أيهما الأصعب...

أيهما أصعب خيانه الحبيب أو خيانه الصديق((للنقاش الجاد))
الصداقة او الصديق
- إن الصداقة من أثمن العلاقات وأعمقها، بل هي حلقة الوصل في جميع علاقاتنا مع من حولنا.
فالصداقة في معناها الحقيقي القرب لا البعد، الحب لا الكراهية، الصدق لا الكذب والنفاق. فهذه هي علامات الصداقة إذا ظهرت عليك أو علي شخص تعتمد عليه وتحس أنك قريب منه ستكون صديق وفي بجد:
- الصديق الحقيقي هو الذي لا يجامل أو أن تنتهي علاقته معك لمجرد اختلاف في وجهات النظر أو جدال أو(وهذه اللى أنا بكرها قوى)لما تكون هناك ميزة أو فرصة آتية لك أو رزق ساقه الله إليك ويحسدك عليه أو يحاول أن يقتنصه منك أو قبلك .

- الصديق الحقيقي هو الذي يمكنك أن تبكي أمامه، وتتبلل كتفاه من دموعك.

- الصديق الحقيقي هو الذي يقدم حلولاً ً لمشاكلك، لا التحدث فيها وإثارتها.

- الصديق الحقيقي هو الذي يساعدك ويشاركك في كل موقف عندما تكون سعيداً أو حزيناً ولا يكتفي بموقف المتفرج.


اما الحب او الحبيب

الحبيب
ذلك الشخص الذي تكون بالنسبة له الفرق ما بين الحياة والموت
ويتقبلك كما انت
يرى أسوء عيوبك اجملها لديه
ذلك الشخص الذي يشعر انه ليس بهذا الكون سواك
انت هو و هو انت يرى نفسه فيك و ترى نفسك أنت فيه

قلب واحد ...ذات واحده
و الحب رمز
للإخلاص و الوفاء
التضحية و العهد والوعد ......

فأيهما بنظرك اصعب ؟
(محتاج تعريفات أخرى للصديق و للحبيب وأيضا مواقف توضح الفرق بينهما )و هذا من باب المشاركة وربنا يستر!!

هى الخيانه عموما من صديق او من حبيب
بس الصديق اصعب لانه معاك على طول و من زمن اما الحبيب ممكن متكونش اتعلقت به اوووووى و هيبقى عادى و ممكن تنساه على عكس الصديق فى وشك على طول و لما تقول صديق بتتكلم على واحد على الاقل عشت معاه 3 او 4 سنين

و الله اللى اعرفه ان الصديق عادى هو الصديق بكل معانيه الجميلة جدااااا..اما التانى فهو الزوج او الزوجة .. و ة زى تعريفك كدة ليه و بيكون هو المفروض اقرب صديق ..حتى فى القران الكريم بيشار الى الزوجة بالصاحبة ( يوم يفرّ المرء من أخيه * و أمه و أبيه * و صاحبته و بنيه * لكل امرء منهم يومئذ شأن يغنيه *)



فاعتقد الحالة التانية اصعب لانها اكن فيها الحاجتين

تقريبا نفس مضمون كلام ندي
ان طبيعي ترتيب بيختلف لما حد بيرتبط بيبقي هوا اهم من صديق
وبالتالي
الاهم تم مهم

صحب الخيانة فى حد ذاتها كمضمون

بس اعتقد الصديق اصعب

لكن الحبيب يتعوض خاصة اليومين دول

أنا طول عمري كنت بقول كدة
كنت دايماً بقول إن الصديق .. اللي ينطبق عليه معنى كلمة صديق هو الأهم لأن أي حد تاني يتعوض .. و الحبيبة أو شريكة الحياة لو فعلاً هي النصيب الصحيح يبقى مش هتعمل كدة ولا هتفكر .. يبقى مفيش خوف منها لكن الصديق !!
عموماً محدش يضمن حاجة في الآخر هي نفس ... أي حد ممكن يعمل حاجات مش متخيل إنه كان ممكن يعملها .. لأن النفوس ضعيفة إلا من رحم ربي
اللهم قوي نفوسنا
بس أظن دلوقتي تفكيري اتغير بعد م بقى العكس وإني لقيت كتييييييير من أصدقائي بحس من ناحيتهم بالخيانة حتى لو مش بمعناها الحرفي لكن بمعنى الغدر أو النسيان أو غيره
بقيت بقول إن الحبيبة هي الأهم دلوقتي وطبعاً لما تيجي من ناحيتها تبقى أصعب بكتييييييييييييييير

