العلم والادب

فيه موضوع عايز اقترحه عليكم :-

هو ماشاء الله فى اهتمام كده بالثقافه الادبيه عموما النثر والشعر والحكم والامثال والادبيات بشكل عام
وفى بقى اهمال للنواحى العلميه
هل
ده لاننا متخلفين علميا فا بنسترجع الامجاد السابقه وبنبص كتير على الماضى
والادبيات والنثريات والبكاء على الاطلال بقى وكده , يعنى بنهتم بالثقافه
الادبيه عموما وبنهمل النواحى العلميه والعمليه التانيه؟!

ياريت زى ما بنهتم بالادب والشعر نهتم بالنواحى العلميه شويه حتى على الاقل قى مجلنا

يعنى
انا مثلا عرقت مؤخرا فى التسويق ان الشركات العالميه دلوقت بتستعين
بالاطفال فى وضع الخطط التسويقيه وده لانهم ما شاء الله الاطفال بيبقى
عندهم قدره على الابداع غير عديه لانهم ماعندهمش التعاقيد الى موجوده عند
الكبار يعنى ممكن ان شاء الله الواحد يخلى ولاده يشتغلوا معاه

فاهمين قصدى يا جماعه ؟ومش معنى كده اننا نهمل النواحى الادبيه بالعكس الى مالوش ماضى مالوش حاضر بس نمشى فى الاتجاهين مع بعض

للاسف الشديد دة شىء بيحصل فعلا

و الاهتمام بالعلم التطبيقي بقى قليل اوى

متهيالى السبب هو اننا مش بنشوف

مش قصدى اتعمينا ..لكن احنا باعدين نفسنا

يعني زمان كان نلاقى علماااء كتيييير اوى فى فترة واحدة

فزى ما تقولوا العلم منتشر .. و الناس حاسة باهميته ..و فى نوع من المنااافسه اللى ادت لان كل منهم فى مجاله بيبتكر اكتر و يبدع اكتر و تلاقيه عالم فى عشرين حاجة

احنا بقى مش شايفين اصلا اللى ننافسه (طبعا مش فى كل المجالات )..بس المجالات اللى احنا متاخرين فيها للاسف مش هنلاقى عندنا حد نقتدى بيه

يعني بجد احنا جيل مفتقد القدوة

و الدليل ان لما بيطلع انسان كويس فى شىء بنبدا نلاقى امثله كويسة مشابهة ليه

زى مثلا أ - عمرو خالد ..كتير اقتدوا بيه فى المجال الدينى و الحمد لله بنشوف نماذج كويسة جداا زى مصطفى حسنى و معز مسعود و غيرهم كتير

برضه التنمية البشرية لما لقينا واحد مصرى عالمى زى دكتور ابراهيم الفقى لقينا كتير اقتدوا بمجاله و بداوا يشتغلوا فيه و بقوا محاضرين مميزين جداا

و هكذا

يبقى مشكلتنا اننا عايزين شخصيات مبادرة ..تبدا تخوض فى مجالات جديدة ..فغيرهم يقتدوا بيهم و تحصل نهضه شاملة باذن الله

يعني ايه رايكوا مثلا كل واحد فينا الى جانب اى مجال هو بيحبه و شغال عليه يحاول يشوف اى حاجة و لو صغيرة جدااا جديدة يقدمها

و غيره يقلده

اننا نقلد مش عيب .. بس هنبقى احلى لو خلينا الناس تقلدنا فى شىء كويس

دى وجهة نظرى

سلاااااااااام عليكم و رحمة الله و بركاته

السلام عليكم
فعلاً الموضوع مهم
وطيقة استخدام الأطفال دي معروفة برة جداً ... حتى بتحصل في شركات لعب الأطفال والتسويق ليها فيه فيلم لتوم هانكس إسمه BIG بيتكلم عن حاجة شبه كدة إنه أصلاً كان طفل واتمنى أمنية في لعبة إنه يكبر علطول ولما كبر راح يشتغل في شركة علشان يعرف يجيب فلوس يرجع بيها للعبة ويعرف يتمنى إنه يرجع تاني طفل لكنه اشتغل في شركة لعب أطفال وبقى أنجح واحد فيها علشان هو طفل وعارف إهتمامات الأطفال عاملة إزاي
و زي م قالت ندى إننا عايزين القدوة ... أو مثل نقتدي بيه وحد يبدأ لأننا طول عمرنا كدة مسنيين اللي يبدأ والعياذ بالله زي فكرة (المخلِّص) لكن فعلاً ده بيحصل زي (هو فين صلاح الدين اللي يحرر القدس تاني؟ و فين محمد علي يحكم مصر ويخليها أحسن من أمريكا؟ ) فين ؟ وفين؟ ومحدش بيدأ كله بيتهم التاني ... محدش بيبدأ بنفسه ... معظمنا على الأقل علشان منتهمش حد بالباطل ... زي في المدرسة لما الأستاذ يطلعنا علشان بنتكلم نقوم نقول هو أنا لوحدي اللي بتكلم م كذا بيتكلم وكذا بيضحك ... طب م نخلينا في نفسنا ... الحمد لله بطلت الحكاية دي من زمان وبقى عندي شجاعة أدبية ( معلش متنفعش تبقى علمية هنا) وبعترف بخطئي لو غلطت
المهم يارب كل واحد مننا يكون قدوة في مجاله ويبدأ والناس تمشي وراه .. بس محدش يقول إشمعنى هو اللي بدأ ... م كان من زمان ومحدش راضي يبدأ
ربنا يهدي الجميع ويكرمهم
جزاك الله خيراً على الموضوع
شكراً وآسف للإطالة ولإسلوبي لو كان وحش

ليه يا عم فيه ايه
وشكلك يا ندى كده بتلمحى لحاجه فى كلامك والله اعلم
هوا انا عندى تعليق على الى قلتوه بس النتيجه عملالى وش فى دماغى فانطمن بس وبعد كده نكمل كلامنا ان شاء الله دعاوتكوا بقى....

