أنا كنت عايز أعرف عن كذا نقطقة بالتفصيل شوية
زي 1و 3 و 11 و12 و 13
شرح بسيط بيكون دورنا فيه إيه بس؟
شكراً وجزاك الله خيراً
وربنا يوفق الجميع

hanzala كتب:

أنا قبل كدة روحت في توزيع الملابس كنا في ميت عقبة
كان يوم حلو واتمنيت يتكرر لكن الصراحة قصرت في إني أكمل
لأني مكنتش أعرف الأنشطة فعلاً أنا كنت عايز أعرف عن كذا نقطقة بالتفصيل شوية
زي 1و 3 و 11 و12 و 13
شرح بسيط بيكون دورنا فيه إيه بس؟
شكراً وجزاك الله خيراً
وربنا يوفق الجميع

أولا شكرا يا خليفه على الموضوع ده وربنا يجعله في ميزان حسناتك
وبالنسبه يا حنظله على الأنشطه اللي إنت بتسأل عنها:
النشاط الأول بيبقى عباره عن أختيارك لطفل يتيم تكون زي أخوه وتروح الدار تزوره كل فتره وتبقى معاه زي أخوه كده والهدف من النشطا ده إن الأيتام يحسوا إن ليهم عيله حقيقيه من حولهم بس تقريبا خلوا اللي يشارك في النشاط ده يكون سنه ميقلش عن 21 سنه

النشاط الثالث :
دروس التقويه لو إنت شايف في نفسك القدره على شرح ماده معينه للطلبه مثلا دار رساله عندها ستنر تعليمي ممكن تبقى موجود معانا فيه بحيث إنك تشرح ماده معينه مثلا إنت بتحبها وتقدر تفهما للتلاميذ وهكذا

النشاط الحادي عشر:
معارض الدعايا هي معارض بتعملها الدار هدفها الرئيسي هو التعريف بالدار والدعايا ليه وبتعمل ده عن طريق بيع منتجات العائد منها لصالح أيتام الدار والمعارض دي بتنزل في الشركات والنوادي وأماكن كتير بنتفق معاهم
وده النشاط اللي خليفه مشترك فيه وانا كمان وحلاوته في إلى جانب طبعا الثواب من مشاركتك فيه إنك بتشتغل في التسويق والدعايا زإنك ناس بتيجي تسألك وتقولك إيه ده فتشرح ليهم وتعرفهم بالدار وتتعمال مع فئات مختلفه من البشر وخلافه

النشاط الثاني عشر:
إعادة التصنيع انا معرفش في النشاط ده معلومات كتير بس رساله بتقوم بجمع الورق زي ورق الكتب القديمه والجرايد والمجلات وفي مصنع بيعملها إعادة تصنيع والعائد من الكلام ده لصالح أيتام الدار بس هجبلك معلومات أكتر عن الموضوع ده

النشاط الثالث عشر:
الورشه الفنيه: ودي للناس اللي بيقدروا يعملوا شغل يدوي كويس زي المشغولات والأعقاد للبنات والغوايش ولاحاجات دي وبتتباع في معارض خاصه بيها وأحيانا بتبقى مع معاضر الدعايا


أتمنى أكون قدرت أفيدك
ومستنيينك عن قريب في رساله "متعة العطاء"

السلام عليكم اشكر اميع على المرور و اتمنى ان اللى لسة ما اشتركش فى رسالة ينزل النهارده يروح اقرب فرع لية و اللى كان بيسأل اعتقد ان محمد استاذنا رد و رده كان كافى و لو محتاج تفصيل اكتر اسأل و او اقولك حاجة احلى تعالى ننزل الدار على طول

khalifa كتب:

السلام عليكم اشكر اميع على المرور و اتمنى ان اللى لسة ما اشتركش فى رسالة ينزل النهارده يروح اقرب فرع لية و اللى كان بيسأل اعتقد ان محمد استاذنا رد و رده كان كافى و لو محتاج تفصيل اكتر اسأل و او اقولك حاجة احلى تعالى ننزل الدار على طول

ياباشا ربنا يكرمك وكتر خيرك عن الموضوع
ولو في أي استفسار من اي عضو عن رساله أحسن شباب متطوعين منورنا هنا ع المنتدى