حبيب :- يعني شخص بيحبني
صديق :- اما بيحبني او بيكهرهني

يبقى الخيانة من الحبيب

لأن بالنسبالي الصديق متوقع منه الخيانة لكن الحبيب لأ زي ما وضحت انا في اول كلامي

وده وجهة نظري وانا بحترم وجهات نظركم

لأ عجبتني والله عندك حق ... بس أنا مش متوقع من اللي ممكن أحبها إن يحصل منها كدة ... يعني عمري م هشك فيها ... لكن مش هنفي إحتمال إن لو حصل هتكون العواقب أكثر من وخيمة

كلامك يا مصطفى غلط تمام

صديق :- اما بيحبني او بيكهرهني
لالالالا دى مشفتهاش خالص
طيب صديق بيكرهك اززززززززززززززاى
ممكن زميل يكره انما مش صديق او صاحب

على العموم ده رأيي

مصطفى حسنى قال زى جملتى و استشهد بنفس الايه ..فرحت اوى

آه .. والله أنا كنت عايز أكتب كدة امبارح بس نسيت لما مسمعتهاش في الإعادة لأني اتفرجت على الاعادة لحد نصها علشان شوفت نصها التاني بعد عمرو خالد
على العموم دي حاجة كويسة ... تنفعي داعية إن شاء الله
ربنا يكرمك ويوفقك
اللهم ارزق رجال المسلمين الزوجات الصالحات وارزق المسلمات الأزواج الصالحين

الصدق متوقع منه اخيانة فمش هتبقى صدمة
لكن الحبيب مش متوقع منه الخيانة لذلك هتبقى خيانته صدمة

اللهم ارحمني من أصدقائي أما أعدائي فأنا كفيل بهم

وفيه حاجة بتقول اختار الصديق او الرفيق قبل الطريق

ومش قال اختار الحبيب

بالمفهوم الواسع هتلاقوا الاتنين واحد

مصطفى كتب:

اللهم ارحمني من أصدقائي أما أعدائي فأنا كفيل بهم

الجملة دي مش كويس إنها تتقال
كان مرة الشيخ خالد الجندي قال عليها حتى لو على سبيل الهزار إنها مش كويس إنها تتقال يعني بيبقى فيها إساءة أدب مع ربنا علشان كأننا بنقسم يعني اللي هو كأنك بتقول خد انت دول وأنا هاخد دول
أو يارب خلي عليك أصدقائي .. وعليا أعدائي ... النهاية إن حتى الجملة مش كويسة لأنك بتحسس الناس إن أعداءك هتعرف تتصرف معاهم أكتر من أصدقاءك ... (منش عارف إنت متضايق من أصدقاءك أوي كدة ليه؟ )



أنا دلوقتي فهمت إن مهما كان الصديق ممكن يتشغل عنك ... لكن الحبيب أكيد لأ
من خلال التجارب من ناحية الأصدقاء ... ربنا يستر من ناحية الأحباء

اه صح ..متهيالى الجمله مش صح

هو احنا نقدر نعمل اى حاجة اصلا ..كل شىء ربنا سبحانه و تعالى اللى بيكرمنا و نعمله

ربنا يكرمك على انك خلتنا ناخد بالنا

فعلا الدعاء ده فيه سوء أدب مع الله

أستغفر الله العظيم من كل ذنب عظيم

اللهم ارحمني من اصدقائي واعدائي
اللهم ارحمني فإنك أرحم الراحمين

امين يارب
جميعا يارب

هما الاتنين اصعب من بعض بصراحة

بس الاصعب ان يكون حصلك الاتنين في حياتك


عموما موضوع حلو

شكرا ليك يا مصطفى ع الموضوع