موضوع جميل وعندك حق في الموضوع ده
بس عموما كثقافة في مصر احنا على طول بتمسك بالماضي بشكل مبالغ فيه والحاجات اللي فاتت
ومش بنبص لقدام أكتر ما بنبكي على اللي فات والدليل لعى ده جنب الأدب موضوع مشهوووور جدا.........(إحنا حضارة ال7000 سنه) إنت عايز ايه تاني
الموضوع ده بيستفزني جدا كل كلامنا يبقى عن الفراعنه والعالم بيتقدم من حوالينا واحنا لسه ماسكين في الفراعنه والمستفز في الموضوع إن إحنا بنفتخر بماضينا وباقي الدول الغربيه المتقدمه دلوقتي واللي كان معندهمش ماضي تقريبا او مضايهم أسود بقوا أفضل مننا دلوقتي
احنا بنمجد الماضي والناس التانيه بتصنع المستقبل وعمرنا ما هنتقدم بالشكل ده
احنا عندنا المقومات والظروف الإقتصاديه الكويسه بس احنا عالمين زي منصة إطلاق صواريخ
صاروخ التنميه جاهز بس لما جه طلع قام طالع بالمنصه اللي هي بتمثل الماضي بتاعنا
والأدب وعلاقته بالماضي وطيده طبعا لكن في الفتره الأخيره الحمد لله بقى فيه نظره مستقبليه شويه تعكس امل ودراسه للحاضر وإن شاء الله نحو مستقبل أفضل والأدب الموجود هو أدب الحاضر مش بكاء على الأطلال والحاجات القديمه دي هي مش وحشه ولا حاجه ودي بتمثل الحضاره بس إحنا لو بنبص لقدام هنركز على الجانبين الأدب والعلم وشكرا على الموضوع مره تانيه

هو انا برضه مش عارفه اركز اوى علشلن النتيجة

بس هكون بلمح لايه ؟

ندى كتب:

للاسف الشديد دة شىء بيحصل فعلا

و الاهتمام بالعلم التطبيقي بقى قليل اوى

متهيالى السبب هو اننا مش بنشوف

مش قصدى اتعمينا ..لكن احنا باعدين نفسنا

يعني زمان كان نلاقى علماااء كتيييير اوى فى فترة واحدة

فزى ما تقولوا العلم منتشر .. و الناس حاسة باهميته ..و فى نوع من المنااافسه اللى ادت لان كل منهم فى مجاله بيبتكر اكتر و يبدع اكتر و تلاقيه عالم فى عشرين حاجة

احنا بقى مش شايفين اصلا اللى ننافسه (طبعا مش فى كل المجالات )..بس المجالات اللى احنا متاخرين فيها للاسف مش هنلاقى عندنا حد نقتدى بيه

يعني بجد احنا جيل مفتقد القدوة

و الدليل ان لما بيطلع انسان كويس فى شىء بنبدا نلاقى امثله كويسة مشابهة ليه

زى مثلا أ - عمرو خالد ..كتير اقتدوا بيه فى المجال الدينى و الحمد لله بنشوف نماذج كويسة جداا زى مصطفى حسنى و معز مسعود و غيرهم كتير

برضه التنمية البشرية لما لقينا واحد مصرى عالمى زى دكتور ابراهيم الفقى لقينا كتير اقتدوا بمجاله و بداوا يشتغلوا فيه و بقوا محاضرين مميزين جداا

و هكذا

يبقى مشكلتنا اننا عايزين شخصيات مبادرة ..تبدا تخوض فى مجالات جديدة ..فغيرهم يقتدوا بيهم و تحصل نهضه شاملة باذن الله

يعني ايه رايكوا مثلا كل واحد فينا الى جانب اى مجال هو بيحبه و شغال عليه يحاول يشوف اى حاجة و لو صغيرة جدااا جديدة يقدمها

و غيره يقلده

اننا نقلد مش عيب .. بس هنبقى احلى لو خلينا الناس تقلدنا فى شىء كويس

دى وجهة نظرى

سلاااااااااام عليكم و رحمة الله و بركاته

خلاص خلينا قعدين منعملش حاجه ونعد نرغى على المنتدى وندعى لبعض لخد ما ربنا يرزقنا بحد كده ابن حلال ويكون كويس نمشى وراه

ولا ايه

لا طبعا نتحرك و نبدا ..حتى لو هنقلد ..بس برضه نحاول نبتكر
و اكيد لازم نبدا

لااازم

قومى يلا يا ندى ابدئى

فكرة الموضوع وطرحه رائعة


معاك حق يا محمد العارف



بس المهم اننا نعمل


يا ريت نبقي القدوة زي ما اتقال

فعلا مشكلتنا المبادرة والمثل الاعلي والقدوة

معلش حاجة برة الموضوع
انت عارف ان محمد هو ترافيلر و لا لأ