طب كويس أوي .. ربنا يكرمكوا كلكوا ويارب أقدر أنضم قريب
عاجبني جداً موضوع إعادة التصنيع علشان فائتده الكبيرة لأني بحب الأنواع دي من المشاريع المفيدة للبلد ... وكمان حكاية التدريس دي بعتقد إني بعرف أفهم .. أو على الأقل هحاول إن شاء الله
موضوع الأخ الكبير معنديش مانع لكن معتقدش إني أقدر أكون القدوة دي .. حاسس إنها مسئولية إني أثر في طفل لسة هياخد طباعي لكن إن شاء الله لما أتواجد يمكن ربنا يقدرني
قريب جداً أروح عايز أقابلكوا وعلى الأقل في يوم كدة نتجمع ونروح تفرجوني على الطبيعة وهحاول أنسق بحيث إني عايز لما أدخل أستمر ... مش يبقى كام مرة وبعد كدة الظروف تمنعني
يارب قدرني .. ويارب يوفقكوا كلكوا

ربنا يجعلنا من الخيريين

جزاكى الله خيرا واثابكى ونفع بكى

السلام عليكم ورحمته الله وبركاته
انا كنت عايزه أقولك ياجماعه انه بجد المكان هناك رااااااائع سواء فى المعامله او الانشطه المختلفه اللى بتناسب ظروف كل شخص ......... انا روحت كتير اماكن بتقدم خدمات للمجتمع بس رساله عندها كل شىء بنظام ........ وطبعاً احنا عارفين انى النظام هو سبب نجاح اى مكان عن أخر.......... واحلى نشاط انا شخصياً جربته وفى رمضان بالذات هو القوافل بجد كنا بنعمل شغل جامد اووووى ........... وجزاك الله خيراً على طرحك لهذا الموضوع .

نورت يا ياسر باشا
وانا معاك زي ما قلتلك

ههههههههه
نفس الرد اللي في المشاركة السابقه اللي قبل مشاركتك على طول
---------
استنى انت بس وانا هديك الوقت المناسب زي ما اتفقنا وتعرض الموضوع عشان الناس تعرف هما هيشاركوا في ايه الأول وبعدين يقولوا موافقين ولا مش هيقدروا
فأصبر لحد يوم الأحد إن شاء الله وابقى شوف بعدها ردود الأفعال وإن شاء الله تكون كويسة ومبشرة

بسم الله الرحمن الرحيم


كويس

ربنا يكرمنا جميعا لفعل الخير و ميرسي يا خليفه علي التوعيه دي

فعلا


معاكي حق


انا نزلت 3 مرات معارض



وكانوا حلوين خصوصا الاخير

تماااااااااام جدا

وبصراحه هو كل نشاط في رساله ممتع جدا وبيبقى ليه مذاق خاص

عشان كده رساله هي .... متعة العطااء

متعه العطااء الكلمه مش سهله

ومحدش يحس بيها الا اللى حس بمتعه العطاء

اللى ادى حد محتاج وهو فرحااااااااااااااااااااان انه بيعطى

والعطاء مش فلوس وتبرعات وبس

العطاء عطاء بالوقت والمجهود كمان

وهما دول المتعه اللى بجد

المتعه لما تشوف شاب شايل شوال تقييل لوحده علشان الناس الفقيره تلبس هدوم العييد

المتعه انك تشوف بنت واقفه على رجلها يوم كامل بتفرز فى الهدوم وهى صايمه

وتيجى يوم الكساء تشتغل زى البياعه بالضبط بس من غير فلوس

(ده مش تقليل لشغلانته البياع او البياعه) وتتحمل الناس باختلافهم

وما تزعلش حد وتصبر عليهم ابتغاء وجه ربنا وبسسس

المتعه انك تشوف بنات واقفين يفرزوا اسابيع متواصله وفى هدوم بتبقى ريحتها صعبه جدا

والتراب ممكن يأثر عليهم ومع ذلك ما رموش الهدوم ولا وقفوا الشغل لا جابوا كمامات

وكملوا واستحملوا كتيير وايام من غير نوم علشان يشوفوا طفل فرحان بهدوم العييد

متعه انك تشوف شاب يقعد اربع تيام بره بيتهم فى مكان الفرز من غير نوم

لدرجه انه يغمى عليه ويروح المستشفى ويرجع من المستشفى على الكسااء

وراجع ومكان الكنله مكان المحاليل لسه فى ايده وعمال يساعد فى تجميع

هدوم الكسااء بعد انتهاءه ويروح اول يوم العيد زياره لدار المسنين ودار الايتام

الناس دى لو عايز تشوفها تروح لرســــــــــــــــــــــــــــــــــــــــــــاله